வாக்காளர் பட்டியல் ஜூலையில் திருத்தம்...
சென்னை: விடுபட்ட வாக்காளர்களின் பெயர்களை சேர்க்கவும், தவறுகளை நீக்கவும், ஜூலை, 1 முதல், 31 வரை, சிறப்பு பணி மேற்கொள்ள, தேர்தல் கமிஷன் உத்தரவிட்டு உள்ளது.
எந்த வாக்காளரும் விடுபட்டு விடக்கூடாது என்ற அடிப்படையில், இந்தப் பணி மேற்கொள்ளப்பட உள்ளது. குறிப்பாக, 18 - 19 வயது வாக்காளர்களை சேர்க்க, இவ்வாய்ப்பை பயன்படுத்த வேண்டும் என, தேர்தல் கமிஷன் உத்தரவிட்டுள்ளது. இந்த சிறப்புப் பணியின் போது, வாக்காளர் பதிவு அதிகாரிகளின் அலுவலகங்களில், படிவங்களை சமர்ப்பிக்கலாம். தபால் மூலமாகவும், படிவங்களை அனுப்பலாம். www.elections.tn.gov.in என்ற இணையதளம் மற்றும் இ - சேவை மையங்கள் மூலம், இணைய வழியில் விண்ணப்பிக்கலாம். ஜூலை, 9 மற்றும், 23ம் தேதி, வாக்காளர் சிறப்பு முகாம் நடைபெறும்.
அந்த நாட்களில், அனைத்து ஓட்டுச்சாவடிகளிலும், பூர்த்தி செய்யப்பட்ட படிவங்கள் பெறப்படும்.இந்த சிறப்பு பணியின் போது, இறந்தவர்களின் பெயர், வாக்காளர் பட்டியலில் இருந்து நீக்கப்படும். இறப்பு பதிவு செய்யப்பட்ட விபரம், உள்ளாட்சி அலுவலகங்களில் இருந்து பெறப்பட்டு, அதன் அடிப்படையில், இப்பணி மேற்கொள்ளப்படும் என, தமிழக தலைமை தேர்தல் அதிகாரி, ராஜேஷ் லக்கானி தெரிவித்து உள்ளார்.
