EMIS நவம்பர் மாத சிறார் திரைப்படம்...

 நவம்பர் மாதம் சிறார் திரைப்படம் (TOP 10) movie link

👇👇👇

CLIK HEARE. 

https://ddx6ukbne05nx.cloudfront.net/dashboard

*******************************************

  *English-1,2,3*

இரண்டாம் பருவம்   நாளைய (19.12.2023) தேர்வுக்கான வினாத் தாள்களை டவுன்லோட் செய்யும் Exam Link 

*English -1,2,3* வகுப்புக்களுக்கான வினா தாள்களை

தற்போது டவுன்லோட் செய்யலாம் 

இரண்டாம் பருவம் வினா தாள்களை டவுன்லோட் செய்யும் Exam Link

9-ஆம் வகுப்பு வினாத்தாள்

மதியம் 2 மணி முதல் டவுன்லோட் செய்யலாம்.

🔗 அதற்கான நேரடி லிங்க் Clik heare 

👇👇👇👇👇👇👇👇👇

Click here to view the direct. Link

******************-*******************************

8TH SCIENCE POWER POINTS

 

8Th Science Power point -Tamil Medium

1 அளவீட்டியல்	Download
2 விசையும் அழுத்தமும்	Download
3 ஒளியியல்	Download
4 வெப்பம்	Download
5 மின்னியல்	Download
6 ஒலியியல்	Download
7 காந்தவியல்	Download
8 அண்டம் மற்றும் விண்வெளி அறிவியல்	Download
9 நம்மைச் சுற்றியுள்ள பருப்பொருள்கள்	Download
10 நம்மைச்சுற்றி நிகழும் மாற்றங்கள்	Download
11 காற்று	Download
12 அணு அமைப்பு	Download
13 நீர்	Download
14 அமிலங்கள் மற்றும் காரங்கள்	Download
15 அன்றாட வாழ்வில் வேதியியல்	Download
16 நுண்ணுயிரிகள்	Download
17 தாவர உலகம்	Download
18 உயிரினங்களின் ஒருங்கமைவு	Download
19 விலங்குகளின் இயக்கம்	Download
20 வளரிளம் பருவமடைதல்	Download
21 பயிர்ப் பெருக்கம் மற்றும் மேலாண்மை	Download
22 தாவரங்கள் மற்றும் விலங்குகளைப் பாதுகாத்தல்	Download
23 லிப்ரே ஆபீஸ் கால்க்	Download

பெற்றோரை இழந்த குழந்தைகளுக்கு மாதம் ரூ 4000 /வழங்கும் மிஷன் வாத்சல்யா (Mission Vatsalya ) திட்டம்- விண்ணப்பம் ,படிப்புச்சான்று விண்ணப்பத்துடன் இணைக்க வேண்டிய ஆவணங்கள் ( Mission Vatsalya Scheme Which Provides Rs 4000 Per month to children who have lost their parents - Application Bonafide Certificate Documents to be attached with application )

 பெற்றோரை இழந்த குழந்தைகளுக்கு மாதம் ரூ.4000 வழங்கும் மிஷன் வாத்சல்யா (Mission Vatsalya) திட்டம் - விண்ணப்பம், படிப்புச் சான்று, விண்ணப்பத்துடன் இணைக்க வேண்டிய ஆவணங்கள்*

### விண்ணப்பம் ( APPLICATION)

### படிப்புச்சான்று ( BONAFIDE. CERTIFICATE)

### விண்ணப்பத்துடன் இணைக்க வேண்டிய ஆவணங்கள் ( Documents to be attached with application. )

### பெற்றோரை இழந்த குழந்தைகளுக்கு  மாதம் ரூ 4000 வழங்கும் மிஷன் வாத்சல்யா Mission Vatsalya)  திட்டம் குறித்த முழுமையான தகவல்கள் தமிழில்

.......................................

தாய் /தந்தை விபத்து பாம்பு கடி மரணம் ஏற்பட்டால் அவர்களின் கல்வி மற்றும் பராமரிப்பு உதவித்தொகை ரூ.75000 // திட்டத்தின் மூலம் பெற்று வழங்கப்பட்டது

தாய் /தந்தை விபத்து பாம்பு கடி மரணம் ஏற்பட்டால் அவர்களின்  கல்வி மற்றும் பராமரிப்பு உதவித்தொகை ரூ.75000 // திட்டத்தின் மூலம் பெற்று வழங்கப்பட்டது 

 அனைவருக்கும் வணக்கம் 🙏22.08.2023 ஊ.ஒ.ந.நி.பள்ளி கலத்தம்பட்டு  எங்கள் பள்ளியில் D.சந்தோஷ் 7 ஆம் வகுப்பு சென்ற ஆண்டு படித்தார் மற்றும் மகள் D.கீர்த்தனா சொக்கந்தல் PUPS. 3 ஆம் வகுப்பு படித்தார் இவர்களின் பெற்றோர் தந்தை விபத்திலும் தாய் பாம்பு கடித்தும் இறப்பு நடந்தது. அரசின் கல்வி மற்றும் பராமரிப்பு உதவித்தொகை ரூ.75000 // திட்டத்தின் மூலம் பெற்று குழந்தையின் பாதுகாவலரிடம் ஒப்படைக்கப்பட்டது. இதை பெற்று வழங்க உதவியாக இருந்த கல்வித்துறைச் சார்ந்த அனைத்து அதிகாரிகள் அலுவலர்கள் ஆசிரியபெருமக்கள் அனைவருக்கும் எங்கள் பள்ளி சார்பாக நன்றியை தெரிவித்துக்கொள்கிறோம்..   த.ஆ.உதவி ஆசிரியர்கள் மற்றும் மாணவ மாணவிகள். கலத்தம்பட்டு

E.T-THE EXTRA TERRESTRIAL ஜுலை 2023 திரைப்படம்

 

E T - The Extra Terrestrial (1982) ஜுலை 2023 திரைப்படம் - Direct Download Link

July 20, 2023

 

Click Here  - E T - The Extra Terrestrial (1982) ஜுலை மாதம்  திரைப்படம் - Direct Download Link

SHWAAS (2004)-சிறார் திரைப்படம் - பள்ளிகளில் திரையிடப்பட வேண்டிய திரைப்படம்.

 

ஷ்வாஸ்'-மராத்திய திரைப்படம்

                      ஒரு வயதான கிராமவாசி (விச்சாரே) தனது 8 வயது பேரன் பரசுராமை (பார்ஷ்யா என்றும் அழைக்கப்படுகிறார்) புனேவில் உள்ள ஒரு மருத்துவரிடம் குழந்தையின் கண்களைக் கண்டறிய அழைத்து வருகிறார். முதல் நாளில், மருத்துவமனையில் அனுமதிக்கப்படுவதற்கு முன், வழக்கமான ஆவணங்களில் கையொப்பமிடுமாறு விசாரே கேட்கப்படுகிறார். கேட்டதில், ஏதும் தவறு நடந்தால் மருத்துவர் பொறுப்பேற்க மாட்டார் என்று அந்த ஆவணங்கள் கூறுவதை அறிந்தார். விச்சாரே, கிராமப்புற தாத்தா இந்த விதிமுறைகளை ஏற்றுக்கொள்ள முடியாததாகக் கருதுகிறார். 

                   ஆசாவாரி என்ற மருத்துவ சமூக சேவகர் விரைவாக உள்ளே வந்து விச்சாரிடம் நடைமுறையை விளக்குகிறார். டாக்டருடன் முதல் சந்திப்பின் போது அவள் அவனை அமைதிப்படுத்தி, அவர்களுடன் செல்கிறாள். ஒரு அரிய விழித்திரைப் புற்றுநோயான ரெட்டினோபிளாஸ்டோமா நோயால் பாதிக்கப்பட்ட குழந்தை என டாக்டர். சான் விரைவாகக் கண்டறிந்தார். அமெரிக்கா மற்றும் இங்கிலாந்தில் உள்ள மற்ற சக ஊழியர்களுடன் கலந்தாலோசித்த பிறகு, குழந்தையின் உயிரைக் காப்பாற்றுவதற்கான ஒரே வழி, குழந்தையை பார்வையற்றதாக மாற்றும் ஒரு அறுவை சிகிச்சை செய்வதே மருத்துவர் கண்டுபிடித்தார். விதியின்படி, மருத்துவர் இதை விளக்குகிறார் மற்றும் அறுவை சிகிச்சைக்கு முன் இதைப் பற்றி குழந்தைக்கு தெரிவிக்க வேண்டும் என்று வலியுறுத்துகிறார். இது நெறிமுறைகளுக்கு எதிரானது என்பதால் இந்த அறிவு இல்லாமல் அவரை இயக்க முடியாது. தாத்தாவையும் பேரனையும் சமாதானப்படுத்த டாக்டருக்கு உதவும் ஆசாவாரி (அம்ருதா சுபாஷ்) விசாரைக் கண்காணிக்க முயற்சிக்கிறார் மற்றும் தவறான மருந்துகளுக்கு வாக்குறுதியளிக்கும் மற்ற மருத்துவர்களுக்கு இரையாக வேண்டாம் என்று அவரை வற்புறுத்துகிறார். என்ன நடக்கப் போகிறது என்பதை விளக்குவதற்காக பார்ஷ்யாவுடன் நட்பு கொள்ள முயற்சிக்கிறாள். இருப்பினும், அவர் பார்வையற்றவராக மாறுவார் என்பதை அவருக்கு விளக்குவதில் சிரமப்படுகிறார்.

அதன்பின் தன் பேரனைக் காப்பாற்ற ஒரே வழி அவனுடைய கண்பார்வையைச் இழப்பது தான் என்ற யதார்த்தத்தை ஏற்றுக்கொள்ள தாத்தா எடுக்கும் போராட்டத்தை படம் சித்தரிக்கிறது. அவர் சூழ்நிலைக்கு வர முயற்சிக்கிறார் மற்றும் அவரது தனிப்பட்ட வேதனை காட்சிகளில் காட்டப்படுகிறது, இரண்டாவது கருத்தை எடுத்துக்கொள்வது, அவரது பேரனுக்கு யதார்த்தத்தை விளக்குவது மற்றும் அவரது பேரன் பார்வையை இழக்கும் முன் அவருக்கு சாத்தியமான அனைத்தையும் காட்ட வேண்டும் என்பது அவரது விருப்பம். சில காரணங்களால், அறுவை சிகிச்சையை ஒரு நாள் தள்ளி வைக்க நேர்கிறது. அன்று மதியம், தாத்தாவும் பேரனும் மருத்துவமனை வார்டில் இருந்து காணாமல் போனார்கள், மருத்துவமனையில் ஒரு வெறித்தனமான தேடுதல் தொடர்கிறது. அவர்கள் திரும்பி வரும்போது கோபமான அறுவை சிகிச்சை நிபுணரை எதிர்கொண்ட தாத்தா, பார்ஷ்யாவுக்கு கடைசியாக நகரத்தின் காட்சிகளைக் காட்ட விரும்புவதாக மிகவும் எளிமையாகக் கூறுகிறார்.

எதுவும் செய்ய முடியாது, உண்மை தவிர்க்க முடியாதது என்பதை தாத்தா மற்றும் பார்ஷ்யாவிடம் விளக்க மருத்துவர்கள் எதிர்கொள்ளும் சிரமத்தை சித்தரிக்கும் படமான இது மருத்துவ சகோதரத்துவத்தை விளக்குகிறது. . பர்ஷ்யா வீடு திரும்பும் கடைசி ஷாட், இருண்ட கண்ணாடி அணிந்து, படகில் இருந்து தனது குடும்பத்தினர் மற்றும் நண்பர்களை நோக்கி கை அசைத்து, திரைப்பட விமர்சகர்களால் பெரிதும் பாராட்டப்பட்டது

.

ஒரு தாத்தா தனது பேரனுக்கு பார்வையை இழக்கும் முன் உலகின் அற்புதமான விஷயங்களையும் அழகையும் காட்ட போராடும் அழகான கதை ஒருமனதாக பாராட்டப்பட்ட படம். கதையை மிக எளிமையான முறையில் அறிமுகம் செய்தவர் சந்தீப் சாவந்த். 30 நாட்களில் முடிக்கப்பட்ட குறைந்த பட்ஜெட் படம் இது. இந்த படம் ஆஸ்கார் விருதுக்கான இந்தியாவின் அதிகாரப்பூர்வ நுழைவு என்று குறிக்கப்பட்டது. சிறந்த வெளிநாட்டு மொழித் திரைப்படத்திற்கான அகாடமி விருதுகளிலும் இது ஆறாவது இடத்தைப் பிடித்தது. சிறந்த படத்துக்கான தேசிய விருதையும் பெற்றது.

சிறார் திரைப்படம் (SHWAAS) - பள்ளிகளில் திரையிடப்பட வேண்டிய திரைப்படம். 

CLICK HERE TO DOWNLOAD👇👇

101-CHODYANGAL-SCHOOL CHILDREN'S MOVIE-DIRECT LINK...

 

101 Chodyangal - School Children's Movie - Direct Link

101 Chodyangal - School Children's Movie - Direct Link - Download Here

மாணவர்களுக்கான பிப்ரவரி மாத தேன் சிட்டு இதழ்

 

Then Chittu Magazine Collections

 Then Chittu Magazine Collections

February  - Then chittu Magazine - Download here

January - Then chittu Magazine - Download here

***-**********************************

MOVIE SCREENING மல்லி திரைப்படம்..

*MOVIE SCREENING* 

 *மல்லி திரைப்படம்*

இதுவரை இத்திரைப்படத்தை திரையிடாத பள்ளிகள் 13-2-23 முதல் 17-2-23 க்குள் மாணவர்களுக்கு காண்பிக்க வேண்டும்,

இது தொடர்பான போட்டிகள் மாணவர்களுக்கு நடத்தப்பட வேண்டும் எனவும் தெரிவிக்கப்படுகிறது.

 ONLY FOR CHILDREN-Film 5 mp4

CLIK HEARE LINK DOWNLOAD 😄😄

https://drive.google.com/file/d/19hV3KHBlkbi7SUKs75MkXpW9Uu-aYGnn/view?usp=drivesdk

மல்லி படத்தின் கதை வடிவம்.

******---************************

யார் ஜெயிக்கிறார்கள் ? எப்படி ?  - அடர்ந்த காடு ஒன்று இருந்தது. அதைச் சுற்றிலும் அழகான குட்டிக் குட்டித் தீவுகள் இருந்தன. அந்தக் காட்டுக்கு ஒரு தலைவர் இருந்தார். அவர் காட்டுவாசிகளைத் தன்னுடைய சொந்தப் பிள்ளைகளைப் போலக் கண்ணும் கருத்துமாகப் பார்த்துக் கொண்டார். 

அவருக்கு வயதாகிவிட்து. அவருக்குப் பிறகு அந்த மக்களை வழி நடத்த வேறு ஒருவரை நியமிக்க முடிவு செய்தார். அந்தக் காட்டில், பரம்பரை ஆட்சி என்ற வழக்கம் கிடையாது. கடினமான போட்டிகளை நடத்தியே தலைவர்களைத் தேர்ந்தெடுப்பார்கள். எனவே, தலைவர் போட்டிகளை அறிவிக்கும்படி தன்னுடைய உதவியாளர்களுக்குக் கட்டளையிட்டார்.

 

நான்கு நாட்கள் நடந்த போட்டிகளில் இரண்டு இளைஞர்கள் தேர்ந்தெடுக்கப் பட்டனர். இருவருமே வீரத்திலும், வலிமையிலும் சிறந்தவர்களாக இருந்தனர். இருவரில் யாரைத் தேர்ந்தெடுப்பது என்ற பெரிய குழப்பம் வந்துவிட்டது. இருவரையும் நேரடியாக மோதவிட்டால், பதவி ஆசையினால் ஒருவரை ஒருவர் பலமாகத் தாக்கி அதில் ஒருவர் கொல்லப்படுவது உறுதி.

தலைவருடைய மனம் அதற்கு சம்மதிக்கவில்லை. எனவே, வேறோரு திட்டத்தை முடிவு செய்தார். 

மறுநாள் இரண்டு வீரர்களையும் அவருடைய இடத்துக்கு வரவழைத்தார்.

 "இளைஞர்களே! இதுவரை உங்களுடைய பராக்கிரமத்தால் உங்களுக்கு நிகர் யாருமில்லை என்பதை நிரூபித்து விட்டீர்கள். இப்போது நடக்கப் போவது இறுதிப் போட்டி . இதில் ஜெயிக்கும் ஒருவன்தான் தலைவனாக முடி சூட்டப்படுவான். இப்போது உங்கள் இருவருக்கும் சில ஆயுதங்களும், சமையல் பாத்திரங்களும், நம்முடைய உணவு தானியமான சோளம் ஒரு மூட்டையும் கொடுக்கப்படும். 

நம்முடைய ஆட்கள் உங்கள் இருவரையும் நம்முடைய காட்டுக்கு அருகிலிருக்கும் வெவ்வேறு தீவுகளில் படகில் கொண்டு போய் விட்டுவிட்டு வந்து விடுவார்கள். நீங்கள் உங்களிடம் இருக்கும் தானியத்தை சமைத்து சாப்பிட்டு அது தீரும்வரை காட்டிலேயே தங்கி இருக்க வேண்டும். தீர்ந்த பிறகு காற்றில் இருக்கும் மஞ்சள் மரத்தின் கிளைகளை ஒடித்துக் கடற்கரையில் வைத்துக் கொளுத்துங்கள். 

அதிலிருந்து வரும் புகையைக் கண்டவுடனேயே இங்கிருந்து படகை அனுப்பி உங்களை மீட்டுக் கொள்ளுவோம். 

உங்களில் யார், கையில் இருக்கும் தானியத்தை அதிக நாட்கள் பயன்படுத்தி அந்தத் தீவில் தாக்குப் பிடிக்கிறீர்களோ அவன்தான் தலைவனாகத் 

தேர்ந்தெடுக்கப்படுவான்" என்றார்.

மஞ்சள் மரம் என்பது அந்தக் காடுகளில் அதிகமாகக் காணப்படும் ஒரு மரம். அதை எரிக்கும் போது எழும்பும் செம்பழுப்பு நிறப் புகை நீண்ட நேரம் நிலைத்திருக்கும். 

தலைவர் சொன்ன நிபந்தனைகளை இரண்டு வீரர்களும் ஏற்றுக்கொண்டு ஆளுக்கொரு தீவுக்குப் பயணமானார்கள். பொதுவாகவே ஒவ்வொரு காட்டுவாசிக்கும் ஒரு நாளைக்கு ஒரு படி சோளம் தேவைப்படும். அந்த இளைஞர்கள் அதிகமாக உடற்பயிற்சி செய்பவர்கள் என்பதால் அவர்களுக்கு சராசரியை விட இரண்டு மடங்கு அதிகமாகத் தேவைப்படும். 

அந்தக் கணக்கின்படி பார்த்தால் ஒரு மூட்டை சோளம் அவர்களுக்கு மூன்று மாத காலம் வரும். இறைச்சித் தேவைகளுக்கு அந்தத் தீவில் கிடைக்கும் முயல்களும், மீன்களும் போதுமானதாக இருக்கும். ஆனால் சோள அடையோ, சோள சோறோ சாப்பிட்டால்தான் அவர்களுக்குப் பசி அடங்கும். 

அடுத்த இரண்டு மணி நேரத்திற்குள் ஆளுக்கொரு தீவில் விடப்பட்டார்கள். போட்டி ஆரம்பமாகிவிட்டது. இரு இளைஞர்களும் ஆளில்லாத தீவுகளில் வசிக்க ஆரம்பித்தார்கள். இரண்டு தீவுகளிலும் எங்கேனும் செம்பழுப்பு நிறப்புகை எழும்புகிறதா என்று பார்த்தபடி எந்நேரமும் படகை எடுத்துச் செல்ல ஆயத்தமாக ஆட்கள் நியமிக்கப்பட்டார்கள். 

நாட்கள் ஓடின. மூன்று மாதம் முடிந்தது. படகுக்காரர்கள் ஏதேனும் தீவிலிருந்து புகை எழும்புகிறதா என்று உன்னிப்பாக கவனித்துக் கொண்டிருந்தார்கள். ஒரு நாள் ஒரு தீவின் கடற்கரையிலிருந்து புகை எழும்பியது. உடனே ஒரு படகு புறப்பட்டுப் போய் அங்கே எலும்பும் தோலுமாக இருந்த இளைஞனை அழைத்து வந்தது. 

அவன் கரைக்கு வந்ததும் மற்றவன் இன்னும் வந்து சேரவில்லை என்பதை அறிந்து திடுக்கிட்டான். இருப்பினும் சுதாரித்துக் கொண்டு தலைவரிடம் சொன்னான், "தலைவா, எங்களுக்குக் கொடுக்கப்பட்ட சோளம் இரண்டு மாதத்திற்கு மட்டுமே போதுமானதாக இருந்தும் நான் சாமர்த்தியமாக இத்தனை நாள் தாக்குப் பிடித்திருக்கிறேன். 

அவனும் என்னைப் போலத்தாக்குப் பிடித்திருப்பான் என்ற நம்பிக்கை எனக்கு இல்லை. எனவே ஓரிரு நாட்கள் பார்த்துவிட்டு எனக்கே பதவியைக் கொடுக்க வேண்டுகிறேன் " என்றான். 

தலைவருக்கு அவன் சொன்னதைக் கேட்டு கொஞ்சம் அச்சம் உண்டாகிவிட்டது. 

இருந்தாலும் இன்னும் சிறிது நாட்கள் பொறுமையாக இருக்க முடிவு செய்தார். இன்னும் சிறிது நாட்கள் ஓடி மறைந்தன. நான்கு மாதங்கள் கழிந்து விட்டன. தலைவருக்கே சந்தேகம் வலுத்து விட்டது. தானே நேரில் சென்று பார்த்து விட முடிவு செய்தார். 

படகோட்டியை அழைத்து ஒரு படகை எடுக்கச் சொன்னார்.

இரண்டு மணி நேரத்தில் படகு அந்தத் தீவை அடைந்து விட்டது. அவனை உயிரோடு காணப் போகிறோமா அல்லது துஷ்ட மிருகங்கள் தின்று தீர்த்த எலும்புக் கூடாய்ப் பார்க்கப் போகிறோமா ? என்ற அச்சத்தில் அவருக்கு நெஞ்சு படபடத்தது.

 ஏனென்றால், தீவுகளுக்குச் சென்ற சிலர் பசியில் இறந்ததும் உண்டு. இந்தப் போட்டியை அறிவித்தது கூடத் தவறோ என்று மனம் கலங்கினார். 

கொஞ்சதூரம் காட்டுக்குள் நடந்ததுமே தான் கண்ட காட்சியில் திடுக்கிட்டுப் போனார். ஆம். அங்கே மூங்கிலாலும், ஓலைகளாலும் கட்டப்பட்ட அழகான வீடு அவர்களை வரவேற்றது. 

அதிலிருந்து அவர்கள் தேடி வந்த இளைஞன் ஓடிவந்தான். முன்னை விட நல்ல புஷ்டியாக மாறி இருந்தான். தலைவரை வணங்கி வரவேற்றான். 

"உள்ளே , வாருங்கள் தலைவா" என்று அழைத்துச் சென்று அமர வைத்தான். உள்ளே ஓடிப்போய் சூடான சோள அடையும், மீனும் கொண்டு வந்து கொடுத்தான். தலைவருக்கோ ஒன்றும் புரியவில்லை. 

"உனக்குக் கொடுக்கப் பட்ட சோளம் மூன்று மாதத்துக்குள் முடிந்திருக்குமே. நீ என்னவென்றால் அருமையான சோள அடையால் எங்களை வரவேற்கிறாய். நீயும் நன்கு சாப்பிட்டு கொழுத்திருக்கிறாய். இது எப்படி சாத்தியம் ?" என்றார்.

"கொஞ்சம் என்னோடு வாருங்கள் தலைவரே" என்று அவன் அவரை வீட்டின் பின்புறம் அழைத்துச் சென்றான். அங்கே அழகான சோளக் கொல்லை ஒன்று உருவாக்கப் பட்டிருந்தது. அவன் சொன்னான் ,

"தலைவா, நான் வந்த அன்றே எனது தானியத்திலிருந்து ஒரு பங்கை எடுத்து விதைத்து வைத்து விட்டேன். 

இரண்டு மாதங்களிலேயே அறுவடைக்குத் தயாராகிவிட்டது. நான் எந்தக் கவலையுமில்லாமல் நிறைவாக சாப்பிட்டேன். இந்த நான்கு மாதம் மட்டுமல்ல. இன்னும் எத்தனை வருடம் வேண்டுமென்றாலும் என்னால் இங்கே சந்தோஷமாய் வாழ முடியும்" என்றான்.

தலைவர் அவனைக் கட்டி அணைத்துக் கொண்டார். 

"நீ தடுமாறிப் போவாய் என்று எண்ணி இந்தப் போட்டியை வைத்தேன். நீயோ உன் அறிவாலும், உழைப்பாலும் என்னைத் திணறடித்து விட்டாய். காட்டுக்கு ஒரு நல்ல தலைவனைக் கொடுத்த கடவுளுக்கு நன்றி" என்றார். 

கையில் கொடுக்கப்பட்டதைத் திட்டமிட்டுப் பெருக்கிக் கொள்ளுகிறவர்களே ஜெயிக்கிறார்கள். அது பொருளாக இருந்தாலும், வாழ்க்கையானாலும், நேரமானாலும்.

******************************************************************************

PEER Group Learning - மாணவர்களே சக மாணவர்களுக்கு கற்பிக்க ஊக்கவிப்போம்

 PEER Group Learning - மாணவர்களே சக மாணவர்களுக்கு கற்பிக்க ஊக்கவிப்போம்

ஆறாம் வகுப்புக்கு மேல், குறிப்பாக ஒன்பதாம் வகுப்புக்கு மேலான வளரிளம் பருவத்தினர் (adolescents) குறித்த பிரச்சினைகள் இன்று விடையற்ற கேள்விகளாக நம் முன் நிற்கின்றன. இந்தச் சிறார்கள் வன்முறை, போதைப் பழக்கம், ஆன்லைன் கேமிங் போன்ற சூதாட்டங்களிலும், வேறு பல சுய அழிவு/சமூக விரோதச் செயல்களிலும் ஈடுபட்டுத் தங்களை இழந்து வருகிறார்கள். கல்வி நிலையங்கள், சமூகம், பெற்றோர் செய்வதறியாது திகைத்து நிற்கிறார்கள்.

வளரிளம் பருவத்தினரைச் சமூக மேம்பாட்டுச் (socially constructive) செயல்களில் ஈடுபடவைப்பது அவர்களுக்குப் பொறுப்பையும் முதிர்ச்சியையும் அளிக்கும். அத்தகைய ஈடுபாடுகள், அவர்களைப் பேயாய்ப் பிடித்தாட்டும் நுகர்பொருள் கலாச்சார மோகம், பகட்டு உலகின் பளபளப்பு, பிறர் மீதான பொறாமை, சுய பச்சாதாபம் போன்றவற்றிலிருந்து காத்து, பொறுப்புடைய மனிதர்களாக்கும். அதற்கான ஒரு திட்டத்தை முன்வைக்க விரும்புகிறேன்.

 

வாசிக்கும் தமிழகம்: பள்ளிகளில் வளரிளம் பருவத்து மாணவர், 10 வயதுக்கு மேற்பட்டவர்கள், மற்ற மாணவர்களுக்கு வாசிக்கக் கற்றுத் தருவதுதான்அந்தத் திட்டம். தொடக்கக் கல்வி வகுப்பு மாணவருக்கு நன்கு வாசிக்கத் தெரிந்த நடுநிலை வகுப்பு மாணவரோ, உயர், மேல்நிலை வகுப்பு மாணவரோ, அதே வகுப்பில் வாசிக்கத் தெரிந்த சக மாணவரோ யார் வேண்டுமானாலும் கற்பிக்கலாம். தங்களைவிட வயதில் / வாசிக்கும் திறன் குறைந்த மாணவர்களுக்குக் கற்பிக்கும் பணி வளரிளம் பருவத்து மாணவருக்கு மிகுந்த பொறுப்பு, பெருமை, நிறைவு, மகிழ்ச்சியை அளிக்கும். அவர்களது வாழ்விற்கு அர்த்தமும் அளிக்கும்.

ஆசிரியரிடமிருந்து கற்பதைவிட மற்ற குழந்தைகளிடமிருந்து, தங்கள் வயதே உடைய, அல்லது வயதில் சிறிது மூத்த குழந்தைகளிடமிருந்து, சிறப்பாகவும் ஆர்வத்துடனும் குழந்தைகள் கற்கின்றனர் என்பது உலகெங்கும் நிரூபிக்கப்பட்ட ஒன்று. ஆகவே இத்திட்டம் கற்பிக்கும் வளரிளம் பருவக் குழந்தைகளுக்கு மட்டுமல்லாமல் அவர்களிடமிருந்து கற்கும் குழந்தைகளுக்கும் பெரும் பலனளிக்கும்.

 

திட்ட வடிவம்:

# தமிழ்நாட்டின் அனைத்து அரசு, அரசு உதவிபெறும் பள்ளிகளிலும் ஒரே சமயத்தில் இதை அறிமுகப்படுத்தலாம்.

 

# அனைத்துப் பள்ளிகளிலும் 6 – 12 வகுப்பு மாணவர்களில் நன்கு வாசிக்கும் திறன் கொண்ட மாணவரை ஆசிரியர் இனம்காண வேண்டும்.

# அவ்வாறு அறியப்பட்ட மாணவர்களில், மற்ற மாணவருக்குக் கற்பிக்கும் விருப்பமுடைய மாணவருக்குத் தலைமை ஆசிரியர் / ஆசிரியர் அழைப்பு விடுக்கலாம். இந்தப் பணியின் பெருமையையும் பலனையும் விளக்க வேண்டும்.

# திட்டம் வாரம் இரண்டு நாட்கள் நடைபெறும்.

# ஒவ்வொரு ஆசிரிய-மாணவருக்கும் வயதில் சிறிய வகுப்பு மாணவர் 10-15 பேருக்குக் கற்பிக்கும் பொறுப்பை அளிக்கலாம்.

# சிறப்பாகப் பணிபுரிந்து, பல மாணவர்களுக்கு வாசிக்கும் திறனை மேம்படுத்திய மாணவ-ஆசிரியர்களுக்கு அங்கீகாரம், பாராட்டு, சான்றிதழ் போன்றவற்றை அளிக்கலாம்.

# இந்தச் செயல்பாடு பள்ளி நேரத்திற்குப் பிறகே நடைபெறும்.

# மாணவ-ஆசிரியர், மாணவர் இருவரும் பள்ளிக்கு அருகில் இருக்கும் ஊர்/ தெருக்களில் வசிப்பவராதலால், பள்ளி நேரத்திற்குப் பிறகு இந்த வகுப்புகளுக்கு வருவதில் சிரமம் இருக்காது. தற்போது ‘இல்லம் தேடிக் கல்வி’ வகுப்புகள்போல் நடத்தலாம்.

# வகுப்புகள் பள்ளி வளாகத்தில் நடைபெற வேண்டும். பள்ளி வளாகம் மாணவரின் திறன் வளர்க்கப் பயன்படுத்தப்பட வேண்டும். பள்ளி சமுதாயத்தின் சொத்து என்பது அனைவராலும் உணரப்பட வேண்டும்.

# மாணவ-ஆசிரியர், மாணவர் இருவரும் பள்ளி நேரத்திற்குப் பிறகு, சிறிது நேரம் வீட்டிற்குச் சென்றுவிட்டு, பிறகு இந்த செயல்பாட்டுக்கு வரலாம்.

# 1-5 வரை மட்டும் வகுப்புகள் கொண்ட பள்ளிகளில் கற்பிப்பதற்கான உயர் வகுப்பு மாணவர் இல்லையாதலால், அவர்களுக்கு அருகிலிருக்கும் நடு / உயர் / மேல் நிலைப் பள்ளி மாணவர், அருகில் இருக்கும் ஊர்களைச் சேர்ந்தவர்கள் கற்பிக்கலாம்.

# மாணவரின் வயதிற்கு ஏற்ற புத்தகங்களைப் பள்ளி நூலகங்களில் இருந்து ஆசிரியர் / நூலகர் தேர்ந்தெடுத்து, இந்த செயல்பாட்டுக்கு அளிக்கலாம். அதற்கு உரிய தகுதியும் பொறுப்பும் ஆசிரியருக்கு நிச்சயம் உண்டு. அத்துடன், இன்று பள்ளிக் கல்வித் துறை ஒரு பெரும் முயற்சியைச் செய்திருக்கிறது. அனைத்து அரசுப் பள்ளிகளிலும் நூலகங்களில் இருக்கும் புத்தகங்கள் பட்டியலிடப்பட்டு, கணினியில் ஏற்றப்பட்டு, துறையின் தலைமை அலுவலகத்துடன் இணைக்கப்பட்டிருக்கின்றன. துறை அலுவலகத்திலிருந்தே எந்தப் புத்தகம், எந்த நூலகத்திலிருக்கிறது, யாருக்குக் கொடுக்கப்பட்டிருக்கிறது என்பதை அறிந்துகொள்ள இயலும்.

# திட்டம் முழுதும் பள்ளி மேலாண்மைக் குழுவின் பொறுப்பில் / மேற்பார்வையில் நடைபெறும். இன்றைய தமிழக அரசின் முக்கிய முன்னெடுப்பு பெற்றோர், உள்ளாட்சிகள் இணைந்த, பொறுப்பும் அதிகாரமும் கொண்ட பள்ளி மேலாண்மைக் குழுக்கள் உருவாக்கப்பட்டு இயங்கிவருவது. தங்கள் குடும்பத்து இளைஞர்கள் சீரழியாமல் காப்பதில் பெற்றோரும் ஊர் மக்களும் அன்றி, யாருக்கு அதிக அக்கறை இருக்க முடியும்?

# மேலாண்மைக் குழு உறுப்பினர் வாரம் இரண்டு நாட்கள் பொறுப்பினைப் பகிர்ந்துகொண்டோ, அல்லது குழுவின் கல்வியாளர், அவ்வூரைச் சேர்ந்த ‘இல்லம் தேடிக் கல்வி’த் தன்னார்வலர் கண்காணிப்பிலோ திட்டம் நடைபெறும். நூலகரும் விருப்பமுடைய ஆசிரியரும் பங்கேற்றால் கூடுதல் நலம்.

# இந்தத் திட்டத்தால் அரசுக்கு எந்தக் கூடுதல் நிதிச் சுமையும் இல்லை. கற்கும் மாணவர், கற்பிக்கும் மாணவர், கண்காணிக்கும் மேலாண்மைக் குழுவினர் அனைவரும் பள்ளியையோ, அருகமைப் பகுதிகளையோ சேர்ந்தவர். புத்தகங்கள் பள்ளி நூலகம் அல்லது ஊர் நூலகத்தைச் சேர்ந்தவை. செலவு இல்லை. வரவோ அளப்பரியது. தமிழ்நாட்டின் பல லட்சம் மாணவர்கள் - இளைஞர்கள் அழிவிலிருந்து மீட்கப்பட்டு, ஒளிபடைத்த எதிர்காலம் காண்பர். குழந்தைகள் கற்றல் திறன்பெறுவர். - வே.வசந்தி தேவி கல்வியாளர் , முன்னாள் துணை வேந்தர்

******************************************

சிறார் திரைப்படம் - The Red Balloon - மாணவர்களுக்கு கூற கதையின் சுருக்கம் தமிழில்

 

சிறார் திரைப்படம்: அனைத்து நடுநிலை, உயர்நிலை, மேல் நிலைப் பள்ளிகளில் ஒளிபரப்ப வேண்டிய திரைப்படம் - THE RED BALLOON

GOOGLE DRIVE LINK👇

https://drive.google.com/file/d/1-6zeHEtmIk32cwgi1ZkbUa2DjsMw8LJU/view?usp=drivesdk

*The Red Balloon*

குழந்தைகள் நேசம் செலுத்தும் பட்டியலில் ஐந்தறிவோ ஆறறிவோ கொண்ட உயிர்கள் மட்டுமல்ல. உயிரற்ற பொருட்களும் கூட அடங்கும். அவ்வகையில் உலகம் முழுக்க குழந்தைகளுக்கு பிரியமான விளையாட்டுப் பொருட்களின் பட்டியலில் பலூன் தவிர்க்க முடியாத ஒன்று. திருவிழா சமயங்களில் அவர்கள் கையில் இருக்கும் பலூன் வெடிக்காமல் வீடு வந்து சேர்ந்தால் அது தான் அவர்களின் அன்றைய பெரிய சாதனையாக இருக்கும். அப்படிப்பட்ட பலூன், குழந்தைகளின் சொல் பேச்சை கேட்கவும் துவங்கினால் அது எத்தனை வேடிக்கையாக இருக்கும். இப்படிபட்ட சில கற்பனையான, சுவாரசியமான காட்சிகளுடன் உருவாக்கப்பட்ட குழந்தைகளுக்கான படம்தான் 1956 ஆம் ஆண்டு வெளியான தி ரெட் பலூன்…

*The Red Balloon (1956)*

ஆறுவயது சிறுவன் பாஸ்கல், பள்ளி செல்லும்போது உயரே தெருஓர தூணில் பறந்து கொண்டிருக்கும் காற்றடைத்த சிவப்புநிற பலூனை பார்க்கிறான். தூணில் ஏறி பலூனை விடுவித்துக் கொண்டு பலூனை கைப்பற்றும் அவன், கையிலிருக்கும் பலூனுடன் பேருந்தில் ஏற முயலும் போது நடத்துநர் “பலூனுக்கெல்லாம் பஸ்ஸில் இடமில்லை” என்பது போல மறுத்துவிடுகிறார்.

அதனால் ஒரு கையில் புத்தகப் பையினையும் ஒரு கையில் சிவப்பு பலூனையும் பிடித்துக் கொண்டே பள்ளிக்கு ஓடுகிறான். பள்ளிக்குள் பலூனுடன் செல்ல அனுமதி மறுக்கப்படுவதால் பள்ளி ஊழியர் ஒருவரிடம் பலூனை ஒப்படைத்துவிட்டு வகுப்பிற்கு செல்லும் அவன் வீடு திரும்பும் போது அதனை பெற்றுக் கொள்கிறான். இப்படி அந்த சிவப்பு பலூன் அவனது தினசரி வாழ்வில் ஒரு அங்கமாக மாறிப் போகிறது....

மழை பொழியும் சாலையில் குடை பிடித்துச் செல்லும் ஒருவரிடம் தஞ்சம் கேட்டு குடைக்குள் அந்த பலூனை மழையில் நனையாமல் பாதுகாப்பாக எடுத்துச் செல்கிறான். வீடு வந்ததும் முதல் மாடியில் இருக்கும் பால்கனியில் பலூனை சுதந்திரமாக பறக்கவிட்டு தூங்கச் செல்கிறான். அந்த பலூன் உயிர் பெற்றுவிட்டது போல அவனை விட்டு எங்கும் போகாமல் அங்கேயே இருக்கிறது.

மறுநாள் காலையில், பள்ளிக்கு கிளம்பும் பாஸ்கலை, காற்றில் மிதந்தபடியே பின்தொடர்ந்து வருகிறது அந்த சிவப்பு பலூன். வழியில் ஒரு மூலையில் அச்சிறுவன் ஒளிந்து கொள்ள பலூன் அவனை தேடி கண்டுபிடிக்கிறது. அதன் பின் அந்த பலூன் ஒளிந்து கொள்ள பாஸ்கல் அதைத் தேடுகிறான். இப்படி பலூனும் பாஸ்கலும் கண்ணாமூச்சி ஆடுகிறார்கள்...

பலூனுக்கு தான் பஸ்ஸில் அனுமதி இல்லையே. எனவே பாஸ்கல் மட்டும் பேருந்தில் ஏறிக்கொள்ள, பலூன் படுவேகமாக அந்த பேருந்தை பின் தொடர்கிறது. பாஸ்கலை தவிர, மற்ற மனிதர்களுக்கு இந்த காட்சி ஆச்சரியமூட்டுகிறது. குழந்தைகளை பொருத்தவரை பலூன் தங்களிடம் பேசத் துவங்கினால் கூட ஆச்சர்யப்படமாட்டார்கள், காரணம் எந்த ஒரு விளையாட்டுப் பொருளும் அவர்கள் கைபட்டதும் உயிர் பெற்றுவிடுகிறது. பாஸ்கலின் பலூனுக்கு அவன் மீது பெரிய பிரியம் தான். மற்றவர்கள் யாராவது பலூனை பிடிக்க முயன்றால் கைக்கு எட்டாமல் பறந்துவிடும். பாஸ்கல் கூப்பிட்டால் எங்கிருந்தாலும் பறந்து வந்து அவன் முன் ஆஜராகிவிடும்...

சாலையில் எதிரே நடந்து வரும் சிறுமி ஒருத்தி நீலநிற பலூனோடு செல்கிறாள். உடனே பாஸ்கலின் சிவப்பு நிற பலூன் அந்த பலூனை பின் தொடர ஆரம்பித்துவிடுகிறது. பாஸ்கல் தன்னுடையதை எடுத்துக் கொண்டு செல்கிறான். உடனே நீலநிற பலூன் சிறுமியின் கையிலிருந்து விடுபட்டு சிவப்பு பலூனை பின் தொடந்து வர சிறுமி ஓடி வந்து தன் பலூனை பெற்று செல்ல என காட்சிகள் மிக குஷியாக குழந்தைகளை மகிழ்விக்கிறது. சிவப்பு நீலத்தையும் நீலம் சிவப்பையும் பின் தொடர வேண்டியது காலத்தின் தேவை அல்லவா..?

இந்நிலையில் உயிர் கொண்டு பறக்கும் பாஸ்கலின் சிவப்பு பலூன் மீது மற்ற சிறுவர்களுக்கு பொறாமை ஏற்படுகிறது. அந்த பலூனை கையில் பிடித்துக் கொண்டு ஓடும் பாஸ்கலை அவர்கள் ஒரு குழுவாக இணைந்து துரத்துகிறார்கள். பாஸ்கலும் அவனது பலூனும் அவர்களுக்கு போக்கு காட்டி ஓடுகின்றன. ஒரு கட்டத்தில் குறும்புக்கார சிறுவன் ஒருவன் உண்டி வில்லால் பலூனை அடித்துவிட காயம்பட்ட பலூன் காற்றை இழந்து தரையில் மயங்கி விழுகிறது. சிறுவர்கள் குஷியில் குதிக்கிறார்கள். கொஞ்சம் காற்றை தேக்கிக் கொண்டு உயிருக்கு போராடிக் கொண்டிருந்த அந்த பலூனை ஒரு சிறுவன் காலால் மிதித்து உடைத்து அதை முற்றிலும் சிதைத்து விடுகிறான்...

தனது பலூனுக்கு நடந்த விபரீத முடிவை பார்த்து பெரும் சோகத்தோடு உடைந்த பலூனின் அருகே அமர்ந்திருக்கிறான் பாஸ்கல். அவ்வூரில் இருந்த மற்ற பலூன்கள் எல்லாம் துக்கம் விசாரிக்க வருவது போலவும், பாஸ்கலின் சோகத்தை ஈடு செய்ய நினைப்பது போலவும் வானில் படையெடுத்து பறந்து வருகின்றன...

ஹீலியம் நிரப்பப்பட்ட வானவில் கூட்டம் போல நூற்றுக்கணக்கான வண்ண பலூன்கள் வீடுகளின் சன்னல்கள், பலூன் கடைகள், சாலைகள் என நகரின் பல பகுதிகளில் இருந்தும் பாஸ்கலிடம் பறந்து வந்து சேர்கின்றன. பாஸ்கல் அவைகளில் கட்டப்படிருக்கும் கயிறுகளை பிடித்துக் கொள்கிறான். அந்த பலூன்கள் அவனை உயரே தூக்கிக் கொண்டு பறப்பதோடு படம் முடிகிறது. அந்த காட்சி வண்ண தேவதைகள் ஒன்று கூடி ஒரு சிறு குருவியை கவர்ந்து செல்வது போல இருந்தது...

1956ல் வெளியான பிரெஞ்சு நாட்டுத் திரைப்படமான இதை இயக்குநர் ’ஆல்பர்ட் லாம்ரோஸ்’ இயக்கினார். பாஸ்கலாக நடித்த சிறுவனான பாஸ்கல் லாம்ரோஸ், இப்படத்தின் இயக்குநர் ஆல்பர்ட் லாம்ரோஸின் சொந்த மகன். புகைப்படக்கலைஞராக தன் வாழ்வை துவங்கிய இயக்குனர் 40-களின் பிற்பகுதியில் திரைப்படங்களை இயக்கத் துவங்கினார். 1978-ல் வெளியான “தி லவ்வர்ஸ் விண்ட்” என்ற ஈரானிய ஆவணப் படத்தை இயக்கியபோது நடந்த ஹெலிகாப்டர் விபத்தில் ஆல்பர்ட் லாம்ரோஸ் இறந்து போனார். அவரது இறப்புக்கு பிறகும் கூட அவர் எழுதி வைத்திருந்த குறிப்புகளை அடிப்படையாகக் கொண்டு அப்படம் முழுமையாக எடுத்து முடிக்கப்பட்டது. அது மட்டுமின்றி 51-வது ஆஸ்கர் விழாவில் “தி லவ்வர்ஸ் விண்ட்” ஆவணப்படம் கலந்து கொண்டது...

இப்போது இருக்கும் நவீன கிராபிக்ஸ் தொழில் நுட்பத்துடன் எடுக்கப்பட்ட படம் போல பிரம்மிக்க வைக்கும் பலூன் காட்சிகளைக் கொண்ட ’தி ரெட்பலூன்’ கேன்ஸ் திரைப்பட விழா, ஆஸ்கர் விருது, பிரிட்டீஸ் அகாடமி ஆப்ஃ பிலிம் அண்ட் டெலிவிசன் ஆர்ட் விருது, நேஷனல் போர்ட் ஆஃப் ரிவ்யூ விருது என குழந்தைகள் கை நிறைய சாக்லேட் அள்ளுவதைப் போல விருதுகளை அள்ளியது. இன்றும் குழந்தைகள் திரைப்பட விழாவில் பலூன் சூடிய மன்னனாக பறந்து கொண்டிருக்கும் ’தி ரெட் பலூன்’ திரைப்படத்தை அவசியம் உங்கள் வீட்டு சுட்டிகளுக்கு காண்பியுங்கள்.

நம் நினைவில் மிதக்கும் பலூன்களில் பால்யத்தின் வாசனையல்லவா நிரம்பியிருக்கிறது.