தமிழகத்தில் மருத்துவக் கலந்தாய்வு ஜூலை 3ஆம் வாரம் தொடக்கம்.

தமிழகத்தில் மருத்துவக் கலந்தாய்வு ஜூலை 3ஆம் வாரம் தொடக்கம்.

மருத்துவப்படிப்பிற்கான நீட் தேர்வு முடிவுகள் வெளியாகியுள்ள நிலையில் தமிழகத்தில் மருத்துவக் கலந்தாய்வு வரும் ஜூலை 3ஆம் வாரத்தில் தொடங்க வாய்ப்புள்ளதாக தமிழக சுகாதாரத்துறை அறிவித்துள்ளது. 

அகில இந்திய மருத்துவக் கலந்தாய்வு முடிந்த பின்னரே தமிழகத்தில் மாநில மருத்துவக் கலந்தாய்வு தொடங்கப்படும், ஒரு வாரத்தில் இதற்கான விண்ணப்பங்கள் விநியோகிக்கப்படும் என்று தெரிவித்துள்ளது.

எல்லாப் பள்ளிகளிலும் கருத்துச் சுதந்திரப் பெட்டி இருக்கணும்....

எல்லாப் பள்ளிகளிலும் கருத்துச் சுதந்திரப் பெட்டி இருக்கணும்....

"உங்க பொண்ணை நம்ம ஸ்கூல் டாய்லெட்டைப் பயன்படுத்த சொல்வீங்களா சார்?" - ஆசிரியருக்கு மாணவியின் கேள்வி!

கற்றல் என்பது உரையாடல்களில் இருந்துதான் தொடங்குகிறது என்பார்கள். ஆனால், நமது கல்விச் சூழல், ஆசிரியர் கூறுவதை மாணவர்கள் கேட்கும்விதமாவே உள்ளது. இது, ஒரு வழிப்பாதை போன்றது அல்லவா. மாணவர்கள், தங்கள் கருத்துகளைப் பகிர்ந்துகொள்ளும் இடமாகப் பள்ளிக்கூடம் இருந்தால்தான் மகிழ்ச்சியோடு கற்பார்கள். 

பள்ளி என்பது மாணவர்கள் கல்வி கற்கும் இடம் மட்டுமல்ல; ஆசிரியர் எனும் வழிகாட்டியை, நண்பர்கள் எனும் பெரும் உறவைப் பெறும் இடமும்கூட. ஆசிரியர் வழிகாட்டியாக இருப்பதோடு, தோழமையுடன் நடந்துகொண்டால், பள்ளியைவிட இனிமையான இடம் வேறு என்ன இருக்கப்போகிறது? ஆனால், ஆயிரம் ஆசிரியர்களில் தோழமையோடு பழகும் ஆசிரியர்கள் மிகச் சொற்பமானவர்களே. அவர்களில் ஒருவர்தான், மணிமாறன்.

திருவாரூர் மாவட்டம், மேல ராதாநல்லூர் ஊராட்சி ஒன்றிய நடுநிலைப் பள்ளியின் ஆசிரியர். இந்தப் பள்ளியில் மாணவர்களின் கருத்துகளை அறிந்துகொள்ள ஒரு பெட்டி இருக்கிறது. அதைப் பற்றிய பேச்சுடன் ஆரம்பித்தார் மணிமாறன்.

"மாணவர்கள் நினைத்தவற்றை ஆசிரியர்களுடன் பகிர்ந்துகொள்ளும் சூழல் வேண்டும். அதற்கான தொடக்கப்புள்ளியே இந்தக் கருத்துச் சுதந்திரப் பெட்டி. 'மனித உரிமைக் கல்வி நிறுவனம்' நடத்திய பயிற்சி ஒன்றில் பங்கேற்றபோது இந்தத் திட்டத்தை அறிமுகப்படுத்தினார்கள். பல பள்ளிகளிலும் இருக்கும் வழக்கமான புகார் பெட்டி போன்றதல்ல. இது, தங்கள் உணர்வுகளை மாணவர்கள் பகிர்ந்துகொள்ளும் பெட்டி. பள்ளிக்குள் தனக்கு ஏற்படும் மகிழ்ச்சி, அவமானம், சோகம், பள்ளியின் குறைபாடு, ஆசிரியர் பற்றி என எதுவாக இருந்தாலும் இந்தப் பெட்டியில் எழுதிப் போடலாம். தன் அடையாளம் இல்லாமலும் கடிதங்களைப் போடலாம். இதை மனித உரிமைக் கல்வி நிறுவனத்தில் பயிற்சிபெற்றதால் நான் மட்டுமே திறக்கலாம். இதில் இடப்படும் கருத்துகளை எவ்வாறு எதிர்கொள்வது எனப் பயிற்சி பெற்றிருக்கிறேன். அதில், முக்கியமான சிலவற்றைச் சொல்கிறேன்.

பெட்டியிலிருந்து எடுக்கப்படும் கடிதத்திலுள்ள கருத்துகளை விருப்பு, வெறுப்பின்றி அணுக வேண்டும், யார் எழுதியிருப்பார் என்கிற ஆராய்ச்சி கூடாது. எழுதியவரின் அடையாளம் தெரிந்தாலும், பொதுவெளியில் காட்டிக்கொள்ளக் கூடாது. கடிதம் எழுதியவரைத் தனிமைப்படுத்தக் கூடாது. சமூக நோக்கத்துடன் அந்தக் கருத்தை அலச வேண்டும். அந்தக் கடிதத்தை சக ஆசிரியர்களிடம் காண்பிக்கக் கூடாது. தேவையெனில் எழுதியிருக்கும் கருத்துக் குறித்து விவாதிக்கலாம். எழுதப்பட்டிருக்கும் பிரச்னைக்கு ஏற்றவாறு நடவடிக்கை எடுக்க வேண்டும். இந்தப் பெட்டியில் வந்த கருத்துகள் என்னையே செதுக்கிக்கொள்ளவும் பயன்படுகிறது.

உதாரணமாக, எங்கள் பள்ளிக் கழிவறை உடைந்து சரியான பராமரிப்பின்றி இருந்தது. அது குறித்து நானும் அக்கறையின்றி இருந்தேன். ஒரு நாள் இந்தப் பெட்டியில் ஒரு கடிதம் இருந்தது. 'சார், நம்ம ஸ்கூல் டாய்லெட் ரொம்ப மோசமாக இருக்கு. அதைப் பயன்படுத்தவே பயமாவும் அருவெறுப்பாகவும் இருக்கு. அதை நீங்க கவனிச்சு இருக்கீங்களா? உங்க பொண்ணை அந்த டாய்லெட்டைப் பயன்படுத்த விடுவீங்களா? அதனால், ஸ்கூல் டாய்லெட்டை சரி பண்ணிக்கொடுங்க ப்ளீஸ். - இப்படிக்கு கீழ்படித்த மாணவி' என்று எழுதியிருந்தது. அதைப் படிச்சதும் பெரும் அதிர்ச்சி. என் மகளைக் குறிப்பிட்டு எழுதியிருந்தது இன்னும் நெருக்கமாக உணரவைத்தது. இத்தனை நாளாக கவனிக்காமல் இருந்துவிட்டோமே என்கிற குற்றவுணர்ச்சி ஏற்பட்டது. உடனே, வட்டார வளர்ச்சி அலுவலருக்கு வலியுறுத்தி, கழிவறையைப் புதுப்பித்தோம். ஒருவேளை இந்தக் கருத்துச் சுதந்திரப் பெட்டி இல்லாதிருந்தால், இந்த விஷயம் எனக்குப் புரிஞ்சே இருக்காது.

அடுத்து, ஒரு மாணவன் வீட்டுப் பாடம் எழுதலை. அவன் வகுப்பு ஆசிரியர் தண்டனை கொடுத்திருக்கார். இது நடந்து சில நாள்கள் கழித்து, ஒரு கடிதம் எழுதியிருந்தான். அதைப் படிக்கும்போதே நடுங்கிட்டேன். 'சார், நான் அன்னிக்கு வீட்டுப் பாடம் எழுதாது தப்புதான். ஆனா, அன்னிக்கு முதல் நாள் இரவு எங்க அம்மாவுக்கும் அப்பாவுக்கும் பயங்கரச் சண்டை. அம்மாவை அப்பா கடுமையா அடிச்சுட்டு வெளியே போயிட்டாரு. அம்மா அழுதுட்டே இருந்தாங்க. பக்கத்து வீட்டிலே இருந்தவங்க 'ஏதாச்சும் பண்ணிக்காதே'னு அம்மாகிட்ட சொன்னதைக் கேட்டேன். விடியற வரைக்கும் தூங்கவே இல்லை. அதனாலத்தான் வீட்டுப் பாடம் செய்யலை'னு எழுதியிருந்தான். அந்த மாணவனிடம் பேசித் தைரியம் சொன்னேன். அவன் பெற்றோரிடமும் பேசினேன்.

இப்படிப் பல கடிதங்கள், 'என் அப்பா வெளியூரில் இருக்கார். ரெண்டு நாளுக்கு ஒரு தடவை பேசுவார். நேத்துப் பேசும்போது, அம்மா போன்ல பேலன்ஸ் தீர்ந்துட்டதால நான் அப்பாவோடு பேசவே முடியல' என ஒரு மாணவி எழுந்திருந்தாள். உடனே என் போனிலிருந்து அவள் அப்பாவை அழைச்சுப் பேசவெச்சேன்.

சுவாரஸ்யமான இன்னொரு கடிதம் இருக்கு. 'சார், நம்ம ஸ்கூல்ல இருக்கிற பீரோ ரொம்ப பழசாயிட்டு. நாங்க பக்கத்துல போகும்போது எங்க மேல விழுந்துட்டா என்ன ஆகுறது? நீங்கதான் அநாவசியமா போலீஸ் ஸ்டேசன் போகணும்' என எழுதியிருந்தது. படிச்சு சிரிச்சாலும், உடனடியா அந்த பீரோவை மாற்றவும் முயற்சி எடுத்தேன். 'நான் இப்போ எட்டாவது படிக்கிறேன் சார். ஆறாவது படிக்கும்போது சில பொருள்களைத் திருடியிருக்கேன். இப்போ அப்படி செய்யறதில்லை. ஆனால், இப்பவும் நான் திருடுறதா என் ஃப்ரெண்ட்ஸ் சொல்றப்ப கஷ்டமா இருக்கு'னு ஒரு கடிதம். மாணவிகள் தங்களின் தனிப்பட்ட பிரச்னைகளையும் எழுதியிருக்காங்க. என் மனைவியும் இதே பள்ளியில்தான் வேலை செய்யறாங்க. ஒரு கடிதம் தனி கவரில் இருந்தது. கவர் மீது 'இந்தக் கடிதத்தை நீங்கள் படிக்க வேண்டாம். டீச்சரிடம் கொடுக்கவும்' என்று இருந்தது. என் மனைவியிடம் கொடுத்தேன். ஒரு மாணவி, மாதவிலக்கு பற்றிய சந்தேகத்தை எழுதியிருந்ததாக என் மனைவி கூறினார்.

ஒவ்வொரு மாணவருக்குள்ளும் சொல்வதற்கு எவ்வளவோ செய்திகள் இருக்கு. என் மீது புகார் சொல்லியும் கடிதங்கள் வந்திருக்கு. அந்த விஷயங்களில் என்னைச் சரிசெய்துகிட்டேன். மாணவர்களை இன்னும் நெருக்கமாக நேசிக்க, இந்தப் பெட்டி உதவுகிறது. எல்லாப் பள்ளிகளிலும் இதுபோன்ற கருத்துச் சுதந்திரப் பெட்டி இருக்கணும்" என்று நெகிழ்ச்சியுடன் முடிக்கிறார் ஆசிரியர் மணிமாறன்.

30 ஸ்மார்ட் நகரங்கள் அறிவிப்பு: நெல்லை, தூத்துக்குடி, திருச்சி, திருப்பூர் நகரங்கள் தேர்வு...

30 ஸ்மார்ட் நகரங்கள் அறிவிப்பு: நெல்லை, தூத்துக்குடி, திருச்சி, திருப்பூர் நகரங்கள் தேர்வு...

மத்திய அரசின் ஸ்மார்ட் நகரங்கள் திட்டத்தின் கீழ் புதிதாக 30 நகரங்கள் தேர்வு செய்யப்பட்டுள்ளன. புதிய ஸ்மார்ட் நகரங்கள் பட்டியலை இன்று வெள்ளிக்கிழமை (ஜூன் 23) மத்திய அமைச்சர் வெங்கய்ய நாயுடு வெளியிட்டார்.

‘ஸ்மார்ட் நகரங்கள்’ திட்டத்தை மத்திய அரசு தொடங்கியுள்ளது. அதில் 100 நகரங்கள் தேர்ந்தெடுக்கப்பட்டு அங்கு அடிப்படை வசதிகள் மேம்படுத்தப்பட உள்ளன. ஏற்கனவே 60 நகரங்கள் இத்திட்டத்தில் இணைக்கப்பட்டுள்ளன.

மத்திய அரசு திட்டமான ஸ்மார்ட் நகரம் திட்டத்தின் இரண்டாம் ஆண்டையொட்டி, தில்லியில் மத்திய அமைச்சர் வெங்கய்ய நாயுடு 30 புதிய நகரங்கள் பட்டியலை இன்று வெளியிட்டார்.

தேர்வு செய்யப்பட்டுள்ள ஸ்மார்ட் நகங்கள் எவை?

கேரள மாநிலம் திருவனந்தபுரம், சத்தீஸ்கர் மாநிலம் நயா ராய்பூர், குஜராத் மாநிலம் ராஜ்கோட், ஆந்திர மாநிலம் அமராவதி, பிஹார் மாநிலம் பாட்னா, தெலங்கானாவில் கரீம்நகர், பிஹாரில் முசாபர் நகர், புதுச்சேரி, குஜராத் காந்திநகர், ஜம்மு - காஷ்மீர், மத்தியப் பிரதேசத்தின் சாகர், ஹரியாணாவின் கர்னால், மத்தியப்பிரதேசத்தின் சட்னா, கர்நாடகாவின் பெங்களூரு, இமாச்சலப் பிரதேசத்தின் சிம்லா, உத்தராகண்டின் டேராடூன், தமிழகத்தின் திருப்பூர், மகாராஷ்டிரா மாநிலத்தில் சின்ச்வாட், பிம்ப்ரி, சத்தீஸ்கரின் பிலாஸ்பூர், அருணாச்சலப் பிரதேசத்தின் பாசிகட், ஜம்மு, குஜராத்தின் தாஹோத், தமிழ்நாட்டின் திருநெல்வேலி, தூத்துக்குடி, திருச்சிராப்பள்ளி, உத்தரப்பிரதேசத்தின் ஜான்சி, மிசோரம் மாநிலத்தின் அய்ஸ்வால், உ.பி.யின் அலகாபாத், அலிகார் மற்றும் சிக்கிம் மாநிலத்தின் கேங்டோக் ஆகிய நகரங்கள் தேர்வு செய்யப்பட்டுள்ளன.

தமிழகத்தில் திருப்பூர், திருநெல்வேலி, தூத்துக்குடி, திருச்சிராப்பள்ளி ஆகிய 4 நகரங்கள் ஸ்மார்ட் நகரங்கள் பட்டியலில் இடம் பெற்றுள்ளன.

தேர்வு செய்யப்பட்டுள்ள 30 நகரங்களில் 26 நகரங்கள் கையடக்க விலையில் வீட்டுமனை திட்டங்கள், அடிப்படை வசதிகளுடன் கூடிய வீடுகள் கட்டுதல் உள்ளிட்ட கோரிக்கைகளை முன்வைத்துள்ளன. 26 நகரங்கள் புதிய பள்ளிகள் மற்றும் மருத்துவமனைகள்யும் 29 நகரங்கள் சாலை மேம்பாடு மற்றும் மறுசீரமைப்புப் பணிகளையும் முன்வைத்துள்ளதாக வெங்கய்ய நாயுடு தெரிவித்தார்.

இதற்காக ரூ.57,33 கோடி முதலீடு செய்ய திட்டமிடப்பட்டுள்ளது. இதன் மூலம் ஸ்மார்ட் நகரங்கள் பட்டியலில் இடம்பெற்றுள்ள நகரங்களின் எண்ணிக்கை 90-ஆக அதிகரித்துள்ளது.

DSE - HS & HSS CLUB ACTIVITIES 2017/18 - TOPICS & MONTH WISE ACTIVIES & COMPETETION LIST..

DSE - HS & HSS CLUB ACTIVITIES 2017/18 - TOPICS & MONTH WISE ACTIVIES & COMPETETION LIST..

2017 - 18 உயர்/மேல்நிலைப் பள்ளிகளுக்கான

மாணவர் மன்ற செயல்பாடுகள் 

CLICK HERE - HS & HSS - MONTH WISE CLUB COMPETETIONS

UPP.PRIMARY CLUB ACTIVITIES 2017/18 - TOPICS & MONTH WISE ACTIVIES & COMPETETION LIST

UPP.PRIMARY CLUB ACTIVITIES 2017/18 - TOPICS & MONTH WISE ACTIVIES & COMPETETION LIST

2017 - 18 உயர்தொடக்கநிலை பள்ளிகளுக்கான மாணவர் மன்ற செயல்பாடுகள் 

CLICK HERE - UPP.PRIMARY - MONTH WISE CLUB COMPETETIONS

எந்தெந்த பொருட்களுக்கு எவ்வளவு ஜிஎஸ்டி வரி? முழு விவரம் இதோ....

எந்தெந்த பொருட்களுக்கு எவ்வளவு ஜிஎஸ்டி வரி? முழு விவரம் இதோ....

மத்திய, மாநில அரசுகளின் பல்வேறு மறைமுக வரி விதிப்புகளை ஒழித்துவிட்டு சரக்கு மற்றும் சேவை வரி (ஜிஎஸ்டி) நாடு முழுக்க ஜூலை 1ம் தேதி முதல் அமலுக்கு வருகிறது.

ஜிஎஸ்டி வரி விதிப்பால், விலைவாசி ஏறுமா, குறையுமா என்ற விவாதங்கள் ஒருபக்கம் நடந்து வருகின்றன. ஒட்டுமொத்தமாக பார்த்தால், விலைவாசி சிறிது இறங்க வாய்ப்புள்ளதாக பொருளாதார வல்லுனர்கள் தெரிவிக்கிறார்கள்.

ஒவ்வொரு பொருளிலும் எப்படியெல்லாம் விலைவாசி மாற்றம் இருக்கப்போகிறது என்பதை அறிந்துகொள்ள அந்தந்த பொருட்கள் மீதான வரி விதிப்பு குறித்து தெரிந்திருப்பது நல்லது. இதுகுறித்த ஒரு விளக்கம்.

வரி இல்லை

குங்குமம்-பொட்டு, ஸ்டாம்புகள், நீதித்துறை சார்ந்த பேப்பர்கள், பிரிண்ட் செய்யப்பட்ட புத்தகங்கள், செய்தித்தாள்கள், கண்ணாடி வளையல்கள், கைத்தறி, மெட்ரோ பயணம், லோக்கல் ரயில், ஃப்ரெஷ் இறைச்சி, பதப்படுத்தப்படாத மீன், பதப்படுத்தப்படாத சிக்கன், முட்டைகள், பழங்கள்-காய்கறிகள், உப்பு, மோர், பால், தயிர், பிரெட், மாவு, பருப்பு, தேன்.

இந்த பொருட்களுக்கு வரி விலக்கு உள்ளது.

5 சதவீத வரி

கிரீம்-மில்க் பவுடர், பன்னீர், பீட்சா பிரெட், ரஸ்க், சபுதானா, டீ, காபி, மசாலா பொருட்கள், மருந்துகள், ஸ்டென்ட், கேன், பீட் சுகர், ஃலைப் போட்டுகள், மண்ணெண்ணை, நிலக்கரி.

12 சதவீத வரி

பிசினஸ் கிளாஸ் விமான டிக்கெட்டுகள், ஏசி வசதியில்லாத ஹோட்டல்கள், பூச்சிக்கொல்லி மருந்துகள், பணி ஒப்பந்தங்கள் ஆகியவற்றுக்கு 12 சதவீத வரி விதிக்கப்பட்டுள்ளது.

18 சதவீத வரி

ஃப்ளேவர் செய்யப்பட்ட சுகர், பாஸ்தா, கார்ன்பிளேக்ஸ், பேஸ்ட்ரிஸ்-கேக்குகள், பதப்படுத்தப்பட்ட காய்கறிகள், ஜாம்-சாஸ், சூப், இன்ஸ்டன்ட் உணவு மிக்ஸ், ஐஸ் கிரீம், மினரல் வாட்டர், எல்பிஜி ஸ்டவ், ஹெல்மெட், டிஷ்யூ பேப்பர், மாதவிடாய்க்கான நாப்கின்கள், என்வலோப் கவர்கள், நோட்டு புத்தகங்கள், இரும்பு பொருட்கள், பிரிண்ட் சர்க்கியூட்கள், கேமரா, ஸ்பீக்கர்கள், மானிட்டர்கள், எலக்ட்ரானிக் பொம்மைகள்.

28 சதவீத வரி

சுயிங்கம், சாக்லேட், வேஃப்ல்ஸ், வேஃபர்ஸ், பான் மசாலா, குளிர்பானங்கள், பெயிண்ட், ஷேவிங் கிரீம்கள், வாசனை திரவியங்கள், ஆப்டர் ஷேவ் லோஷன்கள், ஷாம்பு, ஹேர்டை, சன்ஸ்க்ரீன், வால்பேப்பர், டைல்ஸ், வாட்டர் ஹீட்டர், டிஷ்வாஷர், எடை பார்ப்பு மெஷின், வாஷிங் மெஷின், ஏடிஎம், வேக்யூம் கிளீனர், ஹேர்கிளிப், ஆட்டோமொபைல்ஸ், மோட்டார் சைக்கிள்கள்.

சேவைகளுக்கான வரி

பல்வேறு சேவைகளுக்கும் வரி விகிதம் மாறுபடும். மதுபான லைசென்ஸ் வைத்துள்ள ஏசி ஹோட்டல்கள், டெலிகாம் சேவைகள், தகவல் தொழில்நுட்ப நிறுவனங்கள் (ஐடி), நிதி சேவைகள், பிராண்டட் கார்மெண்ட்ஸ் ஆகியதுறைகள் மீது 18 சதவீத ஜிஎஸ்டி விதிக்கப்பட்டுள்ளது.

28 சதவீத வரி

ஐந்து நட்சத்திர ஹோட்டல்கள், ரேஸ்கிளப் பெட்டிங், சினிமா டிக்கெட்டுகள் ஆகியவற்றுக்கு 28 சதவீத வரி விதிக்கப்பட்டுள்ளது. இதனிடையே ஸ்டார் ஹோட்டல்களிலுள்ள ஏசி ரெஸ்டாரண்டுகள் உட்பட அனைத்து வகை ரெஸ்டாரண்டுகளுக்கும், ஒருநாள் வாடகை ரூ.75000 வரையிலான ஹோட்டல் அறைகளுக்கும் வரி 18 சதவீதமாக குறைக்கப்பட்டுள்ளது. இதை மேற்கிந்திய ஹோட்டல் மற்றும் ரெஸ்டாரண்ட் சங்கம் வரவேற்றுள்ளது.

கொண்டாட்டம்! சர்வதேச யோகா நாடு முழுவதும் கோலாகலம் கொட்டும் மழையில் ஆசனம்: மோடி அசத்தல்...

கொண்டாட்டம்! சர்வதேச யோகா நாடு முழுவதும் கோலாகலம் கொட்டும் மழையில் ஆசனம்: மோடி அசத்தல்...

புதுடில்லி: மூன்றாவது சர்வதேச யோகா தினம், நாடு முழுவதும் மிகச் சிறப்பாக கொண்டாடப் பட்டது. உத்தர பிரதேச மாநிலம் லக்னோவில், கொட்டும் மழையில், பிரதமர் நரேந்திர மோடி தலைமையில், 51 ஆயிரம் பேர் பங்கேற்ற நிகழ்ச்சி நடத்தப்பட்டது. நாடு முழுவதும், பல்வேறு இடங்களில் நடந்த நிகழ்ச்சிகளில், மக்கள் உற்சாகமாக பங்கேற்று, யோகா பயிற்சியை மேற்கொண்டனர்.

மத்திய அரசின் முயற்சியை ஏற்று, 'ஒவ்வொரு ஆண்டும், ஜூன், 21ம் தேதி சர்வதேச யோகா தினமாக கொண்டாடப்படும்' என, ஐ.நா., சபை அறிவித்தது. அதன்படி, 2015 முதல், சர்வதேச யோகா தினத்தை ஒட்டி, சிறப்பு நிகழ்ச்சிகள் நடத்தப்பட்டு வருகின்றன.

மூன்றாவது சர்வதேச யோகா தினம், நேற்று நாடு முழுவதும் மிகவும் விமரிசையாக கொண்டாடப்பட்டது. முதல்வர் யோகி ஆதித்ய நாத் தலைமையிலான, பா.ஜ., அரசு அமைந்துள்ள உத்தர பிரதேசத்தின் லக்னோ வில் நடந்த பிரம்மாண்ட நிகழ்ச்சியில், பிரதமர் நரேந்திர மோடி பங்கேற்றார்.

மாநில கவர்னர் ராம் நாயக், முதல்வர் யோகி ஆதித்ய நாத் உள்ளிட்டோர் இதில் பங்கேற்றனர். பள்ளி, கல்லுாரி மாணவ, மாணவியர் உட்பட, 51 ஆயிரம் பேர் இந்த நிகழ்ச்சியில் பங்கேற்றனர்.

நாடுகள் இணைப்பு

யோகா தின நிகழ்ச்சிகளை துவக்கி வைத்து, பிரதமர் நரேந்திர மோடி பேசியதாவது:

பல்வேறு நாட்டு மக்களுக்கு, நம் மொழி, கலா சாரம், பாரம்பரியம் பற்றி தெரியாது. ஆனால், யோகா என்ற அற்புத கலையின் மூலம், தற் போது உலக நாடுகள், இந்தியாவுடன் இணைந்துள்ளன. யோகா பயிற்சிகள், நம் உடல், மனம், ஆன்மாவை இணைக்கிறது; 

தற்போது, உலக நாடுகளையும் இணைத்து வருகிறது.இவ்வாறு அவர் பேசினார். டில்லி யிலும்,அதிகாலையில் மழைபெய்த போதும், கன்னாட் பிளேஸ்,இந்தியா கேட் உள்ளிட்ட இடங்களில் நடந்த யோகா நிகழ்ச்சிகளில், மக்கள் அதிக ஆர்வத்துடன் பங்கேற்றனர்.

செங்கோட்டையில் நடந்த நிகழ்ச்சியில்,50 ஆயிரம் பேர், கன்னாட் பிளேசில், 10 ஆயிரம் பேர் என, டில்லியில் நடந்த நிகழ்ச்சிகளில், 77 ஆயிரத்துக்கும் மேற்பட்ட மக்கள் பங்கேற்றனர்.

மத்திய அமைச்சர்கள் வெங்கையா நாயுடு, விஜய் கோயல், டில்லி துணை நிலை கவர்னர் அனில் பைஜால், டில்லி முதல்வர் அரவிந்த் கெஜ்ரிவால், பா.ஜ.,வின் ஜனாதிபதி வேட்பாளர் ராம்நாத் கோவிந்த் உள்ளிட்டோர் கன்னாட் பிளேசில் நடந்த நிகழ்ச்சியில் பங்கேற்றனர்.

ஜம்மு - காஷ்மீர் மாநிலம் லடாக்கில், உறைபனி யில், இந்திய ராணுவ வீரர்கள் யோகா பயிற்சி செய்தனர். நாட்டின் பல்வேறு பகுதிகளிலும், அரசு அலுவலகங்கள் உள்ளிட்ட இடங்களிலும், சர்வதேச யோகா தினத்தையொட்டி, சிறப்பு நிகழ்ச்சிகள் நடத்தப்பட்டன.

விழா துளிகள்

* லக்னோவில் பிரதமர் மோடி தலைமையில் நடந்த நிகழ்ச்சியின்போது, திடீரென மழை பெய்தது. ஆனாலும், அதை பொருட்படுத்தாது, பிரதமரும், மக்களும் யோகா பயிற்சியை தொடர்ந்தனர்

* ஆனால், திடீரென மழை வலுக்கத் துவங்கியதால், அதில் இருந்து தப்பிக்க, 'யோகா மேட்'டை தலைக்கு வைத்துக் கொண்டனர்

* 'யோகா வாழ்க்கைக்கு எவ்வளவு முக்கியம் என்பதை மட்டும் நாம் உலகுக்கு உணர்த்தவில்லை. யோகா மேட், மழையில் இருந்து எப்படி நம்மை காக்கிறது என்பதையும் உணர்த்தியுள்ளோம்' என, பிரதமர் மோடி, நகைச்சுவையுடன் குறிப்பிட்டார்

* லக்னோவில் நிகழ்ச்சியை துவக்கி வைத்த பிரதமர் மோடி, மாணவ, மாணவியருடன் இணைந்து, 45 நிமிடங்கள் யோகா பயிற்சியில் ஈடுபட்டார்

* நிகழ்ச்சிகள் முடிந்த பின், மாணவ, மாணவியர் உள்ளிட்டோருடன் கைகுலுக்கி வாழ்த்து கூறினார் மோடி.

3 லட்சம் பேருடன் உலக சாதனை

குஜராத் மாநிலம் ஆமதாபாத்தில், யோகா குரு ராம்தேவ் தலைமையில் நிகழ்ச்சி களு க்கு ஏற்பாடு செய்யப்பட்டிருந்தது. பா.ஜ., தலைவர் அமித் ஷா, 

சர்வதேச,யோகா தினம், நாடு,முழுவதும்,கோலாகலம், கொண்டாட்டம்!

குஜராத் முதல்வர் விஜய் ரூபானி, துணை முதல்வர் நிதின் படேல், முன்னாள் முதல்வர் ஆனந்திபென் படேல்உள்ளிட்டோர் இந்த நிகழ்ச்சியில் பங்கேற்றனர்.

''இங்கு நடந்த நிகழ்ச்சியில், மூன்று லட்சம் பேர் பங்கேற்றுள்ளனர். ஒரே இடத்தில், ஒரே நேரத்தில், அதிகமானோர் யோகா செய்யும் புதிய கின்னஸ் சாதனையை நாம் புரிந்துள் ளோம். இது குறித்து, அதிகாரிகள் முறைப்படி அறிவிப்பர்.

முதல் சர்வதேச யோகா தினத்தை யொட்டி, 2015ல், டில்லி ராஜ்பாத்தில் பிரதமர் மோடி பங்கேற்ற நிகழ்ச்சியில், 35 ஆயிரத்து, 985 பேர் பங்கேற்றதே இதுவரை சாதனையாக இருந்தது,'' என, யோகா குரு ராம்தேவ் கூறினார்.

ஐ.நா.,விலும் யோகா

அமெரிக்காவின் நியூயார்க் நகரில் உள்ள, ஐ.நா., சபையின் தலைமையகத்தில், சர்வதேச யோகா தினத்தையொட்டி, சிறப்பு நிகழ்ச்சிகள் நடந்தன. இதில், இந்தியாவை பூர்வீகமாக கொண்டவர்கள் உள்ளிட்டோர் பங்கேற்றனர்.

'யோகா நம்மை அமைதி படுத்துகிறது; இதன் மூலம் மற்றவர்களை நன்கு புரிந்து கொள்ள முடிகிறது. மக்களிடையே ஒற்றுமையை ஏற்படுத்தும் மிகப் பெரும் சக்தியாக யோகா விளங்குகிறது. உலக அமைதிக்கும் வித்திடு கிறது' என, ஐ.நா., சபை பொதுச் செயலரின் செய்தி, நிகழ்ச்சியின்போது வாசிக்கப்பட்டது.

சர்வதேச யோகா தினத்தையொட்டி, ஐ.நா., சபையில் சிறப்பு தபால் தலையும் வெளியிடப்பட்டது.ஐ.நா.,வுக்கான இந்திய துாதர், சையது அக்பருதீன், ஹிந்து மதத் தலைவர் சுவாமி சித்தானந்த் சரஸ்வதி, சாத்வி பகவதி சரஸ்வதி, சுவாமி சிவதாசனந்தா, பிரபல பாலிவுட் நடிகர் அனுபம் கெர் உள்ளிட்டோர் இந்த நிகழ்ச்சியில் பங்கேற்றனர்.

உலகெங்கும்

சர்வதேச யோகா தினம், உலகெங்கும் பரவலாக சிறப்பான முறையில் கொண்டாடப் பட்டது. அமெரிக்காவில், நியூயார்க் நகரில், இந்தியத் துாதரகம் சார்பில் மிக பிரம்மாண்ட நிகழ்ச்சி நடத்தப்பட்டது. இதில், இந்திய வம்சாவளியினர் தவிர, அமெரிக்கர்களும் பங்கேற்றனர்.

தென் ஆப்ரிக்காவின் செவோடோ பகுதியில் நடந்த நிகழ்ச்சியில், 1,200 பேர் பங்கேற்று, யோகா பயிற்சிகளை செய்தனர். சீனா, ரஷ்யா, பிரான்ஸ் என, உலகின் பல்வேறு நாடுகளிலும், சர்வதேச யோகா தினத்தை யொட்டி, பல்வேறு நிகழ்ச்சிகள் நடத்தப்பட்டன.

எம்.பி.பி.எஸ்., விண்ணப்பம் நாளை முதல் வினியோகம்?

எம்.பி.பி.எஸ்., விண்ணப்பம் நாளை முதல் வினியோகம்?

எம்.பி.பி.எஸ்., - பி.டி.எஸ்., படிப்புகளுக்கான விண்ணப்பம் வினியோகத்தை நாளை துவங்க, மருத்துவ கல்வி இயக்ககம் திட்டமிட்டுள்ளது. 

தமிழகத்தில், 'நீட்' தேர்வு அடிப்படையில், இந்த ஆண்டு மருத்துவ மாணவர் சேர்க்கை நடைபெற உள்ளது. அதனால், 88 ஆயிரம் மாணவர்கள், இந்த தேர்வை எழுதியுள்ளனர். தேர்வு முடிவுகள், வரும், 26ல், வெளியாகும் என, எதிர்பார்க்கப்படுகிறது. 

தேர்வு முடிவுக்கு முன், மருத்துவ படிப்புக்கான விண்ணப்ப வினியோகத்தை துவங்க, இந்திய மருத்துவ கவுன்சிலான, எம்.சி.ஐ., அறிவுறுத்தியுள்ளது. அதனால், தமிழகத்தில் விண்ணப்பம் வினியோகத்தை நாளை துவக்க, மருத்துவ கல்வி இயக்ககம் திட்டமிட்டுள்ளது. 

இதுகுறித்து, மருத்துவ கல்வி இயக்குனரக அதிகாரிகள் கூறுகையில், 'நீட் தேர்வு அடிப்படையிலான, மருத்துவ மாணவர் சேர்க்கையில், உள் ஒதுக்கீடு வழங்கப்படும். எம்.சி.ஐ., அறிவுரைப்படி, விண்ணப்ப வினியோகத்தை, நாளை துவக்க, அரசிடம் ஒப்புதல் கோரப்பட்டுள்ளது' என்றனர்.

இம்மாத இறுதிக்குள் போலீஸ் எழுத்து தேர்வு முடிவுகள்......

இம்மாத இறுதிக்குள் போலீஸ் எழுத்து தேர்வு முடிவுகள்......

திண்டுக்கல்: போலீஸ் எழுத்து தேர்வு முடிவுகள் இம் மாத இறுதிக்குள் வெளியிட அரசு திட்டமிட்டுள்ளது.

தமிழகத்தில் போலீஸ், சிறைத்துறை, தீயணைப்பு ஆகிய மூன்று துறைகளிலும் 15 ஆயிரம் காலிப்பணியிடங்கள் இருப்பதாக சீருடை பணியாளர் தேர்வு வாரியம் அறிவித்தது.

இதையொட்டி மே 21ம் தேதி நடத்தப்பட்ட எழுத்து தேர்வில் 6 லட்சத்து 28 ஆயிரம் பேர் பங்கேற்றனர். இதற்காக மாவட்டம் தோறும் 18 முதல் 25 மையங்கள் வரை அமைக்கப்பட்டு இருந்தன. இந்த மையங்களில் டி.எஸ்.பி., தலைமையில் போலீசார் கண்காணிப்பில் ஈடுபட்டனர். தேர்வு நடைமுறைகள் அனைத்து நிகழ்வுகளும் வீடியோவில் பதிவு செய்யப்பட்டது.

இந்த எழுத்துத் தேர்வு முடிகள் நேற்று முன்தினம் ஜூன் 20ம் தேதி வெளியிடப்படும் என தெரிவிக்கப்பட்டது. ஆனால் முடிவுகள் வெளியாகவில்லை. இந்த மாத இறுதிக்குள் போலீசாருக்கான எழுத்து தேர்வு முடிவுகள் வெளியிடப்பட உள்ளதாக அதிகாரிகள் வட்டாரத்தில் தெரிவித்தனர். 

முடிவுகள் வந்த ஒரே வாரத்தில் உடல் தகுதி தேர்வுக்கு வீரர்கள் அழைக்கப்படுவர் என எதிர்பார்க்கப்படுகிறது.

இன்ஜி., தரவரிசை பட்டியல் இன்று வெளியாகிறது

இன்ஜி., தரவரிசை பட்டியல் இன்று வெளியாகிறது

சென்னை: இன்ஜினியரிங் மாணவர் சேர்க்கைக்கு, 'கட் - ஆப்' மதிப்பெண் அடிப்படையிலான, தரவரிசை பட்டியல், இன்று வெளியிடப்படுகிறது.

அண்ணா பல்கலை இணைப்பிலுள்ள, இன்ஜி., கல்லுாரிகளில், பி.இ., - பி.டெக்., படிப்பில் சேர, தமிழக அரசு, ஒற்றை சாளர கவுன்சிலிங்கை நடத்துகிறது. இந்த ஆண்டு கவுன்சிலிங்கை நடத்த, பேராசிரியர் இந்துமதியை உறுப்பினர் செயலராக கொண்டு, மாணவர் சேர்க்கை கமிட்டி அமைக்கப்பட்டு உள்ளது. மேலும், 53 பி.ஆர்க்., கல்லுாரிகள் தவிர, 527 இன்ஜி., கல்லுாரிகளில், பி.இ., - பி.டெக்., படிப்பில் மாணவர்கள் சேர்க்கப்படுகின்றனர். அதற்கு, 1.68 லட்சம் பேர் ஆன்லைனில் பதிவு செய்து, 1.41 லட்சம் பேர் விண்ணப்பித்து உள்ளனர். இவர்களுக்கு, நேற்று முன்தினம், 'ரேண்டம்' எண் வெளியானது. இதையடுத்து, மாணவர்களின், 'கட் - ஆப்' மதிப்பெண் அடிப்படையிலான, தரவரிசை பட்டியல் இன்று வெளியிடப்படுகிறது. இந்த பட்டியலில், மாணவர்கள் எந்த இடத்தில் உள்ளனர் என்பதை அறிந்து, அதற்கேற்ப கவுன்சிலிங்கில், தங்களுக்கான இடம் எப்போது கிடைக்கும். எந்த வகை கல்லுாரியில் கிடைக்கும் என்பதை முடிவு செய்து கொள்ளலாம்.

செல்போன் பேசியபடி வாகனம் இயக்கினால் ஓட்டுநர்உரிமம் நிரந்தரமாக ரத்து: தமிழக அரசு முடிவு....

செல்போன் பேசியபடி வாகனம் இயக்கினால் ஓட்டுநர்உரிமம் நிரந்தரமாக ரத்து: தமிழக அரசு முடிவு....

செல்போன் பேசியபடி வாகனம் இயக்கும் நபர்களின் ஓட்டுநர் உரிமத்தை நிரந்தரமாக ரத்து செய்யலாம் என்று தமிழக அரசு அதிரடி முடிவெடுத்துள்ளது.


போக்குவரத்துத் துறை அமைச்சர் எம்.ஆர்.விஜயபாஸ்கர் தலைமையிலான ஆய்வுக் கூட்டம் சென்னையில் நடைபெற்றது.
இந்தக் கூட்டத்தில் ஹெல்மெட் அணியாவிட்டால் விழிப்புணர்வு பயிற்சியுடன் அபராதம் வசூலிக்க வேண்டும்என்று அதிகாரிகளுக்கு அறிவுறுத்தப்பட்டுள்ளது.இரு சக்கர வாகன ஓட்டிகள் மற்றும் பின்னால் அமர்ந்து செல்வோர் கட்டாயம் ஹெல்மெட் அணிய வேண்டும். ஹெல்மெட் அணியாமல் சென்றால் உரிய அபராதத்தை வசூலிக்க வேண்டும் என்று அதிகாரிகளுக்கு அறிவுறுத்தப்பட்டுள்ளது.

மது அருந்திவிட்டு வாகனம் ஓட்டினாலோ, சிவப்பு விளக்கை தாண்டினாலோ, அதிவேகமாக வாகனத்தை இயக்கினாலோ ஓட்டுநர் உரிமம் ரத்து செய்யலாம்.செல்போன் பேசியபடி வாகனம் இயக்கும் நபர்களின் ஓட்டுநர் உரிமத்தை நிரந்தரமாக ரத்து செய்யலாம் என்று தமிழக அரசு அதரடி முடிவெடுத்துள்ளது. சோதனை அலுவலர்கள் ஆய்வின் போது அசல் உரிமத்தை வாகன ஓட்டிகள் காண்பிக்க வேண்டும் என்றும் ஆலோசனைக் கூட்டத்தில் விவாதிக்கப்பட்டுள்ளது

கரூர் வந்தது நவீன அறிவியல் கண்காட்சி ரயில்: மாணவ, மாணவிகள் ஆர்வம்.....

கரூர் வந்தது நவீன அறிவியல் கண்காட்சி ரயில்: மாணவ, மாணவிகள் ஆர்வம்.....

கரூர் ரயில் நிலையத்துக்கு செவ்வாய்க்கிழமை வந்தடைந்த நவீன அறிவியல் கண்காட்சி ரயிலை பள்ளி மாணவ, மாணவிகள் ஆர்முடன் கண்டு ரசித்தனர்.

கரூர் ரயில் நிலையத்தில் அறிவியல் கண்காட்சி விரைவு ரயில் செவ்வாய்க்கிழமை வந்தது. இந்த ரயிலில் உள்ள நவீன அறிவியல் கண்காட்சியை மாவட்ட வருவாய் அலுவலர் ச. சூர்யபிரகாஷ், தொடங்கிவைத்து பார்வையிட்டார்.

பின்னர் அவர் கூறுகையில் இந்த ரயில் 16 பெட்டிகளைக் கொண்டு உருவாக்கப்பட்டு 2007 அக்டோபர் திங்கள் புதுதில்லியில் தொடங்கப்பட்டு சுமார் 1,46,000 கி.மீ பயணம் செய்து 473 இடங்களில் 1,650 கண்காட்சி நாட்கள் நடத்தப்பட்டு சுமார் 1.6 கோடி பேர் பார்வையிட்டுள்ளனர்.

நாட்டு மக்களிடையே அறிவியல் அறிவை பரப்பி உலகில் மிகப் பெரிய, நீண்டகால மற்றும் அதிகமானோர் பார்வையிட்ட நடமாடும் அறிவியல் கண்காட்சி என்ற பெருமயைப் பெற்று லிம்கா சாதனை புத்தகத்தில் 12 பிரிவுகளில் பதிவு செய்யப்பட்டுள்ளது.

இந்த கண்காட்சி ரயிலில் பருவநிலை மாற்றத்தால் மனிதனுக்கு ஏற்படும் விளைவுகள்,வெப்பநிலை உயரக் காரணங்கள்,பருவநிலை வேறுபாடுகள்,குடிநீர் வளம்,விவசாயம்,வனம்,சுகாதாரம்,சுற்றுச்சூழல் பிரச்னை, உணவு உற்பத்தி, பருவநிலை மாற்றம், பேரிடர், வெள்ளப்பெருக்கு, கடல் மட்டம் உயர்தல் என பருவநிலை மாற்றத்தின் தாக்கங்கள் குறித்து அறிவியல் மாதிரிகள் வைக்கப்பட்டுள்ளன.

இந்த பாதிப்புகளை சமுதாயத்தின் பல்வேறு பிரிவுகளில் குறிப்பாக மாணவர்களிடத்தில் விழிப்புணர்வை ஏற்படுத்துவதை நேக்கமாக கொண்டு இந்த அறிவியல் கண்காட்சி ரயில் பயணம் மேற்கொள்கிறது என்றார்.

இந்த கண்காட்சி வரும் 22-ம் தேதி வரை 3 நாள்கள் நடைபெறுகிறது. இதைப் பொது மக்கள், மாணவ,மாணவிகள் கட்டணமில்லாமல் பார்த்து பயன்பெற விரிவான ஏற்பாடுகள் செய்யப்பட்டுள்ளன.

சேலம் கோட்ட கூடுதல் ரயில்வே மேலாளர் சந்திரபால், மாவட்ட முதன்மைக் கல்வி அலுவலர் அய்யணன், வருவாய்க் கோட்டாட்சியர் பாலசுப்ரமணியன், வட்டாட்சியர் சக்திவேல், கரூர் ரயில் நிலைய மேலாளர் சுரேந்தரபாபு உள்ளிட்டோர் உடனிருந்தனர்.

நிகழாண்டில் 11 பொறியியல் கல்லூரிகள் மூடல்

நிகழாண்டில் 11 பொறியியல் கல்லூரிகள் மூடல்

தமிழகத்தில் இந்த ஆண்டில் 11 பொறியியல் கல்லூரிகள் மூடப்படுவதால் அவற்றில் மாணவர் சேர்க்கை இம்முறை இருக்காது என உயர் கல்வித் துறைச் செயலர் சுனில் பாலிவால் கூறினார்.

அண்ணா பல்கலைக்கழகத்தில் செவ்வாய்க்கிழமை நடைபெற்ற பி.இ. சேர்க்கை விண்ணப்பதாரர்களுக்கான சமவாய்ப்பு எண் வெளியீட்டு நிகழ்ச்சிக்குப் பின் அவர் அளித்த பேட்டி:
பொறியியல் பட்டதாரிகளுக்கு வேலைவாய்ப்புக் கிடைப்பது சற்று பாதிக்கப்பட்டிருப்பதால், பி.இ. படிப்புகளில் சேர்க்கை குறைந்து வருகிறது என்பது உண்மைதான்.
2017-18 கல்வியாண்டில் தமிழகத்தில் மொத்தம் 11 கல்லூரிகள் மூடப்படுவதால் இந்தக் கல்லூரிகளில் நிகழாண்டில் முதலாமாண்டு சேர்க்கை நடைபெறாது.

கோடை விடுமுறையை அதிகரிக்க முடிவு: இந்நிலையை மாற்ற பல்வேறு முயற்சிகளை மேற்கொள்ள தமிழக அரசு திட்டமிட்டுள்ளது. மாணவர்கள் வேலைவாய்ப்புத் திறனை மேம்படுத்திக்கொள்ள, அவர்களுக்குப் படிக்கும்போது தொழில் பயிற்சி அவசியம்.
மாணவர்கள் தொழில் நிறுவனங்களுக்குச் சென்று அதிக நாள்கள் பயிற்சி பெறும் வகையில் அனைத்து பொறியியல் கல்லூரிகளிலும் 2, 4, 6 பருவத் தேர்வுகளுக்குப் பின்னர் வழங்கப்படும் கோடை விடுமுறையை அதிகரிக்கச் செய்வது குறித்து ஆய்வு செய்து வருகிறோம். பருவத் தேர்வுகள் இப்போது 43 நாள்கள் நடத்தப்படுவதையும், குறைக்கவும் முயற்சிகள் எடுக்கப்பட்டு வருகின்றன.
கட்டணம்: தமிழகத்தில் சுயநிதிப் பொறியியல் கல்லூரிகளுக்கான கல்விக் கட்டணத்தைப் பொருத்தவரை கடைசியாக 2012 ஜூலையில் மாற்றியமைக்கப்பட்டது. அதன் பிறகு, 5 ஆண்டுகளாக கட்டணம் மாற்றியமைக்கப்படவில்லை.
இம்முறை கட்டணத்தை மாற்றியமைப்பதற்கான நடவடிக்கையை நீதிபதி பாலசுப்பிரமணியன் தலைமையிலான குழு மேற்கொண்டு வருகிறது. இதற்காக தனியார் சுயநிதிப் பொறியியல் கல்லூரிகள் கூட்டமைப்புடன், கட்டண நிர்ணயக் குழு 3 முறை ஆலோசனைகளை மேற்கொண்டுள்ளது. விரைவில் இதுதொடர்பாக அறிவிப்பு வெளியாகும்.
ஒரு புதுக் கல்லூரி: தமிழகத்தில் 527 பி.இ., பி.டெக். கல்லூரிகள், 53 கட்டடவியல் (பி.ஆர்க்.) கல்லூரிகள் என மொத்தம் 580 பொறியியல், தொழில்நுட்பக் கல்லூரிகள் உள்ளன.
இந்த ஆண்டு புதிதாக ஒரு பொறியியல் கல்லூரி தொடங்க அகில இந்திய தொழில்நுட்ப கவுனசில் (ஏஐசிடிஇ) அனுமதி அளித்துள்ளது.

அரசுப் பள்ளிகளில் 2,536 ஆசிரியர்கள் நியமனம் - பள்ளிக்கல்வித்துறை அனுமதி !

அரசுப் பள்ளிகளில் 2,536 ஆசிரியர்கள் நியமனம் - பள்ளிக்கல்வித்துறை அனுமதி !

மேல்நிலைப் பள்ளிகளில் காலியாக உள்ள, 2,536 பணியிடங்களை நிரப்பும் வரை, தற்காலிக ஆசிரியர்களை நியமித்துக் கொள்ள, பள்ளிக்கல்வித்துறை அனுமதி வழங்கியுள்ளது.
தமிழகத்தில், 2,500க்கும் மேற்பட்ட அரசு மேல்நிலைப் பள்ளிகளில், 2,645 முதுகலை ஆசிரியர் பணியிடங்கள் காலியாக உள்ளன. இதில், 2,536 பணியிடங்களை நிரப்புவதற்காக, ஆசிரியர் தேர்வு வாரியம் அறிவிப்பு வெளியிட்டுள்ளது.

இதற்கான தேர்வு, சான்றிதழ் சரிபார்ப்பு உள்ளிட்ட பணிகள்முடிந்து, ஆசிரியர்களை நியமிக்க குறைந்தபட்சம், நான்கு மாதங்களாகிவிடும். நடப்பு கல்வியாண்டில், பிளஸ் 1 வகுப்பும் பொதுத்தேர்வு என, அறிவிக்கப்பட்டுள்ளதால், ஆசிரியர் பணியிடங்கள் காலியாக உள்ள பள்ளிகளில், மாணவர்களின் கற்பித்தல் பணிகள் பாதிக்கும் சூழல் உருவாகியுள்ளது.இந்நிலையில், காலிப்பணியிடங்களில், தற்காலிக ஆசிரியர்களை நியமித்துக் கொள்ள அனுமதியளித்து, பள்ளிக்கல்வித்துறை செயலர் உதயச்சந்திரன் உத்தரவிட்டுள்ளார்.

அதில் அவர் கூறியிருப்பதாவது:

தமிழக அரசு மேல்நிலைப்பள்ளிகளில் காலியாக உள்ள, 2,536 முதுகலை ஆசிரியர் பணியிடங்களை தேர்வு செய்து நிரப்பப்படும் வரை, ஜூன் முதல், செப்டம்பர் வரையுள்ள நான்கு மாதங்களுக்கு, தற்காலிக ஆசிரியர்களை பெற்றோர் ஆசிரியர் கழகம் மூலம் நியமனம் செய்து கொள்ளலாம்.அந்தந்த ஊர்களில், அந்தந்த பள்ளி அமைந்துள்ள பகுதி மற்றும் அருகில் உள்ள பகுதிகளில் வசிக்கும் தகுதி வாய்ந்த நபர்களை, நியமித்துக் கொள்ளலாம். பள்ளி தலைமை ஆசிரியர், மேல்நிலை வகுப்பு துணைத்தலைமை ஆசிரியர், ஒரு முதுகலை ஆசிரியர் கொண்ட தேர்வுக்குழு மூலம், நியமனம் செய்யப்பட வேண்டும்.இவர்களுக்கு தொகுப்பூதியமாக மாதந்தோறும், 7,500 ரூபாய்வழங்கப்படும். இதற்காக, தமிழகம் முழுவதும், 7.61 கோடி ரூபாய் நிதி ஒதுக்கீடு செய்யப்பட்டுள்ளது. இவ்வாறு அவர்கூறியுள்ளார்.

அரசு பள்ளிக்கு மட்டும் இருமொழிக் கொள்கையா? தமிழகத்தில் நவோதயா பள்ளி திறப்பதை தடுப்பது ஏன்?

அரசு பள்ளிக்கு மட்டும் இருமொழிக் கொள்கையா? தமிழகத்தில் நவோதயா பள்ளி திறப்பதை தடுப்பது ஏன்?

அரசு பள்ளிகளுக்கு மட்டும்தான் இருெமாழிக்கொள்கையா? தமிழகத்தில் நவோதயா பள்ளிகள் துவக்குவதை தடுப்பது ஏன்? என்று ஐகோர்ட் கிளை கேள்வி எழுப்பியுள்ளது. 

கன்னியாகுமரி மாவட்டம், நாகர்கோவிலை சேர்ந்தவர் ஜெயக்குமார் தாமஸ். குமரி மகா சபா செயலாளரான இவர், ஐகோர்ட் மதுரை கிளையில் தாக்கல் செய்த மனுவில், ‘‘நவோதயா வித்யாலயா பள்ளிகளை தமிழகத்தின் அனைத்து மாவட்டங்களிலும் துவக்க உத்தரவிட வேண்டும்,’’ என்று கூறியிருந்தார். இந்த மனு நீதிபதிகள் ஏ.செல்வம், என்.ஆதிநாதன் ஆகியோர் முன் நேற்று மீண்டும் விசாரணைக்கு வந்தது. தமிழக அரசின் கூடுதல் அட்வகேட் ஜெனரல் புகழேந்தி ஆஜராகி, ‘தமிழகத்தில் இருமொழிக்கொள்கை கடைபிடிப்பது தொடர்பான சட்டத்திற்கு ஜனாதிபதி ஒப்புதல் அளித்துள்ளார்’ என்றார்.

அப்போது குறுக்கிட்ட நீதிபதிகள், ‘இருமொழிக்கொள்கை என்பது அரசுப்பள்ளிகளில் மட்டும்தானா? தனியார் பள்ளிகளுக்கு பொருந்தாதா? நவோதயா பள்ளிகளால் கிராமப்புறத்தினருக்கு கல்வி வாய்ப்பு கிடைக்குமே. இதை ஏன் தடுக்கிறீர்கள்’  என்றார். அப்போது அரசுத்தரப்பில், ‘இது அரசின் கொள்கை முடிவு தொடர்பானது. நவோதயா பள்ளிகளில் இந்தி கட்டாய பாடமாக உள்ளது. எனவே, அரசுத் தரப்பில் விரிவாக பதிலளிக்க கால அவகாசம் வேண்டும்’ என்றார். மனுதாரர் வக்கீல் ஆனந்தமுருகன், ‘நவோதயா பள்ளிகளில் 5ம் வகுப்பு வரையில் மாநில மொழி கட்டாய பாடமாக உள்ளது. கேரளாவில் அனைத்து கல்வி பாடத்திட்டத்திலும் மலையாளத்தை கட்டாயமாக்கி உள்ளனர். அதை இங்கும் பின்பற்றலாம்’ என்றார்.

இதையடுத்து அரசுத்தரப்பு கோரிக்கையை ஏற்று, மனு மீதான விசாரணையை ஜூலை 3க்கு தள்ளி வைத்தனர்.

உ.பி - கழிப்பறை சுத்தம்; கண்காணிக்க ஆசிரியர்கள்...

உ.பி - கழிப்பறை சுத்தம்; கண்காணிக்க ஆசிரியர்கள்...

உ.பி., மாநிலத்தில், முதல்வர் யோகி ஆதித்யநாத் தலைமையிலான, பா.ஜ., ஆட்சி நடக்கிறது. இந்நிலையில், உ.பி., மாநிலத்துக்கான துாய்மை இந்தியா திட்ட ஊரக இயக்குனர் விஜய் கிரண் ஆனந்த், அனைத்து மாவட்ட பள்ளிக் கல்வி அதிகாரிகளுக்கு எழுதிய கடிதத்தில் கூறியிருப்பதாவது:
மாநகராட்சி பள்ளிகளில் படிக்கும் மாணவ, மாணவியருக்காக, பள்ளி வளாகத்திலேயே தனித்தனி கழிப்பறைகள் கட்டப்பட்டுள்ளன. அவற்றை, மாநகராட்சி துப்புரவு தொழிலாளர்களே சுத்தம் செய்கின்றனர். 

தெருக்களை சுத்தம் செய்பவர்களே, இப்பணியில் ஈடுபடுவதால், கழிப்பறைகளை சரிவர சுத்தம் செய்வதில்லை. கழிப்பறைகளை சுத்தமாக பராமரிக்கவும், துப்புரவு ஊழியர்கள் முறையாக சுத்தம் செய்கின்றனரா என்பதை கண்காணிப்பதற்கு, ஒவ்வொரு பள்ளியிலும் ஒரு ஆசிரியர் நியமிக்கப்பட வேண்டும்.இவ்வாறு அந்த கடிதத்தில் கூறப்பட்டுள்ளது.

தமிழ்நாடு அரசு ஊழியர்களுக்கு ஊதிய உயர்வு வழங்கப்படுவது எப்படி? சிறப்புக் கட்டுரை - C.P.சரவணன், வழக்குரைஞர்.....

தமிழ்நாடு அரசு ஊழியர்களுக்கு ஊதிய உயர்வு வழங்கப்படுவது எப்படி? சிறப்புக் கட்டுரை - C.P.சரவணன், வழக்குரைஞர்.....

ஊதியக் குழுவின் பரிந்துரைகள் மட்டுமின்றி, பொதுவாக அரசு ஊழியர்களுக்கு ஊதிய உயர்வு வழங்குவது பற்றிய அரசு விதிகள் மற்றும் அரசாணைகள் பற்றி பார்ப்போம்.

பொதுவான அரசாணைகள்

(அ) ஆண்டுதோறும் வழக்கம்போல் 3% ஊதிய உயர்வு வழங்கப்படும். இதற்கு விண்ணப்பிக்க வேண்டிய அவசியமில்லை. (அடிப்படை விதி 24) (FINANCE (PAY CELL) DEPARTMENT G.O. Ms. No. 234, DATED: 1ST JUNE, 2009)

(ஆ) ஒரு ஊழியர் மீது குற்றச்சாட்டுகள் நிலுவையில் இருந்தாலும் கூட ஊதிய உயர்வு வழங்கலாம். (அடிப்படை விதி 24-ன் துணை விதி (8) அரசு கடித.எண் 41533/பணி என்37-9, பணியாளர், நாள் 8.4.1988)

(இ) ஜனவரி, ஏப்ரல், ஜூலை, அக்டோபர் மாதங்களின் முதல் தேதியில் ஊதிய உயர்வு வழங்கப்படும். FINANCE (PAY CELL) DEPARTMENT G.O. Ms. No. 234, DATED: 1ST JUNE, 2009)

 (ஈ) புதியதாக பணி ஏற்கின்ற அல்லது பதவி உயர்வில் பணி ஏற்கின்ற ஒருவருக்கும் முதல் ஊதிய உயர்வு, இணையான காலாண்டின் துவக்கத்தில் வழங்கப்படும். இவர்கள் விஷயத்தில் ஓராண்டு பணி முடிக்க வேண்டிய அவசியமில்லை. (G.O.Ms.No.41 Finance Dept, Dated 11.1.1977 மற்றும் Govt Letter No.171550அவி173 Finance Dept, Dated 1.10,1991)

(உ) ஊதிய உயர்வு நிலுவை இருப்பின், அதற்கான சான்று கையொப்பமிட்ட நாளிலிருந்து ஓராண்டுக்குள் வழங்கப்பட வேண்டும். தவறின், அடுத்த உயர் அலுவலரின் முன் தணிக்கை பெற வேண்டும். மூன்று ஆண்டுகளுக்கு மேலும் நிலுவையாக உள்ள இனங்களுக்குத் துறைத் தலைவரின் அனுமதி தேவை. (G.O Ms No.1285, Finance department Dated 11.10.1973 மற்றும் G.O Ms No.349, Finance department, Dated 21.5.1981)

(ஊ) தேர்வுகள் தேர்ச்சி பெறுவதற்காக ஊதிய உயர்வு வழங்கப்பட வேண்டியிருப்பின், தேர்வுகள் நடந்த கடைசி நாளுக்கு (பிரிவுகளாக நடந்திருப்பின், பிரிவுத் தேர்வு நடந்த கடைசி நாளுக்கு) மறுநாள் முதல் ஊதிய உயர்வு வழங்கப்படும் (அடிப்படை விதி 26(எ)ன் துணை விதி (2)

தற்காலிக மற்றும் தகுதிகாண் பருவத்தினருக்கு ஊதிய உயர்வு

(அ) தற்காலிக ஊழியர்களுக்கும் ஆண்டுதோறும் ஊதிய உயர்வு வழங்கப்படும். ஆனால், அவர் வசிக்கும் பதவியில் தகுதிகாண் பருவக்காலத்தில் தேர்வுகள் ஏதேனும் நிர்ணயம் செய்யப்பட்டிருந்தால் முதல் ஊதிய உயர்வு மட்டும் வழங்கப்படும். இரண்டாம் ஊதிய உயர்வு குறிப்பிட்ட அந்தத் தேர்வில் தேர்ச்சி பெற்ற பின்னர்தான் வழங்கப்படும். (அரசாணை எண். 1087, நிர்வாகத்துறை, நாள் 10.11.1982 அரசாணை எண். 231, P&AR,சி.16383 மற்றும் அரசு க.எண் 35068DOFIP&AR,நாள் 1.1.1994) தற்காலிகமாக பதவி உயர்வு பெற்றவருக்கும் ஆண்டுதோறும் ஊதிய உயர்வு வழங்கலாம். (Govt. Letter. No. 15285/FR.1746, Finance dated. 16.8.1975)

(ஆ) தகுதிகாண் பருவத்தினருக்கு ஆண்டுதோறும் ஊதிய உயர்வு வழங்கப்படும். தகுதிகாண் பருவக் காலத்தில் தேர்வுகள் வரையறை செய்யப்பட்ட பதவிகளுக்கு இரண்டாம் ஊதிய உயர்வு குறிப்பிட்ட அந்தத் தேர்வில் தேர்ச்சி பெற்ற பின்னர் வழங்கப்படும். தகுதிகாண் பருவம் முடிந்து ஆணை வழங்கிய பின்னர் தான் இரண்டாவது ஊதிய உயர்வு வழங்கப்படவேண்டும் என்பது இனி இல்லை (G.O Ms No. 618, P&A.R., Dated 6.7.1987)

பணி அமர்த்தப்பட்டால், முந்தையப் பணிக்காலம் ஊதிய உயர்வுக்கு சேராது. இருப்பினும் அதே பதவியில் அதே துறையிலோ வேறு துறையிலோ பணி அமர்த்தப்பட்டால் அதே ஊதியம் வழங்குவதுடன் முந்தைய பணிக்காலம் ஊதிய உயர்வுக்கு கணக்கில் எடுத்துக் கொள்ளப்படும். (Govt. Letter. No.76362874, P&AR Dated 27.7.1988)

முன் ஊதிய உயர்வு

(அ) ஒரு குறிப்பிட்ட தேர்வில் தேர்ச்சி பெற்றால் முன் ஊதிய உயர்வு வழங்கலாம் என குறிப்பான அரசாணை உள்ள பதவிகளுக்கு மட்டுமே, முன் ஊதிய உயர்வு வழங்கலாம்.

(ஆ) பணிக்கு வருவதற்கு முன்னரே குறிப்பிட் அந்த தேர்வில் தேர்ச்சி பெற்றாலும், முன் ஊதிய உயர்வு வழங்கலாம். (G.O Ms No.245, P&A.R., Dated 16.3.1985)

(இ) தேசிய அளவில் விளையாட்டுப் போட்டிகளில் வெற்றி பெறுபவருக்கு ஒரு முன் ஊதிய உயர்வும், சர்வதேச அளவில் நடைபெறும் போட்டிகளில் வெற்றி பெற்றால் இரண்டு ஊதிய உயர்வுகளும் கிடைக்கும் (G.O Ms No.1755, P&A.R., Dated 22.11.1988) மேற்படி ஊதிய உயர்வு போட்டி நடைபெற்ற மறுநாள் முதல் கிடைக்கும். மொத்த பணிக்காலத்தில் இதுபோன்ற காரணத்திற்கு மூன்று ஊதிய உயர்வுகளுக்கு மேல் கிடைக்காது. இருப்பினும் மேற்படி ஊதிய உயர்வு பதவி உயர்வுக்கான ஊதிய நிர்ணயத்திற்குச் சேராது.

(ஈ) சார்நிலை ஊழியர்களுக்கான கணக்குத் தேர்வு தேர்ச்சி பெற்றவர்களுக்கு Number Gazette பதிவுகளைக் கொண்டு முன் ஊதிய உயர்வு வழங்கலாம். (Govt. Letter.No. 52011 iii/873 P&A.R., Dated 13.8.1987)

(உ) உதவியாளர் பதவி உயர்வை துறக்கின்ற தட்டச்சர்/சுருக்கெழுத்து தட்டச்சர் ஆகியோருக்கு முன் ஊதிய உயர்வு கிடைக்காது. (G.O Ms No.10302 அ.வி. 285-2, P&A.R., Dated 4.9.1985)

(ஊ) தண்டனையாக ஊதிய உயர்வு தள்ளிப் போகின்ற நிகழ்வில் ஒருவருக்கு Advance Increment பெறுவதற்கான தகுதி கிடைத்தால் அதுவும் வழங்கப்பட வேண்டும். (Govt. Letter No. 28857 FR.177-1, P&A.R. dated 29.4.77)

பதவி இறக்கம் செய்யப்பட்டு விடுப்பில் சென்றால் ஊதிய உயர்வு

ஒருவர் பதவி இறக்கம் செய்யப்பட்டு விடுப்பில் சென்று விடுப்பு முடிந்து மீண்டும் அதே பதவியில் சேர்ந்தால் விடுப்புக்காலம் உயர் பதவியின் ஆண்டு ஊதிய உயர்வுக்கு சேரும் (24.3.1988 வரை விடுப்புக்காலம் பதவி உயர்வுக்கு சேராது என்று விதிகள் இருந்தன) (G.O Ms No.212, P&A.R., Dated 25.3.1988)

குற்றமாக கருதப்பட்ட தற்காலிகப் பணிநீக்க காலம்

 கீழ்நிலைப் பதவியில் பணிபுரிந்த காலம் உயர் பதவிக்கு சேராது

தண்டனைக் காலம் விடுப்புகளை சேர்த்தோ அல்லது நீங்கலாகவோ என தண்டனை வழங்கப்படும் ஆணையில் குறிப்பிட வேண்டும். இருப்பினும், With Cumulative effect-ஆக தள்ளப்படும் ஊதிய உயர்வு எப்போதுமே விடுப்புக்காலம் சேர்த்துதான் இருக்கும். (விதி 24 & அதன் அறிவுரை 2 (b))

தண்டனையாக ஊதிய உயர்வைத் தள்ளிப் போடுதல்

ஊதிய உயர்வை தண்டனையாக கருதி குறிப்பிட்ட காலத்திற்கு தள்ளிப்போடலாம். With Cumulative effect and Without Cumulative effect என இரு வகைகள் உள்ளன.

Without cumulative effect-ல் ஊதிய உயர்வு நிறுத்தப்பட்டால், குறிப்பிட்ட காலத்திற்கு மட்டும் ஊதிய உயர்வு நிறுத்தப்பட்டு தண்டனைக்காலம் முடிவுற்றதும் நிறுத்தப்பட்ட ஊதிய உயர்வு வழங்கப்படும்.

With Cumulative effect-ல் தண்டனையாக நிறுத்தப்பட்ட ஊதிய உயர்வின் இழப்பு பணிக்காலம் முழுவதும் இருக்கும். தண்டனையாக நிறுத்தப்பட்டது மீண்டும் கிடைக்காது.

இதுவன்றி ஊதிய உயர்வு தள்ளிப் போகும் காலத்தில் விடுப்பு அனுபவித்தால் இணையான காலத்திற்கு ஊதிய உயர்வு தள்ளிப் போகும்.

ஒருவர் மீது ஒழுங்கு நடவடிக்கை நிலுவையிலிருப்பினும், ஊதிய உயர்வு வழங்கலாம். (Rule.6 under FR) ஆணை வழங்குதலை எதிர்பார்த்து ஊதிய உயர்வே தராமல் இருக்கக் கூடாது. ஆண்டு ஊதிய உயர்வு தள்ளிப் போகும் ஆணை வழங்கப்பட்டால், ஆனைக்குப் பின்னர் எதிர்வருகின்ற முதல் ஊதிய உயர்வு தள்ளிப் போகும். ஆணை வழங்கப்பட இருக்கின்றது என எதிர்பார்த்து ஊதிய உயர்வே தராமல் இருக்க முடியாது. (அடிப்படை விதி 24)

ஊதிய உயர்வு திரள்கின்ற நாளன்று விடுப்பிலிருந்தால்

ஊதிய உயர்வு திரள்கின்ற நாளன்று விடுப்பில் இருந்தால் (LLP Without M.C. தவிர) ஊதிய உயர்வின் நிதிப்பயன் விடுப்பு முடிந்து பணியேற்ற உடன் வழக்கமான ஊதிய நாள் முதல் கிடைக்கும். நிதிப்பயன் தள்ளிப் போகாது. விடுப்பு என்பது எல்லா விடுப்பும் சேரும், LLP Without MC-ல் இருந்தால் விடுப்பு முடிந்து சேர்ந்த பிறகுதான் அனுமதிக்க முடியும். (Govt Letter No.48747/FRDOI/93-9, dated 30.5.1994) (G.O.Ms.No 90 P&AR, Dated 28.3.95)

பணிநீக்கப்பட்டு மீண்டும் பணி அமர்த்தப்பட்டால் ஊதிய உயர்வு

(அ) தகுதிகாண் பருவம் முடித்தவர் பணிநீக்கம் செய்யப்பட்டு மீண்டும் பணி அமர்த்தப்பட்டால், அவர் பணிநீக்கத்திற்கு முன்னர் பெற்று வந்த ஊதியமே பெறலாம். அத்துடன் முந்தைய பணிக்காலமும், ஊதிய உயர்வுக்குக் கணக்கிடப்படும் (G.O.Ms.No.400 P&AR, Dated 7.4.1988) இதனை சாதாரணமாக ஊதியம் நிர்ணயம் செய்யும் அலுவலரே வழங்கலாம் - (Govt Letter no.44316/86-4. P&AR, Dated 29.8.1986)

(ஆ) இடைப்பட்ட பணி நீக்கக் காலம் Condone செய்யப்பட வேண்டிய தேவையில்லை (Govet Letter No.44318/86-4, Finance Department, Dated 29.8.1986)

(இ) தகுதிகாண் பருவக் காலத்தில் ஒருவருக்கு 1.4.1988 அன்று ஊதிய உயர்வு வழங்கப்பட வேண்டும். ஆனால், குறிப்பிட்ட தேர்வு தேறாத காரணத்தால் 1.4.1988 ஊதிய உயர்வு வழங்கப்படவில்லை. 1.4.1989 மற்றும் 1.4.1990 ஊதிய உயர்வும் வழங்கப்படவில்லை. இவர் 18.9.1990 அன்று நடைபெற்ற தேர்வில்தான் தேர்ச்சி பெறுகின்றார். இவருக்கு 1988, 1989, 1990 ஆகிய மூன்று ஊதிய உயர்வுகளும் சேர்ந்து 17.9.1990 அன்று ஒரு சேர வழங்கப்படும் என்று Rule of 28 of State and Subordinate Service Rules கூறுகிறது. இதனால் இவருக்கு குறிப்பிட்ட காலத்திற்கு மட்டுமே நிதி இழப்பு ஏற்பட்டுள்ளது. நிரந்தரமாக Cumulative நிதி இழப்பு ஏற்படவில்லை.

(ஈ) தகுதிகாண் பருவக்காலத்தில் பயிற்சி முடிக்கவேண்டிய இளநிலை உதவியாளர்களுக்கு இரண்டாவது ஊதிய உயர்வு அப்பயிற்சி முடிந்த பின்னர் தான் வழங்கப்பட வேண்டும். அலுவலக நடைமுறை காரணமாக பயிற்சிக்கு அனுப்புவது தாமதப்பட்டால், அரசின் ஆணை பெற்று விதிகளைத் தளர்த்தி வழக்கமான நாளிலேயே ஊதிய உயர்வு வழங்கலாம். (Govt Letter No.6888/90-3, P&AR Dated 18.4.1990 மற்றும் G.O.Ms No. 71720 பணி-பி/92-1, P&AR Dated, 2.12.1992)

(உ) ஒரு பதவிக்கு பணி அமர்வு செய்வதற்கான தகுதிகள் அனைத்தும் ஒருவர் பெற்றிருக்கவேண்டும். ஏதேனும் ஒரு தகுதி குறைவாக இருந்தாலும் அவருக்கு ஊதிய உயர்வே கிடைக்காது. (Govt Letter No.16599A/FRI/74-3 Finance Dept, dated 21.3.1975 & G.O.Ms No.41, Finance Dept, Dated 11.1.1977)

(ஊ) பணி இறக்கம் பெறுவதைத் தொடர்ந்து ஒருவர் விடுப்பில் செல்வதால் விடுப்பு முடிந்து மீண்டும் பதவி உயர்வு பெற்று அதே உயர் பதவியில் சேர்ந்தால் விடுப்புக் காலத்திற்கும் ஊதிய உயர்வு கிடைக்கும். அதாவது தள்ளிப் போகாது (Effective from 25.388) G.O.Ms.No.212, P&A.R., dated 25.388)

தட்டச்சர் சுருக்கெழுத்து தட்டச்சர்கள்

முதல் ஊதிய உயர்வு மட்டும் வழங்கலாம். இரண்டாம் உதிய உயர்வு தமிழ் தட்டச்சு சுருக்கெழுத்து தேர்வில் தேர்ச்சி பெற்ற பின்னர்தான் வழங்கப்படும்.

ஊதிய விகிதத்தில் அதிகபட்சம் பெற்றவருக்கு ஊதிய உயர்வு

1.1.96 முதல் (நிதிப்பயன்1.9.1998) ஒரு ஊதிய வீதத்தில் அதிக பட்சம் பெற்றுவிட்ட ஒருவருக்கு இரண்டு ஆண்டுக்கு ஒரு முறைதான் ஊதிய உயர்வு கிடைக்கும் (GO.Ms No. 483, Finance (Pay commission) Dated 8.9.1998)

ஊதிய உயர்வுக்கு சேரும் காலம் –

பணியேற்பிடைக்காலம் FR 26(d)
அயல் பணி FR-26(d)
உயர்நிலைப் பதவியின் பணிபுரிந்த காலம் கீழ்நிலைப் பகுதிக்கு சேரும் FR26(e))
பயிற்சிக்கு சென்ற காலம் - (GO.Ms.No.370, P&ARdL26689)– அனைத்து விடுப்புகள்-(FR2660)
மருத்துவச் சான்றின் பேரில் ஊதியமில்லா விடுப்பு - (FR 26 (bb)

 ஊதிய உயர்வுக்கு சேராத காலம்

மருத்துவச் சான்று அல்லாத ஊதியமில்லாத விடுப்புFR26(bb)
அனுமதித்ததற்கும் அதிகமாக எடுக்கப்பட்ட வரன்முறை செய்யாத விடுப்புக்காலம்

C.P. சரவணன், வழக்கறிஞர்.  9840052475

கார், பைக் வைத்திருப்பவர்கள் வாகனம் ஓட்டும்போது ஒரிஜினல் லைசென்ஸ் தேவை : தமிழக அரசு உத்தரவு......

கார், பைக் வைத்திருப்பவர்கள் வாகனம் ஓட்டும்போது ஒரிஜினல் லைசென்ஸ் தேவை : தமிழக அரசு உத்தரவு......

தமிழக அரசு சார்பில் சாலைபாதுகாப்பு ஆணையர் நேற்றுவெளியிட்டுள்ள அறிக்கை:போக்குவரத்து துறைஅமைச்சர் தலைமையில்மாநில சாலை பாதுகாப்பு குழுகூட்டம்

தலைமை செயலகத்தில்நடைபெற்றது. இந்தகூட்டத்தில் தலைமைசெயலாளர், உள்துறை,நிதித்துறை, நெடுஞ்சாலைதுறை, நகராட்சி மற்றும் குடிநீர்வழங்கல் துறை,போக்குவரத்து துறைசெயலாளர்கள், காவல் துறைஇயக்குநர், சென்னைபெருநகர காவல் ஆணையர்மற்றும் பிற துறைகளைசேர்ந்த அதிகாரிகளும் கலந்துகொண்டனர்.

கூட்டத்தில், உச்ச நீதிமன்றசாலை பாதுகாப்பு குழுவின்பரிந்துரையை ஏற்று,வாகனத்தை அதிவேகமாகஇயக்குதல், சிவப்பு விளக்கைதாண்டுதல், குடிபோதையில்வாகனம் ஓட்டுதல்,வாகனத்தை ஓட்டும்போதுசெல்போனைபயன்படுத்துவது, சரக்குவாகனங்களில் அதிக பாரம்ஏற்றுதல் அல்லது சரக்குவாகனங்களில் ஆட்களைஏற்றுதல் போன்றபோக்குவரத்துவிதிமீறல்களுக்குசம்பந்தப்பட்ட ஓட்டுநர்களின்ஓட்டுநர் உரிமங்களைதற்காலிகமாக அல்லதுநிரந்தரமாக ரத்து செய்யுமாறுகூட்டத்தில்முடிவெடுக்கப்பட்டது.

மேலும், உயிரிழப்புஏற்படுத்திய வாகனஓட்டுநர்களின் ஓட்டுநர்உரிமங்களை திரும்பப்பெறுவதற்கு முன்பாகதமிழ்நாடு அரசு போக்குவரத்துகழகத்தினரால் நடத்தப்படும்பயிற்சி மையங்களில் இரண்டுநாள் புத்தாக்க பயிற்சியினைஅவரவர்களின் சொந்தசெலவில் மேற்கொண்டு உரியசான்றினை பெற்று சமர்ப்பிக்கவேண்டும். வாகன ஓட்டிகள்அனைவரும் வாகனத்தைஓட்டும்போது அசல் உரிமம்வைத்திருக்க வேண்டும்.சோதனை அலுவலர்கள்ஆய்வின்போது அசல்உரிமத்தை கட்டாயம்காண்பிக்க வேண்டும்.

ஹெல்மெட் போடாவிட்டால் 2மணிநேரம் பாடம் படிக்கவேண்டும்

அரசின் செய்திக்குறிப்பில்‘இரு சக்கர வாகன ஓட்டிகள்மற்றும் பின்னால் அமர்ந்துசெல்லும் பயணியும்கட்டாயமாக தலைக்கவசம்அணிய வேண்டும்.தலைக்கவசம் அணியாமல்இருசக்கர வாகனம் ஓட்டிச்செல்லும் வாகன ஓட்டிகளைஅருகாமையில் உள்ள தாலுகாகாவல் நிலையம் அல்லதுவட்டார போக்குவரத்துஅலுவலகம் அழைத்துச்சென்று குறைந்த பட்சம்இரண்டு மணி நேரம்விழிப்புணர்வு பற்றிய பயிற்சிகொடுக்கப்பட வேண்டும்,அத்துடன் உரியஅபராதத்தையும் வசூலிக்கவேண்டும் என்றுகுறிப்பிடப்பட்டுள்ளது.

முதலமைச்சரின் விரிவான மருத்துவ காப்பீட்டுத் திட்டத்தில், 346 மருத்துவமனைகள் முறைகேடு: தமிழக அரசு ஒப்புதல்!

முதலமைச்சரின் விரிவான மருத்துவ காப்பீட்டுத் திட்டத்தில், 346 மருத்துவமனைகள் முறைகேடு: தமிழக அரசு ஒப்புதல்!

தமிழகம் முழுவதும் மருத்துமனைகளில் நடைமுறைப்படுத்தப்படும் முதலமைச்சரின் விரிவான மருத்துவ காப்பீட்டுத் திட்டத்தில், 346 மருத்துவமனைகள் முறைகேட்டில் ஈடுபடுவதாக தமிழக அரசு உயர் நீதிமன்ற கிளையில் தெரிவித்துள்ளது.

மதுரையைச் சேர்ந்த கே.கே.ரமேஷ் என்பவர் சென்னை உயர் நீதிமன்றத்தின் மதுரை கிளையில் பொது நல மனு ஒன்றினை தாக்கல் செய்தார். அதில் அவர் முதலமைச்சரின் விரிவான மருத்துவ காப்பீட்டுத் திட்டத்தின் கீழ் சிகிச்சை பெறும் நோயாளிகளிடம் கட்டணம் வசூலிக்கப்படுகிறது என்றும், இதனை கண்காணிக்க குழுக்கள் அமைக்க வேண்டும் என்று அரசு உத்தரவிட்டிருந்தாலும், அவை எதுவும் செயல்பாட்டிலில்லையென்றும் ரமேஷ் தனது மனுவில் தெரிவித்திருந்தார்.

மேலும் அரசின் உத்தரவின்படி நடத்த வேண்டிய மருத்துவ முகாம்கள் கூட சரியாக நடத்தபடுவது இல்லை என்றும் அவர் குற்றம் சாட்டியிருந்தார்.

இந்த வழக்கு இன்று விசாரணைக்கு வந்தது. அப்பொழுது தமிழக அரசு தாக்கல் செய்த பதில் மனுவில் தெரிவிக்கப்பட்டிருந்ததாவது:

தமிழகம் முழுவதும் மருத்துமனைகளில் நடைமுறைப்படுத்தப்படும் முதலமைச்சரின் விரிவான மருத்துவ காப்பீட்டுத் திட்டத்தில், 346 மருத்துவமனைகள் முறைகேட்டில் ஈடுபடுகின்றன. இது தொடர்பாக நடந்த விசாரணையில் 16 மருத்துவமனைகளுக்கு அபராதம் விதிக்கப்பட்டுள்ளது. மேலும் 117 மருத்துவமனைகளுக்கு அவற்றின் செயல்பாடு குறித்து எச்சரிக்கை விடுக்கப்பட்டுள்ளது.

மாவட்ட ஆட்சித் தலைவர் தலைமையில் ஏற்கனவே கண்காணிப்பு குழுக்கள் அமைக்கப்பட்டு செயல்பட்டு  வருகின்றன.

இவ்வாறு தமிழக அரசு தாக்கல் செய்துள்ள பதில் மனுவில் தெரிவிக்கப்பட்டுள்ளது.

மனுக்கள் அளித்தே பள்ளியை சீராக்கிய அரசுப் பள்ளி ஆசிரியர்!

மனுக்கள் அளித்தே பள்ளியை சீராக்கிய அரசுப் பள்ளி ஆசிரியர்!

"மாணவர்களுக்குக் கல்வி கற்பிப்பதோடு ஓர் ஆசிரியரின்கடமை முடிந்துவிடுவதில்லை. நல்ல குடிமக்களைஉருவாக்குவதிலும் பெரிய பொறுப்பு இருக்கிறது என்பது என்எண்ணம். ஆசிரியர்கள் செய்யும் நல்ல விஷயங்கள்,மாணவர்கள் மனதில் நன்றாகப் பதிந்து, நாம் சொல்லாமலேஅவர்களைச் செய்யவைக்கும். அதனால்தான் என்னால் 
முடிந்த சிறுசிறு சமூக விஷயங்களைச் செய்துவருகிறேன்" எனஅடக்கமாகப் பேசுகிறார், ஆசிரியர் சாந்தகுமார்.

நாமக்கல் மாவட்டம், திருச்செங்கோடு அருகிலுள்ளசானார்பாளையம் நகராட்சி நடுநிலைப் பள்ளியின் ஆசிரியர்.சலிப்பின்றி மனுக்களைக் கொடுத்து பள்ளியின் தேவைகளைப்பெறுவது, தகவல் அறியும் உரிமைச் சட்டத்தின் வாயிலாகத்தேவைப்படுவோருக்கான உதவிகளைப் பெற்றுத் தருவது,மாணவர்களுடன் சேர்ந்து விதைப்பந்துகளை உருவாக்குவதுஎன இவரது சமூக அக்கறை நீள்கிறது.\

மனுக்கள் அளித்தே பள்ளியை சீராக்கிய அரசுப் பள்ளிஆசிரியர்!

அரசுப் பள்ளி ஆசிரியர் சாந்தகுமார்

"மாணவர்களுக்குக் கல்வி கற்பிப்பதோடு ஓர் ஆசிரியரின்கடமை முடிந்துவிடுவதில்லை. நல்ல குடிமக்களைஉருவாக்குவதிலும் பெரிய பொறுப்பு இருக்கிறது என்பது என்எண்ணம். ஆசிரியர்கள் செய்யும் நல்ல விஷயங்கள்,மாணவர்கள் மனதில் நன்றாகப் பதிந்து, நாம் சொல்லாமலேஅவர்களைச் செய்யவைக்கும். அதனால்தான் என்னால் முடிந்தசிறுசிறு சமூக விஷயங்களைச் செய்துவருகிறேன்" எனஅடக்கமாகப் பேசுகிறார், ஆசிரியர் சாந்தகுமார்.

நாமக்கல் மாவட்டம், திருச்செங்கோடு அருகிலுள்ளசானார்பாளையம் நகராட்சி நடுநிலைப் பள்ளியின் ஆசிரியர்.சலிப்பின்றி மனுக்களைக் கொடுத்து பள்ளியின் தேவைகளைப்பெறுவது, தகவல் அறியும் உரிமைச் சட்டத்தின் வாயிலாகத்தேவைப்படுவோருக்கான உதவிகளைப் பெற்றுத் தருவது,மாணவர்களுடன் சேர்ந்து விதைப்பந்துகளை உருவாக்குவதுஎன இவரது சமூக அக்கறை நீள்கிறது.

மனு அளித்து மூடப்பட்ட கிணறு

"கும்பகோணம் தீ விபத்து சம்பவம் என் மனசுல பெரியதாக்கத்தை ஏற்படுத்திச்சு. நாம் வேலை செய்யும் இடத்தில் ஒருகுழந்தைக்குக்கூட சின்ன விபத்து நடந்துடக்கூடாதுனுஉறுதியாக இருந்தேன். சில வருஷங்களுக்கு முன்னாடி,பள்ளிக்குள்ளே இருந்த டிரான்ஸ்ஃபார்மரில் அடிக்கடிதீப்பொறி வந்துட்டு இருந்துச்சு. பள்ளிக்கு மேலாக உயரழுத்தமின் கம்பியும் இருந்துச்சு. இது எந்த நேரத்திலும்மாணவர்களுக்கு ஆபத்தை உண்டாக்கலாம்னு நினைச்சேன்.கலெக்டர் மற்றும் சம்பந்தப்பட்ட அதிகாரிகளுக்குத்தொடர்ச்சியாக மனுக்களைப் போட்டு இரண்டையுமே வேறுபகுதிக்கு மாற்றினேன். பள்ளி வளாகத்தில் ஆபத்தானநிலையில் ஒரு மூடாத கிணறு இருந்துச்சு. அதைச் சுற்றிஇரும்புத் தடுப்புகள் அமைக்க வைத்தேன்'' என்கிறார்சாந்தகுமார்.

தகவல் அறியும் உரிமைச் சட்டத்தின் வாயிலாக கடந்த ஏழுஆண்டுகளில் முந்நூற்றுக்கும் அதிகமான மனுக்களைவிண்ணப்பித்து, பலவற்றில் வெற்றிபெற்றிருப்பது இவரதுஹைலைட்.

''எல்லாமே பள்ளிக்கும் சுற்றுவட்டார மக்களுக்கும் பயன்படும்விஷயங்கள். ஆண்டுதோறும் திருச்செங்கோடு நகராட்சிசார்பில், அரசுப் பள்ளிகளுக்கு ஒரு கோடி ரூபாய் வரை கல்விப்பணிகளுக்குச் செலவழிக்க வேண்டும் என்பது நடைமுறை.இந்தச் செலவினங்களை தகவல் அறியும் உரிமைச்சட்டத்தின்படி கேட்டுத் தெரிஞ்சுக்கிட்டேன். இப்போ, அந்தப்பணம் முறையாக பல பள்ளிகளுக்கும் செலவழிக்கப்படுது.டி.எல்.ஓ எனப்படும் வாக்குச்சாவடி நிலை அலுவலர் உள்ளிட்டதேர்தல் சார்ந்த முகாம் பணிகளுக்கும், கள ஆய்வு மற்றும் மனுவாங்கும் பணிகளுக்கும் உடல்நிலை சரியில்லாதஆசிரியர்களையும் தொடர்ந்து பயன்படுத்தி வந்தாங்க. இதைஎதிர்த்து தகவல் அறியும் உரிமைச் சட்டத்தில் மனுக்கொடுத்தேன். இப்போ, உடல்நிலை சரியில்லாத ஆசிரியர்கள்டி.எல்.ஓ பணியில் இருந்து விடுவிக்கப்பட்டிருக்காங்க" என்கிறசாந்தகுமார், சட்டமன்ற மற்றும் நாடாளுமன்ற உறுப்பினர்தொகுதி மேம்பாட்டு நிதியிலிருந்தும் தான் பணியாற்றும்பள்ளிகளுக்கு உதவி பெற்றுள்ளார்.

"பல வருஷங்களுக்கு முன்னாடி கல்வி அதிகாரி ஒருவர்பள்ளிக்கு வந்தார். அலுவலகச் செலவுக்காக எல்லாஆசிரியர்களும் குறிப்பிட்ட தொகையைக் கொடுக்கணும்னுகேட்டு வாங்கினார். இதை எதிர்த்து கலெக்டரிடம் புகார்கொடுத்து, பணத்தைத் திரும்ப வாங்கினோம். மற்றொரு கல்விஅதிகாரி, ஆசிரியர்கள் பணம் கொடுக்க வேண்டும் எனசர்க்குலரே வெளியிட்டார். அதனை ஆதாரமாக வைத்துபள்ளிக் கல்வி இயக்குநருக்குப் புகார் அனுப்பினேன். அந்தஅதிகாரியைத் தற்காலிகப் பணிநீக்கம் செய்தாங்க. எங்கள்ஒன்றியத்தில் இருக்கும் தொடக்கப் பள்ளி தலைமை ஆசிரியைஒருவரை தரக்குறைவாகப் பேசிய தாசில்தார் பற்றி, உயர்அதிகாரிகளிடம் புகார் செய்து மன்னிப்பு கேட்கவெச்சேன்.திருச்செங்கோட்டில் தனியார் கட்டடத்தில் இயங்கிவந்த அரசுநூலகத்தை, பல முயற்சிகளுக்குப் பிறகு அரசுக் கட்டடத்துக்குமாத்தினேன்'' என்று அடுக்குகிறார் சாந்தகுமார்.

மாணவர்களிடமும் சமூகச் சிந்தனையை விதைக்கும் விதமாக,பள்ளி மற்றும் அவரவர் வீடுகளுக்கு அருகே இருக்கும்மரங்களிலிருந்து விழும் விதைகளைச் சேகரிக்கச் செய்கிறார்சாந்தகுமார். ''அப்படிச் சேகரிக்கும் விதைகளைமழைக்காலங்களில் விதைப்பந்துகளாகத் தயார்செய்துசுற்றுவட்டாரப் பகுதிகளில் வீசுவோம். விதைப்பந்துகள் பலவும்செடிகளாகி, மரங்களாக வளர்ந்துட்டிருக்கு'' எனப்புன்னகைக்கிறார்.