P.M.ELUMALAI M.Sc.,B.Ed., BT ASST TEACHER. amp; www.kalvicikaram.blogspot.in & www.kalvicikaram.com
ஞாயிறு, 20 ஆகஸ்ட், 2017
ஆங்கிலத்தில் அசத்தும் அரசுப் பள்ளி மாணவி!!!
விழுப்புரம் மாவட்டம், திண்டிவனம் அருகே அரசுப் பள்ளியில் முதலாம் வகுப்பு பயிலும் மாணவி, 5-ஆம் வகுப்பு மாணவர்களுக்கு ஈடாக ஆங்கிலத் திறனை வளர்த்து, முன்னுதாரணமாகத் திகழ்கிறார்.
தங்கள் பிள்ளைகள் ஆங்கில மொழித் திறன் பெற வேண்டும் என்பதற்காகவே, பெற்றோர்கள் தனியார் பள்ளிகளை நாடி வருகின்றனர். ஆனால், அரசுப் பள்ளிகளிலும் திறமை வாய்ந்த ஆசிரியர்கள் மூலம் சிறப்பாக ஆங்கிலம் கற்பிக்கப்படுகிறது என்பதற்கு உதாரணமாக விளங்குகிறார் திண்டிவனம் அருகே உள்ள கட்டளை ஊராட்சி ஒன்றிய நடுநிலைப் பள்ளியில் முதலாம் வகுப்பு பயிலும் மாணவி காவ்யா.
இவர், 5-ஆம் வகுப்பு மாணவருக்கு ஈடாக ஆங்கில மொழித் திறனில் அசத்தி வருகிறார். இந்தப் பள்ளியில் முதலாம் வகுப்பு சேர்ந்து ஒரு மாதமே ஆன மாணவி காவ்யா, தன் மழலைக் குரலால் ஆங்கில எழுத்துகளை அதிவேகமாக உச்சரிப்பது, எழுதுவதுடன், ஆசிரியர் ஆங்கிலத்தில் கேட்கும் கேள்விகளுக்கு, அழகாக பதில் அளித்து ஆச்சரியப்படுத்துகிறார். ஆங்கில வார்த்தைகளுக்கான தமிழ் அர்த்தத்தையும் கூறுகிறார்.
இதுதொடர்பாக அந்தப் பள்ளி ஆசிரியர் ச.சுகதேவ், மாணவி காவ்யாவிடம் ஆங்கிலத்தில் உரையாடிய விடியோவை பள்ளியின் முகநூல் பக்கத்தில் வெளியிட்டுள்ளார். இதனைப் பார்த்து ஆச்சர்யப்படும் பெற்றோர்கள் பலர் காவ்யாவுக்கு வாழ்த்துகளைத் தெரிவித்து வருகின்றனர்.
இது குறித்து, அந்தப் பள்ளி ஆசிரியர் ச.சுகதேவ் கூறியதாவது:
கடந்த ஆண்டு பள்ளி வயதை எட்டாத நிலையில் வீட்டில் தனியாக இருந்த காவ்யா, இதே பள்ளியில் 3ஆம் வகுப்பு படித்த தனது அக்காள் பிரியதர்ஷனியுடன் பள்ளிக்கு வந்து சென்றார்.
அப்போது மாணவர்களுக்கு பாடம் எடுப்பதை உற்று நோக்கி வந்த காவ்யாவுக்கு, பிற மாணவர்களைப் போல் சொல்லிக் கொடுத்து வீட்டுப் பாடம் எழுதிவரச் செய்தேன். அவரும் ஆர்வத்துடன் எழுதி வந்து காண்பித்தார். பின்னர் பொனெடிக் முறையில் ஆங்கில உச்சரிப்பையும் விரைவாகக் கற்றுக்கொண்டார்.
இந்தாண்டு முறைப்படி முதல் வகுப்பில் சேர்ந்த காவ்யா, ஆங்கில வார்த்தைகளை உரிய உச்சரிப்புடன் சரளமாக வாசிப்பதும், எழுதுவதும் என்று 5-ஆம் வகுப்பு மாணவருக்கு ஈடாக திறன் பெற்றிருப்பது ஆச்சர்யத்தை ஏற்படுத்துகிறது.
அரசுப் பள்ளியில் பயிலும் மாணவர்கள் ஆங்கிலத்தில் திறன் பெறுவது கடினம் என்ற மனப்பான்மையை இதுபோன்ற மாணவர்கள் தகர்த்து வருகின்றனர் என்றார்.
சனி, 19 ஆகஸ்ட், 2017
ஊதிய உயர்வு வழங்கக்கோரி முதல்வர் பழனிசாமி விழாவில் திடீர் கோஷமிட்ட அரசு ஊழியர்கள்! பாதியில் நின்ற நிகழ்ச்சி
முதல்வர் பழனிசாமி பங்கேற்ற விழாவில், அரசு ஊழியர்கள் திடீரென முழக்கமிட்டதால் சலசலப்பு ஏற்பட்டதோடு, மேடையிலிருந்து முதல்வர் வெளியேறிய சம்பவம் பரபரப்பை ஏற்படுத்தியது.
தமிழக அரசு சார்பில் மாவட்டம் முழுவதும் எம்.ஜி.ஆர் நூற்றாண்டு விழா கொண்டாடப்பட்டுவருகிறது. முதல்வர் பழனிசாமி தலைமையில் இந்த விழா நடைபெற்றுவருகிறது. தமிழக வருவாய்த்துறை சார்பில், சென்னை கலைவாணர் அரங்கில் இன்று காலை எம்.ஜி.ஆர் நூற்றாண்டு விழா நடைபெற்றது. வருவாய்த்துறை அமைச்சர் உதயகுமார் உள்ளிட்ட அனைத்து அமைச்சர்களும் அதிகாரிகளும், ஊழியர்களும் பங்கேற்றனர்.
விழாவில், முதல்வர் பழனிசாமி பேசிக்கொண்டிருந்தார். அப்போது, விழாவில் பங்கேற்றிருந்த கிராம உதவியாளர்கள், திடீரென ஊதிய உயர்வு வழங்கக்கோரி முழக்கம் எழுப்பினர். அதைப் பார்த்து முதல்வர் பழனிசாமி அதிர்ச்சியடைந்தார். உடனடியாக, அமைச்சர் உதயகுமார் எழுந்து, அமைதி காக்குமாறு கிராம உதவியாளர்களுக்கு வேண்டுகோள் விடுத்தார். தொடர்ந்து கிராம உதவியாளர்கள் முழக்கமிட்டதால், முதல்வர் பழனிசாமி விழா மேடையிலிருந்து புறப்பட்டுச்சென்றார். மேலும், விழா நிறைவடைவதற்கு முன்னதாகவே கிராம உதவியாளர்கள் சிலர் பாதியில் வெளியேறினர்.
முதல்வர் பழனிசாமி விழாவில் கிராம உதவியாளர்கள் முழக்கமிட்ட சம்பவம், பெரும் பரபரப்பை ஏற்படுத்தியது.
மார்பகப் புற்றுநோய் 76,000 பெண்களுக்கு ஆபத்து!
உலகில் ஒவ்வோர் ஆண்டும் 10 லட்சம் பெண்களுக்கு மார்பகப் புற்றுநோய் கண்டறியப்படுகிறது. பெண்களைத் தாக்கும் புற்றுநோய்களில் இரண்டாவதாக மார்பகப் புற்றுநோய் உள்ளது. 50 பெண்களில் ஒருவருக்கு மார்பகப் புற்றுநோய் இருக்கிறது. எந்த வயது பெண்களுக்கும் இது வரலாம். வயது அதிகரிக்கும்போது நோய் தாக்கும் அபாயமும் அதிகரிக்கும். பொதுவாக மார்பகப் புற்றுநோய் உருவாவதற்கு ஈஸ்ட்ரோஜென், புரோஜெஸ்டிரோன் உள்ளிட்ட ஹார்மோன்கள் காரணமாக உள்ளது. இதைத் ஆரம்பத்திலேயே கண்டறிந்துவிட்டால், இந்தப் புற்றுநோய் செல்கள் வளர்வதை ‘டமோக்சி பென்’ உள்ளிட்ட மருந்துகள் மூலம் கட்டுப்படுத்த முடியும்.
இந்த நிலையில், இந்தியாவில் மார்பகப் புற்றுநோயை ஆரம்ப நிலையிலேயே கண்டறியாவிட்டால் 2020ஆம் ஆண்டு 76,000 பெண்கள் புற்றுநோயால் இறக்கலாம் என இந்திய வம்சாவளியைச் சேர்ந்த ஆராய்ச்சியாளர்கள் எச்சரித்துள்ளனர்.
கடந்த 2012இல், இந்தியாவில் 70,218 பெண்கள் மார்பகப் புற்றுநோயால் இறந்துள்ளனர் என ஜர்னல் ஆஃப் பிசினஸ் ரிசர்ச் பத்திரிகையில் வெளியிடப்பட்ட ஆய்வில் தெரிவிக்கப்பட்டது. அதேபோல், மார்பகப் புற்றுநோயால் இறக்கும் வயது விகிதம் 50இல் இருந்து 30 ஆக குறைந்துள்ளது.
இதுகுறித்து துபாய் வொல்லோங்கொங் பல்கலைக்கழகத்தின் துணை தலைவர் விஜய் பெரேரா, “மார்பகப் புற்றுநோய் பிரச்னையின் அளவு மிகப் பெரியது. இது தேசிய, மாநில மற்றும் சமூக மட்டங்களில் சிக்கலான சவால்களைக்கொண்டுள்ளது. மாநில அளவிலான சுகாதார பராமரிப்பு தரம் மற்றும் விழிப்பு உணர்வை வழங்குவதற்கான வழிமுறைகளை மாற்றியமைக்க வேண்டும்” எனத் தெரிவித்துள்ளார்.
பெண்களிடையே சுய பரிசோதனை மற்றும் கலாசார தடைகள் பற்றிய விழிப்பு உணர்வு இல்லாததால், அவர்களுக்கு மிகவும் தாமதமாகவே மருத்துவசிகிச்சை கிடைக்கிறது. பெண்கள் சுகாதார சேவைகளை அணுகுவதில்லை. ஆண் மருத்துவரிடம் பேச தயக்கம் காட்டுகின்றனர். குடும்பத்தின் கடமைகளால் தங்கள் உடல்நலத்தைப் புறக்கணித்து விடுகின்றனர். குடும்ப உறுப்பினர்களை அதிகம் சார்ந்து இருக்கின்றனர். இந்த அனைத்துக் காரணங்களாலும் நோயைக் கண்டறிவதில் தாமதம் ஏற்படுகிறது.
இதுகுறித்து இங்கிலாந்து போர்ட்ஸ்மவுத் பல்கலைக்கழகத்தைச் சேர்ந்த ஜூடித் பிளெட்சர் பிரவுன், “மார்பகப் புற்றுநோய்க்கான ஆரம்ப நோயறிதலின் முக்கியத்துவம் குறித்து இந்திய ஆண்களுக்கு அறிவூட்டுவதன்மூலம், தொற்றுநோயாக நோய் மாறுவதை நிறுத்த முடியும் என ஆராய்ச்சியாளர்கள் தெரிவித்துள்ளனர். இந்தியா இன்னும் ஓர் ஆணாதிக்க சமூகமாகவே உள்ளது. இப்போது பெண்கள் பொறுப்புள்ள வேலைகள் மற்றும் தங்கள் குடும்பங்களுக்காகச் சம்பாதித்தாலும் ஆண்களே குடும்பத்தைக் காப்பதாகக் கருதப்படுகின்றனர்.
கல்வியறிவுடைய வேலைக்குச் செல்லும் பெண்கள்கூட தங்கள் உடல்களின் ஏற்படும் விஷயங்கள் குறித்து தங்கள் கணவர், தந்தை அல்லது சகோதரர்களுடன் விவாதிப்பதில்லை. எனவே, பெண்கள் ஆண்களிடம் நேரடியாக ஆரோக்கியமான செய்திகளைத் தருவது அவசியம்” என அவர் தெரிவித்துள்ளார்.
விரைவான பொருளாதார வளர்ச்சி மற்றும் பெரிய நகரமயமாக்கல் ஆகியவை மார்பகப் புற்றுநோய் விகிதங்கள் அதிகரிப்பதற்குக் காரணமாக உள்ளது. பெண்கள் வயதைக் கடந்து குழந்தைகளை பெற்றுக்கொள்வதும், தாய்ப்பால் அளிக்காமல் இருப்பதும் நோய் வளரும் வாய்ப்புகளை அதிகரிக்கிறது. நகர்ப்புற இந்தியாவில் பணிபுரியும் பெண்கள் உடல் எடையை அதிகரிக்கும் மேற்கத்திய உணவுகளை எடுத்துக்கொள்கின்றனர். இது ஆபத்தை அதிகரிக்கிறது. ஆரம்ப சுகாதார செவிலியர்கள் மார்பகப் புற்றுநோய் அறிகுறிகளின் விழிப்பு உணர்வை அதிகரிப்பதில் மிகுந்த தாக்கத்தை ஏற்படுத்தியுள்ளனர். கூடுதலாக பள்ளிகளும் ஊடகங்களும் இளம் பெண்களிடையே விழிப்பு உணர்வை ஏற்படுத்துகின்றன.
இந்த நிலையில், இந்தியாவில் மார்பகப் புற்றுநோயை ஆரம்ப நிலையிலேயே கண்டறியாவிட்டால் 2020ஆம் ஆண்டு 76,000 பெண்கள் புற்றுநோயால் இறக்கலாம் என இந்திய வம்சாவளியைச் சேர்ந்த ஆராய்ச்சியாளர்கள் எச்சரித்துள்ளனர்.
கடந்த 2012இல், இந்தியாவில் 70,218 பெண்கள் மார்பகப் புற்றுநோயால் இறந்துள்ளனர் என ஜர்னல் ஆஃப் பிசினஸ் ரிசர்ச் பத்திரிகையில் வெளியிடப்பட்ட ஆய்வில் தெரிவிக்கப்பட்டது. அதேபோல், மார்பகப் புற்றுநோயால் இறக்கும் வயது விகிதம் 50இல் இருந்து 30 ஆக குறைந்துள்ளது.
இதுகுறித்து துபாய் வொல்லோங்கொங் பல்கலைக்கழகத்தின் துணை தலைவர் விஜய் பெரேரா, “மார்பகப் புற்றுநோய் பிரச்னையின் அளவு மிகப் பெரியது. இது தேசிய, மாநில மற்றும் சமூக மட்டங்களில் சிக்கலான சவால்களைக்கொண்டுள்ளது. மாநில அளவிலான சுகாதார பராமரிப்பு தரம் மற்றும் விழிப்பு உணர்வை வழங்குவதற்கான வழிமுறைகளை மாற்றியமைக்க வேண்டும்” எனத் தெரிவித்துள்ளார்.
பெண்களிடையே சுய பரிசோதனை மற்றும் கலாசார தடைகள் பற்றிய விழிப்பு உணர்வு இல்லாததால், அவர்களுக்கு மிகவும் தாமதமாகவே மருத்துவசிகிச்சை கிடைக்கிறது. பெண்கள் சுகாதார சேவைகளை அணுகுவதில்லை. ஆண் மருத்துவரிடம் பேச தயக்கம் காட்டுகின்றனர். குடும்பத்தின் கடமைகளால் தங்கள் உடல்நலத்தைப் புறக்கணித்து விடுகின்றனர். குடும்ப உறுப்பினர்களை அதிகம் சார்ந்து இருக்கின்றனர். இந்த அனைத்துக் காரணங்களாலும் நோயைக் கண்டறிவதில் தாமதம் ஏற்படுகிறது.
இதுகுறித்து இங்கிலாந்து போர்ட்ஸ்மவுத் பல்கலைக்கழகத்தைச் சேர்ந்த ஜூடித் பிளெட்சர் பிரவுன், “மார்பகப் புற்றுநோய்க்கான ஆரம்ப நோயறிதலின் முக்கியத்துவம் குறித்து இந்திய ஆண்களுக்கு அறிவூட்டுவதன்மூலம், தொற்றுநோயாக நோய் மாறுவதை நிறுத்த முடியும் என ஆராய்ச்சியாளர்கள் தெரிவித்துள்ளனர். இந்தியா இன்னும் ஓர் ஆணாதிக்க சமூகமாகவே உள்ளது. இப்போது பெண்கள் பொறுப்புள்ள வேலைகள் மற்றும் தங்கள் குடும்பங்களுக்காகச் சம்பாதித்தாலும் ஆண்களே குடும்பத்தைக் காப்பதாகக் கருதப்படுகின்றனர்.
கல்வியறிவுடைய வேலைக்குச் செல்லும் பெண்கள்கூட தங்கள் உடல்களின் ஏற்படும் விஷயங்கள் குறித்து தங்கள் கணவர், தந்தை அல்லது சகோதரர்களுடன் விவாதிப்பதில்லை. எனவே, பெண்கள் ஆண்களிடம் நேரடியாக ஆரோக்கியமான செய்திகளைத் தருவது அவசியம்” என அவர் தெரிவித்துள்ளார்.
விரைவான பொருளாதார வளர்ச்சி மற்றும் பெரிய நகரமயமாக்கல் ஆகியவை மார்பகப் புற்றுநோய் விகிதங்கள் அதிகரிப்பதற்குக் காரணமாக உள்ளது. பெண்கள் வயதைக் கடந்து குழந்தைகளை பெற்றுக்கொள்வதும், தாய்ப்பால் அளிக்காமல் இருப்பதும் நோய் வளரும் வாய்ப்புகளை அதிகரிக்கிறது. நகர்ப்புற இந்தியாவில் பணிபுரியும் பெண்கள் உடல் எடையை அதிகரிக்கும் மேற்கத்திய உணவுகளை எடுத்துக்கொள்கின்றனர். இது ஆபத்தை அதிகரிக்கிறது. ஆரம்ப சுகாதார செவிலியர்கள் மார்பகப் புற்றுநோய் அறிகுறிகளின் விழிப்பு உணர்வை அதிகரிப்பதில் மிகுந்த தாக்கத்தை ஏற்படுத்தியுள்ளனர். கூடுதலாக பள்ளிகளும் ஊடகங்களும் இளம் பெண்களிடையே விழிப்பு உணர்வை ஏற்படுத்துகின்றன.
வெள்ளி, 18 ஆகஸ்ட், 2017
நல்ல பாடத்திட்டத்தை மாணவர்களுக்கு கொடுங்கள், தயவு செய்து கொடுக்க முயற்சி செய்யாதீர்கள்!
2007 ம் வருடத்திற்குப் பிறகு பள்ளிக் கல்வித் துறையினால் பாடத்திட்டத்தில் மாற்றம் கொண்டு வர நடவடிக்கை எடுக்கப்பட்டு வருகிறது. தற்போது உள்ள சூழ்நிலையில் NEET மற்றும் IIT போன்ற பொது நுழைவுத் தேர்வுகளை எதிர் கொள்ளும் வகையில் பாடத்திட்டம் அமையப் பெற வேண்டும் என்பது அனைவரின் நோக்கமாக இருக்கும்.
இத்தேர்வுகள் தேவையா (அ) தேவை இல்லையா என்பது விவாதத்திற்கு உட்பட்டது எனினும், போட்டி நிறைந்த கூட்டத்தில் தகுதி வாய்ந்த மற்றும் பாடங்களைப் புரிந்து படித்துள்ள மாணவர்களைத் தேர்ந்தெடுக்க இத்தேர்வுகளை அரசு கருவியாக பயன்படுத்துகிறது என்பது திண்ணம். பின்லாந்து நாடு நல்ல பாடத்திட்டம் வைத்திருந்தும் சமீபத்தில் தற்போதைய கால வளர்ச்சிக்கு ஏற்ப +2 முடித்த உடனே வேலை வாய்ப்பு பெற, மாணவர்களைத் தயார் செய்யும் நோக்கத்தோடு பாடத்திட்டங்களை இன்னும் சிறப்பாக மாற்றுகிறார்கள்.
எவ்வாறு எனில் +2 முடித்த உடன் பீட்ஸா கடையில் வேலை பார்க்க வேண்டும் என்பது மாணவனின் விருப்பம் எனில், பல மொழி கற்றல், பொது மக்களிடம் எவ்வாறு தொடர்பு கொள்ளுதல், நிதி மேலாண்மை என வேலைக்குத் தகுந்தார் போல் அவர்கள் +2 பாடப் பிரிவுகளை தேர்வு செய்து படிக்கலாம் (நம்மூரில் மருத்துவராக +2 வில் உயிரியல் பாடப்பிரிவில் படிப்பது போல). ஆம், வரும் காலத்தில் வேலை வாய்ப்பு அதிகம் பெருகும் சேவைத் துறை, சுகாதாரம் போன்றவற்றில் வேலை பார்க்க இளநிலை அல்லது அதற்கும் குறைவான தகுதி போதும் என்பது கணிப்பு.
எனவே, தற்போது வடிவமைக்கப்படும் மேல்நிலைப் பள்ளி பாடத்திட்டம் மாணவர்களின் தற்கால தேவைக்கு ஏற்ப தத்தம் துறையில் ஏற்பட்டுள்ள நவீன மாற்றங்கள் மற்றும் அடிப்படை அறிவை உள்ளடக்கி அதே நேரத்தில் அவர்கள் உயர்கல்வி பயிலும் போது புதுமை செய்ய ஏதுவாகவும் அமையப் பெற வேண்டும். பாடத்திட்டம் வடிவமைப்பதில் உள்ள இடர்பாடுகளை விட, அமையப் பெரும் பாடத்திட்டத்தில் உள்ள நவீன மற்றும் அடிப்படை அறிவியலை பல தரப்பட்ட மாணவர்களுக்கு விளங்க வைப்பதில் தான் சாவல்கள் நிறைந்துள்ளது. இதற்கு சில பள்ளிக் கூடங்களில் இருக்கும் திறமையான ஆசிரியர்கள் மட்டும் தீர்வாகாது எனினும் தமிழ்நாடு முழுவதும் திறமையான ஆசிரியர்களை உருவாக்குவது எவ்வாறு?.
பொறியியல், மருத்துவம் மற்றும் இதர படிப்புகளுக்கு மதிப்பெண் அடிப்படையில் இதுவரை சேர்க்கை நடை பெற்றதால், மாணவர்கள் எளிதாக அதிக மதிப்பெண் எடுக்க வேண்டும் என்பதனை மட்டும் கவனத்தில் கொண்டு அந்தந்த துறையில் உள்ள சிறந்த புத்தகங்களில் உள்ள முக்கிய வார்த்தைகளைக் கொண்ட தொகுப்பாக அதாவது காவிரி ஆறு கடைமடையில் வாய்க்காலாய் மாறுவது போல் சுருங்கிய புத்தகமாய் வடிவமைக்க பட்டிருந்தது. அடுத்தடுத்த வரிகளுக்கு தொடரில்ல, தெளிவில்ல படங்கள்; மேலும் படிப்பு சுமையை எளிமைப்படுத்த முற்பட்டு வினா விடை அடங்கிய புத்தகத்தை கொடுத்து அதிலிருந்த கேள்விகளை வரி மாறாமல் பரிட்சையில் கேட்பது என எளிமையாய் மனப்பாடம் செய்து அதிக மதிப்பெண் பெறுவதற்கான அனைத்து வழிமுறைகளுடன் மிகத் தெளிவாக அமைக்கப்பட்ட பாடத்திட்டம்.
மேநிலைப் பள்ளி ஆசிரியர்களுக்கு மென் மேலும் தங்கள் துறையில் தங்களை விரிவுபடுத்திக்கொள்ள எந்த ஒரு சிறந்த பயிற்சியும் இல்லை. ஆசிரியர்கள் கடிவாளம் போட்ட குதிரையாய் தன் பாடப் புத்தகத்தில் திறமை பெற்றிருந்தாலும் மாணவர்களுக்கு விளங்கும் வகையில் இயற்கையோடும், அன்றாட வாழ்வின் பயன்பாடுகளுடன் தொடர்புப் படுத்தி வகுப்பு எடுக்கும் தேர்ந்த ஆசிரியர்கள் சிலரே. ஆசிரியர்களின் இதர பணிச்சுமைகளினால் (தேர்தல், அலுவலக எழுத்து பணி, சம்பளம் மற்றும் பஞ்ச படிகளைப் பெற போராட்டம் உட்பட) முழு ஈடு பாட்டோடு பாடம் எடுக்க முடிவதில்லை என்பதும் மறுப்பதற்கில்லை.
ஏனோ தேர்வு வாரியம் சிறந்த ஆசிரியர்களை தேர்வு செய்தும், சவுகரியத்திற்காக வாங்கிய தொலைப்பேசி தன் நேரத்தை விழுங்கும் போது சவுகரித்தையே குறை சொல்லும்/ சவாலாக கருதும் மனிதர்களாய், சரிவர பாடம் எடுப்பதுவே இன்னும் சிலர் வகுப்பு எடுப்பதையே சவாலாக கருதும் அளவிற்கு அரசு எந்திரம் அவர்களைப் பழக்கி வைத்துள்ளது. அரசும் ஆசிரியர் அடர் நிற சட்டை அணிந்துள்ளாரா? மீசை எவ்வாறு வைத்துள்ளார், மற்றும் அவரின் வருகை பதிவேடு ஆகியவற்றில் மட்டும் கவனம் செலுத்துவதினால் என்னவோ ஆசிரியர்கள் பாடம் நடத்துவதில் முழு கவனம் செலுத்துவது இல்லை. ஆனால், இச்சூழல்களிலும் என் கடன் பணி செய்து கிடப்பதே எனச் செயல்படும் ஆசிரியர்கள் சிரம் தாழ்ந்து வணங்கப்பட வேண்டியவர்கள்.
பாடங்களை எளிதாக விளங்க வைக்க அரசு பல முயற்சிகளை செலவினம் அதிகமானாலும் எடுத்துக் கொண்டு வருகிறது. அவையாவன, நுட்ப வசதிகள் கொண்ட வகுப்பறைகள், வினா விடை அடங்கிய தொகுப்புகள், போட்டித் தேர்வுகள் மூலம் ஆசிரியர்களைத் தேர்ந்தெடுப்பது, தகுதி தேர்வுகள், புத்தாக்க பயிற்சிகள். ஆனால், நல்ல பாடத்திட்டத்தை வழங்காமல், பிரச்சனைகளின் மீது பணத்தை மட்டும் வீசி எறிவது ஒரு போதும் பிரச்சனைக்குத் தீர்வாகாது.
தமிழ்நாடு முழுவதும் சிறந்த ஆசிரியர்களை உருவாக்குவது கடினம் எனினும் ஒரு தேர்ந்த ஆசிரியர் எவ்வாறு பாடம் எடுப்பாரோ அதனை அப்படியே பாட உட்தலைப்புகளில் அறிவுப்பெட்டி என ஒரு கட்டத்தில் கொடுத்துவிட்டால் ஒவ்வொரு மாணவனின் கையிலும் அறிவுப்பெட்டி வடிவில் ஒரு சிறந்த ஆசிரியர் இருப்பார். மேலும், ஒவ்வொரு பாடத்தின் ஆரம்பத்திலும் பாடத்தை ஆர்வத்துடன் படிக்க உற்சாகப்படுத்தும் வகையில் ஒரு முன்னுரை கொடுக்கப்பட வேண்டும். அது அன்றாட வாழ்வின் பயன்கள், பாடம் எவ்வாறு முக்கியத்துவம் வாய்ந்தது, அதனை படிப்பதினால் மாணவன் அடையும் பயன், பாடத்தின் வெவ்வேறு பயன்பாடுகள், அப்பாடத்திற்குப் பின்னால் உள்ள ஆச்சரியமூட்டும் கண்டுபிடிப்புகள், அவை உருவான விதம், அப்பாடம் தொடர்புடைய அறிஞர்களின் வாழ்க்கை வரலாறு, என ஏதோ ஒரு வகையில் அமையப் பெறலாம்.
மாணவர்கள் சில பாடங்களை மட்டும் நன்றாகப் படிப்பதற்கு தனிப்பட்ட ஆர்வம் எனினும் குறிப்பிட்ட ஆசிரியர் அந்தப் பாடங்களை நன்றாக நடத்தும் திறமை படைத்தவராக இருப்பார் என்பதனை சில பள்ளிக்கூடங்களில் கவனிக்க முடியும். சிறந்த ஆசிரியர்கள் பள்ளிக் கூடங்களின் மதிப்பு மிக்க சொத்து. சிறப்பாக பாடம் நடத்துவது தனிப்பட்ட ஆசிரியரின் முயற்சி எனினும் பாடப் புத்தகத்தை சரியாக வடிவமைத்தால் பாடப்புத்தகம் தமிழ்நாடு முழுவதும் உள்ள மாணவர்களுக்கு சிறந்த ஆசிரியராக மாறிவிடும். அதாவது ஒவ்வொரு வகுப்பையும் எவ்வாறு நடத்த வேண்டும், தன் சுற்றத்தில் கிடைக்கும் பொருட்களைக் கொண்டு பாடங்களை எவ்வாறு விளக்க வேண்டும் என்பதனை ஒரு சிறிய குறிப்பாக (அறிவுப்பெட்டி) ஒவ்வொரு பாட உட்தலைப்பிற்கும் கொடுக்க பட வேண்டும்.
உதாரணமாக, இயற்பியலில் தனி ஊசல் பற்றி பாடம் எடுக்கும் போது தொட்டில் எவ்வாறு செயல்படுகிறது, ஏன் தொட்டிலை ஆட்டும் போது குழந்தை எளிதாக உறங்குகிறது, ஏன் குறிப்பிட்ட இடைவெளியில் சீராக ஆட்ட வேண்டும் என்பதனை விளக்கினால் போதும். மாணவர்கள் harmonic motion, damping என்பவைகளை மிக எளிதாக புரிந்து கொள்வார்கள். படிப்பதை கடினமாக கருதும் மாணவர்களுக்கு அவர்களுக்கு தெரிந்த மற்றும் புரியும் மொழியில் விளக்குவதற்கே ஆசிரியர்கள். மூங்கிலே காணாத மாணவனுக்கு கரும்பை ஒப்பீடு செய்து இனிமையாய் வகுப்பு எடுங்கள். படத்தில் நீங்கள் பார்ப்பது அமெரிக்காவின் எம்.ஐ.டி பேராசிரியர் Walter Lewin எவ்வாறு பாடம் நடத்துகிறார் என்பதை விளக்கும் படம்.
CPS : பழைய ஓய்வூதிய திட்டம் பற்றி ஆராய நியமிக்கப்பட்ட வல்லுனர் குழுவின் தலைவர் முதல்வருடன் திடீர் சந்திப்பு
பழைய ஓய்வூதிய திட்டத்தை தொடர்வது குறித்து ஆராய நியமிக்கப்பட்ட வல்லுனர் குழுவின் தலைவர் நேற்று முதல்வர் எடப்பாடியை சந்தித்து பேசினார்.
பங்களிப்பு ஓய்வூதியத் திட்டத்திற்கு பதிலாக ஏற்கனவே நடைமுறையில் இருந்த பழைய ஓய்வூதியத் திட்டத்தையே தொடர்வதற்கான சாத்தியக்கூறுகள் குறித்து ஆராய முன்னாள் முதல்வர் ஜெயலலிதாஓய்வு பெற்ற ஐஏஎஸ் அதிகாரி சாந்தா ஷீலா நாயர் தலைமையில் ஒரு வல்லுனர் குழு அமைக்க ஆணையிட்டார்.
இந்நிலையில், மத்திய அரசு புதிய பங்களிப்பு ஓய்வூதியத் திட்டத்தை மேம்படுத்துவதற்கான சாத்தியக் கூறுகளை ஆராய கடந்த ஆண்டு அக்டோபர் 21ம் தேதி ஒரு குழுவை அமைத்தது. இந்த குழுவின் பரிந்துரைகளையும் பரிசீலித்து வல்லுனர் குழு அறிக்கை தயாரிக்க இருந்த நிலையில் சாந்தா ஷீலா நாயர் தன் பதவியை ராஜினாமா செய்தார். இந்நிலையில், வல்லுனர் குழு தனது பணியினை தொடர்ந்து விரைவாக அறிக்கை சமர்ப்பிக்க ஏதுவாக ஓய்வு பெற்ற ஐஏஎஸ் அதிகாரி ஸ்ரீதரை கடந்த 3ம் தேதி வல்லுனர் குழுவின் தலைவராக தமிழக அரசு நியமித்தது. இந்நிலையில், வல்லுனர் குழுவின் தலைவர் டி.எஸ்.ஸ்ரீதர் நேற்று தலைமை செயலகத்தில் முதல்வர் எடப்பாடி பழனிசாமியை சந்தித்து வாழ்த்து பெற்றார்.
பள்ளிப் படிப்பைப் பாதியில் கைவிட வைப்பதா நோக்கம்?
கல்வி பெறும் உரிமைச் சட்டத்துக்குத் திருத்தம் கொண்டுவந்து, தொடக்கப் பள்ளி நிலையில்
ஐந்தாவது, எட்டாவது வகுப்பு மாணவர்களை ஆண்டு இறுதித் தேர்வு மதிப்பெண் அடிப்படையில் மட்டுமே தேர்ச்சி பெற வைக்க மாநிலங்களை அனுமதிப்பது என்ற உத்தேச முடிவை மத்திய அரசு எடுத்திருக்கிறது. இது பாரதூரமான விளைவுகளை ஏற்படுத்துவதுடன் லட்சக்கணக்கான ஏழை மாணவ, மாணவியர்கள் படிப்பைப் பாதியிலேயே கைவிடத்தான் வழிசெய்யும். போதிய ஆசிரியர்கள், அடிப்படைக் கட்டமைப்பு வசதிகள் ஆகியவற்றைச் செய்துதரத் தவறும் மாநில அரசுகள், ஆண்டு இறுதித் தேர்வு மதிப்பெண் அடிப்படையில் மட்டும் மாணவர்களை அடுத்த வகுப்புக்கு அனுப்பாமல் தடுத்து நிறுத்துவது அவர்களுடைய பின்தங்கிய சமூக - பொருளாதாரப் பின்னணியைப் புறக்கணிக்கும் அப்பட்டமான மூர்க்கச் செயலாகும்.
மனித வள வளர்ச்சித் துறை 2014-15-ம் ஆண்டுக்காகத் திரட்டிய தரவுகளின்படி, தொடக்கக் கல்வியைப் பாதியில் கைவிட்டோர் எண்ணிக்கை வெறும் 4%தான். இதற்குக் காரணம், தேர்வில் தோல்வி அடைந்தாலும் தொடர்ந்து படிக்க அனுமதிப்பதுதான். ஆண்டு இறுதித் தேர்வில் பெறும் மதிப்பெண் அடிப்படையில் மாணவர்களைத் தேர்ச்சிசெய்து அனுப்பாமல், அதே வகுப்பில் மேலும் ஓர் ஆண்டு படி என்றால், கிராமப்புற ஏழைப் பெற்றோர்கள் மனம் வருந்துவார்கள். படிக்கப் போவதைவிட ஏதாவது வேலைக்குச் சென்றால், குடும்பச் செலவுக்காவது பணம் கிடைக்கும், எதிர்கால வாழ்க்கைக்கும் தயாராகிவிடுவார்கள் என்று படிப்பை நிறுத்திவிடுவார்கள். ஏழைகளால் தங்களுடைய குழந்தைகளுக்கு தனிப்பயிற்சி வகுப்புகளுக்குப் பணம் கொடுத்துப் படிக்க வைக்க முடியாது. இதனால், ஏராளமான குழந்தைகள் படிப்பைத் தொடர முடியாமல் எதிர்காலத்தைத் தொலைத்துவிடுவார்கள்.
தேர்வில் தோல்வி என்று மாணவிகளை அடுத்த வகுப்புக்கு அனுப்பாமல் அதே வகுப்பில் தொடர்ந்து படிக்கச் சொல்வது ஏழை மாணவிகள் படிப்பைத் தொடர முடியாமல் செய்துவிடும். தேர்வில் தேர்ச்சி பெற்றாலும்கூட பூப்பெய்தும் பெண்களைக் கிராமங்களில் தொடர்ந்து படிக்க அனுமதிப்பதில் தயக்கம் இருக்கிறது. முதலாவது காரணம், பள்ளிக்கூடங்களில் அத்தகைய மாணவிகளுக்குச் சுகாதாரமான கழிப்பறைகளோ, தண்ணீர் வசதிகளோ பெரும்பாலும் இருப்பதில்லை. ஏழை மாணவிகள் வாங்கிப் பயன்படுத்தும் அளவுக்குக் குறைந்த விலையில் நாப்கின்கள் விற்கப்படுவதில்லை. வீட்டிலிருந்து தொலைதூரத்தில் பள்ளிகள் இருப்பது, உடன் பிறந்த தம்பி – தங்கைகளைப் பார்த்துக்கொள்ள வேண்டிய பொறுப்பு, இளம் வயதிலேயே திருமணம் செய்துகொள்வது போன்ற காரணங்களாலும் மாணவிகளின் படிப்பு பாதியிலேயே நிறுத்தப்படுகிறது.
தேர்வில் தோல்வி அடையும் பெண்களை விரைவாகத் திருமணம் செய்து கொடுத்துவிடுவார்கள். இது இளவயது கர்ப்பத்துக்கும் ஊட்டச் சத்தில்லாத சோகையான குழந்தைகளின் பிறப்புக்கும் வழிவகுக்கும். பெண் குழந்தை என்றாலே பாரம் என்று நினைக்கும் சமூகத்தில், சிறுவயதிலேயே பெண்களைத் திருமணம் செய்துதருவதில் உலகில் இரண்டாம் இடத்தில் இருக்கும் நாட்டில், இரண்டாவது ஆண்டாக அதே வகுப்பில் படிக்க வைப்பதா என்று கேட்டு படிப்பை நிறுத்துவதுதான் அடுத்த முடிவாக இருக்கும். கல்வியின் தரத்தை உயர்த்துகிறோம் என்ற பெயரில், பெண் குழந்தைகளின் பள்ளிப்படிப்புக்கு மறைமுகமாக முற்றுப்புள்ளி வைக்கும் யோசனை, ‘பேட்டி பச்சாவோ - பேட்டி படாவோ’ (பெண் குழந்தைகளைக் காப்போம்-பெண் குழந்தைகளுக்குக் கல்வியளிப்போம்) என்ற நோக்கத்துக்கு முரணாக இருக்கிறது.
அரசின் புதிய யோசனை, கல்வி பெறும் உரிமை என்ற உணர்வுக்கு எதிராக இருக்கிறது. 14 வயது வரையில் இலவச, கட்டாயக் கல்வியை அடிப்படை உரிமை என்கிறது கல்வி பெறும் உரிமைச் சட்டம். “இதன் ஒட்டுமொத்த நோக்கமே, தங்களைவிட வயது குறைவான மாணவர்களுடன் வயது முதிர்ந்த மாணவர்கள் படிப்பதைத் தவிர்க்க வேண்டும் என்பது” என்று சட்டத்தின் நோக்கம் தெளிவுபடுத்தப்பட்டிருந்தது. வயது குறைந்த மாணவர்களுடன் சேர்ந்து படிக்கும் பெரிய மாணவர்களை ஆசிரியர்களும் மற்றவர்களும் கேலி செய்வதும், சீண்டுவதும் அவர்களுடைய மன உறுதியைக் குலைப்பதுடன் தாழ்மை உணர்வை அதிகரிக்கச் செய்யும். கடும் மன உளைச்சலுக்கு ஆளாகும் மாணவர்கள் பள்ளிக்கூடமே வேண்டாம் என்ற முடிவையே எடுப்பார்கள்.
ஆசிரியர்கள் பற்றாக்குறையும் தரமில்லாத கல்வியும்தான் இன்று பல நாடுகளிலும் பிரச்சினையாக இருக்கிறது. இந்த இடைவெளியை இட்டுநிரப்பவே தனியார் துறை நாடப்படுகிறது. அரசு பள்ளிக்கூடங்களில் ஆசிரியர்கள் அடிக்கடி விடுப்பு எடுத்துக்கொண்டுவிடுகின்றனர். திறமையுள்ள ஆசிரியர்களின் எண்ணிக்கையும் போதவில்லை. தனியார் பள்ளிக்கூடங்களில் வசதியான குடும்பத்துப் பிள்ளைகளுடன் படிப்பில் போட்டிபோட முடியாமல் ஏழைக் குடும்பத்துப் பிள்ளைகள் தவிக்கின்றனர். இந்த நிலையில், தேர்வில் பெறும் மதிப்பெண்களின் அடிப்படையில் மாணவர்களை ஒப்பிடுவது நியாயமற்றது.
கல்விபெறும் உரிமைச் சட்டத்தை எந்த விதத்திலும் மட்டுப்படுத்தக் கூடாது. நலிவுற்ற குடும்பங்களைச் சேர்ந்த குழந்தைகள் பள்ளியிறுதி வகுப்பு வரையில் தொடர்ந்து படிக்க இது பேருதவியாக இருந்துவருகிறது. இந்தச் சட்டம் அளிக்கும் உத்தரவாதத்தை தொடக்கப் பள்ளி, நடுநிலைப் பள்ளி நிலையிலேயே குலைப்பது மிகவும் பிற்போக்கான நடவடிக்கை.
தமிழகம் முழுவதும் 40 மையங்களில் அரசு பள்ளி ஆசிரியர்களுக்கு தகவல் தொழில்நுட்ப பயிற்சி
மாநில கல்வியியல் ஆராய்ச்சி மற்றும் பயிற்சி நிறுவனம் வெளியிட்டுள்ள சுற்றறிக்கை: தமிழகம் முழுவதும் உள்ள அரசு பள்ளி ஆசிரியர்கள் கணினி பயன்பாட்டை தெரிந்து கொள்ளவும் வகுப்பறையோடு தகவல் தொழில்நுட்பத்தை ஒருங்கிணைக்கவும் தேவைப்படும் கல்விசார் கணினி வளங்களை தயார் செய்து கொள்வதற்கு கணினி பயிற்சி அளிக்க பள்ளிக் கல்வித்துறை முடிவு செய்துள்ளது.
இதற்காக 2017-2018ம் கல்வியாண்டில் 32 மாவட்டங்களிலும் பணிமனைகள் அமைத்து மாதந்தோறும் 2 பயிற்சி என்ற வீதத்தில் பயிற்சி பட்டறை நடத்தப்பட உள்ளது. அதன்படி 2017-2018ம் ஆண்டில் தமிழகம் முழுவதும் 40 மையங்களில் 80 பயிற்சி பட்டறைகள் நடத்தப்பட உள்ளது.
இன்டர்மீடியட் மற்றும் அட்வான்ஸ்டு’ என மூன்று நிலைகளாக பிரிக்கப்பட்டு ஆசிரியர்களின் கணினி பயன்பாட்டின் முன்னறிவை சோதித்து அதனடிப்படையில் பயிற்சி அளிக்கப்படும். இந்த மூன்று நிலைகளிலும் பயிற்சி பெற தகுந்த ஆசிரியர் மாவட்டம் தோறும் ‘டயாக்னிஸ் டெஸ்ட்’ மூலம் தேர்ந்தெடுக்கப்பட்டுள்ளனர். முதற்கட்டமாக மாநில அளவில் தேர்ந்தெடுக்கப்பட்ட ஆசிரியர்களுக்கு 40 மையங்கள் மூலம் தகவல் தொழில்நுட்பத்தில் இன்று முதல் வருகிற 22ம் தேதி வரை பயிற்சி அளிக்கப்படுகிறது.
இதற்கு குழுசேர்:
இடுகைகள் (Atom)