பிளஸ் 2 மாணவர்களுக்கு 'ஆன்லைன்' மாதிரி தேர்வு

பிளஸ் 2 மாணவர்களுக்கு 'ஆன்லைன்' மாதிரி தேர்வு

பத்தாம் வகுப்பு முதல், பிளஸ் 2 வரையிலான மாணவர்களுக்கு, 'ஆன்லைனில்' மாதிரி தேர்வு நடத்த, பள்ளிக் கல்வித்துறை முடிவு செய்துள்ளது. பிளஸ் 1, பிளஸ் 2 தேர்வு முறையில் மாற்றம், 'ரேங்கிங்' முறைக்கு முற்றுப்புள்ளி, பாடத்திட்ட மாற்றம் என, பல்வேறு நடவடிக்கைகளை, கல்வித்துறை மேற்கொண்டுள்ளது.

 அறிமுகம் : அந்த வரிசையில், இணையவழி கற்றல் மேலாண்மை தளம் என்ற, 'ஆன்லைன்' கற்றல் திட்டத்தை, பள்ளிக் கல்வித்துறை அறிமுகப்படுத்த உள்ளது.பள்ளிக் கல்வி செயலர், உதயசந்திரனின் மேற்பார்வையில், 'டிஜிட்டல்' திட்ட பணிகள் துவங்கிஉள்ளன.

'இ - லேர்னிங்' இணையதளத்தில், மாணவர்கள், தங்கள் பெயரை பதிவு செய்து கொள்ளலாம். அவர்களுக்கு, பயன்பாட்டு குறியீடு எண், 'பாஸ்வேர்ட்' என்ற ரகசிய எண் வழங்கப்படும்.

இதன் மூலம், அரசு மற்றும் தனியார் பள்ளி மாணவர்கள், இணைய தளத்தை பயன்படுத்தலாம். இதில், பொது தேர்வுகளுக்கான வல்லுனர்களின் பாடக்குறிப்புகள், வினாக்கள், விளக்கங்கள், சிந்தனையை துாண்டும் கேள்விகள் இடம்பெறும்.

தேர்வு பயம் : மேலும், 'நீட்' ஜே.இ.இ., கிளாட், சி.ஏ., போன்ற நுழைவு மற்றும் போட்டி தேர்வுக்கான வினாக்களும் இருக்கும். மாணவர்கள், எப்போது வேண்டுமானாலும், இணையதளத்தில் மாதிரி தேர்வை எழுதலாம். பெரும்பாலும், 'அப்ஜெக்டிவ்' வகை கேள்விகள் இருக்கும். 

பத்தாம் வகுப்பு முதல், பிளஸ் 2 வரையிலான, முந்தைய பொது தேர்வுகளின் வினாக்கள் இடம்பெறும். இதற்கு, மாணவர்கள் பதில் அளிக்கலாம். தவறான பதில் அளித்தால், விடைக்கான குறிப்பை, ஆன்லைனில் பெறலாம். தேர்வு குறித்த பயம் நீங்கும் வகையில், மாதிரி தேர்வு அமையும். அதேபோல், மனப்பாட கல்வியை மாற்றி, புத்தகத்தின் அனைத்து பகுதிகளையும் புரிந்து படித்து, பதில் அளிக்கும் வகையில், வினாக்கள் இடம்பெற உள்ளதாக, கல்வித்துறை அதிகாரிகள் தெரிவித்தனர்.

புதிய மாற்றங்களால் 'கல்வி மறுமலர்ச்சி' மலருது மனஅழுத்தமில்லா மாணவர் சமுதாயம்!

புதிய மாற்றங்களால் 'கல்வி மறுமலர்ச்சி' மலருது மனஅழுத்தமில்லா மாணவர் சமுதாயம்!

கற்றதை மனப்பாடம் செய்து பெற்ற மதிப் பெண்ணை கொண்டாடும் கல்வி முறைக்கு முற்றுப்புள்ளி வைத்து மாணவரின் சிந்தனை திறனை அதிகரித்தும்,படைப்பாற்றலை ஊக்கு விக்கும் வகையில் தமிழக கல்வி துறையில் அடுத்தடுத்த மாற்றங்கள் அரங்கேறி வருகின்றன. 

'மதிப்பெண்ணே மாணவர் அளவுகோல்,' என்ற மாயையை மாற்றி, மனஅழுத்தத்தை மாணவ ருக்குள் உற்பத்தி செய்யும் தேர்வு முறைக்கு விடை கொடுத்து, அறிவு தேடலை நோக்கிய கல்வித்துறையின் இப்புதிய பயணம் குறித்து பெற்றோர், பள்ளி முதல்வர்கள், கல்வி நிறுவன உரிமையாளர் என்ன சொல்கிறார்கள்...

தொடர்ந்து பொதுத் தேர்வுகள் 

ஹேமா ஆட்ரே, முதல்வர், சி.இ.ஓ.ஏ., பள்ளி, மதுரை: கல்வித் துறையில் சமீபமாக நடக்கும் மாற்றங்கள்

இந்த 10 விஷயங்களை சாத்தியப்படுத்துங்கள் செங்கோட்டையன்! - கல்வி சீர்திருத்தத்தை விவரிக்கும் கலாமின் ஆலோசகர்

இந்த 10 விஷயங்களை சாத்தியப்படுத்துங்கள் செங்கோட்டையன்! - கல்வி சீர்திருத்தத்தை விவரிக்கும் கலாமின் ஆலோசகர்

பிளஸ் 1 வகுப்புக்கும் பொதுத்தேர்வு முறையை பள்ளிக் கல்வித்துறை அமல்படுத்தியது கல்வியாளர்களிடையே வரவேற்பையும் விமர்சனத்தையும் ஒருசேரப் பெற்றுள்ளது. 'பத்தாம் வகுப்பில் இருந்து தொடர்ந்து மூன்று பொதுத் தேர்வுகளை மாணவர்களால் எதிர்கொள்ள முடியுமா?' என்ற வாதத்தையும் அவர்கள் முன்வைக்கின்றனர். 'கல்வித்துறையில்தான் சீர்திருத்தம் தேவைப்படுகிறதே தவிர, பொதுத்தேர்வு முறையில் அல்ல' என்கிறார் அப்துல் கலாமின் அறிவியல் ஆலோசகராக இருந்த வெ.பொன்ராஜ்.

 செங்கோட்டையன்

பள்ளிக்கல்வித்துறையில் இதுவரையில் இல்லாத அளவுக்குப் புதிய நடைமுறைகளை செயல்படுத்தி வருகிறார் அமைச்சர் செங்கோட்டையன். அந்த வரிசையில், நடப்பு கல்வி ஆண்டு முதல் பிளஸ் 1 வகுப்புக்கும் பொதுத் தேர்வை அறிவித்தார். இதனால், தனியார் பள்ளிகள் பலவும் அதிர்ச்சியில் ஆழ்ந்தன. அமைச்சரின் அறிவிப்பு குறித்து நம்மிடம் பேசிய பொன்ராஜ், "அரசின் இந்த முடிவு என்பது மாணவர்கள் மீதான தேவையற்ற சுமையாகத்தான் பார்க்கிறேன். தற்போதுள்ள நிலையில் நமது கல்வித்திட்டத்தில் சீர்த்திருத்தமும் சிந்தனையில் மாற்றமும் தேவைப்படுகிறது. பொதுத்தேர்வு நடத்துவதால் எந்தத் தீர்வும் வந்துவிடாது. பள்ளிக் கல்வித்துறையில் 12 ஆண்டுகளுக்குப் பிறகு பாடத் திட்டத்தில் மாற்றம் கொண்டு வருவதை வரவேற்கிறேன்.

ஆனால், 11 ஆம் வகுப்புக்குப் பொதுத் தேர்வும் சிறப்பு பயிற்சி வகுப்புகளும் நடத்தப்படுவதை என்னால் ஏற்றுக் கொள்ள முடியவில்லை. பள்ளிகளில் சிறப்பு பயிற்சி கொடுக்க வேண்டிய நிலை வருகிறது என்றால், உங்கள் கல்வி முறையும் கற்பிக்கும் முறையும் சரியில்லை என்றுதான் அர்த்தம். கல்வியில் சீர்திருத்தத்தைக் கொண்டு வர வேண்டும். அந்த சீர்திருத்தமானது மாணவர்களின் சிந்திக்கும் திறனை ஆராயும் திறனை வளர்ப்பதாக இருக்க வேண்டும். மனப்பாடம் செய்யும் திறனைப் புகுத்தி, மாணவர்களை மூன்று ஆண்டுகள் சித்ரவதை செய்வதாக இருக்கக் கூடாது. தொடர்ந்து மூன்று ஆண்டுகள் பொதுத்தேர்வு நடந்தால், அந்த மாணவன் எப்படித் தாங்குவான்? பொதுவாக, பொதுத்தேர்வு என்றாலே பெற்றோர்களின் இம்சையைத் தாங்க முடியாது. இதில் மூன்று ஆண்டுகள் அவனை நீங்கள் கொடுமைப்படுத்த வேண்டுமா?" என ஆதங்கப்பட்டவர்,

பொன்ராஜ்"தற்போதுள்ள சூழலில் மாணவர்களுக்குத் தேவையானது படிக்கும் திறன், கற்றல் திறன், கேட்கும் திறன், பார்க்கும் திறன், பகிரும் திறன், சிந்திக்கும் திறன் ஆகியவைதான். இதனை 10, 11, 12 பொதுத் தேர்வுகள் கொண்டு வருமா என்றால் கண்டிப்பாகக் கிடையாது. அடுத்த வருடம் பொறியியல் கல்லூரிகளுக்கும் அகில இந்திய தகுதித்தேர்வு வர இருக்கிறது. ' NEET, JEE தேர்வுக்கு இணையான தேர்வை தமிழக அரசு நடத்திக்கொள்ளும்' என்று மாநில உரிமைக்காகப் போராடி, அதை செயல்படுத்த வேண்டிய சட்டப்பூர்வ கடமை தமிழக அரசுக்கு உண்டு. இதை சாத்தியப்படுத்த முடியவில்லை என்றாலும் மாணவர்களை பலியாக்காதீர்கள். இதில், அமைச்சரின் கவனத்துக்கு சில ஆலோசனைகளையும் சொல்ல விரும்புகிறேன்" என்றவர், பத்து விஷயங்களைப் பட்டியலிட்டார்.

பொன்ராஜ்

1. 9 ஆம் வகுப்பு முதல் 12 ஆம் வகுப்பு வரையில் நான்கு வருட  முன் பட்டப்படிப்பு பாடத் திட்டத்தை (Pre Graduation Course) உருவாக்குங்கள்.

2. ஆறு மாத செமஸ்டர் சிஸ்டத்தின்படி இந்தப் படிப்பு அமைய வேண்டும். இந்த நான்கு வருடங்களுக்குள், அந்த மாணவன் எந்தப் பாடப்பிரிவில் தோல்வி அடைந்தாலும், பின்பு படித்து வெற்றி பெற வாய்ப்பு உண்டு. இந்த முறையில் வந்தால் மாணவர்களுக்கு பொதுத்தேர்வு குறித்த பயம் குறையும். பயம் இல்லாத மனமே எதையும் வெல்லும். மதிப்பெண் மட்டும் குறிக்கோள் அல்ல.

3. இதன் வழியாக கற்பித்தல், கற்கும் முறை, கேள்வி கேட்கும் முறை, வினாத்தாள் திருத்தும் முறை ஆகியவற்றில் மாற்றம் கொண்டு வாருங்கள்.

4. இந்தப் பாடப் பிரிவுகளுக்கு ஏற்ப ஆசிரியர்களுக்குத் தேவையான பயிற்சியை அளிக்க வேண்டும்.

5. நீங்கள் விரும்பியபடி, மூன்று வருட காலத்தில் நமது பாடத்திட்ட முறையை, மத்திய பாடத்திட்டத்தைவிட (CBSE) உலகத் தரமுள்ளதாகக் கொண்டு வாருங்கள். அந்த வேலைகள் தனியாக நடக்கட்டும்.

6. தற்போதைய உடனடித் தேவை, மத்திய பாடத்திட்ட முறையை (CBSE) அடுத்த ஆண்டு தமிழில் மாற்றுங்கள். 9 ஆம் வகுப்பு முதல் 12 ஆம் வகுப்பு வரை, மேம்படுத்தப்பட்ட பாடத் திட்டம் வரும் வரை இதைத் தமிழில் கற்றுக்கொடுக்க ஆசிரியர்களுக்குப் பயிற்சி கொடுங்கள்.

உதயசந்திரன்

உதயசந்திரன்

7. தமிழுக்கும் ஆங்கிலத்துக்கும் முக்கியத்துவம் கொடுங்கள். ஆங்கிலத்தை ஆறே மாதத்தில் படிக்க வைக்க, பேச, விவாதிக்க எளிய வழிமுறைகள் இருக்கின்றன. அதை அறிமுகப்படுத்தி, ஆங்கிலத்தின் மீதுள்ள பயத்தைப் போக்குங்கள்.

8. விளையாட்டு, சமூக சேவை, ஒழுக்கம், யோகா, தியானம், பெற்றோர்களை மதிக்கும் பண்பு, பேச்சுத் திறன், எழுத்துத் திறன், அரசியல் அறிவு, அறிவார்ந்த விவாத திறன் போன்றவைகளுக்கும் தனித்தேர்வு முறை வைத்து அதையும் உயர்கல்வி  தகுதித் தேர்வுக்கு ஒரு மதிப்பெண்ணாக, அல்லது கிரேட் முறையில் அவனை மதிப்பிட்டு மாணவர்களை பன்முகத்தன்மை கொண்ட மனிதனாக, சமூக, பொருளாதார, அரசியல் உணர்ந்த வல்லமை மிக்க மாணாக்கர்களை உருவாக்கும் பாடதிட்டத்தை அறிமுகப்படுத்துங்கள்.

9. பள்ளி ஆசிரியர்களுக்கு மாணவர்களின் விடையை புரிந்து வினாத்தாளை திருத்தும் திறனை ஏற்படுத்திக்கொடுங்கள். அதாவது ஒரே விடையை ஆசிரியர்கள் மாணவர்களிடம் இருந்து எதிர்பார்க்க கூடாது. அப்படிப்பட்ட அடிப்படை கேள்விகள் இருக்க கூடாது. சிந்திக்கும் திறன் உள்ள கேள்விகள் கேட்கப்பட வேண்டும். அதற்கு மாணவர்கள் மட்டுமல்ல, ஆசிரியர்களும் தயாராக வேண்டும்.

10. இந்த பாடத் திட்ட முறையை, கற்றல், கற்பிக்கும் முறையை, பயிற்றுவிக்கும் முறையை ஊக்குவிக்கும் முகமாக தரச்சான்று பெற வைத்து பள்ளிகளை தொடர்ந்து தரப்படுத்துங்கள்" என விவரித்தவர்,

"இந்த பத்து விஷயங்களையும் சரியாகச் செய்தால், உலகத்திலேயே மிகச் சிறந்த கல்வித்துறையாக தமிழக கல்வித்துறை மாறும். மாணவர்களுக்கு வகுப்பறைகளில் படிக்கும் படிப்பே போதுமானதாக இருக்கும். தனியாக சிறப்பு பயிற்சி கொடுக்க வேண்டிய அவசியம் இருக்காது. இதன்பின்னர், ஆரம்பக் கல்வி, நடுநிலைக்கல்வியில் படிப்படியாக மாற்றம் கொண்டு வாருங்கள். இப்படியொரு மாற்றத்தைக் கொண்டு வர உங்களாலும் (அமைச்சர் செங்கோட்டையன்) முடியும். பள்ளிக் கல்வித்துறை செயலர் உதயச்சந்திரனாலும் முடியும். நீங்கள் செய்வீர்கள் என நம்புகிறேன்" என்றார் தீர்க்கமாக......

அரசு பள்ளி மாணவர்கள் ஜப்பான் பயணம்

அரசு பள்ளி மாணவர்கள் ஜப்பான் பயணம்

தொழில்நுட்ப பரிமாற்ற கருத்தரங்கில் பங்கேற்க ஊட்டி அரசு பள்ளி மாணவர்கள் ஜப்பான் செல்கிறார்கள்.

ஜப்பான் நாட்டில் உள்ள டோக்கியோ நகரில் வருகிற 28-ந்தேதி தொடங்கி அடுத்த மாதம் (ஜூன்) 2-ந்தேதி வரை தொழில்நுட்ப பரிமாற்றம் குறித்த கருத்தரங்கு நடைபெறுகிறது. இதில் தமிழகத்தில் இருந்து 5 மாணவர்கள் கலந்து கொள்ள உள்ளனர்.

இதில் ஊட்டி அரசு பள்ளியை சேர்ந்த 11-ம் வகுப்பு மாணவர் அருண், 10-ம் வகுப்பு மாணவர் கோகுல் ஆகிய இருவரும் தேர்வு செய்யப்பட்டு உள்ளனர். இவர்கள் இருவரும் சகோதரர்கள் என்பது குறிப்பிடத்தக்கது.

தேர்வு முறையிலும் மாற்றம் தேவை

தேர்வு முறையிலும் மாற்றம் தேவை

                பிளஸ் 1 பாடத்தையே நடத்தாமல் விட்டதால், அந்த வகுப்பிற்கும், தற்போது, கட்டாய தேர்வு வந்துள்ளது.

தற்போதைய சூழ்நிலை மற்றும் அவசியம் கருதி, பொது தேர்வை வரவேற்கலாம். ஆனால், மாணவர்களை மனப்பாடம் செய்யும் இயந்திரங்களாக மாற்றாத வகையில், பாடத்திட்டமும், பயிற்றுவிக்கும் முறையும் மாற வேண்டும். மாணவர்களுக்கு மன அழுத்தம் ஏற்படுத்தும், பெற்றோருக்கும் கவுன்சிலிங் தர வேண்டும். மாணவர்களின் கல்வித்தரம் உயர, இன்னும் பல மாற்றங்கள் தேவை.- வி.வசந்தி தேவி முன்னாள் துணைவேந்தர், திருநெல்வேலி மனோன்மணியம் சுந்தரனார் பல்கலை

'தேர்வு முறையிலும் மாற்றம்'

பாடத்திட்ட மாற்றம் மற்றும் பிளஸ் 1 தேர்வு முறை வரவேற்கத்தக்கது. இந்த திட்டங்கள் வெற்றி பெற, தேர்வு முறையும், சி.பி.எஸ்.இ.,யை போல, மாற வேண்டும். சாய்ஸ் அடிப்படையில், வினாத்தாள் இருக்கக்கூடாது. திருத்த முறைகளில் தரம் உயர வேண்டும். 'ப்ளூ பிரின்ட்' அடிப்படையில், கேள்வி கேட்பதை மாற்ற வேண்டும். செய்முறை தேர்வில், தகுதியான மாணவர்களுக்கே மதிப்பெண் வழங்க வேண்டும். - ஜெயப்பிரகாஷ் காந்தி கல்வி ஆலோசகர்

'எதிர்பார்த்தது நடந்துள்ளது'

பிளஸ் 1க்கு பொது தேர்வு அறிவித்ததை வரவேற்கிறோம். இந்த மாற்றங்களை தான், பள்ளிகளும், மாணவர்களும் எதிர்பார்த்திருந்தனர். இந்த அறிவிப்பின் மூலம், ஒரு சில பள்ளிகள் மட்டும், வெறும் மதிப்பெண்ணை குறியாக வைத்து, பாடம் கற்பிக்கும் முறைக்கு முற்றுப்புள்ளி வரும்.- ஆர்.நந்தகுமார் பொதுச்செயலர், தமிழ்நாடு நர்சரி, பிரைமரி, சி.பி.எஸ்.இ., பள்ளிகள் சங்கம்.

'பாடத்திட்டத்திலும் மாற்றம் வேண்டும்'

இன்ஜினியரிங் மற்றும் வேளாண் கல்வியை வழங்கும், தொழில்நுட்ப கல்வி பாடத்திட்டத்தை மாற்றுவது, வரவேற்புக்கு உரியது. அதிலும், தொழில்நுட்ப கல்வியை அங்கீகரிக்கும், அண்ணா மற்றும் வேளாண் பல்கலைகளுடன் இணைந்து, பாடத்திட்டத்தை மாற்றுவது, மாணவர்களுக்கு நல்ல தரமான கல்வி கிடைக்க வழியை ஏற்படுத்தும்.

- எஸ்.என்.ஜனார்த்தனன் பொதுச்செயலர், தமிழ்நாடு மேல்நிலைப்பள்ளி தொழிற்கல்வி ஆசிரியர் கழகம்.

'வருங்கால சந்ததி வளர்ச்சி பெறும்'

ஒரே தேசம், ஒரே பாடத்திட்டம் என்பதை, பல ஆண்டுகளாக நாங்கள் வலியுறுத்துகிறோம். அதை தமிழக அரசு அறிவித்திருப்பதை வரவேற்கிறோம். தரமான கல்வியை கொண்டு வர, பாடத்திட்ட மாற்றம், பிளஸ் 1ல் பொதுத்தேர்வு அறிமுகம் போன்றவற்றுக்கு, அரசு முடிவு எடுத்திருப்பது, வருங்கால சந்ததியை வளர்ச்சிக்கு கொண்டு செல்லும்.

- எம்.ஜே.மார்டின் கென்னடி மாநில தலைவர், தமிழ்நாடு நர்சரி, மெட்ரிக், மேல்நிலை பள்ளி நிர்வாகிகள் சங்கம்.

தனியார் பள்ளி முதல்வர்கள் கருத்து

'போட்டி தேர்வுகளில் ஜொலிக்க முடியும்'கல்வித்துறை அறிவிப்பால், சமச்சீர் கல்வியில் இருந்த பல குறைகள் களையப்படும் என, நம்புகிறோம். பொதுத்தேர்வில், அதிக மதிப்பெண் எடுக்கும் மாணவர்களை உடைய, நாமக்கல் உள்ளிட்ட இடங்களில் உள்ள தனியார் பள்ளிகளில், பிளஸ் 1 பாடம் நடத்தப்படுவதில்லை. இப்போது, பிளஸ் 1ல், பொதுத்தேர்வு என்பதால், மாணவர்கள் அந்த வகுப்பு பாடங்களுக்கும், முக்கியத்துவம் கொடுத்து படிக்க வாய்ப்பு ஏற்பட்டுள்ளது. இந்த மாணவர்களால், போட்டித் தேர்வுகளில் வெற்றி பெறவும் முடியும். 

- எஸ்.நமசிவாயம் முதல்வர், மகரிஷி வித்யாமந்திர் மேல் நிலைப்பள்ளி, சேத்துப்பட்டு, சென்னை.

புதிய பாடங்களை சொல்லி தரும் அளவில் வசதிகளை, அரசு பள்ளிகளிலும் ஏற்படுத்த வேண்டும். கற்பிக்கும் முறையை மாற்ற முயற்சிக்க வேண்டும். தமிழக மாணவர்களை, மருத்துவ நுழைவுக்கான, 'நீட்' தேர்வுக்கு தயார்படுத்தும் தற்கால, குறுகிய நோக்கமாக இருக்க கூடாது. சி.ஏ., மற்றும் இன்ஜினியரிங் படிப்புக்கான, நுழைவுத்தேர்வுகளை கையாளும் வகையில், வினாத்தாள் அமைக்கப்பட வேண்டும். மேல்நிலை தேர்வுகளில், மதிப்பெண்ணை குறைக்கலாமே தவிர, பாடத்தையோ, கேள்விகளையோ குறைக்க கூடாது. விளையாட்டு, பொது அறிவு, தற்கால நிகழ்வுகள், நீதி போதனை பாடங்களையும் சேர்க்க வேண்டும்.

- பி.புருஷோத்தமன்முதல்வர், எவர்வின் குழும பள்ளிகள்,கொளத்துார், சென்னை.

ஒரு நபர் குழு ஊதிய முரண்பாடுகளை கலைத்திடவும் மறுநிர்ணயம் செய்திடவும் தமிழ்நாடு அரசு அலுவலர் ஒன்றிய சங்கத்துக்கு 26/05/17 அன்று அழைப்பு!!

ஒரு நபர் குழு ஊதிய முரண்பாடுகளை கலைத்திடவும் மறுநிர்ணயம் செய்திடவும் தமிழ்நாடு அரசு அலுவலர் ஒன்றிய சங்கத்துக்கு 26/05/17 அன்று அழைப்பு!!

அரசு கடிதம் எண் : 25908/நிதி (OC)/2017-1 நாள் : 20/05/2017. ன் படி ஒருநபர் குழு ஊதியமுரண்பாடுகளைகலைத்திடவும்மறுநிர்ணயம்செய்திடவும்..

தமிழ்நாடு அரசுஅலுவலர்ஒன்றியத்தினை26/05/17 அன்று காலை9.30 மணிக்கு சென்னைலேடி வில்லிங்டன்கல்லூரி வளாகத்தில்உள்ள த.நா.மாநில உயர்கல்வி கவுன்சில் கூட்டஅரங்கில் நடைபெறும்கூட்டத்தில் கலந்துகொள்ள நமக்கு முதல்கடிதமாகவழங்கியுள்ளதுஎன்பதனைதெரிவித்துக்கொள்ளப்படுகின்றதுஅரசாணை நகல்பார்வைக்குசமர்பிக்கப்பட்டுள்ளது.

அன்புடன்

இரா.சண்முகராஜன்

மாநிலத் தலைவர்

TNGOU-Chennai

பள்ளி கல்வித்துறை அமைச்சர் செங்கோட்டையனின் வேண்டுகோளை ஏற்று அமைச்சர்கள் ஆலோசனை !!

பள்ளி கல்வித்துறை அமைச்சர் செங்கோட்டையனின் வேண்டுகோளை ஏற்று அமைச்சர்கள் ஆலோசனை !!

சென்னை: பள்ளி கல்வித்துறை அமைச்சர் செங்கோட்டையனின் வேண்டுகோளை ஏற்று,

தமிழகத்தில், அரசு பள்ளிகளில், உட்கட்டமைப்புகளை மேம்படுத்த, தொழில் அதிபர்கள் முன் வந்துள்ளனர். அவர்களுடன், நேற்று தலைமை செயலகத்தில், அமைச்சர்கள் செங்கோட்டையன், பெஞ்சமின் ஆகியோர் ஆலோசனை நடத்தினர்.
இதில், அம்பத்துார் தொழிற்பேட்டை நிர்வாகிகள் வேணு, ராஜு, சிறு தொழில் வளர்ச்சிக்கழக முன்னாள் தலைவர் சிந்து ரவிச்சந்திரன் மற்றும் தொழிலதிபர்கள் பங்கேற்றனர்.

IAS., IPS., (ஐ.ஏ.எஸ்., ஐ.பி.எஸ்.) பயிற்சிக்காக மாவட்ட நூலகங்களில் வல்லுநர்கள்

IAS., IPS., (ஐ.ஏ.எஸ்., ஐ.பி.எஸ்.) பயிற்சிக்காக மாவட்ட நூலகங்களில் வல்லுநர்கள்

ஐ.ஏ.எஸ்., ஐ.பி.எஸ்., தேர்வில் தமிழக மாணவர்கள் சிறப்பான பயிற்சி பெற அனைத்து மாவட்ட நூலகங்களிலும் வல்லுநர்கள் நியமிக்கப்பட உள்ளதாக பள்ளிக் கல்வித் துறை அமைச்சர் கே.ஏ.செங்கோட்டையன் அறிவித்தார்.
தலைமைச் செயலகத்தில் செய்தியாளர்களுக்கு அவர் செவ்வாய்க்கிழமை அளித்த பேட்டி:

மாணவர்களுக்கு பயிற்சிகள்: மாணவர்கள் கல்வியில் சிறந்த பயிற்சிகளைப் பெற வசதியாக பள்ளி வேலை நாள்களில் மாலை நேரங்களில் ஒரு மணிநேரம் சிறப்புப் பயிற்சி அளிக்கப்படும். இதற்காக, ஒவ்வொரு பகுதிக்கும் (பிளாக்) ஒரு பள்ளி தேர்வு செய்யப்பட்டு வாரத்துக்கு மூன்று நாள்கள் சிறப்புப் பயிற்சி கொடுக்கப்படும்.

சனிக்கிழமைகளில் மூன்று மணி நேரம் சிறந்த ஆசிரியர்களைக் கொண்டு பயிற்சியளிக்கப்படும். இதுபோன்ற நடவடிக்கைகள், கல்வித் துறையில் மத்திய அரசு கொண்டு வரும் மாற்றங்களை மாணவர்கள் எதிர்கொள்வதற்கு உதவியாக இருக்கும்.
மத்திய அரசு நடத்தும் தேர்வுகளைப் பார்க்கும் போது மாணவர்களுக்குத் தயக்கம் ஏற்படுகிறது. இதைப் போக்கும் வகையில் பல்வேறு வழிகாட்டி நடவடிக்கைகளை தமிழக அரசு எடுத்து வருகிறது.

செய்முறைக் கையேட்டை மாணவர்கள் தனியாரிடம் வாங்க வேண்டிய நிலை இருந்தது. இந்நிலையை மாற்றி அரசே செய்முறைக் கையேடுகளை வழங்க நடவடிக்கை எடுத்துள்ளது.
வட மாவட்ட ஆசிரியர்கள்: வட மாவட்டங்களில் பல்வேறு இடங்களில் உள்ள முதுநிலை பட்டதாரி ஆசிரியர் பணியிடங்களை நிரப்ப நடவடிக்கை எடுக்கப்பட்டுள்ளது. ஆசிரியர் தேர்வு வாரியம் மூலம் ஆசிரியர்களைத் தேர்வு செய்யும் காலம் வரை அவர்கள் தாற்காலிகப் பணியாளர்களாக நியமனம் செய்யப்படுவர்.

மேல்நிலைப் பள்ளிகளில் உள்ள பட்டதாரி ஆசிரியர் பணியிடங்கள் பெற்றோர் ஆசிரியர் கழகம் மூலமாக மூன்று மாதங்களுக்கு தாற்காலிக அடிப்படையில் நிரப்பப்படும்.
தாற்காலிகப் பணியிடங்களுக்கான ஊதியம் எவ்வளவு என்பதை அரசு பரிசீலித்து விரைவில் அறிவிக்கும்.
வரைவுப் பாடம் தொடர்பாக அனைவரின் கருத்துகளும் கோரப்படும். யாருடைய கருத்துகளாக இருந்தாலும் அதில் நியாயம் இருந்தால் பரிசீலிக்கப்படும்.

ஐ.ஏ.எஸ்., ஐ.பி.எஸ். தேர்வு: மத்திய அரசின் மாற்றங்களுக்கு ஏற்றாற்போன்று மாணவர்களை தமிழக அரசு தயார் செய்யும். தமிழகத்தில் ஐ.ஏ.எஸ்., ஐ.பி.எஸ்., தேர்வுகளை மாணவர்கள் திறம்பட எழுதவும் நடவடிக்கை எடுக்கப்பட்டுள்ளது. அதன்படி, 32 மாவட்ட நூலகங்களில் ஐ.ஏ.எஸ்., ஐ.பி.எஸ். தேர்வுக்குரிய பாடங்களை கற்றுத் தர வல்லுநர்களை நியமிக்க உள்ளோம் என்றார் அமைச்சர் கே.ஏ.செங்கோட்டையன்.
பள்ளிக் கல்வித் துறைச் செயலாளர் த.உதயச்சந்திரன் உள்ளிட்ட உயரதிகாரிகள் உடனிருந்தனர்.

சட்டப் படிப்பில் சேர வயது உச்ச வரம்பு இல்லை: 2017-18 கல்வியாண்டுக்கு மட்டும் பொருந்தும்..

சட்டப் படிப்பில் சேர வயது உச்ச வரம்பு இல்லை: 2017-18 கல்வியாண்டுக்கு மட்டும் பொருந்தும்..

தமிழகத்தில் சட்டப் படிப்புகளில் சேருவதற்கு இந்தக் கல்வியாண்டில் (2017-18) மட்டும் வயது உச்ச வரம்பே கிடையாது என்று முடிவு செய்யப்பட்டுள்ளது.

வயது வரம்பு நீக்கப்பட்டது ஏன்?: நாடு முழுவதும் வழங்கப்பட்டு வரும் சட்டப் படிப்புகள் அனைத்தையும் இந்திய பார் கவுன்சில் (பிசிஐ) கட்டுப்படுத்தி வருகிறது.

கடந்த சில ஆண்டுகளுக்கு முன்பு வரை இந்த சட்டப் படிப்புகளில் சேருவதற்கு வயது உச்ச வரம்பு நிர்ணயிக்கப்பட்டிருந்தது. அதாவது, ஐந்தாண்டு ஒருங்கிணைந்த சட்டப் படிப்பில் சேர அதிகபட்ச வயது 20. அதுபோல, மூன்றாண்டு சட்டப் படிப்பில் சேர அதிகபட்ச வயது 30 என நிர்ணயிக்கப்பட்டிருந்தது.
இந்நிலையில், பல்வேறு தரப்பினர் சார்பில் தொடரப்பட்ட வழக்குகளில் பஞ்சாப், ஹரியாணா உயர்நீதிமன்றம் உள்ளிட்ட பல்வேறு உயர் நீதிமன்றங்கள் இந்த வயது உச்ச வரம்பை நீக்கி உத்தரவிட்டன.

அதனைத் தொடர்ந்து, இந்திய பார் கவுன்சிலும், சட்டப் படிப்புகளுக்கான வயது உச்ச வரம்பை நிர்ணயிக்கும் 'சட்டப் படிப்பு விதிகள் 2008'-இன் பிரிவு 28-ஐ கைவிட்டது. அதாவது, வயது உச்ச வரம்பு அதிகாரப்பூர்வமாக நீக்கப்பட்டது. இருந்தபோதும், தமிழகத்தில் மட்டும் கடந்த 2009-10 கல்வியாண்டு முதல் சட்டப் படிப்புகளுக்கான வயது உச்ச வரம்பு தொடர்ந்து கடைப்பிடிக்கப்பட்டு வந்தது.
தமிழக அரசு உத்தரவு: இந்நிலையில், பிற மாநிலங்களைப் பின்பற்றி தமிழகத்திலும் 2015-16 கல்வியாண்டில் சட்டப் படிப்புகளுக்கான வயது உச்ச வரம்பு தளர்த்தப்பட்டது. அதாவது, 2015-16 கல்வியாண்டு முதல், மூன்றாண்டு சட்டப் படிப்புகளுக்கான வயது உச்ச வரம்பை நீக்கியும், ஐந்தாண்டு ஒருங்கிணைந்த சட்டப் படிப்புகளுக்கான வயது உச்ச வரம்பை 21-ஆக உயர்த்தியும் தமிழக அரசு உத்தரவு பிறப்பித்தது.

ஆனால், இந்த உத்தரவை எதிர்த்து சென்னை உயர்நீதிமன்ற மதுரை கிளையில் பொதுநல வழக்குத் தொடரப்பட்டது. இந்த வழக்கை விசாரித்த நீதிமன்றம், சட்டப் படிப்புகளுக்கு வயது உச்ச வரம்பை நீக்கம் செய்து தமிழக அரசு பிறப்பித்த உத்தரவை ரத்து செய்து உத்தரவிட்டது.
இதனால், தொடர்ந்து முன்பு இருந்தது போன்றே 2015-16 கல்வியாண்டிலும், 2016-17 கல்வியாண்டிலும் வயது உச்ச வரம்பு நிர்ணயிக்கப்பட்டே மாணவர் சேர்க்கை தமிழகத்தில் நடைபெற்றது.

மீண்டும் வயது உச்ச வரம்பு:

இதற்கிடையே, சென்னை உயர்நீதிமன்ற மதுரைக் கிளையின் உத்தரவை எதிர்த்து, இந்திய பார் கவுன்சில் சார்பில் உச்ச நீதிமன்றத்தில் வழக்குத் தொடரப்பட்டது. இந்த வழக்கை விசாரித்த உச்ச நீதிமன்றம் இந்திய பார் கவுன்சிலின் மனுவை ரத்து செய்து 11-12-2015-இல் உத்தரவிட்டது.
இதன் காரணமாக, சட்டப் படிப்புகளுக்கு வயது உச்ச வரம்பை இந்திய பார் கவுன்சில் மீண்டும் கொண்டுவந்தது. அதாவது, சட்டப் படிப்பு விதிகள் 2008-இன் பிரிவு 28 கைவிடப்பட்டதை ரத்து செய்து 17-9-2016-இல் உத்தரவிட்டது.
பார் கவுன்சில் உத்தரவு ரத்து: இந்த நிலையில், இந்திய பார் கவுன்சிலின் 17-9-2016 உத்தரவை எதிர்த்து ரிஷப் துகால் மற்றும் ஏஎன்ஆர் ஆகிய மனுதாரர்கள் சார்பில் உச்ச நீதிமன்றத்தில் மேல்முறையீடு செய்யப்பட்டது.

இம்மனுவை கடந்த மார்ச் மாதம் விசாரணைக்கு எடுத்த உச்சநீதிமன்றம், இந்திய பார் கவுன்சிலின் 17-9-2016 உத்தரவுக்கு இடைக்காலத் தடை விதித்ததோடு, வழக்கு மீதான அடுத்தகட்ட விசாரணையை ஜூலை 3-ஆவது வாரத்துக்கு ஒத்திவைத்துள்ளது.
இதன் மூலம், நாடு முழுவதும் மூன்று ஆண்டு எல்.எல்.பி. சட்டப் படிப்புகள், 5 ஆண்டு ஒருங்கிணைந்த சட்டப் படிப்புகளுக்கு வயது உச்ச வரம்பு மீண்டும் நீக்கப்பட்டுள்ளது.
தமிழகத்திலும் வயது வரம்பு இல்லை: இதுகுறித்து தமிழ்நாடு டாக்டர் அம்பேத்கர் சட்டப் பல்கலைக்கழக பேராசிரியர்கள் கூறியது:
உச்சநீதிமன்ற உத்தரவு காரணமாக, தமிழகத்திலும் மூன்று மற்றும் 5 ஆண்டு ஒருங்கிணைந்த சட்டப் படிப்புகளுக்கு வயது உச்ச வரம்பே இல்லாத நிலை ஏற்பட்டுள்ளது.

வரும் 2017-18 கல்வியாண்டு சட்டப் படிப்புகள் சேர்க்கை மட்டுமே வயது உச்ச வரம்பு இல்லாமல் நடைபெறும். தமிழகம் முழுவதும் உள்ள அரசு சட்டக் கல்லூரிகளில் மட்டுமின்றி, பல்கலைக்கழக வளாகத்தில் அமைந்துள்ள ஆற்றல்சார் பள்ளியில் வழங்கப்படும் ஹானர்ஸ் சட்டப் படிப்புகளிலும் இந்த அடிப்படையிலேயே சேர்க்கை நடைபெற உள்ளது.

இது அடுத்த ஆண்டுகளுக்கும் தொடருமா என்பது உச்ச நீதிமன்றத்தின் ஜூலை 3-ஆவது வார உத்தரவுக்குப் பிறகே தெரியவரும்.
மேலும், ஆற்றல்சார் பள்ளி சட்டப் படிப்புகளுக்கான சேர்க்கை அறிவிப்பு மே இறுதியில் அல்லது ஜூன் முதல் வாரத்தில் வெளியிடப்படும் என்றனர்.

1 முதல் பிளஸ் 2 வரை பாடத்திட்டம் மாற்றம்! மனப்பாட கல்வி முறைக்கு 'குட்பை'

1 முதல் பிளஸ் 2 வரை பாடத்திட்டம் மாற்றம்! மனப்பாட கல்வி முறைக்கு 'குட்பை'

மனப்பாட கல்விமுறையை கைவிடும்வகையில், ஒன்று முதல்பிளஸ் 2 வகுப்பு வரை,பாடத்திட்டம்மாற்றப்படுகிறது.அறிவியல் பாடத்தில்,கணினி அறிவியலும் இடம்பெறுகிறது.பள்ளிபாடத்திட்ட மாற்றத்திற்கான

அரசாணையை,பள்ளிக்கல்வி செயலர்உதயசந்திரன், நேற்றுவெளியிட்டு உள்ளார்.

அதன் விபரம்: சர்வதேசஅளவிலான அறிவியல்,சமூக, பொருளாதாரவளர்ச்சி, போட்டிதேர்வுகளில், தமிழகமாணவர்களின் வெற்றியைகருத்தில் கொண்டு,பாடத்திட்டம்மாற்றப்படுகிறது.

சி.பி.எஸ்.இ.,யை விடமேலானதாகவும், தமிழகபண்பாடு, கலாசாரத்திற்குமுக்கியத்துவம் அளிக்கும்விதமாகவும்,பாடத்திட்டத்தை உருவாக்க,மே, 11ல், வல்லுனர் குழுமுடிவு எடுத்தது.

அதன்படி, 2018 - 19ம்கல்வியாண்டில், ஒன்று,ஆறு, ஒன்பது மற்றும்பிளஸ் 1 வகுப்புகளுக்கு,புதிய பாடத்திட்டம்அமலாகும்.

2019 - 20ல், இரண்டு, ஏழு, 10மற்றும் பிளஸ் 2வகுப்புகளுக்கும், 2020 - 21ல்,மூன்று, நான்கு, ஐந்துமற்றும் 8ம் வகுப்புகளுக்கும்,பாடத்திட்டம் மாற்றப்படும்.

ஆறு முதல், 10ம் வகுப்புவரையான, அறிவியல்பாடத்தில், கணினிஅறிவியல் அல்லது ஐ.டி.,எனப்படும், தகவல்தொழில்நுட்பவியல்பற்றியபாடப்பகுதியும்இணைக்கப்படும். இவ்வாறுஅதில் கூறப்பட்டு உள்ளது.

பாடத்திட்டம் எப்படி மாற்றிஅமைக்கப்பட வேண்டும்என்பது குறித்து, அரசு சிலநெறிமுறைகளைவகுத்துள்ளது.

அதன் விபரம்:* கற்றலைமனப்பாட நிலையில்இருந்து மாற்றி, படைப்பின்பாதையில் பயணிக்கவைக்க வேண்டும்

* தோல்வி பயம் மற்றும் மனஅழுத்தத்தை ஏற்படுத்தும்தேர்வுகளை மாற்றி,கற்றலின் இனிமையைஉறுதி செய்யும் வகையில்,பாடம் அமைய வேண்டும்

* தமிழர்களின் தொன்மை,வரலாறு, பண்பாடு, கலை,இலக்கிய பெருமிதஉணர்வை, மாணவர்கள்,அறிவியல்தொழில்நுட்பத்தின் மூலம்தெரிந்து கொள்ள,பாடத்திட்டம் உறுதி செய்யவேண்டும்

* அறிவு தேடல் என்பது,வெறும் ஏட்டறிவு என,குறைத்து மதிப்பிடாமல்,அறிவுஜன்னலாய்புத்தகங்கள் வழிகாட்டவேண்டும் என்றஅடிப்படையில், பாடத்திட்டம்அமைய வேண்டும்.

இவ்வாறு நெறிமுறைகள்வகுக்கப்பட்டு உள்ளன.

புத்தகம் படிக்க'மொபைல்ஆப்'

ஆசிரியர்களும்,மாணவர்களும், எளிதில்பயன்படுத்தக் கூடியவகையில், 'மொபைல் ஆப்'என்ற மொபைல் போன்செயலி உருவாக்கப்படும்.ஆசிரியர்களுக்கும்,மாணவர்களுக்கும்செய்முறை மற்றும் பயிற்சிகையேடுகள் வழங்கப்படும்.

அண்ணா பல்கலைபாடத்திட்டம்!

தொழிற்கல்விக்கு, எட்டுஆண்டுகளாக பாடத்திட்டம்மாறவில்லை. வளர்ந்துவரும் தொழில்நுட்பவளர்ச்சிக்கு ஏற்ப,தொழிற்கல்விபாடத்திட்டங்கள் மாற்றம்செய்யப்பட உள்ளன.

அண்ணா பல்கலை,வேளாண் பல்கலை மற்றும்தொழில்சார்பல்கலைகளுடன்இணைந்து, மாநிலகல்வியியல் ஆராய்ச்சிமற்றும் பயிற்சி நிறுவனம்,தொழிற்கல்விபாடத்திட்டத்தை, மாற்றமுடிவு செய்துள்ளது. பிளஸ்1க்கு, 2018 - 19 மற்றும் பிளஸ்2வுக்கு, 2019 - 20ம் ஆண்டில்,இந்த மாற்றம் இருக்கும்.

அரசுப் பள்ளி இனி கணினி பள்ளி!!

அரசுப் பள்ளி இனி கணினி பள்ளி!!

அரசுப் பள்ளி இனி கணினி பள்ளி

அரசுப்பள்ளி மாணவர்கள் ,40000பி.எட் படித்த கணினி ஆசிரியர்கள் வாழ்வில் தமிழக அரசு ஒளி!!

6ம் வகுப்பு முதல் 10ம் வகுப்பு வரை கணினி அறிவியல் பாடத்தை அரசுப்பள்ளியில் கொண்டுவந்து அரசுப்பள்ளியன் தரத்தை அயல் நாட்டுக் கல்வியின்  தரத்திற்க்கு இணையாக கொண்டு சென்ற மாண்புமிகு பள்ளிக்கல்வித்துறை    அமைச்சர் ஐயா அவர்களுக்கும் ,மதிப்புமிகு கல்வி செயலாளர்  ,இயக்குனர் ,இணை இயக்குனர் அவர்களுக்கும் 40000பி.எட் கணினி ஆசிரியர்கள் குடும்பங்களின் சார்பிலும் ,

தமிழ்நாடு பி.எட் கணினி அறிவியல் வேலையில்லா பட்டதாரி ஆசிரியர்கள் சங்கதத்தின் சார்பில் மனமார்ந்த நன்றியை  தெரிவித்துக் கொள்கின்றோம்...

வெ.குமரேசன்,
மாநில பொதுச் செயலாளர்,
9626545446,
தமிழ்நாடு பி.எட் கணினி அறிவியல் வேலையில்லா பட்டதாரி ஆசிரியர்கள் சங்கம்®655/2014.

அடுத்த 3 கல்வியாண்டுகளில் 1 முதல் பிளஸ் 2 வரை பாடத் திட்டங்கள் மாற்றம்: தமிழக அரசு உத்தரவு

அடுத்த 3 கல்வியாண்டுகளில் 1 முதல் பிளஸ் 2 வரை பாடத் திட்டங்கள் மாற்றம்: தமிழக அரசு உத்தரவு

அடுத்த கல்வியாண்டில் (2018-19) இருந்து மூன்று ஆண்டுகளுக்குள் ஒன்றாம் வகுப்பு முதல் பிளஸ் 2 வரை அனைத்து வகுப்புகளுக்கான பாடத் திட்டங்கள் மாற்றியமைக்கப்படும் என தமிழக அரசு அறிவித்துள்ளது.
இதுகுறித்து பள்ளிக் கல்வித் துறைச் செயலாளர் த. உதயச்சந்திரன் வெளியிட்டுள்ள அரசு உத்தரவு: தமிழகத்தில் ஒன்று முதல் பிளஸ் 2 வகுப்பு வரையிலான பாடத் திட்டத்தில் மாற்றம் கொண்டு வரலாம் என்று அண்மையில் நடைபெற்ற வல்லுநர் குழுக் கூட்டத்தில் தீர்மானங்கள் நிறைவேற்றப்பட்டன.
இதன் அடிப்படையிலும், மாநில கல்வியியல் ஆராய்ச்சி மற்றும் பயிற்சி நிறுவன இயக்குநர் தெரிவித்த கருத்துகளின்படியும், மத்திய இடைநிலைக் கல்வி வாரிய பாடத் திட்டத்துக்கு (சி.பி.எஸ்.இ.) நிகராக தமிழகப் பாடத் திட்டத்தை உடனடியாக வடிவமைக்க வேண்டிய அவசியத்தை உணர்ந்து அதன் அடிப்படையில் பாடத் திட்டங்கள் மாற்றி அமைக்கப்பட உள்ளன.
எந்தெந்த வகுப்புகள் எப்போது? ஒன்று, ஆறு, ஒன்பது மற்றும் பிளஸ் 1 வகுப்புகளுக்கான புதிய பாடத் திட்டம் மற்றும் பாடப் புத்தகங்கள் அடுத்த கல்வியாண்டில் (2018-2019) மாற்றியமைக்கப்படும்.
இரண்டு, ஏழு, பத்து மற்றும் பிளஸ் 2 வகுப்புகளுக்கான புதிய பாடத் திட்டம் 2019-2020-ஆம் கல்வியாண்டிலும், மூன்று, நான்கு, ஐந்து மற்றும் எட்டாம் வகுப்புகளுக்கான புதிய பாடத் திட்டம் 2020-2021-ஆம் கல்வியாண்டிலும் மாற்றியமைக்கப்படும்.
புதிய பாடத்தில் ஐ.டி. கல்வி: ஆறாம் வகுப்பு முதல் பத்தாம் வகுப்பு வரையிலான அறிவியல் பாடத்தின் ஒரு பகுதியாக தகவல் தொழில்நுட்பவியல் (ஐ.டி.) கல்வி கற்பிக்க ஏதுவாக பாடத் திட்டத்தில் உரிய மாற்றம் கொண்டு வரப்படும்.
செய்முறைக் கையேடு-இணைய வழிக் கற்றல்: புதிய பாடத் திட்டம் என்பதால் ஆசிரியர், மாணவர்களுக்கு உரிய கையேடுகள் வழங்கப்பட உள்ளன. புதுமையான கற்றல் மற்றும் கற்பித்தல் முறைகளை ஆசிரியர்கள் மேற்கொள்ளும் வகையில் தகுந்த ஆசிரியர் கையேடுகளையும், மாணவருக்கான செய்முறைக் கையேடுகளையும் தயாரித்து வழங்க மாநில கல்வியியல் ஆராய்ச்சி மற்றும் பயிற்சி நிறுவனம் கேட்டுக் கொள்ளப்பட்டுள்ளது.
இணைய வழிக் கற்றல் மற்றும் கற்பித்தலை ஊக்குவிக்கும் வகையில் விரிவான கற்றல் மேலாண்மைத் தளத்தை உருவாக்கவும், ஆசிரியர்களும், மாணவர்களும் எளிதில் பயன்படுத்தக் கூடிய செல்லிடப் பேசி செயலிகளை உருவாக்கிச் செயல்படுத்தவும் தமிழக அரசு அனுமதி வழங்கியுள்ளது.
பாடத் திட்ட மாற்றத்துக்கு ஏற்ற வகையில் ஆசிரியர்களுக்குத் தகுந்த பயிற்சி அளிக்குமாறும், பொதுக் கல்வி வாரியத்தின் ஒப்புதலைப் பெற்று பாடத் திட்ட மாற்றுப் பணியை ஆறு மாத காலங்களில் முடிக்குமாறும் ஆராய்ச்சி மற்றும் பயிற்சி நிறுவனம் கேட்டுக் கொள்ளப்பட்டுள்ளது.

புதிய பாடத் திட்டம்:
கவனத்தில் கொள்ளத்தக்கவை
கற்றலை மனப்பாடம் செய்யும் திசையில் இருந்து மாற்றி படைப்பின் பாதையில் பயணிக்க வைக்க வேண்டும்.
தோல்வி பயம் மற்றும் மன அழுத்தத்தை உற்பத்தி செய்யும் தேர்வுகளை உருமாற்றி கற்றலின் இனிமையை உறுதி செய்யும் நேரமாய் அமைந்திட வேண்டும்.
தமிழர்தம் தொன்மை, வரலாறு, பண்பாடு மற்றும் கலை, இலக்கியம் குறித்த பெருமித உணர்வை மாணவர்கள் பெறுவதுடன், அவர்கள் தன்னம்பிக்கையுடன் அறிவியல் தொழில்நுட்பத்தை கைக்கொண்டு நவீன உலகில் வெற்றிநடை போடுவதை உறுதி செய்திட வேண்டும்.
அறிவுத் தேடலை வெறும் ஏட்டறிவாய்க் குறைத்து மதிப்பிடாமல் அறிவின் ஜன்னல்களாக புத்தகங்கள் விரிந்து பரவி வழிகாட்டும் வகையில் புதிய பாடத் திட்டங்கள் அமைந்திட வேண்டும் என்று தனது உத்தரவில் உதயச்சந்திரன் தெரிவித்துள்ளார்.

சி.பி.எஸ்.இ. ரிசல்ட் இன்று இல்லை

சி.பி.எஸ்.இ. ரிசல்ட் இன்று இல்லை

சி.பி.எஸ்.இ. 12ஆம் வகுப்பு பொதுத்தேர்வு முடிவுகள் இன்று வெளியாகாது. டெல்லி நீதிமன்ற உத்தரவால் மே மாத இறுதியில் தேர்வு முடிவுகள் வெளியாக வாய்ப்பு இருப்பதாக தகவல்கள் தெரிவிக்கின்றன. 

விடுமுறையிலும் சத்துணவு

விடுமுறையிலும் சத்துணவு

உச்சநீதிமன்ற உத்தரவுப்படி, எம்ஜிஆர் சத்துணவுத் திட்டத்தின்கீழ், வறட்சியால் பாதிக்கப்பட்டுள்ள காஞ்சிபுர மாவட்டத்தில்  கோடை விடுமுறையிலும் பள்ளி மாணவர்களுக்கு சத்துணவு வழங்க வேண்டும் என உத்தரவிடப்பட்டுள்ளது. சத்துணவு மையங்களில் தேவையான உணவுப் பொருட்கள் இல்லாத பட்சத்தில் உடனடியாக நுகர்பொருள் வாணிபக் கழகத்திலிருந்து பெற்றுக் கொள்ளவும் அறிவுறுத்தப்பட்டுள்ளது.

G.O.NO : 99 - பள்ளிக்கல்விப் பாடத்திட்டம் - 1 முதல் 10ஆம் வகுப்பு பாடத்திட்டம் மற்றும் 11, 12ஆம் வகுப்பு பாடத்திட்டம் மாற்றி அமைத்தல் - ஆணை வெளியீடு

G.O.NO : 99 - பள்ளிக்கல்விப் பாடத்திட்டம் - 1 முதல் 10ஆம் வகுப்பு பாடத்திட்டம் மற்றும் 11, 12ஆம் வகுப்பு பாடத்திட்டம் மாற்றி அமைத்தல் - ஆணை வெளியீடு

CBSE - க்கு இணையாக கல்வித்துறை மாற்றம்!!!

CBSE - க்கு இணையாக கல்வித்துறை மாற்றம்!!!

CBSE - க்கு இணையாக கல்வித்துறை மாற்றம்!!! மாற்றங்கள் 11&12 வகுப்பு
--------------------------------------------
மொழிப்பாடம் 1&2
----------------------------------------------
அகமதிப்பீடு மதிப்பெண் 10
கேள்வித்தாள் 90
மொத்தம் -------
100
--------
செய்முறைத்தேர்வு உள்ள பாடங்கள்
--------------------------------------------
அகமதிப்பீடு 10
செய்முறை மதிபெண் 20
கேள்வித்தாள் 70
மொத்தம் -----------
100
-----------
செய்முறை அல்லாத பாடங்கள்
—--------------------------------------
அகமதிப்பீடு மதிப்பெண் 10
கேள்வித்தாள் 90
மொத்தம் -------
100.........

G.O.NO.100, DATE ; 22.05.2017, பள்ளிக்கல்வி +1,+2 தேர்வு நேரம் 2.30 மணிநேரமாக குறைப்பு,தேர்வு மதிப்பெண் 600 ஆக குறைப்பு,அரசாணை வெளியீடு

G.O.NO.100, DATE ; 22.05.2017, பள்ளிக்கல்வி +1,+2 தேர்வு நேரம் 2.30 மணிநேரமாக குறைப்பு,தேர்வு மதிப்பெண் 600 ஆக குறைப்பு,அரசாணை வெளியீடு

+1,+2 தேர்வு மதிப்பெண் 600 ஆக குறைப்பு | +1,+2 தேர்வு நேரம் 2.30 மணிநேரமாக குறைப்பு | அரசாணை எண் :100

அனைத்து வகுப்புகளுக்கும் படிப்படியாக பாடத்திட்டம் மாற்றம் அரசாணை வெளியீடு | 2018-2019 ல் 1,6.9.11 வகுப்புகளுக்கு புதிய பாடத்திட்டம் . 2019-2020 ல் 2,7,10,12 வகுப்புகளுக்கு புதிய பாடத்திட்டம் . 2020-2021 3,4,5,8 வகுப்புகளுக்கு புதிய பாடத்திட்டம். போட்டித் தேர்வுகளுக்கு சனிக்கிழமை சிறப்பு வகுப்புகள் தேர்வு மதிப்பெண் 600 ஆக குறைப்பு, அரசாணை வெளியீடு. +1,+2 தேர்வு நேரம் 2.30 மணிநேரமாக குறைப்பு. சிபிஎஸ்இ-க்கு இணையாக தமிழக பள்ளி பாடத்திட்டம் மாற்றம்.

பல் மருத்துவப் பட்ட மேற்படிப்புக்கான கலந்தாய்வு ஒத்திவைப்பு.

பல் மருத்துவப் பட்ட மேற்படிப்புக்கான கலந்தாய்வு ஒத்திவைப்பு.

தனியார் பல் மருத்துவக் கல்லூரிகளின் இடங்கள் குறைத்து காட்டப்பட்டதாக மாணவர்கள் குற்றம் சாட்டியதால் பல் மருத்துவப் பட்ட மேற்படிப்புக்கான கலந்தாய்வு ஒத்தி வைக்கப்பட்டது.
பல் மருத்துவப் பட்ட மேற்படிப்பு இடங்களுக்கான கலந்தாய்வு சென்னை அண்ணாசாலையில் உள்ள அரசு பன்னோக்கு உயர் சிறப்பு மருத்துவமனையில் இன்று பிற்பகல் 3 மணிக்குதொடங்கி மாலை 6 வரை நடைபெறும் என்று அறிவிக்கப்பட்டிருந்தது.

 கலந்தாய்வில் பங்கேற்குமாறு 600-க்கும் மேற்பட்டோருக்கு அழைப்பு விடுக்கப்பட்டிருந்தன.கலந்தாய்வு தொடங்கியதும் தனியார் மருத்துவக் கல்லூரிகளின் பட்ட மேற்படிப்பு இடங்கள் குறைத்து காட்டப்பட்டுள்ளதாக மாணவர்களும், பெற்றோரும் அதிகாரிகளிடம் வாக்குவாதத்தில் ஈடுபட்டு போராட்டம் நடத்தினர். இதனால் கூச்சல் குழப்பம் ஏற்பட்டது.

இதையடுத்து கலந்தாய்வு ஒத்திவைக்கப்பட்டது. அரசிடமும், தனியார் பல் மருத்துவக் கல்லூரிகளின் நிர்வாகத்திடமும்கலந்தாலோசித்த பிறகு கலந்தாய்வு நடக்கும் தேதி பின்னர் அறிவிக்கப்படும் என்று அதிகாரிகள் அறிவித்தனர்.

கல்லூரியைப் போல +1ல் தோல்வி அடைந்த பாடத்துக்கு அரியர் தேர்வு.

கல்லூரியைப் போல +1ல் தோல்வி அடைந்த பாடத்துக்கு அரியர் தேர்வு.

பிளஸ் 1 பொதுத் தேர்வில் தோல்வி அடைந்த பாடத்தை, கல்லூரிகளில் எழுதுவது போல அரியர் தேர்வு எழுத வழி வகை செய்யப்பட்டுள்ளது.

பிளஸ் 1 வகுப்புக்கும் 2017-18ம் கல்வியாண்டு முதல் பொதுத் தேர்வு நடத்தப்படும் என்பது குறித்த தமிழக அரசின் அரசாணை இன்று வெளியிடப்பட்டது.

அதன்படி, பிளஸ் 1 வகுப்புக்கும் இனி பொதுத் தேர்வு நடத்தப்படும். பிளஸ் 1 பொதுத் தேர்வில் தோல்வி அடைந்தாலும் அந்த மாணவ, மாணவிகள் தொடர்ந்து +2 படிக்கலாம். தோல்வி அடைந்த பாடத்தைப் படித்து ஜூன் அல்லது ஜூலையில் அரியர் தேர்வெழுதி தேர்ச்சி பெற வசதி செய்யப்பட்டுள்ளது.

அதே சமயம், +1 வகுப்புக்கான செய்முறை தேர்வும், +2 வகுப்புக்கான செய்முறை தேர்வுடன் சேர்த்து நடத்தப்படும். மாணவர்களின் எதிர்காலத்தைக் கருத்தில் கொண்டு இந்த நடவடிக்கை எடுக்கப்படுகிறது. முதுநிலை ஆசிரியர்களைக் கொண்டு பாடம் நடத்தவும் தமிழக அரசு நடவடிக்கை எடுக்க உள்ளது. தேர்வு மூலம் ஆசிரியர்கள் தேர்வாகும் வரை தற்காலிக ஆசிரியர்கள் நியமனம் செய்யப்படும் என்றும் தமிழகக் கல்வித் துறை அமைச்சர் செங்கோட்டையன் கூறியுள்ளார்.

பிளஸ் 1 தேர்வில் தான் மாற்றம் - பிளஸ் 2க்கு இல்லை: உதயசந்திரன்

பிளஸ் 1 தேர்வில் தான் மாற்றம் - பிளஸ் 2க்கு இல்லை: உதயசந்திரன்

வரும் கல்வியாண்டில், பிளஸ் 2 தேர்வில், எந்தவித மாற்றமும் இல்லை; பழைய முறையே பின்பற்றப்படும்' என, பள்ளிக்கல்வித் துறை அறிவித்துள்ளது. வரும், 2017 - 18ம் கல்வி ஆண்டு முதல், பிளஸ் 1 வகுப்புக்கு, கட்டாய பொதுத் தேர்வு அறிமுகப்படுத்தப்பட்டு உள்ளது.

இதன்படி, வரும் கல்வி ஆண்டில் புதிதாக சேரப்போகும், பிளஸ் 1 மாணவர்களுக்கு, மொத்த மதிப்பெண், 600 ஆக குறைக்கப்பட்டு உள்ளது. இந்த மாணவர்கள், 2018 - 19ல், பிளஸ் 2 செல்லும் போது, பிளஸ் 1ல் எழுதியது போன்று, மொத்தம், 600 மதிப்பெண்களுக்கு தேர்வு எழுத வேண்டும். இறுதியில், 1,200 மதிப்பெண்களுக்கு, பிளஸ் 1 மற்றும் பிளஸ் 2க்கான, ஒருங்கிணைந்த மதிப்பெண் பட்டியல் வழங்கப்படும். இந்நிலையில், தற்போது பிளஸ் 1 முடித்து, பிளஸ் 2 செல்லும் மாணவர்களுக்கு, தேர்வு முறையில் மாற்றம் உள்ளதா என்ற குழப்பம் ஏற்பட்டுள்ளது.

இது குறித்து, பள்ளிக்கல்வி செயலர் உதயசந்திரன் கூறியதாவது:

மார்ச்சில் நடந்த ஆண்டு இறுதி தேர்வை முடித்த, பிளஸ் 1 மாணவர்கள், வரும் கல்வி ஆண்டில், பிளஸ் 2 படிக்க உள்ளனர். அவர்களுக்கு, தேர்விலோ, மதிப்பெண் முறையிலோ, தேர்வுக்கான நேரத்திலோ மாற்றம் இல்லை. தற்போது நடைமுறையில் இருக்கும், 1,200 மதிப்பெண்களுக்கு, கடந்த ஆண்டுகளில் பின்பற்றப்பட்ட முறைகளிலேயே, அவர்களுக்கு தேர்வு நடக்கும். மூன்று மணி நேரம் தேர்வு எழுத வேண்டும்.

தேர்வு முடிவில், பிளஸ் 2க்கு மட்டுமே, மதிப்பெண் சான்றிதழ் வழங்கப்படும். எனவே, இந்தாண்டு பிளஸ் 2 படிக்க உள்ள மாணவர்கள், இதில் எந்த குழப்பமும் அடைய வேண்டாம்.இவ்வாறு அவர் கூறினார்.

அரசு பள்ளிகளில் படிக்கும் 92 லட்சம் மாணவர்களுக்கு விலை இல்லா பாடப்புத்தகங்கள் தயார் !!

அரசு பள்ளிகளில் படிக்கும் 92 லட்சம் மாணவர்களுக்கு விலை இல்லா பாடப்புத்தகங்கள் தயார் !!

92 லட்சம் மாணவ-மாணவிகளுக்கு வழங்குவதற்காக விலை இல்லா பாடப்புத்தகங்கள் தயார் நிலையில் உள்ளன. பள்ளிக்கூடம் திறந்த அன்றே புத்தகங்கள் வழங்க ஏற்பாடு செய்யப்பட்டு உள்ளது.

கோடை விடுமுறை முடிந்து வருகிற 1-ந்தேதி அரசு பள்ளிக்கூடங்கள் திறக்கப்பட உள்ளன. வெயிலின்தன்மை அதிகமாக இருப்பதால் கோடை விடுமுறை நீட்டிக்கப்பட வாய்ப்பு உள்ளது.

இதற்கிடையே மாணவ-மாணவிகளுக்கு வழங்குவதற்காக புதிய புத்தகங்கள் மற்றும் நோட்டுகளை தமிழ்நாடு பாடநூல் கழகம் அச்சிட்டு தயாராக வைத்து உள்ளது. 1-ம் வகுப்பு முதல் பிளஸ்-2 வரை படிக்கும் மாணவ-மாணவிகளுக்கு என மொத்தம் 4 கோடியே 30 லட்சம் விலை இல்லா பாடப்புத்தகங்கள் அச்சிடப்பட்டு உள்ளன.

இதில் 1 முதல் 9-ம் வகுப்பு வரை முதல் பருவத்திற்கு உரிய பாடப்புத்தகங்கள் ஆகும். மற்ற வகுப்பு மாணவர்களுக்கு பருவம் அல்லாத வகையில் பாடப்புத்தகங்கள் வழங்கப்பட உள்ளன.

அனைத்து அரசு மற்றும் அரசு உதவி பெறும் பள்ளிகளில் படிக்கும் 92 லட்சம் மாணவ-மாணவிகளுக்கு இந்த விலை இல்லா பாடப்புத்தகங்கள் வழங்கப்பட உள்ளன. இதுநாள் வரை பாடப்புத்தகங்கள் பள்ளிக்கூட ஆசிரியர்கள் மூலம் வேன்கள் வைத்து பள்ளிக்கூடங்களுக்கு கொண்டு வரப்பட்டன.

ஆனால் இந்த வருடத்தில் இருந்து பள்ளிக்கூடங்களுக்கு நேரடியாக பாடப்புத்தகங்கள் அனுப்பி வைக்கப்படும் என்று அரசு அறிவித்து உள்ளது. ஓரிரு தினங்களில் இந்த புத்தகங்கள் பள்ளிகளுக்கு வழங்கப்பட்டு விடும் என்று தெரிகிறது. பள்ளிக்கூடம் திறந்த அன்றே புத்தகங்கள் வழங்க ஏற்பாடு செய்யப்பட்டு உள்ளது. 

சிபிஎஸ்இ +2 ரிசல்ட் : மே 24 !

சிபிஎஸ்இ +2 ரிசல்ட் : மே 24 !

சிபிஎஸ்இ பன்னிரெண்டாம் வகுப்பு தேர்வு முடிவுகள்  மே 24-ல் வெளியிடப்படும் என அறிவிக்கப்பட்டுள்ளது 
http://cbse.nic.in/newsite/index.html ,   http://cbseresult.nic.in/ என்ற இணையத்தளத்தில்  தேர்வு முடிவுகளை அறியலாம்.

மாணவர்களுக்கு தொடர்ந்து 3 ஆண்டுகள் பொதுத்தேர்வுகள் சரியா - ஓர் அலசல்!

மாணவர்களுக்கு தொடர்ந்து 3 ஆண்டுகள் பொதுத்தேர்வுகள் சரியா - ஓர் அலசல்!

பொதுத்தேர்வு என்றாலே மாணவர்களுக்கு மட்டுமல்ல அவர்களின் பெற்றோருக்கும் அக்னி பரீட்சைதான். 10 மற்றும் 12 வகுப்பு பொதுத்தேர்வுகள் முடிவதற்குள் உறவினர் வீட்டு விசேஷங்கள், திருவிழா.. என எதற்கு பிள்ளைகளை அனுப்புவதில்லை. மாணவர்களும் நேரம் காலம் பார்க்காமல் அதிக நேரம் படிப்பில் மூழ்கிக் கிடப்பர். இந்த நிலையில் 10, 11 மற்றும் 12 ஆகிய மூன்று வகுப்புகளுக்கும் இனி பொதுத்தேர்வுகள் நடத்தப்படும் என தமிழக அரசு அறிவித்துள்ளது. இது மாணவர்களுக்கு சாதகமா, பாதகமா என ஆசிரியர்களிடமும் கல்வியாளர் பேரா. பிரபா கல்விமணியிடமும் கேட்டோம்.

 மு.சிவகுருநாதன், ஆசிரியர், அரசு மேல்நிலைப் பள்ளி, காட்டூர், திருவாரூர் மாவட்டம்.

10-ம் வகுப்பில் பொதுத்தேர்வு எழுதி வரும் மாணவருக்கு 11 மற்றும் 12 வகுப்புகளுக்கு தொடர்ந்து பொதுத்தேர்வு வைப்பது என்பது மாணவர்களுக்கு நிச்சயம் சுமையாகத்தான் இருக்கும். இதை செமஸ்டர் முறையில் என அறிவித்தால் அந்தச் சுமை குறையும். ஒருவேளை செமஸ்டர் முறை இல்லையெனில் 11 வகுப்பில் 100 மதிப்பெண்களுக்கும் 12 வகுப்பில் 100 மதிப்பெண்களுக்கும் தேர்வு வைக்கலாம். அப்படி வைத்து இரண்டையும் கூட்டி மதிப்பிடலாம்.

11 -ம் வகுப்பு பாடங்களை நடத்தாமல் இரண்டு ஆண்டுகளுக்கு 12 வகுப்புப் பாடங்களை நடத்துகிறார்கள் என்பதால் பொதுத்தேர்வு முறை கொண்டுவந்தால் இதே சிக்கல் 9-ம் வகுப்பிலும் இருக்கத்தானே செய்கிறது. அப்படியெனில் அதற்கும் பொதுத் தேர்வு வைப்பதுதான் தீர்வாகுமா... அதைவிட, பள்ளிகளில் பாடங்கள் நடத்தப்படுவதை கண்காணிக்கும் விதத்தை முறையாக நடைமுறைப் படுத்துவதே இதற்கு ஒரு தீர்வாக அமையும்.

து.விஜயலட்சுமி, அரசுமேல்நிலைப் பள்ளி, கண்ணமங்கலம், வேலூர்.

11-ம் வகுப்பு பொதுத்தேர்வு வைப்பதை நான் வரவேற்கிறேன். பப்ளிக் எக்ஸாம்.. பப்ளிக் எக்ஸாம் என மாணவர்களைப் பயமுறுத்தவே கூடாது. காலாண்டு, அரையாண்டு தேர்வுகள் போல இதுவும் ஒன்று என தேர்வுப் பயத்தைப் போக்கவே நான் செய்வேன். மாவட்ட அளவில் வினாத்தாள் தயாராவதற்குப் பதில் மாநில அளவில் தயாரித்து வரும் அவ்வளவுதானே. எங்கு தயாரிக்கப்பட்டாலும் 100 அல்லது 200 மதிப்பெண்களுக்குத்தானே மாணவர்கள் விடை எழுதப் போகிறார்கள். அதனால் 11-ம் வகுப்புக்கு பொதுத்தேர்வு என்பது பப்ளிக் எக்ஸாம் பயத்தைப் போக்க உதவும்.

மாணவர்களுக்குச் சுமை என்று சொல்வதையும் ஏற்பதற்கு இல்லை. வழக்கமாக சில தனியார் பள்ளிகளில் 11-ம் வகுப்பு தொடங்கிய சில நாட்களிலேயே வினாக்கள் அடங்கிய சி.டியைத் தந்து அதற்குப் பதில் எழுதவே பயிற்சியளிக்கிறார்கள். மாணவர்கள் 11-ம் வகுப்பு பாடங்களைப் பார்க்கக்கூட முடியவில்லை. அதையெல்லாம் இந்த முறை சரிசெய்யும். உண்மையாக சொன்னால் பாடம் நடத்தாத ஆசிரியர்களுக்கும் நடத்த விரும்பாத பள்ளிகளுக்கும்தான் 11-ம் வகுப்பில் பொதுத்தேர்வு வைப்பது சுமையாக இருக்கும்.

சுகிர்தராணி, ஆசிரியர் ராணிப்பேட்டை.

மாணவர்களுக்கு தேர்வு என்பதே பெரிய சுமைதான். அதும் 10, 11 மற்றும் 12 வகுப்புகளுக்குத் தொடர்ந்து மூன்று வருடங்கள் அரசுப் பொதுத் தேர்வு எனும்போது அவர்களின் மனநிலை என்னவாகும் என்பதை யோசிக்கவே அச்சமாக இருக்கிறது! அரசுப் பள்ளிகளில் முறையாக 11-ம் வகுப்புப் பாடங்கள் நடத்தப்படுகின்றன. ஆனால், பல தனியார்ப் பள்ளிகளில் 11-ம் வகுப்புத் தொடங்குபோது 12-ம் வகுப்புப் பாடங்கள் நடத்தப்படுகின்றன. இதைத் தவிர்க்கவும் அந்தந்த வகுப்புகளில் அந்தந்த வகுப்புக்கு உரிய பாடங்களை நடத்தவும் கடுமையான நடவடிக்கை மற்றும் கண்காணிப்பை அரசு எடுக்க வேண்டும். அதை விடுத்து பதினொன்றிலும் பொதுத் தேர்வு என அறிவிப்பது சரிதானா என்ற கேள்வி எழுகிறது. அரசும், கல்வி அமைச்சரும்,கல்வித்துறை அதிகாரிகளும் மாணாக்கருடன் கலந்தாய்வு செய்து முடிவெடுக்க வேண்டும். முடிவெடுப்பது அரசு என்றாலும் தேர்வெழுதப்போவது மாணாக்கர்தாம். அவர்கள் கருத்தை அறிய கல்வித்துறை நடவடிக்கை எடுக்க வேண்டும். மாணவர்களின் சுமையைக் குறைக்கும் விதத்தில் அந்த நடவடிக்கை இருந்தால் மகிழ்ச்சியே!

ஶ்ரீ.திலீப், ஆசிரியர், அரசு மேல்நிலைப் பள்ளி, சத்தியமங்கலம், விழுப்புரம்.

11-ம் வகுப்புக்குப் பொதுத்தேர்வு என்பதை நான் முழு மனதாக வரவேற்கிறேன். இதனால் 11-ம் வகுப்புப் பாடங்கள் கவனம் பெறும். 11-ம் வகுப்பு பாடங்களை ஒரு சில மாதங்கள் மட்டுமே நடத்திவிட்டு 12-ம் வகுப்பு பாடங்களை நடத்தும் பல பள்ளிகளில் பெரிய மாற்றத்தைக் கொண்டு வரும். மாணவர்களுக்கும் அந்த பாடங்களைப் படிக்கும் வாய்ப்பு கிடைக்கும். 11 மற்றும் 12 வகுப்பு பாடங்களே அடுத்தடுத்து வரும் நீட் போன்ற நுழைவுத் தேர்வுகளுக்கு அடிப்படை. அதனால், அவற்றைப் படிப்பது அவசியமே. இதில் நடைமுறைச் சிக்கல் ஒன்று இருப்பதையும் கவனத்தில் கொள்ள வேண்டும். வழக்கமாக பொதுத்தேர்வு என்றாலே ஒவ்வோர் ஆண்டும் பிப்ரவரி மாதம் தொடங்கியதும் ஆசிரியர்களுக்கு பரபரப்பான வேலைகள் காத்திருக்கும். அதனால் மற்ற வகுப்பு பாடங்களில் கவனம் எடுத்து கற்றுக்கொடுப்பதில் சுணக்கம் ஏற்படும். அந்தப் பள்ளி தேர்வு மையம் என்றால் இன்னும் சிக்கல்தான். அதனால், மற்ற வகுப்பு மாணவர்களின் கற்றல் பாதிக்கப்படாமல் இந்தத் தேர்வை சாத்தியப்படுத்த வேண்டும். மூன்று வருடங்கள் தொடர்ந்து கவனம் குவித்து படிப்பது மாணவர்களுக்கு சுமைதான் என்றாலும் நுழைவுத் தேர்வுகளை எளிதாக எதிர்கொள்ள இந்தச் சிரமம் தேவை எனக் கொண்டால் சுமையாக தோன்றாது.

பேராசிரியர் பிரபா கல்விமணி, கல்வியாளர்.

மாணவர்களை மதிப்பெண்கள் பெற வைக்க வேண்டும் என்கிற ஒரே நோக்கில் பாடங்களை நடத்துகின்றனர் பல பள்ளிகள். அதில் அநேகம் தனியார் பள்ளிகள். அதனால் 12-ம் வகுப்பு பாடத்தை இரண்டாண்டுகளும் நடத்துகின்றனர். அதனால் 11-ம் வகுப்புப் பாடங்களை மாணவர்கள் படிக்க நினைத்தாலும் அதற்கான வாய்ப்பு இல்லாமல் போயிவிடுகிறது. இதனால் அகில இந்திய தேர்வுகளில் தமிழக மாணவர்கள் தேர்ச்சி பெறுவதில் பெரும் சிக்கல் இருக்கிறது. அவையெல்லாம் கலைவதற்கு இந்த முறை நமக்கு உதவும் என்றே நம்புகிறேன்.

தொடர்ந்து மூன்று ஆண்டுகள் பொதுத்தேர்வு என்பது சரி... சுமை... என இரண்டு விதமான கருத்துகளை ஆசிரியர்கள் கூறினாலும் அடிப்படையில் அவர்கள் மாணவர்களின் நலனையே முன்னிறுத்துகிறார்கள். எனவே, மாணவர்களின் கல்வித்திறனை உயர்த்தும் நடவடிக்கைகளில் அவர்களுக்கு சுமை ஏற்றாமல் இருப்பதும் கடமை. அதை கல்வித்துறை அதிகாரிகள் கவனத்தில் கொள்வார்கள் என நம்புவோம்.

Best IAS Websites for UPSC Civil Services Exam Online Preparation

1. *ClearIAS.com*
2. *cleariasexam.com*
3. *Mrunal.org*
4. *gktoday.in*
5. *insightsonindia.com*
6. *visionias.wordpress.com*
7. *IASexamportal.com*
8. *halfmantr.com*
9. *swapsushias.blogspot.in*
10. *iaspassion.com*
11. *iasscore.in*
12. *iaskracker.com*
13. *jagranjosh.com*
14. *UPSCguide.com*
15. *CivilServiceIndia.com*
16. *ias100.in*
17. *jeywin.com*
18. *civilsdaily.com*
19. *onlinegk.com*
20. *iasaspirants.com*
21. *iaspaper.in*
22. *iasexams.com*
23. *tcyonline.com*
24. *testfunda.com*
25. *byjusclasses.com*
26. *Unacademy. com*

IAS Forum Websites
1. *iasforums.com*
2. *upscforums.com*
3. *forumias.com*
4. *indianofficer.com*
5. *interviewprep4ias.com*
6. *upscdiscussions.com*

IAS Toppers Blogs
1. *thesupermanreturns.wordpress.com*
2. *rijubafna.com*
3. *youtube.com/user/unacademy*
4. *lohitmatani.wordpress.com*
5. *iasdream.com*
6. *jhinujha.wordpress.com*

Apart from the above mentioned list of IAS online coaching websites (free and paid), it is advised to refer selected websites from Indian Government and NGOs as mentioned below.

Useful Government Websites For Civil Service Preparation *

1. *ncert.nic.in* – Download NCERT Texts as PDF.
2. *nios.ac.in* – Download NIOS Online Materials.
3. *egyankosh.ac.in* – Download IGNOU Books.
4. *yojana.gov.in* – Download Yojana and Kurukshetra Magazines.
5. *upsc.gov.in* – Official Website of UPSC.
6. *pib.nic.in* – Press Information Bureau Website, for government updates.
7. *prsindia.org* – PRS Website for tracking bills in Parliament.
8. *idsa.in* – IDSA website for Defense and Foreign relations.
9. *gatewayhouse.in* – Indian Council for Global relations.
10. *envfor.nic.in* – Ministry of Environment and Forests.
11. *mea.gov.in* – Ministry of External Affairs.
12. *indiabudget.nic.in* – Download Budget and Economic Survey.
13. *ptinews.com* – Press Trust of India.
14. *pdgroup.upkar.in* – Pratiyogita Darpan Magazine.
15. *ibef.org* – India Brand Equity Foundation for economy and business.
16. *vikaspedia.in* – Knowledge initiative by InDG.
17. *makeinindia.com* – Make in India initiative for manufacturing related info.

7-வது சம்பள கமி‌ஷன் பரிந்துரைப்படி மத்திய அரசு ஊழியர்களுக்கு இந்த வாரம் அலவன்ஸ் அறிவிப்பு வெளியாகிறது!

7-வது சம்பள கமி‌ஷன் பரிந்துரைப்படி மத்திய அரசு ஊழியர்களுக்கு இந்த வாரம் அலவன்ஸ் அறிவிப்பு வெளியாகிறது!

மத்திய அரசு ஊழியர்களுக்கு 7-வது சம்பள கமி‌ஷன் சிபாரிசுப்படி சம்பள உயர்வு அளிக்கப்பட்டது. இதில் 196 விதமான அலவன்ஸ் (படிகள்)களை சம்பள கமி‌ஷன் மாற்றி அமைத்து சிபாரிசு செய்து இருந்தது.
இதை அமல்படுத்துவது தொடர்பாக ஆலோசனை வழங்க நிதித்துறை செயலாளர் அசோக் லவசா தலைமையில் கமிட்டி அமைக்கப்பட்டது.இந்த குழுவானது ஊழியர்களுக்கான அலவன்ஸ்களை மாற்றி அமைத்தது. இதை அமல்படுத்துவது குறித்து பொருளாதார வல்லுனர்களுடன் மத்திய நிதி அமைச்சகம் ஆலோசனை நடத்தியது.திருத்தி அமைக்கப்பட்ட அலவன்ஸ்கள் விவரம் அறிவிப்பதாக மத்திய அரசு ஊழியர்கள் ஆவலுடன் எதிர்பார்த்து காத்து இருக்கிறார்கள். ஊழியர் சங்கங்களும் மத்திய அரசுக்கு கோரிக்கை விடுத்து வந்தன.

இந்த நிலையில் இந்த வாரம் அலவன்ஸ்கள் தொடர்பான அறிவிப்பு வெளியாகும் என்று மத்திய அரசு ஊழியர் சங்கநிர்வாகி ஒருவர் தெரிவித்தார். இது தொடர்பாக குழு அளித்த பரிந்துரைகளை மத்திய அரசு ஏற்றுக் கொண்டு இருப்பதாகவும் கூறினார்.இது தொடர்பான பொருளாதார விவகாரங்களுக்கான துறையின் ஆலோசனை கூட்டம் மந்திரி சபை செயலாளர் பி.கே.சின்கா தலைமையில் நடந்தது.

இதில் உள்துறை, நிதித்துறை, சுகாதாரம் மற்றும் குடும்ப நலம், ரெயில்வே உள்ளிட்ட துறைகளின் செயலாளர்கள் கலந்து கொண்டனர்.மத்திய அரசு ஊழியர்களின் நலனில் பிரதமர் மோடி அக்கறைசெலுத்தி வருவதாகவும் திருத்தி அமைக்கப்பட்ட அலவன்ஸ் வழங்குவதற்காக மத்திய அரசு ரூ.29,300 கோடி நிதி ஒதுக்கீடு செய்திருப்பதாகவும் மத்திய அரசு அதிகாரி ஒருவர் தெரிவித்தார்.

விரைவில் தமிழக அரசு ஊழியர்களுக்கு, மத்திய அரசு ஊழியர்களுக்கு இணையான ஊதியம்!

விரைவில் தமிழக அரசு ஊழியர்களுக்கு, மத்திய அரசு ஊழியர்களுக்கு இணையான ஊதியம்!

மத்திய அரசின் 7-வது ஊதியக்குழு பரிந்துரைகளை தமிழகத்தில் அமல்படுத்துவதற்கான பணிகளில் தமிழக அரசு தீவிரம் காட்டி வருகிறது. அதன் அடிப்படையில், `ஊதியக் குழு ஊதிய மாற்றம் - ஊதியக் குழு அறிக்கைக்கு முன் ஊதிய மாற்றம் செய்தல் தொடர்பான பரிசீலனைக்கு தமிழக அரசு அனைத்துத் துறைகளில் இருந்தும் விபரம் கோரியுள்ளது.

அதாவது, "அரசுத் துறைகளில் 01.05.2017 அன்று பணியாற்றுவோர் விபரம், அவர்களின் ஊதிய விபரம், காலிபணியிட விபரம், 2017 முதல் 2022-ம் ஆண்டு வரை ஓய்வுபெறுவோர் விபரம், தர ஊதிய அடிப்படையில் வெவ்வேறு நிலைகளில் வீட்டு வாடகை படிபெறுவோர் விபரம்" ஆகியவற்றையும் 30.6.2017-க்குள் கோரியுள்ளது.
இந்தத் தகவல் கிடைத்த பிறகு, மத்திய அரசு அறிவித்த ஏழாவது ஊதியக்குழுவுக்கு இணையான சம்பளம் தமிழக அரசு ஊழியர்களுக்குக் கிடைக்கும் என்று எதிர்பார்க்கப்படுகிறது.

சிபிஎஸ்இ +2 ரிசல்ட் : மே 24 !

சிபிஎஸ்இ +2 ரிசல்ட் : மே 24 !

சிபிஎஸ்இ பன்னிரெண்டாம் வகுப்பு தேர்வு முடிவுகள்  மே 24-ல் வெளியிடப்படும் என அறிவிக்கப்பட்டுள்ளது 
http://cbse.nic.in/newsite/index.html ,   http://cbseresult.nic.in/ என்ற இணையத்தளத்தில்  தேர்வு முடிவுகளை அறியலாம்.

ஆசிரியர்களுக்கான பொது மாறுதல் & பதவியுயர்வு கலந்தாய்வு - கால அட்டவணை

ஆசிரியர்களுக்கான பொது மாறுதல் & பதவியுயர்வு கலந்தாய்வு - கால அட்டவணை

FLASH NEWS: DEE- TRANSFER 2017 - BT ASST SENIORITY LIST PUBLISHED (ALL DISTRICTS)

FLASH NEWS: DEE- TRANSFER 2017 - BT ASST SENIORITY LIST PUBLISHED (ALL DISTRICTS)

CLICK HERE - DEE - TRANSFER 2017 - BT ASST SENIORITY LIST

Tamil Nadu Teachers Eligibility Test (TNTET) - 2017 - Please click here for Tentative Key Answers -

Tamil Nadu Teachers Eligibility Test (TNTET) - 2017 - Please click here for Tentative Key Answers -

 Paper I and II

College Road, Chennai-600006

TAMIL NADU TEACHERS ELIGIBILITY TEST - 2017 TENTATIVE KEY   PLEASE CLICK FOR PAPER I PLEASE CLICK FOR PAPER II KEY ANSWER DISPUTE - FORMAT CLICK HERE - USE SEPEARTE FORMAT FOR EACH KEY ANSWER DISPUTE - PAPER I CLICK HERE - USE SEPEARTE FORMAT FOR EACH KEY ANSWER DISPUTE - PAPER II

ஆசிரியர்கள் கவனத்திற்கு...

ஆசிரியர்கள் கவனத்திற்கு...

*#தற்போது நடைப்பெற்றுக் கொண்டிருக்கும் ஆசியியர் பணி நிரவல் கலந்தாய்வில் தொடக்கக் கல்வி இயக்குநரின் அரசாணைப்படி

*பள்ளியில் இளையவரை பணிநிரவல் ஆசிரியராக நிர்ணயித்தல் வேண்டும்*....

*RTA 2009-ன் படி மாணவர்கள் எண்ணிக்கை அடிப்படையில் உபரியாக பணிநிரவலே தவிர பள்ளியில்/ ஒன்றியத்தில் மூத்தவரை இடமாற்றம் செய்ய இயலாது*. .

மேலும்
School Edn
G.O.270/T1/10.7.12
&
Elementary director
Pro.024064/C1/2015. 22.07.2016.