அரசு பள்ளியில் விடுப்பு எடுத்து 5 ஆண்டுகளாக அமெரிக்காவில் பணி ஆசிரியைக்கு கல்வித்துறை நோட்டீஸ்

அரசு பள்ளியில் விடுப்பு எடுத்து 5 ஆண்டுகளாக அமெரிக்காவில் பணி ஆசிரியைக்கு கல்வித்துறை நோட்டீஸ்

பள்ளிபாளையம்- நாமக்கல் மாவட்டம் பள்ளிபாளையம் புதன்சந்தைபேட்டையை சேர்ந்தவர் மீனலோசனி. இவர், இங்குள்ள ஆவத்திபாளையம் அரசு நடுநிலைப்பள்ளியில் பட்டதாரி ஆசிரியையாக பணியாற்றி வந்தார்.

கடந்த 2012 பிப்ரவரி 16ம் தேதி முதல் பள்ளிக்கு வரவில்லை. மாநில தொடக்க கல்வி இயக்குனருக்கு அப்போதே ஒரு பதிவு தபால் அனுப்பியுள்ளார். அதில் மூன்று வருடங்கள் விடுப்பில் செல்வதாக தெரிவிக்கப்பட்டிருந்தது. ஆனால் உரிய காரணம் இல்லாததால், தொடக்க கல்வி இயக்குனர் விடுப்புக்கு அனுமதி மறுத்தார். இதையடுத்து ஆசிரியை மீனலோசனி மீது குற்றச்சாட்டு பதிவு செய்யப்பட்டு, கல்வி அலுவலர்கள் தொடர்ந்து விசாரணை நடத்தி வந்தனர். இதில் அமெரிக்காவில் உள்ள தனியார் பள்ளியில், அவர் ஆசிரியையாக பணியாற்றுவது தெரியவந்தது. இதுகுறித்து கல்வி அதிகாரிகள் விளக்கம் கேட்டு நோட்டீஸ் அனுப்பினர். அவரது வீட்டு முகவரிக்கு அனுப்பிய கடிதம் திரும்பி வந்தது. அவரது கணவர் புவனேஷ்வரனுக்கு அனுப்பிய கடிதமும் பெறாமல் திருப்பி அனுப்பப்பட்டது.
இதனிடையே, ஆசிரியையிடமிருந்து உரிய விளக்கம் கிடைக்காததால், ஆவத்திபாளையம் நடுநிலைப்பள்ளியில் புதிய ஆசிரியை நியமிக்கப்படாததால், 5 ஆண்டாக மாணவர்களின் கல்வி பாதிக்கப்பட்டுள்ளது. வெளிநாடு சென்றது தொடர்பாக அனுப்பப்பட்ட கடிதங்களுக்கு விளக்கம் அளிக்காத ஆசிரியை மீது மாவட்ட கல்வி அதிகாரி 17(பி) சட்ட விதிகளின் படி குற்றச்சாட்டு குறிப் பாணை பிறப்பித்துள்ளார்.
இதற்கான நோட்டீஸை நேற்று புதன்சந்தையில் உள்ள ஆசிரியை மீனலோசனி வீட்டு கதவில் பள்ளிபாளையம் உதவி கல்வி அலுவலர் ஒட்டினார். இன்னும் இரண்டு நாட்களில் இந்த குற்றச்சாட்டிற்கு விளக்கம் அளிக்காவிட்டால், அலுவலக ஆவணங்களின் அடிப்படையில் இறுதியாணை பிறப்பிக்கப்படுமென நோட்டீசில் மாவட்ட கல்வி அதிகாரி எச்சரிக்கை செய்துள்ளார்.

கணினி ஆசிரியர் வாழ்வில் விடியல் மாபெரும் பொதுக்குழுக் கூட்டம் கடலூா் மாவட்டம் தொழுதூரில் ....

கணினி ஆசிரியர் வாழ்வில் விடியல் மாபெரும் பொதுக்குழுக் கூட்டம் கடலூா் மாவட்டம் தொழுதூரில் ....

கணினி ஆசிரியர்கள் கவனத்திற்க்கு.....

 எங்களுக்கு  வேலை கொடுங்க...!
ஏழைக் குழந்தைக்கு தமிழகத்தில் தரமிகு கல்வி கொடுங்க..!

கடலூர் மாவட்டத்தில் கணினி ஆசிரியர்கள் பொதுக் கூட்டம்
19.02.2017ஞாயிறு அன்று நடைபெற உள்ளது கணினி  ஆசிரியர்கள்  அனைவரும் தவறாமல் கலந்து கொள்ளவேணடும்.
(வேலையில்லாமல் வாடும் கணினி ஆசிரியர்களே உங்கள் பணி வாயப்பை உறுதி செய்ய அனைவரும் 
வாரீர்.)

இடம்:  ராமநத்தம் ஊராட்சி மண்டபம்.
தொழுதூர்  NH - 45
நாள் :19.2.2017
நேரம்:9.00 காலை மணி.
மதிய உணவு  வழங்கப்படும்.

குறிப்பு :நேரில் வரும் அனைவருக்கும் உறுப்பினர் சேர்க்கை இலவசம்.

இக்கூட்டத்தில் பி.எட் கணினி ஆசிரியர்கள் அனைவரும் கலந்து கொண்டு
கணினி ஆசிரியர்கள் வேலைவாய்ப்பை உருவாக்கி உங்கள் வாழ்க்கை தரத்தையும் எதிர்கால மாணவர் கல்வித் தரத்தையும் உயர்திட அனைவரும் இக்கூட்டத்தில் கலந்து கொள்ளுமாறு அன்புடன் அழைக்கிறோம்.

இலவச  உறுப்பினர் சேர்க்கைக்காண முக்கிய குறிப்பு:
இரண்டு புகைப்படம்,
பி.எட் சான்றிதழ் நகல்,
வேலைவாய்ப்பு அட்டை நகல்,

இவற்றுடன் தங்களின்
சுயவிபரத்தை இணைத்து கொண்டுவரவும்.

பெண் கணினி ஆசிரியர்களுக்கு அன்பான வேண்டுகோள்:
தங்கள் பெற்றோர் ,கணவருடன் பாதுகாப்பாக வாருங்கள்.

கணினி ஆசிரியர்களே வாரீர் வாரீர் கடலூர் நோக்கிய வெற்றிப் பயணத்ததிற்க்கு அனைவரும்  வாரீர் .......

கடலூர் மாவட்ட நிர்வாகிகள் தொடர்புக்கு:
9655542577, 9942380309,
9698339298,9443562682.

வெ.குமரேசன் ,
மாநிலப் பொதுச் செயலாளர்,
9626545446.
தமிழ்நாடு  பி.எட்  கணினி அறிவியல் வேலையில்லா பட்டதாரி ஆசிரியர்கள் சங்கம் .
பதிவு எண்:655/2014

அரசுப் பள்ளி மாணவர்களும் சாதிக்க உதவும் Tan Excel பயிற்சி!

அரசுப் பள்ளி மாணவர்களும் சாதிக்க உதவும் Tan Excel பயிற்சி!

கல்வி தனியார்மயமான பிறகு கற்றலில் போட்டி என்பது முன் எப்போதும் இல்லாத அளவுக்குத் தலைதூக்கத் தொடங்கிவிட்டது. அந்தப் போட்டிகளுக்கு ஈடுகொடுக்கும் வகையில் செயல்படவேண்டிய கட்டாயம் அரசுப் பள்ளிகளுக்கும் ஏற்பட்டுள்ளது.
அரசுப் பள்ளிகளில் படிக்கும் மாணவர்கள் குறைந்தபட்சம் பெறவேண்டிய 35 மதிபெண்ணைப் பெற்றுத் தேர்ச்சி பெற்றாலே பெரிதாக எண்ணிய காலம் மலையேறிவிட்டது.
இப்போது எத்தனை பேர் தேர்ச்சி பெற்றார்கள்? என்பதை விட, எத்தனை பேர் முதல் வகுப்பில் தேர்ச்சி பெற்றார்கள்? எத்தனை பேர் 90 விழுக்காடு மதிப்பெண் பெற்றார்கள்? எத்தனை பேர் எத்தனை பாடங்களில் நூற்றுக்கு நூறு பெற்றார்கள்? என்று ஆய்வு செய்யும் நிலை உருவாகியுள்ளது.

தனியார் பள்ளிகளில் நன்கு படிக்கும் மாணவர்களைத் தேர்வுசெய்து டாப்பர் வகுப்பு எனச் சிறப்புப் பயிற்சி அளிப்பார்கள். அந்தத் தொடர் பயிற்சியின் காரணமாகப் பல மாணவர்கள் பெரும்பாலான பாடங்களில் நூற்றுக்குநூறு பெறுவார்கள். அதுபோல ஒரு வாய்ப்பினை அரசுப் பள்ளி மாணவர்களுக்கும் வழங்கினால் அவர்களும் அதிக மதிப்பெண் பெறுவார்கள் என்று எண்ணி ஒரு புதிய செயல்திட்டத்தை மத்திய அரசின் மனிதவள மேம்பாட்டு அமைச்சகம் உருவாக்கியுள்ளது.

அரசுப் பள்ளி மாணவர்களில் திறமையான மாணவர்களைக் கண்டறிந்து அவர்களுக்குச் சிறப்புப் பயிற்சி அளிப்பதே இத்திட்டத்தின் நோக்கமாகும். இதற்கு டேன் எக்ஸெல் (Tan Excel) என்று பெயர். அரசு உயர்நிலை மற்றும் மேல்நிலைப் பள்ளிகளில் 10 மற்றும் 12ம் வகுப்பில் முதல் மூன்று மதிப்பெண் பெறும்  மாணவர்களைத் தேர்ந்தெடுத்து அவர்களுக்குச் சனி, ஞாயிறுகளில் ஒரு குறிப்பிட்ட பள்ளியில் சிறந்த ஆசிரியர்களைக் கொண்டு பயிற்சி அளிக்கின்றனர். ஒவ்வொரு பாடத்திலும் அதிகபட்ச மதிப்பெண் பெற வைப்பது, மேலும் அவர்களைப் போட்டித் தேர்வுகளுக்குத் தயார்படுத்துவது என்கிற நோக்கத்தில் இப்பயிற்சி  வகுப்புகள் நடைபெறுகின்றன.

இதற்குத் தேசிய இடைநிலைக் கல்வித்திட்டத்திலிருந்து நிதி ஒதுக்கப்பட்டுள்ளது. சிறப்பு வகுப்பு எடுக்கும் ஆசிரியர்களுக்கு மதிப்பூதியமும் கலந்துகொள்ளும் மாணவர்களுக்குப் பயணப்படியும் வழங்கப்படுகிறது. இந்த வகுப்புகள் சனி, ஞாயிறு போன்ற விடுமுறை நாட்களில் நடத்தப்படுவதால் சில மாணவர்கள் இதில் விருப்பத்தோடு கலந்துகொள்வதில்லை. சிலர் செல்வதே இல்லை. இதுகுறித்து பெற்றோர்களுக்கும் விழிப்புணர்வு இல்லை. பெற்றோர்களின் பொறுப்பில் மாணவர்கள் இவ்வகுப்புக்குச் செல்லவேண்டும் என்பதால் பெற்றோர்கள் தங்களின் வேலைகளைத் தம் குழந்தைகளுக்காக விட்டுவிட்டு இரு நாட்களை ஒதுக்கி  இவ்வகுப்புகளைப் பயன்படுத்திக்கொள்ள வேண்டும்.

2/1/2017 2:07:58 PMகல்வி தனியார்மயமான பிறகு கற்றலில் போட்டி என்பது முன் எப்போதும் இல்லாத அளவுக்குத் தலைதூக்கத் தொடங்கிவிட்டது. அந்தப் போட்டிகளுக்கு ஈடுகொடுக்கும் வகையில் செயல்படவேண்டிய கட்டாயம் அரசுப் பள்ளிகளுக்கும் ஏற்பட்டுள்ளது. அரசுப் பள்ளிகளில் படிக்கும் மாணவர்கள் குறைந்தபட்சம் பெறவேண்டிய 35 மதிபெண்ணைப் பெற்றுத் தேர்ச்சி பெற்றாலே பெரிதாக எண்ணிய காலம் மலையேறிவிட்டது. இப்போது எத்தனை பேர் தேர்ச்சி பெற்றார்கள்? என்பதை விட, எத்தனை பேர் முதல் வகுப்பில் தேர்ச்சி பெற்றார்கள்? எத்தனை பேர் 90 விழுக்காடு மதிப்பெண் பெற்றார்கள்? எத்தனை பேர் எத்தனை பாடங்களில் நூற்றுக்கு நூறு பெற்றார்கள்? என்று ஆய்வு செய்யும் நிலை உருவாகியுள்ளது.

தனியார் பள்ளிகளில் நன்கு படிக்கும் மாணவர்களைத் தேர்வுசெய்து டாப்பர் வகுப்பு எனச் சிறப்புப் பயிற்சி அளிப்பார்கள். அந்தத் தொடர் பயிற்சியின் காரணமாகப் பல மாணவர்கள் பெரும்பாலான பாடங்களில் நூற்றுக்குநூறு பெறுவார்கள். அதுபோல ஒரு வாய்ப்பினை அரசுப் பள்ளி மாணவர்களுக்கும் வழங்கினால் அவர்களும் அதிக மதிப்பெண் பெறுவார்கள் என்று எண்ணி ஒரு புதிய செயல்திட்டத்தை மத்திய அரசின் மனிதவள மேம்பாட்டு அமைச்சகம் உருவாக்கியுள்ளது.

அரசுப் பள்ளி மாணவர்களில் திறமையான மாணவர்களைக் கண்டறிந்து அவர்களுக்குச் சிறப்புப் பயிற்சி அளிப்பதே இத்திட்டத்தின் நோக்கமாகும். இதற்கு டேன் எக்ஸெல் (Tan Excel) என்று பெயர். அரசு உயர்நிலை மற்றும் மேல்நிலைப் பள்ளிகளில் 10 மற்றும் 12ம் வகுப்பில் முதல் மூன்று மதிப்பெண் பெறும்  மாணவர்களைத் தேர்ந்தெடுத்து அவர்களுக்குச் சனி, ஞாயிறுகளில் ஒரு குறிப்பிட்ட பள்ளியில் சிறந்த ஆசிரியர்களைக் கொண்டு பயிற்சி அளிக்கின்றனர். ஒவ்வொரு பாடத்திலும் அதிகபட்ச மதிப்பெண் பெற வைப்பது, மேலும் அவர்களைப் போட்டித் தேர்வுகளுக்குத் தயார்படுத்துவது என்கிற நோக்கத்தில் இப்பயிற்சி  வகுப்புகள் நடைபெறுகின்றன.

இதற்குத் தேசிய இடைநிலைக் கல்வித்திட்டத்திலிருந்து நிதி ஒதுக்கப்பட்டுள்ளது. சிறப்பு வகுப்பு எடுக்கும் ஆசிரியர்களுக்கு மதிப்பூதியமும் கலந்துகொள்ளும் மாணவர்களுக்குப் பயணப்படியும் வழங்கப்படுகிறது. இந்த வகுப்புகள் சனி, ஞாயிறு போன்ற விடுமுறை நாட்களில் நடத்தப்படுவதால் சில மாணவர்கள் இதில் விருப்பத்தோடு கலந்துகொள்வதில்லை. சிலர் செல்வதே இல்லை. இதுகுறித்து பெற்றோர்களுக்கும் விழிப்புணர்வு இல்லை. பெற்றோர்களின் பொறுப்பில் மாணவர்கள் இவ்வகுப்புக்குச் செல்லவேண்டும் என்பதால் பெற்றோர்கள் தங்களின் வேலைகளைத் தம் குழந்தைகளுக்காக விட்டுவிட்டு இரு நாட்களை ஒதுக்கி  இவ்வகுப்புகளைப் பயன்படுத்திக்கொள்ள வேண்டும்.

ஒவ்வொரு வாரமும் வகுப்பு நடைபெறும் இடமும் வகுப்பு நடத்தும் ஆசிரியர்களின் விவரமும் அந்தந்த மாவட்ட முதன்மைக் கல்வி அலுவலக இணையதளத்தில் வெளியிடப்படும். இத்தகவலை அப்பள்ளித் தலைமை ஆசிரியர்கள் உரிய மாணவர்களிடம் தெரிவித்து கலந்து கொள்ளச் செய்யவேண்டும். இது அரசுப் பள்ளி மாணவர்களுக்குக் கிடைத்த நல்ல வாய்ப்பு. இதனை முழுமையாக மாணவர்கள் பயன்படுத்திக்கொண்டால் எந்தப் போட்டித் தேர்வையும் எளிதாக எதிர்கொள்ளலாம். மதிப்பெண்களையும் சற்றுக் கூடுதலாகப் பெறலாம்.

திறமையான மாணவர்கள் நூற்றுக்கு நூறு மதிப்பெண் பெறுவதற்கும் வாய்ப்புகள் உள்ளன. சென்ற ஆண்டு இதுபோல் பயிற்சியில் கலந்துகொண்ட அரசுப் பள்ளி மாணவர்கள் சிலர் சில பாடங்களில் நூற்றுக்கு நூறு மதிப்பெண் பெற்றுள்ளனர். இப்பயிற்சியின் சிறப்புகளைப் பெற்றோர்களும் மாணவர்களும் உணர்ந்து ஒத்துழைப்பு நல்கினால் அரசுப் பள்ளிகளில் கல்வியில் சிறந்துவிளங்கும் மாணவர்களின் எண்ணிக்கை இன்னும் உயரும்.

இந்தத் திட்டத்தைத் தொடர்ந்து செயல்படுத்திடவேண்டும். இதனை உரிய அலுவலர்கள் மேற்பார்வை செய்து இத்திட்டத்தில் உள்ள குறைகளைக் களைந்து  மேலும் சிறப்பாகச் செயல்படுத்தினால் வாய்ப்புகளற்ற ஏழை எளிய மாணவர்கள் பயனடைவார்கள். விடுமுறை நாட்களில் வகுப்பு எடுக்கவேண்டியிருப்பதால்  ஆசிரியர்கள் கூடுதல் சுமையாகக் கருதாமல் அர்ப்பணிப்பு உணர்வுடன் பணியாற்ற வேண்டும்.

Tan Excel திட்டத்தில் பயிலும் ஒரு மாணவர் நூற்றுக்குநூறு மதிப்பெண் பெற்றால் அந்தப் பாடத்தை நடத்திய ஆசிரியருக்கும் மாணவருக்கும் சிறப்புப் பரிசுகள் அளித்து ஊக்கப்படுத்தலாம். எந்த மையத்தில் அதிகபட்ச மாணவர்கள் அதிக விழுக்காடு மதிப்பெண் பெறுகின்றனரோ அந்த மையத்தில் பணியாற்றிய அனைத்து ஆசிரியர்களுக்கும் சிறப்புப் பரிசளிக்கலாம். களத்தில் நேரடியாகப் பங்கேற்கும் ஆசிரியர் மாணவர்களிடையே உரிய அலுவலர்கள் கலந்துரையாடி இன்னும் வெற்றிகரமாக இந்தச் செயல்திட்டத்தை நிறைவேற்றத் தேவையான ஆக்கப்பூர்வமான ஆலோசனைகளைப் பெற்று செயல்படுத்தினால் முழுவெற்றி  நிச்சயம்.

PLI - Premium + service Tax யும் சேர்த்து IT deduction - Under Section 80C ல் காட்டலாம்

PLI - Premium + service Tax யும் சேர்த்து IT deduction - Under Section 80C ல் காட்டலாம்

MODEM & INTERNET -TO ALL AEEO OFFICE-

MODEM & INTERNET -TO ALL AEEO OFFICE-

தொடக்கக் கல்வி துறையின் கட்டுப்பாட்டில் உள்ள AEEO அலுவலகங்களுக்கு Web "e" pay Roll முறையினை செயல்படுத்த - Modem மற்றும் Internet வழங்க ஆணை வெளியீடு.

மேலும் விவரங்களுக்கு »

NATIONAL ICT AWARDS FOR SCHOOL TEACHERS 2017

INCOME TAX READY RECKONER F.Y. 2017-18

INCOME TAX READY RECKONER F.Y. 2017-18

CLICK HERE TO DOWNLOAD...

முக்கியச் செய்தி : தமிழக முதல்வராகிறார் சசிகலா..!

முக்கியச் செய்தி : தமிழக முதல்வராகிறார் சசிகலா..!

ஒருமனதாக அதிமுக எம்.எல்.ஏக்கள் கூட்டத்தில் முதலமைச்சராக வி.கே.சசிகலா தேர்வு..

அதிமுக சட்ட மன்ற குழு தலைவராக சசிகலா தேர்வு..

FLASH NEWS : முதலமைச்சர் பதவியில் இருந்து விலகினார் திரு.பன்னீர் செல்வம் - ராஜினாமா கடிதத்தை ஆளுநருக்கு அனுப்பினார்

FLASH NEWS : முதலமைச்சர் பதவியில் இருந்து விலகினார் திரு.பன்னீர் செல்வம் - ராஜினாமா கடிதத்தை ஆளுநருக்கு அனுப்பினார்

மே 1-ம் தேதி முதல் புதுச்சேரியில் ஹெல்மெட் அணிவது கட்டாயம்: முதல்வர் தகவல்

மே 1-ம் தேதி முதல் புதுச்சேரியில் ஹெல்மெட் அணிவது கட்டாயம்: முதல்வர் தகவல்

புதுச்சேரியில் இரு சக்கர வாகன ஓட்டிகள் வரும் மே 1-ம் தேதி முதல் ஹெல்மெட் அணிவது கட்டாயம் என முதல்வர்

வி.நாராயணசாமி தெரிவித்துள்ளார்.

அவர் இன்று செய்தியாளர்களிடம் கூறியதாவது:

காங்கிரஸ் தலைமையிலான அரசு கடந்த 2016-ம் ஆண்டு ஜூன் மாதம் பொறுப்பேற்றது முதல் புதுவையில் சட்டம் ஒழுங்கு பராமரிப்பதற்கு முக்கியத்துவம் தரப்படுகிறது. குறிப்பாக கொலை, கொள்ளை, செயின்பறிப்பு, பெண்களுக்கு எதிரான குற்றங்கள், பாலியல் வன்முறை, போன்றவற்றை கட்டுக்குள் கொண்டு வந்துள்ளோம்.
புதுவையில் நீண்ட நாள்களாக நிலுவையில் உள்ள 2 கொலை வழக்குகள் மீண்டும் விசாரணைக்கு எடுத்துக் கொள்ளப்பட்டுள்ளன. கடந்த 2014-ல் நெல்லித்தோப்பில் அடகுகடை வியாபாரி கொலை, 2015-ல் முத்தியால்பேட்டையில் கலைவாணி என்பவர் கொலை போன்றவற்றில் தொடர்புடைய கொலையாளிகளை கைது செய்ய காவல்துறை தீவிர நடவடிக்கை எடுத்து வருகிறது.
புதுச்சேரியில் காவல்துறை நவீனமயம் செய்வதில் அரசு முனைப்பாக உள்ளது. இதற்கான நிதியை மத்திய உள்துறை அமைச்சகம் விடுவிக்க வேண்டும். கண்காணிப்பு கேமராக்கள் பொருத்துதல், சைபர் கிரைம் பிரிவை நவீனப்படுத்துதல் போன்றவை மேற்கொள்ளப்பட்டு வருகின்றன.
காவல்துறைக்கு தேவையான உள்கட்டமைப்பு வசதிகளை அரசு கட்டாயம் செய்து தரும் . அதற்கான பணிகளை மேற்கொண்டு வருகிறோம் என்றார் நாாயணசாமி.

குறிப்பாக கள்ள லாட்டரி விற்பனையை முழுமையாக ஒழித்தோம். போதைப்பொருள் விற்பனையையும் தடுக்கப்பட்டது. வியாபாரிகளை மிரட்டி ரௌடி மாமூல் வசூலிப்பது, தொழிற்சாலைகளை மிரட்டி பணம் பறிப்பது, வணிகர்கள் குழந்தைகளை கடத்தி பணம் பறித்தல் போன்ற சம்பவங்கள் முற்றிலும் நிறுத்தப்பட்டுள்ளன.

இதன் மூலம் வணிகர்கள், புதுவைக்கு வரும் சுற்றுலா பயணிகள், பாதுகாப்பாக உள்ளதாக தெரிவித்துள்ளனர். கடந்த 2016-ம் ஆண்டு மொத்தம் பதிவான 4049 வழக்குகளில் 3215 வழக்குகள் முடிக்கப்பட்டுள்ளன. இது மொத்தம் 79 சதவீதமாகும்.

சட்டப்பேரவை பொதுத் தேர்தல், நெல்லித்தோப்பு இடைத்தேர்தல் போன்றவை அமைதியாக நடைபெற காவல்துறை முனைப்புடன் செயல்பட்டது.

நீண்ட நாள் வழக்குகள்

ஏற்கெனவே நிலுவையில் இருந்த காவலர் அருணகிரித கொலை வழக்கு, செஞ்சியில் புதுவை பெண் கடத்தல் கொலை வழக்கு போன்றவற்றை காவல்துறையினர் திறமையாகக் கையாண்டு கண்டுபிடித்தனர்.

காரைக்காலில் முன்னாள் அமைச்சர் விஎம்சி சிவக்குமார் கொலை வழக்கில் 9 பேர் சரண் அடைந்துள்ளனர். தலைமறைவாக உள்ள 6 பேரை கைது செய்ய நடவடிக்கை எடுக்கப்பட்டு வருகிறது. போலீஸாரின் துப்பாக்கியையும் தேடிக் கண்டுபிடிக்க நடவடிக்கை எடுக்கப்பட்டுள்ளது.

கடந்த 2016-ம் ஆண்டு மொத்தம் 710 சாலை விபத்துகள் நடைபெற்றன. இதில் 60 பேர் தலைக்காயம் ஏற்பட்டதால் உயிரிழந்துள்ளனர். இதனால் புதுச்சேரியில் இருசக்கர வாகன ஓட்டிகள் தலையில் ஹெல்மெட் அணிவதை கட்டமாயாக்க போக்குவரத்து துறை, காவல்துறையினர் ஆலோசனைக் கூட்டத்தில் முடிவு செய்யப்பட்டது.

இதையடுத்து வரும் மே 1-ம் தேதி முதல் ஹெல்மெட் அணிவதை கட்டாயமாக்க மாநில அரசு முடிவு செய்துள்ளது. இதை காவல்துறை தீவிரமாக நடைமுறைப்படுத்தும்.

காவல்துறை நவீனமயம்

டிஜிபி சுனில்குமார் கௌதம், ஐஜி ஏகே.கவாஸ் ஆகியோர் உடனிருந்தனர்.

Sbi-ல் வீட்டுக்கடன் வாங்கியவர்கள் IT க்கு ஆன்லைனில் பெற முடியும் !!

Sbi-ல் வீட்டுக்கடன் வாங்கியவர்கள் IT க்கு ஆன்லைனில் பெற முடியும் !!

Sbi-ல் வீட்டுக்கடன் வாங்கியவர்கள் IT-யில் வட்டி மற்றும் அசல் கழிப்பதற்கான சான்றிதழ் வங்கிக்கு செல்லாமல் பெறுவது எப்படி?

IT- யில் வீட்டுக்கடனுக்கான கழிவைக் காட்ட Sbi internet banking access  உள்ளவர்கள் எளிதில் 
https://m.onlinesbi.com/m.onlinesbi.com.htmlஎன்ற இணையத்தள முகவரியில் log in செய்து அதில் உள்ள Enquiries என்ற லிங்கை கிளிக் செய்து பின் இடதுபுறம்
Home Loan int.Cert என்ற லிங்கை கிளிக் செய்து பின் தங்கள் கடனுக்கான அக்கவுண்ட் நம்பரை செலக்ட் செய்து சான்றிதழை டவுன்லோட் செய்துகொள்ளலலாம்.

IT Tax Form 2017

                        IT Tax Form 2017

Tax Forms - 2017

1. IT Tax Form 2017 (Excel) | Mr. Thomas Antony
2. IT Tax Form 2017 (Excel) | Mr. Tamilarasan
3. IT Tax Form 2017 (Excel) | Mr.Arunagiri
4. IT Tax Form 2017 (Excel) | Mr. Manogar
5. IT Tax Form 2017 (Excel) | Mr. Fayaz Basha
6. IT Tax Form 2017 (Excel) | Mr. P. Manimaran
7. IT Tax Form 2017 (Excel) | Mr. Senthilkumar 
8. IT Tax Form 2017 (Excel) | Mr. S. Manohar 
9. IT Tax Form 2017 (Excel) | Mr. S. Samuel Selvaraj
10. IT Tax Form 2017 (PDF) | Tamil Form
11. RTI Letter 1 About NHIS Deduction
12. RTI Letter 2 About NHIS Deduction

Click Here For Download

மாநில அமைப்பின் அறிக்கை

மாநில அமைப்பின் அறிக்கை

             

தமிழ்நாடு ஆரம்பப்பள்ளி ஆசிரியர்  கூட்டணி   

  தொடக்கக்கல்வி இயக்குநரக முற்றுகைப்போராட்டம்

இயக்கத்தின் எழுச்சிப் பயணத்தில் மற்றுமொரு  மைல்கல்

மாநில அமைப்பின் அறிக்கை

தமிழ்நாட்டு ஆசிரியர் இயக்கங்களில் வலிமை வாய்ந்த   இயக்கமாக, ஆசிரியர் நலன் ,மாணவர் நலன்,கல்விநலன் காத்திட சமரசமற்ற களப்போராளியாக விளங்கிக் கொண்டிருக்கும் பேரியக்கம் தமிழ்நாடு ஆரம்பப்பள்ளி ஆசிரியர் கூட்டணி ஒன்றுதான் என்பதை நிரூபிக்கும் வகையில் 03.02.2017 வெள்ளிக்கிழமை காலை 10.30 மணிக்கு நடைபெற்ற தொடக்கக்கல்வி இயக்குநரக முற்றுகைப் போராட்டம் மிகவும் வெற்றிகரமாக நடைபெற்றது.  காவல்துறையின் கடும் அச்சுறுத்தல்களையும்,நெருக்கடிகளையும் மீறி 12000க்கும்   மேற்பட்ட ஆசிரியர்கள் கலந்து கொண்ட இப்போராட்டம்; தமிழகத்தின் ஆசிரியர் இயக்க வரலாற்றில் தனிச்சங்க நடவடிக்கையாக ஒரு சாதனைச் சரித்திரத்தைப் படைத்துள்ளது.

1988ல் அரசு ஊழியர் - ஆசிரியர் இயக்கங்களால் நடத்தப்பட்ட கோட்டை முற்றுகைப் போராட்டத்தை இன்றளவும் வரலாற்று நிகழ்வாகப் பேசும் நமக்கு ஆசிரியர் இயக்கப் போராட்ட வரலாற்றில் தன்னிச்சையாகவோ,கூட்டாகவோ காவல்துறையின் அனுமதியில்லாத நிலையிலும் இயக்குனர் அலுவலகத்தை காவல்துறையின்  நுண்ணறிவுப்பிரிவின் புலனாய்வையும் தாண்டி முற்றுகை நடத்தி தமிழ்நாடு ஆரம்பப்பள்ளி ஆசிரியர் கூட்டணி தனது லட்சியப் பயணத்தில் மற்றுமொரு மைல்கல்லை எட்டியுள்ளது.

15 அம்சக் கோரிக்கைகளை வலியுறுத்தி மூன்றாம் கட்டப் போராட்டமாக 03.02.2017 அன்று தொடக்கக்கல்வி இயக்குநரகத்தை முற்றுகையிட நாம் எடுத்த முடிவு, ஆசிரியர் இயக்க வரலாற்றில் முக்கியத்துவம் வாய்ந்தது.  இப்போராட்ட அறிவிப்பையும,; நமது கோரிக்கைகளையும் 09.01.2017 அன்று தமிழக அரசுக்கும் தொடக்கக்கல்வி இயக்குநருக்கும் அளித்தபோது அதைக் கண்டு கொள்ளாத தமிழக அரசும் கல்வித்துறையும் 02.02.2017 அன்று தமிழகத்தின் அனைத்தும் பகுதிகளிலிருந்தும் பத்தாயிரத்திற்கும் மேற்பட்ட ஆசிரியர்கள் ஆவேசத்தின் வார்ப்படங்களாக சென்னை நோக்கி வந்து கொண்டிருக்கிற செய்தியை உளவுப்பிரிவு மூலம் அறிந்து பரபரப்பாகியது. சென்னை மாநகர காவல்துறை கூடுதல் ஆணையர் திரு.சங்கர்,ஐபிஎஸ்  அவர்களும்,காவல்துறை இணை ஆணையர் திரு.மனோகரன், ஐபிஎஸ் அவர்களும் காவல்துறை ஆணையர் அலுவலகத்தில் நம்முடைய மாநில மைய நிர்வாகிகளோடு இரவு 7 மணி முதல் 10  மணி வரை  பேச்சுவார்த்தை நடத்தினர்.  அதே நேரத்தில் நமது தொடக்கக்கல்வி இயக்குநர் திரு.இளங்கோவன் அவர்களும் காவல்துறை ஆணையாளர் அலுவலகத்திற்கு வருகை தந்தார்.

இறுதியாக டி.பி.ஐ வளாகத்தில் முற்றுகை நடத்த அனுமதியில்லை என்று காவல்துறையால் நமக்குத் திட்டவட்டமாகத் தெரிவிக்கப்பட்டது.  மீறினால் உரிய நடவடிக்கை மேற்கொள்ளப்படும் என்றும் எச்சரிக்கப்பட்டது. அச்சத்தை துச்சமாக மதிக்கும் நம் பேரியக்கம் மிரட்டல்களைத் தூக்கியெறிந்தது.  விளைவு 02.02.2017 இரவே நம் மாநில அலுவலகம் காவல்துறையால் சூழப்பட்டது. இரவு முழுவதும் காவல்துறை நம் அலுவலகம் முன்பு குவிக்கப்பட்டிருந்தது. இந்நிலையிலும் மாநில அலுவலகத்தில் இரவு 12 மணிவரை நடைபெற்ற  மாநில மைய நிர்வாகிகள் கூட்டம் எக்காரணம் கொண்டும் ஏற்கனவே மாநிலச்செயற்குழுவில் எடுத்தமுடிவின் படி  முற்றுகைப் போராட்டத்தை நடத்துவது என்றுதிட்டவட்டமாக முடிவெடுத்தது .03.02.2017 அதிகாலை3மணிக்கே மேல்மருவத்தூர்,செங்கல்பட்டு,கூடுவாஞ்சேரி,பெருங்களத்தூர்,இ.சி.ஆர்சாலை,சோழிங்கநல்லூர்,பூவிருந்தவல்லி,ஆவடி,  திருவள்;ர்,தாம்பரம், செம்பரம்பாக்கம் ஆகிய இடங்களில் நமது இயக்கத்தோழர்கள் வந்த  வாகனங்கள் காவல்துறையால் தடுத்து நிறுத்தப்பட்டு ஆங்காங்கே மண்டபங்களில் சிறைப்படுத்தப்பட்ட செய்திகள் கைபேசி மூலம் நம் இயக்கப் பொறுப்பாளர்களால் தெரிவிக்கப்பட்டது.  எனவே,வருகை தருகின்ற ஆசிரியர்கள் தாங்கள் வருகை தந்த வாகனத்தை விட்டுவிட்டு மாநகரப் பேருந்துகள் மற்றும் ரயில் மூலம் வருகைதர அறிவுறுத்தப்பட்டது.

காலை 7 மணிக்கு  மாநிலப் பொறுப்பாளர்கள் நம் மாநில அலுவலகத்திலிருந்து காவல்துறை கண்காணிப்பையும் மீறி வெளியேறி டி.பி.ஐ வளாகம் சென்றடைந்தனர்.  நம் மாநிலத் தலைவர் ச.மோசஸ் காவல்துறையால் மாநகர காவல் ஆணையர் அலுவலகத்திற்கு அழைத்துச் செல்லப்பட்டார். டி.பி.ஐ வளாகத்திற்குச் செல்லும் அனைத்துச் சாலைகளும் மூடப்பட்டன.  ஆயிரக்கணக்கான காவல்துறையினர் மற்றும் அதிரடிப்படையினர் குவிக்கப்பட்டனர். மேலும்,டி.பி.ஐ வளாகத்திலிருந்து 3.கி.மீ தூரம் வரை எல்லாப் பக்கங்களும் காவல்துறை கட்டுப்பாட்டுக்குள் கொண்டுவரப்பட்டது.

                     இத்தனை கெடுபபிடிகளையும் மீறி காவல்துறை சற்றும் எதிர்பார்க்காத வகையில் டி.பி.ஐ வளாகத்தைச் சுற்றிலும் பல்வேறு இடங்களில் வேங்கைகளைப்போல்பதுங்கியிருந்த நம் இயக்கச்செயல்வீரர்களும்,வீராங்கனைகளும் சிறுத்தையின் சீற்றத்தோடு   காலை 10.30 மணிக்கு விண்ணதிர,மண்ணதிர முழக்கமிட்டு ஆயிரக்கணக்கான காவலர்களையும் மீறி டி.பி.ஐ பிரதான வளாக வாயிலை முற்றுகையிட்டனர். அந்த முற்றுகையில் மட்டும் 2000க்கும் மேற்பட்டோர் ஆக்ரோஷமாகப் பங்கேற்றனர்.  ஒரு மணிநேர முற்றுகைக்குப் பின்;; காவல்துறை போராட்ட வீரர்களைக் கைதுசெய்து எழும்பூர்  ராஜரத்தினம் ஸ்டேடியத்திற்கு கொண்டு சென்றது. அதே நேரத்தில் மாநகருக்குள் வந்த நம் போராட்டவீரர்கள் காவல்துறையால் சிறைபிடிக்கப்பட்டு ராஜரத்தினம்ஸ்டேடியம் ,ஆயிரம்விளக்கு ,புதுப்பேட்டை ,சிந்தாதிரிப்பேட்டை,மடிப்பாக்கம்,திருவல்லிக்கேணி,சோப்பாக்கம் ஆகிய இடங்களில் திருமண மண்டபங்களில் சிறை வைக்கப்பட்டனர். இவ்வாறு சென்னை மாநகரில் மட்டும் 5000க்கும் மேற்பட்டோர் சிறைவைக்கப்பட்டனர். சென்னைக்கு வெளியே 5000க்கும் மேற்பட்டோர் சிறை வைக்கப்பட்டனர். இந்நிலையில் பள்ளிக்கல்வித்துறை முதன்மைச்செயலாளர் திருமதி.சபீதா,ஐ.ஏ.எஸ் அவர்களிடமிருந்து பேச்சுவார்த்தைக்கு காவல்துறை மூலம நமக்கு  அழைப்பு வந்தது.

                      காவல்துறைவாகனத்தில்நமதுமாநிலத்தலைவர்திருச.மோசஸ்,பொதுச்செயலாளர்திரு.செ.பாலசந்தர் ,

மாநிலப்பொருளாளர் திரு.ச.ஜீவானந்தம்,துணைப்பொதுச்செயலாளர் திரு. ச.மயில் ஆகியோர் தலைமைச்செயலகத்திற்கு அழைத்துச் செல்லப்பட்டனர்.  பள்ளிக்கல்வித்துறை முதன்மைச்செயலாளர் திருமதி.சபிதா ஐ.ஏ.எஸ் அவர்களது அறையில் நடைபெற்ற பேச்சுவார்த்தையில் பள்ளிக்கல்வித்துறை முதன்மைச்செயலாளருடன் பள்ளிக்கல்வித்துறை துணைச்செயலாளர் திரு.ராகுல்நாத் ஐ.ஏ.எஸ்,  தொடக்கக்கல்வி இயக்குநர் திரு.இளங்கோவன் தொடக்கக்கல்வி இணை இயக்குநர் திருமதி.சசிகலா,மாநகர காவல்துறை இணை ஆணையர் திரு. மனோகரன் ஐபிஎஸ் மற்றும் நிதித்துறை அலுவலர்கள் பங்கேற்றனர்.

1 மணி  35 நிமிடம் நடைபெற்ற பேச்சுவார்த்தையில் நமது 15 அம்சக் கோரிக்கைகள் குறித்து விரிவாக                     விவாதிக்கப்பட்டது.  பேச்சுவார்த்தையின் முடிவில் கீழ்க்;கண்டவாறு முடிவுகள் எட்டப்பட்டன.

1. தன் பங்கேற்பு ஓய்வூதியத்திட்டத்தை ரத்து செய்து விட்டு பழைய ஓய்வூதியத் திட்டத்தை அமல்படுத்துவது தொடர்பாக அமைக்கப்பட்டுள்ள வல்லுநர்குழு அறிக்கையை விரைவாகப் பெற்று பழைய ஓய்வூதியத்திட்டத்தை அமல்படுத்த துறை ரீதியாக பரிந்துரை செய்யப்படும்.

2. இடைநிலைஆசிரியர்களுக்கு கடந்த  ஊதியக்குழுவில் ஏற்பட்டுள்ள ஊதிய இழப்பைச் சரிசெய்து எட்டாவது ஊதியக்குழுவில் மத்திய அரசுக்கிணையான ஊதியம் கிடைத்திட துறைரீதியாக பரிந்துரை செய்யப்படும்.

3. எட்டாம்வகுப்பு வரை அமலில் உள்ள கட்டாயத் தேர்ச்சி தொடரும்.

4. பி.லிட் கல்வித்தகுதி கொண்ட நடுநிலைப்பள்ளித் தலைமைஆசிரியர்களுக்கு  பி.எட் கல்வித்தகுதிக்கு, முன்புபோல் ஊக்க ஊதிய உயர்வு பெற ஆவண செய்யப்படும்.

5. ஆசிரியர்கள் தாங்கள் பணியாற்றும் பள்ளிகளில் பிஎட் கற்பித்தல் பயிற்சி மேற்கொண்டால்  விடுப்பு எடுக்கத் தேவையில்லை என்பதற்கு ஆணை வெளியிடப்படும்;.இயக்குனரின் செயல் முறை ஆணை ரத்து செய்யப்படும்.

6. மூத்தோர் - இளையோர் ஊதிய முரண்பாடு தொடர்பாக அரசு ஆணைக்குட்பட்டு ஆணை வெளியிடப்படும்.

7. தேனி மாவட்டத் தொடக்கக்கல்வி அலுவலர் தொடர்பான புகார்கள் மீது தொடக்கக்கல்வித்துறை இணை இயக்குநர் திருமதி.சசிகலா அவர்கள் விசாரணை நடத்தி அறிக்கை தந்திடவும் அதன் பேரில் நடவடிக்கை மேற்கொள்ளவும் ஆணையிடப்படும்.

8. வேலூர் மாவட்டத்தில் தவறு புரிந்துள்ள உதவித்தொடக்கக்கல்வி அலுவலர்கள் மற்றும் ஊழியர்கள்  மீது உரிய நடவடிக்கை மேற்கொள்ளப்படும்.

9. தனியார் பள்ளி ஆசிரியர்களின் பணிநிரவல் தொடர்பாக விதிகளுக்குட்பட்டு அரசுப்பள்ளிகளில் காலிப்பணியிடங்களில் ஈர்த்துக்கொள்ள நடவடிக்கை மேற்கொள்ளப்படும்.

10. (அ) பொதுமாறுதல் கலந்தாய்வுக்குப்பின் ஏற்பட்டுள்ள பட்டதாரி ஆசிரியர் காலிப்பணியிடங்களுக்கு இரண்டாம் கட்ட பதவி உயர்வு கலந்தாய்வு இன்னும் ஒரு வாரத்தில் நடத்தப்படும்.

(ஆ )1997 ஆம் ஆண்டு பின்னடைவு காலிப்பணியிடங்களில் இடைநிலை ஆசிரியர்களாகப் பணியமர்த்தப்பட்ட ஆதிதிராவிட பட்டதாரி ஆசிரியர்களுக்கு  ஊக்க ஊதிய உயர்வு வழங்கிட நிதித்துறைக்கு பரிந்துரை செய்யப்டும். அதன் மீது தனி கவனம் செலுத்தி ஆணைகள் வெளியிடப்படும்.

11. ஆசிரியர்கள் உயர்கல்வி பயின்றதற்கான பின்னேற்பு ஆணைகள் விரைவில் வழங்கப்படும்.

12. பி.காம்,பி.ஏ(பொருளாதாரம்) ஆகிய பாடப்பிரிவுகளில் பட்டம் பெற்று பி.எட் கல்வித்தகுதி பெற்றவர்களுக்கு அரசு ஆணைகளுக்கு உட்பட்டு ஊக்க ஊதிய உயர்வு அனுமதிக்கப்படும்.

13. உதவித் தொடக்கக்கல்வி அலுவலகங்களில் காலியாக உள்ள பணியிடங்கள் கலந்தாய்வு மூலம் ஒரிரு நாட்களில் நிரப்பப்படும்.

14. அனைத்து தொடக்க, நடுநிலைப்பள்ளிகளுக்கும் கணினி வழங்கிட படிப்படியாக நடவடிக்கை மேற்கொள்ளப்படும்.

15. தூய்மை பாரத இயக்கத்தின் சார்பில் கிராமப்புறப் பள்ளிகளைப் போல் பேரூராட்சி, நகராட்சிகளில் அமைந்துள்ள பள்ளிகளுக்கும் துப்புரவுப் பணியாளர் நியமனம் தொடர்பாக ஒரிரு நாட்களில் ஆணை வெளியிடப்படும்.

மேற்கண்டவாறு நமது கோரிக்கைகள் தொடர்பாக உறுதி அளிக்கப்பட்டதன் அடிப்படையில் நமது முற்றுகைப் போராட்டம் தற்காலிகமாக விலக்கிக் கொள்ளப்பட்டது. இச்செய்தி தலைமைச் செயலகத்திலேயே செய்தியாளர்கள் கூட்டம் நடத்தப்பட்டு தெரிவிக்கப்பட்டது.

அதன்பிறகு காவல்துறை வாகனம் மூலம் எழும்பூர் ராஜரத்தினம் ஸ்டேடியத்திற்கு நமது மாநிலப்பொறுப்பாளர்கள் அழைத்துவரப்பட்டனர். அங்கு நமது மாநிலத்தலைவர் திரு. ச.மோசஸ் அவர்கள் தலைமையில் நடைபெற்ற கூட்டத்தில் சிறைவைக்கப்பட்ட நமது இயக்க செம்மல்களுக்கு பேச்சுவார்த்தை விவரங்கள் பொதுச்செயலாளர் திரு.செ.பாலசந்தர் அவர்களால் விரிவாக எடுத்துரைக்கப்பட்டது. போராட்டம் தற்காலிகமாக ஒத்திவைக்கப்படுவதாகவும், பேச்சுவார்த்தையின்படி ஆணைகள் வெளியிடப்படவில்லையென்றால் மீண்டும் போராட்டக்களம் காணவேண்டிய அவசியம் ஏற்படும் என்றும்  பொதுச்செயலாளர் தனது உரையில்குறிப்பிட்டார்.இக்கூட்டத்தில்தோழமைச்சங்கத்தலைவர்கள்திரு.அ.மாயவன்,திரு.பூபாலன்,திரு.தாஸ்,திரு.தியாகராஜன்,திரு.சேகர் ஆகியோர் வாழ்த்துரை வழங்கினர்.எஸ்.டி.எப்.ஐ அகில இந்தியப் பொருளாளர் திரு.தி.கண்ணன் அவர்கள் போராட்டத்தை முடித்து வைத்தார்.மாநிலப் பொருளாளர் திரு.ச.ஜீவானந்தம் நன்றி கூறினார்.  சிறை வைக்கப்பட்டிருந்த ஆயிரக்கணக்கான ஆசிரியர்கள் விண்ணதிர முழக்கமிட்டு உணர்வுப்பூர்வமாக உற்சாகப் பெருக்குடன் போராட்டக் களத்திலிருந்து விடைபெற்றனர்.

தமிழகத்தின் ஆசிரியர் இயக்க வரலாற்றில் தமிழ்நாடு ஆரம்பப்பள்ளி ஆசிரியர் கூட்டணி வலிமைமிக்க மாபெரும் சக்தி என்பதை இப்போராட்டம் அழுத்தந்திருத்தமாக ஆணித்தரமாக நிரூபித்தது.  02.02.2017 பிற்பகல் முதல் 03.02.2017 மாலை வரை நமது பேரியக்கத்தின்; போராட்டம் தமிழக அரசுக்கும்,கல்வித்துறைக்கும்,காவல்துறைக்கும் மிகப்பெரிய சாவாலாக அமைந்திருந்தது.  தமிழக காவல்துறைக் கணக்கீட்டின்படி இப்போராட்;டத்தில் 12,000 க்கும் மேற்பட்ட ஆசிரியர்கள் கலந்து கொண்டது தமிழக அரசுக்கும்,கல்வித்துறைக்கும் திகைப்பை ஏற்படுத்தியுள்ளது.  இயக்கம் இட்ட கட்டளையை ஏற்று                    “தற்செயல் விடுப்பு எடுத்தாலே பணிப்பதிவேட்டில் பதிவு செய்து ஊதியப் பிடித்தம் செய்வோம்” என்ற கல்வித்துறையின் மிரட்டல்,காவல்துறையின் மிகக்கடுமையான அச்சுறுத்தல் என்று அனைத்துத் தடைகளையும் தூள் தூளாக்கி முற்றுகைப் போரில் முன்னணிப் படையாகக் களமிறங்கிய அத்தனை இயக்கப்போராளிகளுக்கும் மாநில மையம் வீரஞ்செறிந்த வணக்கங்களையும்,                                                                                                               வாழ்த்துகளையும்உரித்தாக்குகிறது. தமிழ்நாடு ஆரம்பப்பள்ளி ஆசிரியர் கூட்டணி “பேருக்கு உறுப்பினர்களைக் கொண்டுள்ள இயக்கமல்ல்                                                                                                      போருக்கு உறுப்பினர்களைக் கொண்டுள்ள இயக்கம”; என்பது மீண்டும்                                                                                          ஒருமுறை நிரூபிக்கப்பட்டிருக்கிறது.

                                                                            தோழமையுடன்

                                                               

    செ.பாலசந்தர்

பொதுச்செயலாளர்

                                                  தமிழ்நாடு ஆரம்பப்பள்ளி ஆசிரியர் கூட்டணி

TNPTF தொடக்கக்கல்வி இயக்குனர் அலுவலக முற்றுகை போராட்டம்- பேச்சுவார்த்தை அழைப்பில் காவல்துறை இணை ஆணையர் திரு.மனோகரன் ஐபிஎஸ் முன்னிலையில் தொடக்கக்கல்வி இயக்குநர் திரு.இளங்கோவன்,இணை இயக்குனர் சசிகலா மற்றும் மாநில பொறுப்பாளர்களுடன் -மாநில துணைத்தலைவர் இராஜா ,கரூர் மாவட்ட செயலாளர் பா.பெரியசாமி......

TNPTF தொடக்கக்கல்வி இயக்குனர் அலுவலக முற்றுகை போராட்டம்- பேச்சுவார்த்தை அழைப்பில் காவல்துறை இணை ஆணையர் திரு.மனோகரன் ஐபிஎஸ் முன்னிலையில் தொடக்கக்கல்வி இயக்குநர் திரு.இளங்கோவன்,இணை இயக்குனர் சசிகலா மற்றும் மாநில பொறுப்பாளர்களுடன் -மாநில துணைத்தலைவர் இராஜா ,கரூர் மாவட்ட செயலாளர் பா.பெரியசாமி......

DSE - BT TO PG PANEL PREPARATION AS ON 01/01/2017 FOR ALL SUBJECTS INSTRUCTION AND APPLICATION FORM

DSE - BT TO PG PANEL PREPARATION AS ON 01/01/2017 FOR ALL SUBJECTS INSTRUCTION AND APPLICATION FORM

CLICK HERE FOR DETAILS 

CLICK HERE FOR APPLICATION FORM

IT - Ass.year 2017-18 & FORM 16 FINAL VERSION

IT - Ass.year 2017-18 & FORM 16 FINAL VERSION

CLICK HERE TO DOWNLOAD - NEW VERSION...


CLICK HERE TO DOWNLOAD - IT - Ass.year 2017-18 & FORM 16 FINAL VERSION

TIPS TO BE CONSIDERED WHILE FILLING I.T - FORM...

TIPS TO BE CONSIDERED WHILE FILLING I.T - FORM...

2016 - 2017 வருமான வரி படிவம் பூர்த்தி செய்யும் போது கவனத்தில் கொள்ள வேண்டியவை...மீண்டும் ஒரு பார் வை...

📘3 வது பக்கத்தில் மாத சம்பளத்துடன் நிலுவை ஊதியம் பெற்று இருப்பின் அதையும் காண்பிக்க வேண்டும். (DA Arrear -2, Bonus, surrender, pay fix arrear if any)

📘Housing loan பிடித்தம் செய்பவர்கள் HRA கழிக்கக் கூடாது.

📘Housing loan - வட்டி அதிகபட்சமாக Rs.2,00,000/- மற்றும்
அசல் 80c ல் கழித்துக் கொள்ளலாம்.


📘Housing loan - அசல் மற்றும் வட்டி கழிப்பவர்கள் 12c படிவம் வைக்க வேண்டும்.

📘CPS திட்டத்தில் உள்ள ஆசிரியர்கள் NPS திட்டத்தில் சேர்ந்து தொகை செலுத்தி இருந்தால், செலுத்திய தொகையை அதிகபட்சமாக ரூ.50,000/- வரை கழித்துக் கொள்ளலாம்.

📘School fees - குழந்தைகளின் Tuition fee மட்டும் கழிக்க வேண்டும். Other fees ஏதும் கழிக்கக் கூடாது.

📘LIC : பிரீமியம் தொகை மட்டும் கழிக்க வேண்டும். Late fee கழிக்கக் கூடாது.

📘PLI : பிரீமியம் தொகையுடன் service Tax யும் சேர்த்து கழித்துக் கொள்ளலாம்.

📘Taxable income 5 இலட்சத்துக்கு குறைவாக இருந்தால் மட்டும், மொத்த வரியில் ரூ.5000/- கழித்துக்  கொள்ளலாம். பிரிவு 87A.

📘Taxable Income மட்டும் அருகாமையில் உள்ள ரூ.10 க்கு முழுமையாக்க வேண்டும். வரியில் ரூ.10 க்கு முழுமையாக்க வேண்டும்.

TET - STUDY MATERIAL..

TET - STUDY MATERIAL..

மேலும் விவரங்களுக்கு »

ரேஷன் அரிசிக்கு பதிலாக ஒரு பகுதி கோதுமை இலவசமாக வழங்கப்படும்- தமிழக அரசு

ரேஷன் அரிசிக்கு பதிலாக ஒரு பகுதி கோதுமை இலவசமாக வழங்கப்படும்- தமிழக அரசு

தமிழகத்தில் ரேஷன் அரிசிக்கு பதிலாக அதில் ஒரு பகுதிக்கு கோதுமையை இலவசமாக வழங்க தமிழக அரசு முடிவு செய்துள்ளதாக தகவல்கள் வெளியாகியுள்ளன.

தமிழகத்தில் அரிசியே பிரதான உணவாக உட்கொள்ளப்பட்டு வருகிறது.

அரிசியை 2 வேளை உணவாக எடுத்துக் கொள்ளும் குடும்பங்களும் அதிகம் உள்ளன. எனவே, தமிழகத்தில் அரிசித் தேவை எப்போதுமே அதிகம் இருந்து வருகிறது.

அரிசியின் தேவையைக் கருத்தில் கொண்டு ரேஷன் கடைகளில் மக்களின் தரத்தை நிர்ணயித்து அரிசியை இலவசமாக தமிழக அரசு வழங்கி வருகிறது.

ஆனால் தற்போது ஊரக பகுதி, நகர்ப்புற பகுதிகள் உள்பட தமிழகத்தின் அனைத்து பகுதிகளிலும் கோதுமை உணவுகளை நாடும் மக்களின் எண்ணிக்கை அதிகரித்து வருகிறது. சர்க்கரை நோயின் தாக்கத்தினால் டாக்டர்கள் அறிவுரை பேரில் அரிசியை விட்டு கோதுமை உணவுக்கு மாறியவர்கள் பலர் உள்ளனர்.

அதுபோல, சர்க்கரை நோய்க்கு பயந்து ஏதாவது ஒரு வேளைக்கு கோதுமை உணவை சாப்பிடும் நபர்களின் எண்ணிக்கையும் அதிகரித்தபடி உள்ளது.

அதுமட்டுமல்லாமல் தமிழகத்தின் பல்வேறு பகுதிகளில் வட இந்தியர்களின் குடியேற்றம் மளமளவென்று அதிகரித்து வருகிறது. அவர்களின் முக்கிய உணவு கோதுமையாகும்.

எனவே, கோதுமை உணவான சப்பாத்தி, ரொட்டி போன்ற உணவுகள் தமிழகத்தில் சமீபகாலமாக அதிக அளவில் பயன்பாட்டுக்கு வந்துள்ளன. ஓட்டல்களிலும் கோதுமை உணவுகளுக்கு அதிக கிராக்கி ஏற்பட்டுள்ளது.

இந்த சூழ்நிலையில், தமிழகத்தில் உணவு கலாசாரத்தில் சிறிது மாற்றத்தை கொண்டு வருவதற்கு தமிழக அரசு திட்டமிட்டுள்ளது. அரிசியின் முக்கியத்துவத்தைக் குறைக்காத நிலையில், ஆனால் கோதுமையையும் மக்கள் பயன்படுத்த வைக்கக்கூடிய நிலைப்பாட்டை தமிழக அரசு எடுத்துள்ளதாகக் கூறப்படுகிறது.

இதுபற்றி அரசு அதிகாரி ஒருவரிடம் கேட்டபோது அவர் கூறியதாவது:-

ரேஷன் கடைகளில் அரிசி வழங்கி வரும் நிலையில், ஒரு விருப்புரிமை (ஆப்ஷன்) தானியமாக கோதுமையை கொண்டுவர அரசு ஆலோசனை செய்து வருகிறது.

உதாரணமாக, 20 கிலோ ரேஷன் அரிசியை ஒருவர் வாங்குகிறார் என்றால், 15 கிலோ அரிசியையும் 5 கிலோ கோதுமையையும் அவர் கேட்டால் அதை அரசு இலவசமாக வழங்கும்.

ஆனாலும் கோதுமை அப்போதைய இருப்புக்கு ஏற்றார்போல விருப்புரிமை உணவாக வழங்கப்படுமே தவிர, வழங்கப்படும் கோதுமை அளவுக்கான விகிதத்தை நிர்ணயிக்கவில்லை.

தற்போது கிலோ ஒன்றுக்கு ரூ.7.50 என்ற விலையில் கோதுமை வழங்கப்படுகிறது. இலவச அரிசியுடன் இலவச விருப்புரிமை உணவாக கோதுமையைச் சேர்த்த பிறகு, விலைக்கு கோதுமை வழங்குவது நிறுத்தப்பட்டுவிடும்.

தற்போது இதுபற்றிய ஆலோசனையில் தமிழக அரசு ஈடுபட்டுள்ளது. இதில் முடிவு எடுக்கப்பட்டதும் விரைவில் அரசாணை வெளியாக வாய்ப்புள்ளது.

இவ்வாறு அவர் தெரிவித்தார். 

NEET 2017 - விண்ணப்பதாரர்களுக்கு ஆதார் கார்டு அவசியம்...அறிவிப்பு நகல் தமிழில்....

NEET 2017 - விண்ணப்பதாரர்களுக்கு ஆதார் கார்டு அவசியம்...அறிவிப்பு நகல் தமிழில்....

அன்பாசிரியர் 32: கண்மணி- தனியார் பள்ளிகளுக்கு சவால்விடும் உள்கட்டமைப்பை உருவாக்கியவர்!

அன்பாசிரியர் 32: கண்மணி- தனியார் பள்ளிகளுக்கு சவால்விடும் உள்கட்டமைப்பை உருவாக்கியவர்!

''இன்றைய காலகட்டத்தில் தனியார் பள்ளிகளின் எண்ணிக்கை அதிகமாகி வருவதற்குக் காரணம், அதன் உட்கட்டமைப்பு வசதிகளும், பாடம் தவிர்த்துக் கற்பிக்கப்படும் கூடுதல்

திறன் பயிற்சிகளும்தான். இதை அரசுப்பள்ளிகளிலேயே இலவசமாக அளித்தால் மக்கள் ஏன் தனியாரை நாடப்போகிறார்கள் என்று யோசித்து அவற்றைச் செயல்படுத்தினேன்'' என்கிறார் அன்பாசிரியர் கண்மணி.

அவரின் ஆசிரியப் பயணம் இந்த அத்தியாய அன்பாசிரியரில்...

''படிக்கும் காலத்திலேயே சொல்லிக்கொடுப்பது பிடிக்கும் என்பதால், ஆசிரியப் பணியில் சேர்ந்தேன். தனியார் பள்ளியில் படித்த நான், அரசு வேலை கிடைக்கும்வரை தனியார் பள்ளியில் பணிபுரிந்தேன். பணி கிடைத்து அரசுப் பள்ளிக்குச் சென்றபோது, பெரு மகிழ்ச்சியைவிட என்னை அதிகம் ஆட்கொண்டது பேரதிர்ச்சி. காரணம்.. நான் பார்த்த அரசுப் பள்ளியின் உட்கட்டமைப்பு நிலை, சுகாதாரம்.

22 வருடங்களுக்கு முன்.. 1995-ல் கரூர் அருகே சாலப்பட்டி என்ற கிராமத்தின் ஆரம்பப்பள்ளியில் என் பயணத்தைத் தொடங்கினேன். தனியார் பள்ளியில் 300 ரூபாய் சம்பளத்துக்கு வேலை பார்க்கும்போது கொடுத்த உழைப்பை விட, இங்கு அதிகம் கொடுக்க வேண்டும் என்று முடிவு செய்தேன். மூடப்படாமல் இருந்த பள்ளி குடிநீர்த்தொட்டியை தன்னார்வலர்களின் நிதி கொண்டு மூடினோம். பள்ளிக்கு சுற்றுச்சுவர் எழுப்பப்பட்டது. இதற்கிடையே பதவி உயர்வோடு வேறு ஊருக்கு மாற்றலானது. ஒரு வருடம் கழித்து ஊர் மக்கள் அனைவரும் சேர்ந்து மாவட்டக் கல்வி அலுவலருக்குக் கடிதம் எழுதி என்னைத் திரும்பவும் சாலப்பட்டிக்கே அழைத்து வந்தனர். தலைமை ஆசிரியராகத் திரும்பியதால் பள்ளியில் செய்ய நினைத்த செயல்பாடுகளை சுதந்திரமாகச் செய்ய முடிந்தது.

பள்ளியின் வெள்ளி விழாவைக் கொண்டாடினோம். தொடர்ந்து எல்லா வருடங்களும் ஆண்டு விழா கொண்டாடப்பட்டது. ஒட்டுமொத்த கிராம மக்களும் கூடும் நிகழ்வு என்பதால் கவனத்துடன் நடத்தினோம். படிப்பு பாதிக்காதவாறு மாலை நேரங்களிலும், விடுமுறை நாட்களிலும் ஒத்திகை பார்க்கப்பட்டது. ஒவ்வொரு நிகழ்வுக்கும் பழக்கன்றுகளைப் பரிசாக அளிப்பதை (பழக்கன்று என்பதால் மக்கள் ஆர்வத்துடன் வளர்ப்பார்கள் என்று நினைத்து) பழக்கப்படுத்தினோம்.

ஆண்டு விழா, மரக்கன்றுகள் வழங்குவதோடு மாற்றத்துக்கான முயற்சிகள் முடிந்துவிடவில்லை. இன்ஃபோசிஸ் நிறுவனத்தைத் தொடர்பு கொண்டு 3 கணினிகளைப் பெற்றோம். ரோட்டரி மற்றும் ஸ்பான்சர்கள் மூலம் பள்ளியில் கரடுமுரடாக இருந்த தரை சமப்படுத்தப்பட்டது. சிமெண்ட் தரை அமைத்தோம். அடிப்படைத் தேவைக்கு கழிப்பறை கட்டப்பட்டது. அறிவுத் தேவைக்கு கணினி அறை உருவாக்கப்பட்டது. 1 முதல் 5-ம் வகுப்பு குழந்தைகளுக்கு பெஞ்சுகள் வாங்கப்பட்டன. மாணவர்களுக்கு புதிய சீருடை, பெல்ட், ஷூக்களை அறிமுகப்படுத்தினோம். மருத்துவ முகாம்களும் நடத்தப்பட்டன.

சொந்த ஊர் அருகிலேயே வேலை பார்ப்பதால் பெற்றோர்களுக்கும் எனக்குமான பிணைப்பு அதிகமாக இருந்தது. இதனாலேயே பிள்ளைகளின் கல்வி ரீதியாக உரிமையாக அவர்களிடம் பேசமுடிந்தது. ரேஷன் அட்டை வாங்க, உதவித்தொகை பெற, அரசு அலுவலகங்கள் செல்ல என அதிகக் கல்வியறிவு இல்லாத பெற்றோர்களுக்கு உதவுவதை ஆசிரியரின் கடமை. பள்ளியில் சேரும்போது 35 பேராக இருந்த மாணவர்கள் எண்ணிக்கை நான் வெளியே வரும்போது 60-ஆக உயர்ந்திருந்தது.

2009-ல் ஆண்டாங்கோவில்புதூர் என்னும் ஊருக்கு மாற்றலானது. அங்கிருந்த பள்ளிக் கட்டிடம் ஒழுகியவாறு இருந்தது. அருகிலிருந்த கரூர் வைஸ்யா வங்கியை அணுகி நிலையைச் சொன்னேன். அவர்கள் அளித்த நன்கொடையைக் கொண்டு அதைச் சரிசெய்தோம்.

சத்துணவு அறை சரியாக இல்லை என்பதால் அதையும் மறுசீரமைக்க வேண்டியிருந்தது. அனைவருக்கும் கல்வி திட்டத்தின் கீழ் நிதி ஒதுக்கப்பட்டது. சொந்த வீடு கட்டிய அனுபவம் இருந்ததால், நானே கட்டிட ஒப்பந்தத்தை எடுத்தேன். பள்ளிக்கென குறைவான இடமே இருந்ததால், மாடிக்கட்டிடத்துக்கு அனுமதி பெற்றோம். சொந்தமாகக் கட்டியதால் மிச்சமான பணத்தில் மாடியில் கூடுதலாக ஒரு கழிப்பறையும், மாடிப்படிகளுக்கு அடியில் ஒரு கிடங்கு அறையையும் கட்டினோம். பள்ளித்தரை முழுக்க டைல்ஸ் ஒட்டப்பட்டது.

முன்னதாக பள்ளியில் மாணவர்கள் திறந்தவெளியில் கழிவறைக்குச் சென்று கொண்டிருந்தனர். மாணவிகளின் நிலையை யோசித்துப் பழைய சத்துணவு அறையைப் பெண்கள் கழிப்பறையாக மாற்றினோம். அதற்கு 50 ஆயிரம் ரூபாய் செலவானது. 32 ஆயிரத்தை அரசு அளிக்க, 8 ஆயிரத்தைத் தன்னார்வலர்கள் தந்துதவினர். மீதி 10 ஆயிரத்தை நான் கொடுத்து விட்டேன். நமக்கு நாமே திட்டத்தின் கீழ் மீண்டும் ரூ.50 ஆயிரம் வாங்கினோம். சிமெண்ட், ஆஸ்பெஸ்டாஸ் கூரைகளை ஸ்பான்சர் பெற்று, அப்துல் கலாம் நினைவரங்கம் அமைக்கப்பட்டது. அதில் காலை வழிபாடு, முக்கிய சந்திப்புகள், உணவருந்துவதைச் செய்துவருகிறோம்.

மதிய உணவுக்குப் பிறகு கைகழுவ அண்டாவில் நீரை மொண்டு பயன்படுத்தியது சிரமமாக இருந்ததால், வாஷ்பேசின் வசதி செய்யப்பட்டது. கழிப்பறையில் தண்ணீர்ப் பிரச்சனை ஏற்பட்டதால், ஊர்த்தலைவரிடம் பேசி பள்ளிக்கென தனி நீர் இணைப்பைப் பெற்றோம். கணினிகள் வாங்கி, கணினி அறை அமைத்தோம். புரொஜெக்டர், ஸ்பீக்கர் பெறப்பட்டு சுவரில் பொருத்தப்பட்டன. அடுத்ததாக என்ன தேவை என்று யோசித்தேன். பள்ளியில் ஆங்கில வழிக்கல்வியை அறிமுகப்படுத்தினோம். தற்போது 4-ம் வகுப்பு வரை ஆங்கிலவழிக் கல்வி உள்ளது. பள்ளியில் பெஞ்சுகள் இல்லை என்று மாணவர்கள் சொல்ல, ஸ்பான்சர்கள் மூலம் சாய்வு இருக்கைகளைப் பெற்றோம்.

உள்கட்டமைப்பு வசதிகளோடு, மாணவர்களின் திறன்களை வளர்க்கும் பயிற்சிகளை அளிக்க முடிவு செய்தோம். செஸ், கராத்தே, சிலம்பம், அபாகஸ், கணினி, தியானம் மற்றும் இந்தி வகுப்புகள் தொடங்கப்பட்டன. தமிழ் மற்றும் ஆங்கில மொழியில் நூலகங்களைத் தனித்தனியாக நிறுவினோம். மாணவர்களுக்கு ஐடி, பெல்ட், ஷூக்கள் வழங்கப்படுகின்றன. டைரி முறையும் பின்பற்றப்படுகிறது. மாணவர்களுக்கு உடல்நிலை சரியில்லை என்றால் உடனே அரசு மருத்துவமனைக்கு அழைத்துச் செல்கிறோம். தேவையிருப்பின் மருத்துவர் குழுவே பள்ளிக்கு வந்துசெல்கிறது.

நாம் கேட்டால் செய்வதற்கு நிறையப் பேர் இருக்கின்றனர். ஆனால் நாம்தான் உரிய முறையில் கேட்கப்பழக வேண்டும். பள்ளியின் முன்பு குப்பைத்தொட்டி வைக்கப்பட்டிருந்தது. அங்கு ஊர்மக்களின் குப்பை மொத்தமும் கொட்டப்படும். முறையாக எடுத்துச் சொன்னவுடன் மக்கள் அதை நிறுத்திக்கொண்டனர். அவர்கள் செலவில் பள்ளியின் முன் வேகத்தடையும் போடப்பட்டது.

பள்ளியில் சீரிய முறையில் ஆண்டு விழாக்கள் நடத்தப்பட்டன. ஆண்டுவிழா அறிக்கைகளை புரொஜெக்டர் மூலம் காண்பிக்க ஆரம்பித்தேன். தனியார் பள்ளிகளுக்குச் செல்ல நேரும்போது, அவர்களின் செயல்பாடுகளைக் கவனிப்பேன். பள்ளியில் மைதானம் இல்லாததால் மாணவர்கள் விளையாடுவதில் சுணக்கம் ஏற்பட்டது. அருகில் இருந்த தனியார் கல்யாண மண்டப உரிமையாளரை அணுகி விவரத்தைச் சொன்னேன். அவரும் நிகழ்ச்சிகள் இல்லாத நாட்களில் கார் பார்க்கிங்கைப் பயன்படுத்திக் கொள்ள அனுமதி அளித்தார். ஒவ்வொரு வாரமும் வியாழனன்று அங்கு சென்று விளையாடுவோம்.

அரசுப் பள்ளியின் புதுமையான விளம்பரம்

ஆண்டு விழாவில் முன்னாள் மாணவர்களையும் பங்குகொள்ள வைப்போம். ஆரம்பக் கல்வியை இங்கு முடித்துச் சென்ற மாணவர்கள் 12-ம் வகுப்பை முடிக்கும் வரை அவர்களுடன் தொடர்பில் இருந்து தேவையான கல்வி ஆலோசனைகளை வழங்குவதை வழக்கமாகக் கொண்டிருக்கிறேன். மாணவர்கள் மற்றும் பெற்றோர்களுக்கு சேமிப்பின் முக்கியத்துவத்தை உணர்த்தும் வகையில் விழிப்புணர்வை ஏற்படுத்துகிறோம். சிறுசேமிப்புத் திட்டம் தொடங்க, பிறப்புச் சான்றிதழ், சாதிச் சான்றிதழ் வாங்க என பல்வேறு தேவைகளுக்காக பெற்றோர்களுடன் அரசு அலுவலகங்களுக்குச் செல்வேன்.

ஆட்சியர், வட்டாட்சியர், அஞ்சல் அலுவலகங்கள், நீதிமன்றத்துக்கு மாணவர்களை அழைத்துச் செல்கிறோம். இடம் இல்லாததால் பள்ளியில் மாடித்தோட்டம் போட்டிருக்கிறோம். அதில் காய்கறித்தோட்டம் மற்றும் மூலிகைத் தோட்டத்தை மாணவர்கள் ஆர்வத்துடன் கவனித்துக் கொள்கின்றனர். விளையும் காய்களைச் சத்துணவுக்காகப் பயன்படுத்துகிறோம். ஆசிரியர்களும் இங்கேதான் சாப்பிடுகிறோம். கராத்தே மற்றும் கணினி வகுப்புக்காக எனது ஊதியத்திலிருந்து மாதாமாதம் ரூ. 2,500 ஐ பள்ளிக்கு அளித்துவிடுகிறேன்.

அத்தனையையும் பார்த்துப் பார்த்துச் செய்தாலும் தனியார் பள்ளி மோகம் மட்டும் குறைவதே இல்லை. அதைப்போக்கவே தொடர்ந்து போராடிக்கொண்டிருக்கிறேன். பணமில்லாமல் அரசுப்பள்ளியில் படிக்கிறோம் என்ற உணர்வு எந்நாளும் மாணவர்களுக்கு வந்துவிடக்கூடாது. தாயாக இருந்துமாமியாரே குடும்பத்தைக் கவனித்துக் கொள்வதில் பள்ளியின் மீது அதிக அக்கறையோடு செயல்பட முடிகிறது. கடமையே எனப் பணிபுரியாமல் கனிவோடு பணியாற்றினாலே அரசுப்பள்ளிகளின் தரம் தானாய் உயரும்'' என்கிற அன்பாசிரியர் கண்மணியில் வார்த்தைகளில் வழிந்தோடுகிறது புன்னகையும் நம்பிக்கையும்.

மின்வாரியத்தில் உதவிப்பொறியாளர் பணிக்கான தேர்வு நடைமுறை மேற்கொள்ள அனுமதி: உயர்நீதிமன்றம்.

மின்வாரியத்தில் உதவிப்பொறியாளர் பணிக்கான தேர்வு நடைமுறை மேற்கொள்ள அனுமதி: உயர்நீதிமன்றம்.

தமிழ்நாடு மின் உற்பத்தி, பகிர்மான கழகத்தில் உதவிப்பொறியாளர் பணிக்கான தேர்வு நடைமுறைகளை மேற்கொள்ள அனுமதியளித்து சென்னை உயர்நீதிமன்றம் உத்தரவிட்டது.

தமிழக மின்வாரியத்தில் காலியாக உள்ள எலக்ட்ரிக்கல்,மெக்கானிக்கல், சிவில் உள்ளிட்ட துறைகளில் 750 உதவிப்பொறியாளர் பணியிடங்களை நேரடி நியமனம் மூலம் நிரப்புவதற்கு, கடந்த 2015-ஆம் ஆண்டு டிசம்பரில் தமிழ்நாடு மின் உற்பத்தி, பகிர்மானக் கழகம் அறிவிப்பாணை வெளியிட்டது.

இந்தப் பணியிடங்களுக்கு மின்வாரியத்தில் ஏற்கெனவே -அப்ரன்டீஸ்- ஆக பயிற்சி முடித்தவர்கள் விண்ணப்பிக்கும் பட்சத்தில், எழுத்து மற்றும் நேர்முக தேர்வுகளில் பங்கேற்க வேண்டும் என, அந்த அறிவிப்பில் தெரிவிக்கப்பட்டது. இதற்கு பயிற்சி முடித்தவர்கள் தங்களுக்கு எழுத்து தேர்வில் இருந்து விலக்களிக்குமாறு, சென்னை உயர்நீதிமன்றத்தில் எம்.ரமணி உள்பட 51 பேர் வழக்கு தொடர்ந்தனர்.

இந்த மனுக்களை விசாரித்த நீதிபதி டி.எஸ்.சிவஞானம், மற்ற தகுதிகள் சமமாக இருந்தாலும், பயிற்சி முடித்தவர்களுக்கு முன்னுரிமை வழங்க வேண்டும் என, உச்சநீதிமன்றம் தீர்ப்பளித்துள்ளது.

அந்த அடிப்படையில் மற்ற தகுதிகளும் மனுதாரர்களுக்கு சமமாக இருக்க வேண்டும். மாறாக எந்த சிறப்புரிமையும் கோர முடியாது. எனவே, இந்த மனுக்களை தள்ளுபடி செய்வதாகக் கூறிய நீதிபதிகள், பணிக்கான தேர்வு நடைமுறைகளை மேற்கொள்ள அனுமதி அளித்து உத்தரவிட்டனர்.

NEET EXAM - 2017- ம் ஆண்டு நீட் தேர்வே முதல் தேர்வாக கருதப்படும்: சிபிஎஸ்இ விளக்கம்.

NEET EXAM - 2017- ம் ஆண்டு நீட் தேர்வே முதல் தேர்வாக கருதப்படும்: சிபிஎஸ்இ விளக்கம்.

மூன்று முறை நீட் எழுதுவதற்கான அளவீடு 2017 முதல் தொடங்கும் என சிபிஎஸ்இ அறிவித்துள்ளது.

மேலும்
2017-க்கு முன்பு எழுதப்பட்ட தேர்வுகள் கணக்கில் எடுத்துக் கொள்ளப்படாது.2017- ம் ஆண்டு நீட் தேர்வே முதல் தேர்வாக கருதப்படும் என சிபிஎஸ்இ விளக்கம் அளித்துள்ளது. 

காவலர் பணியிடத்துக்கு முன்னாள் ராணுவத்தினர் விண்ணப்பிக்கலாம் .

காவலர் பணியிடத்துக்கு முன்னாள் ராணுவத்தினர் விண்ணப்பிக்கலாம் .

தமிழ்நாடு சீருடைப் பணியாளர் தேர்வுக் குழுமம் மூலம் இரண்டாம் நிலைக் காவலர்களுக்கான தேர்வில், ஒதுக்கீடு செய்யப்பட்டுள்ள 5 சதவிகித பணி இடங்களுக்கு தருமபுரியைச் சேர்ந்த முன்னாள் ராணுவத்தினரும் விண்ணப்பிக்கலாம் என மாவட்ட ஆட்சியர் கே. விவேகானந்தன் அழைப்புவிடுத்துள்ளார்.
இதுதொடர்பாக அவர் வெளியிட்ட செய்திக்குறிப்பு:

தமிழ்நாடு சீருடைப் பணியாளர் தேர்வுக் குழுமம் சார்பில் இரண்டாம் நிலைக் காவலர் பணியிடங்களுக்கான தேர்வு நடைபெறவுள்ளது. மாநிலம் முழுவதும் 15,664 காலிப் பணியிடங்கள் உள்ளன.இதில் 5 சதவிகித இடங்கள் முன்னாள் ராணுவத்தினருக்காக ஒதுக்கீடு செய்யப்பட்டுள்ளது.
  எஸ்எஸ்எல்சி தேர்ச்சி பெற்ற, 45 வயதுக்குள்பட்ட, பணியிலிருந்து 3 ஆண்டுகளுக்குள் ஓய்வுபெற்ற ராணுவத்தினர் இப்பணியிடத்துக்கு விண்ணப்பிக்கலாம். அஞ்சல் நிலையத்தில் கிடைக்கும் விண்ணப்பங்களை வாங்கி நிரப்பி, உரிய சான்றுகளுடன் வரும் பிப். 22ஆம் தேதிக்குள் விண்ணப்பிக்கலாம்.
  விண்ணப்பித்த முன்னாள் படைவீரர்கள் தருமபுரி மாவட்ட நல அலுவலகத்தில் தங்களது பெயரைப் பதிவு செய்து கொள்ள வேண்டும். இத்தேர்வுக்கான முன்பயிற்சி வரும் பிப். 13ஆம் தேதி ஒட்டப்பட்டியிலுள்ள முன்னாள் படைவீரர் நல அலுவலகத்தில் வழங்கப்படும்.

TNTET- ஆசிரியர் தகுதி தேர்வு - ஒரு சிறப்பு பார்வை

TNTET- ஆசிரியர் தகுதி தேர்வு - ஒரு சிறப்பு பார்வை

ஆசிரியர்  தகுதி தேர்வு - சிறப்பு பார்வை

முதல் தேர்வு (1 முதல் 5-ம் வகுப்பிற்கானது)
இரண்டாவது தேர்வு (6 முதல் 8 ம் வகுப்பிற்கானது)

இலவச மற்றும் கட்டாயக் கல்விக்கான குழந்தைகளின் உரிமைச் சட்டம் (RTE ) 2009 ன் பிரிவு 23, உப பிரிவு (1) ல் குறிப்பிட்டுள்ளபடி, ஆசிரியக் கல்விக்கான தேசியக் குழுமம் (NCTE ) 2010 – ஆகஸ்டு 23 –ம் தேதி வெளியிட்ட குறிப்பாணையில் 1 முதல் 8 ம் வகுப்பு வரை கற்றுக் கொடுக்க ஆசிரியர்களாக தேர்ந்தெடுக்கப்படுபவர்களுக்கு குறைந்தபட்ச தகுதிகளாக சிலவற்றை வரையறுத்துள்ளது.

RTE சட்டம் பிரிவு 2 ன் படிஆசிரியராக நியமிக்கப்படும் ஒருவருக்கு மிக முக்கிய தகுதியாக எதிர்ப்பார்க்கப்படுவது என்னவென்றால் அந்தந்த மாநில அரசுகள் நடத்தும் ஆசிரியர் தகுதித் தேர்வில் (TET ) தேர்ச்சியடைந்திருப்பது அவசியம்.

ஆசிரியராக நியமிக்கப்பட இருக்கும் ஒருவருக்கு ஆசிரியர் தகுதித் தேர்வை (TET ) குறைந்தபட்சத் தகுதியாக வைத்திருப்பதன் காரணங்கள் கீழே கொடுக்கப்பட்டுள்ளன:

தகுதியான ஆசிரியர்களைத் தேர்ந்தெடுக்கும் நடைமுறையில் ஒரு தேசிய தரத்தையும் அடையாளத்தையும் கடைப்பிடிக்க.
ஆசிரியப் பயிற்சி நிறுவனங்களும், மாணவர்களும் தங்களுடைய செயல்திறனை மேலும் வளர்த்துக் கொள்ள வேண்டும் என்பதை உணர்வுபூர்வமாக உணர்த்த.
அரசானது ஆசிரியர்களின் தரத்தில் மிகவும் கவனமாக இருக்கிறது என்பதை அனைவருக்கும் உணர்த்த. அந்தந்த அரசால் நியமிக்கப்படும் வல்லுநர் குழுவால் இந்தத் தேர்வானது நடத்தப்படும்.

கீழ்க்கண்ட வழிகாட்டுதல்களின்படி இத்தேர்வானது நடத்தப்படும்.

தகுதி:-

கீழ்க்கண்ட நபர்கள் இந்த TET தேர்வை எழுதத் தகுதியானவர்கள்:

ஆசிரியப் பயிற்சிக்கான தேசியக் குழுமம் 2010 ஆகஸ்ட் 23 –ந் தேதி வெளியிட்ட குறிப்பாணையின்படி, ஒரு நபர் தேவையான கல்வித் தகுதியையும், தொழிற்கல்வித் தகுதியையும் பெற்றிருக்க வேண்டும்.

ஆசிரியப் பயிற்சிக்கான தேசியக் குழுமம் 2010 ஆகஸ்ட் 23 –ந் தேதி வெளியிட்ட குறிப்பாணையின்படி, ஒரு நபர் (NCTE) குழுமம் குறிப்பிட்டுள்ள ஏதேனும் ஒரு ஆசிரியப் பயிற்சியை முடித்திருக்க வேண்டும்.

RTE சட்டம் பிரிவு 23 உப பிரிவு 2 –ன் கீழ் ஒரு மாநில அரசு அல்லது யூனியன் பிரதேச அரசு, இந்த TET தேர்வை எழுதுவதற்கான தகுதிகளிலிருந்து சில விலக்குகளை அளிக்க விரும்பினால் RTE சட்டம் பிரிவு 23 உப பிரிவு 2 –ன் கீழ் அளித்துக் கொள்ளலாம். இந்த விதிவிலக்குகள் மத்திய அரசினால் உப பிரிவின் கீழ் ஒரு குறிப்பாணையாக வெளியிடப்படும்.

TET-ன் அமைப்பு மற்றும் பொருளடக்கம்:-

ஆசிரியர் தகுதித் தேர்வின் (TET) அமைப்பு மற்றும் பொருளடக்கம் கீழ்வரும் பத்திகளில் கொடுக்கப்பட்டுள்ளது. எல்லாக் கேள்விகளும் சரியான பதிலை தேர்ந்தெடுத்து எழுதும் வகைக் கேள்விகளே. ஒவ்வொரு கேள்விக்கும் ஒரு மதிப்பெண். ஒவ்வொரு கேள்விக்கும் நான்கு பதில்கள் தரப்பட்டிருக்கும்.
அவற்றில் ஒன்று மட்டுமே சரியான பதில். தவறான பதிலுக்கு மதிப்பெண் குறைப்பது இல்லை.

தேர்வு நடத்தும் குழு கட்டாயமாக பின்வரும் அமைப்பு மற்றும் பொருளடக்கத்தை பின்பற்ற வேண்டும்.

TET இரண்டு தேர்வுகளைக் கொண்டது.

முதல் தேர்வு 1 முதல் 5 ஆம் வகுப்பிற்கு கற்பிக்கும் ஆசிரியர்களுக்கானது.

 இரண்டாவது தேர்வு 6 முதல் 8 ஆம் வகுப்பிற்கு கற்பிக்கும் ஆசிரியர்களுக்கானது.

 ஒருவர் 1 முதல் 5 ம் வகுப்பிற்கு கற்பிக்க இருந்தாலும், 6 முதல் 8 ம் வகுப்பிற்கு கற்பிக்க இருந்தாலும் கட்டாயமாக இரண்டு தேர்வுகளையும் எழுத வேண்டும்.

முதல் தேர்வு (1 முதல் 5-ம் வகுப்பிற்கானது)
கேள்விகள்: 150

அமைப்பு மற்றும் பொருளடக்கம் (அனைத்தும் கட்டாயம்)
(i) குழந்தை வளர்ச்சி மற்றும் அணுகுமுறை 30 கேள்விகள் 30 மதிப்பெண்கள்
(ii) மொழிப்பாடம் – 1 30 கேள்விகள் 30 மதிப்பெண்கள்
(iii) மொழிப்பாடம் – 2 30 கேள்விகள் 30 மதிப்பெண்கள்
(iv) கணிதம் 30 கேள்விகள் 30 மதிப்பெண்கள்
(v) சூழ்நிலை அறிவியல் 30 கேள்விகள் 30 மதிப்பெண்கள்

கேள்விகளின் தரமும் இயல்பும்:

முதல் தேர்வுக்கான கேள்வித்தாளை தயாரி்க்கும்போது, தேர்வு நடத்தும் குழு கீழ்க்கண்ட காரணிகளை கவனத்தில் கொள்ள வேண்டும்:

6 முதல் 11 வயது வரம்புள்ள குழந்தைகளின் கற்றல் கற்பித்தல் செயல்பாடுகளில் குழந்தை உளவியலை மையப்படுத்தி குழந்தை வளர்ச்சி மற்றும் அணுகுமுறைப் பகுதி கேள்விகள் இருக்க வேண்டும். மேலும் கற்போர்களின் புரிதல் நிலை, பல்வகைப்பட்ட கற்போர், கற்போரிடம் உரையாடுதல், ஒரு நல்ல தொகுப்பாளரின் தன்மை மற்றும் குண நலன்களையும் மையப்படுத்தி இருக்க வேண்டும்.

கற்பிக்கும் மொழியில் ஒருவருக்கு இருக்கும் புலமையை மையப்படுத்தி மொழிப்பாடம் – 1 ல் கேள்விகள் கேட்கப்படும். விண்ணப்பத்தில் குறிப்பிடப்பட்டிருக்கும் மொழிகளில் தேர்வு எழுதுபவர் தேர்ந்தெடுத்த மொழிக்கானது.

மொழிப்பாடம் – 2 என்பது மொழிப்பாடம் – 1ஐ தவிர்த்து மற்றுமொரு மொழிக்கான தேர்வாகும். இது மொழியின் கூறுகளைப் பற்றியும், தொடர்புகொள்ளும் மற்றும் புரிந்து கொள்ளும் திறமைகளைக் கண்டறியும் தேர்வாகும்.

கணிதம் மற்றும் சூழ்நிலை அறிவியல் பகுதி கருத்துருக்களையும், பிரச்சினைகளைத் தீர்க்கும் மற்றும் புரிந்து செயல்படுத்துதல் திறமைகளையும் சோதிக்கும் பகுதியாகும். இவையனைத்துப் பாடங்களிலும் கேள்விகள் வகுப்பு 1 முதல் 5 வரையுள்ள அனைத்துப் பிரிவிலிருந்தும் கேட்கப்படும்.

முதல் தேர்வின் கேள்விகள், அந்தந்த மாநில அரசு வகுத்துள்ள பாடத்திட்டத்தில் 1 முதல் 5 வகுப்புகள் வரை இருந்தாலும், அதன் தொடர்புக் கேள்விகளும் கடினத் தன்மையும் நடுநிலை வகுப்பு வரை இருக்கலாம்.

இரண்டாவது தேர்வு (6 முதல் 8 ம் வகுப்புகளுக்கானது)
கேள்விகள்: 150

அமைப்பு மற்றும் பொருளடக்கம் அனைத்தும் கட்டாயம்

(i) குழந்தை வளர்ச்சி மற்றும் அணுகுமுறை(கட்டாயம்) 30 கேள்விகள் 30 மதிப்பெண்கள்
(ii) மொழிப்பாடம்–1(கட்டாயம்) 30 கேள்விகள் 30 மதிப்பெண்கள்
(iii) மொழிப்பாடம்–2(கட்டாயம்) 30 கேள்விகள் 30 மதிப்பெண்கள்
a. கணிதம் மற்றும் ஆசிரியர்களுக்கானது: கணிதம் மற்றும் அறிவியல் 60 கேள்விகள் 60 மதிப்பெண்கள்
b. சமூக அறிவியல் ஆசிரியர்களுக்கானது: சமூக அறிவியல் 60 கேள்விகள் 60 மதிப்பெண்கள்
c. மற்ற ஆசிரியர்களுக்கானது: 4 (a) அல்லது 4(b)

இரண்டாம் தேர்வுக்கான கேள்வித்தாளை தயாரிக்கும்போது தேர்வு நடத்தும் குழு கீழ்க்கானும் காரணிகளை கவனத்தில் கொள்ள வேண்டும்.

குழந்தை வளர்ச்சி மற்றும் அணுகுமுறைப் பகுதி கேள்விகள் 11 முதல் 14 வயது வரம்புள்ள குழந்தைகளின் கற்றல் கற்பித்தல் செயல்பாடுகளில் குழந்தை உளவியலை மையப்படுத்தி குழந்தை வளர்ச்சி மற்றும் அணுகுமுறைப் பகுதி இருக்க வேண்டும். மேலும் கற்போர்களின் புரிதல் நிலை, பல்வகைப்பட்ட கற்போர், கற்போரிடம் உரையாடுதல், ஒரு நல்ல தொகுப்பாளரின் தன்மை மற்றும் குண நலன்களையும் மையப்படுத்தி இருக்க வேண்டும்.

கற்பிக்கும் மொழியில் ஒருவருக்கு இருக்கும் புலமையை மையப்படுத்தி மொழிப்பாடம் – 1 ல் கேள்விகள் கேட்கப்படும். விண்ணப்பத்தில் குறிப்பிடப்பட்டிருக்கும் மொழிகளில் தேர்வு எழுதுபவர் தேர்ந்தெடுத்த மொழிக்கானது.

மொழிப்பாடம் – 2 என்பது மொழிப்பாடம் – 1ஐ தவிர்த்து மற்றுமொரு மொழிக்கான தேர்வாகும். இது மொழியின் கூறுகளைப் பற்றியும், தொடர்புகொள்ளும் மற்றும் புரிந்து கொள்ளும் திறமைகளைக் கண்டறியும் தேர்வாகும்.

கணிதம், சூழ்நிலை அறிவியல் மற்றும் சமூக அறிவியல் பகுதி கருத்துருக்களையும், பிரச்சினைகளைத் தீர்க்கும் மற்றும் புரிந்து செயல்படுத்துதல் திறமைகளையும் சோதிக்கும் பகுதியாகும். இவையனைத்துப் பாடங்களிலும் கேள்விகள் வகுப்பு 6 முதல் 8 வரையுள்ள அனைத்துப் பிரிவிலிருந்தும் கேட்கப்படும்.

இரண்டாம் தேர்வின் கேள்விகள், அந்தந்த மாநில அரசு வகுத்துள்ள பாடத்திட்டத்தில் 6 முதல் 8 வகுப்புகள் வரை இருந்தாலும், அதன் தொடர்புக் கேள்விகளும் கடினத் தன்மையும் உயர்நிலை வகுப்பு வரை இருக்கலாம்.

கேள்வித்தாள் இரண்டு மொழிகளில் இருக்க வேண்டும்:

முதல் மொழி அந்தந்த அரசுகள் தீர்மானிக்க வேண்டும்

இரண்டாம் மொழி ஆங்கிலம்..