TNTET: (தாள்-1) ஏப்ரல் 29-ம் தேதியும் (சனிக்கிழமை), பட்டதாரி ஆசிரியர் களுக்கான தகுதித்தேர்வை (தாள்-2) ஏப்ரல் 30-ம் தேதியும் (ஞாயிற்றுக் கிழமை) நடத்த ஆசிரியர் தேர்வு வாரியம் திட்டம்.

TNTET: (தாள்-1) ஏப்ரல் 29-ம் தேதியும் (சனிக்கிழமை), பட்டதாரி ஆசிரியர் களுக்கான தகுதித்தேர்வை (தாள்-2) ஏப்ரல் 30-ம் தேதியும் (ஞாயிற்றுக் கிழமை) நடத்த ஆசிரியர் தேர்வு வாரியம் திட்டம்.

இடைநிலை ஆசிரியர் தகுதித்தேர்வை ஏப்ரல் 29-ம் தேதியும்,பட்டதாரி ஆசிரியர் தகுதித்தேர்வை ஏப்ரல் 30-ம் தேதியும் நடத்த ஆசிரியர் தேர்வு வாரியம் முடிவுசெய்துள்ளது. இதற்காக 11 லட்சம் விண்ணப்பங்கள் அச்சிடப்படுகின்றன.
மத்திய அரசின் இலவச கட்டாய கல்வி உரிமைச் சட்டத்தின் படி, ஒன்று முதல் 8-ம் வகுப்பு வரை பணிபுரியும் இடைநிலை, பட்டதாரி ஆசிரியர்களுக்கு டெட் எனப்படும் ஆசிரியர் தகுத்தேர்வு கட்டாயமாக் கப்பட்டுள்ளது. தமிழகத் தில் டெட் தேர்வு நடத்தும் பொறுப்பு, ஆசிரியர் தேர்வு வாரியத்திடம் ஒப்படைக்கப்பட்டுள்ளது.ஆண்டுக்கு 2 தடவை டெட் தேர்வு நடத்தப்பட வேண்டும் என்பது தேசிய ஆசிரியர் கல்வி கவுன்சிலின் (என்.சி.டி.இ.) விதிமுறை. ஆனால், நீதிமன்ற வழக்குகள் காரண மாக தமிழகத்தில் கடந்த 3 ஆண்டு களாக டெட் தேர்வு நடத்தப்படவில்லை.

தற்போது வழக்குகள் முடிவடைந்து விட்டதால் டெட் தேர்வை நடத்த ஆசிரியர் தேர்வு வாரியம் நடவடிக்கை மேற்கொண்டுள்ளது.இந்த நிலையில், இடைநிலை ஆசிரியர்களுக்கான டெட் தேர்வை ஏப்ரல் 29-ம் தேதியும் அதேபோல், பட்டதாரி ஆசிரியர்களுக்கான டெட் தேர்வை ஏப்ரல் 30-ம் தேதியும் நடத்த ஆசிரியர் தேர்வு வாரியம் முடிவுசெய்துள்ளது.

டெட்தேர்வு நடத்துவதற்கான ஏற்பாடுகள் தொடர் பாக பள்ளிக்கல்வி இயக்குநருக்கு ஆசிரியர் தேர்வு வாரியத்தின் தலைவர் அனுப்பியுள்ள கடிதத்தில் கூறியிருப்ப தாவது:ஆசிரியர் தகுதித்தேர்வை ஏப்ரல் இறுதி வாரத்தில் நடத்துமாறு பள்ளிக் கல்வி அமைச்சர் அறிவுறுத்தியுள்ளார். இதைத்தொடர்ந்து, இடைநிலை ஆசிரியர்களுக்கான தகுதித்தேர்வை (தாள்-1) ஏப்ரல் 29-ம் தேதியும் (சனிக்கிழமை), பட்டதாரி ஆசிரியர் களுக்கான தகுதித்தேர்வை (தாள்-2) ஏப்ரல் 30-ம் தேதியும் (ஞாயிற்றுக் கிழமை) நடத்த ஆசிரியர் தேர்வு வாரியம் திட்டமிட்டுள்ளது. தேர்வுக் கான விண்ணப்ப படிவங்கள் அனைத்து மாவட்டங்களிலும் பிப்ரவரி 15 முதல் மார்ச் 8-ம் தேதி வரை விற்பனை செய்யப்படும். இவ்வாறு அந்த கடிதத்தில் கூறப்பட்டுள்ளது.மொத்தம் 150 மதிப்பெண்களைக் கொண்ட டெட் தேர்வில் தேர்ச்சி பெற வேண்டுமானால் 90 மதிப்பெண் எடுக்க வேண்டும். பிசி, எம்பிசி, எஸ்சி, எஸ்டி ஆகிய இடஒதுக்கீட்டுப் பிரிவினருக்கு தேர்ச்சி மதிப்பெண் 82 ஆக நிர்ணயிக்கப்பட்டுள்ளது.வரும் ஏப்ரல் மாதம் நடத்தப் படவுள்ள டெட் தேர்வு 3-வது டெட் தேர்வாகும். தமிழகத்தில் முதலாவது டெட் தேர்வு கடந்த 2012-ம் ஆண்டு ஜூலை மாதமும், அந்த தேர்வில் நேரக்குறைவு காரணமாக தேர்ச்சி பெற்றவர்களின் எண்ணிக்கைமிகவும் குறைவாக இருந்த காரணத்தினால் நேரத்தை அதிகரித்து அதே ஆண்டு அக்டோ பர் மாதம் துணை தேர்வாக இன்னொரு தேர்வும், அதைத் தொடர்ந்து, 2013-ம் ஆண்டு ஆகஸ்ட் மாதமும் என 3 தேர்வுகள் நடத்தப்பட்டுள்ளன. மாற்றுத்திறனாளிகளுக் கென சிறப்பு டெட் தேர்வு 2014-ம்ஆண்டு மே மாதம் நடந்தது. பொதுவான டெட் தேர்வு என்று பார்த் தால் இதுவரை 3 டெட் தேர்வுகள் நடத்தப்பட்டுள் ளன. ஏற்கெனவே நடத்தப்பட்ட டெட் தேர்வுகளில் தேர்ச்சி பெற்று சுமார் 30 ஆயிரம் இடைநிலை, பட்டதாரி ஆசிரியர்கள்அரசு வேலைக்காக காத்திருக்கிறார்கள் என்பது குறிப் பிடத்தக்கது.

7 ஆண்டுகள் செல்லத்தக்கது

டெட் தேர்வில் தேர்ச்சி பெற்றதும் உடனடியாக ஆசிரியர் வேலை கொடுக்கப்படுவதில்லை. வெயிட்டேஜ் மார்க் அடிப்படையில்தான் ஆசிரியர் கள் தேர்வு செய்யப்படுகிறார்கள். அதன்படி, டெட் தேர்வு மதிப்பெண் 60 சதவீதமும், பிளஸ் 2, பட்டப் படிப்பு, பிஎட் படிப்பு மதிப்பெண் 40 சதவீதமும் (இடைநிலை ஆசிரியர்கள் எனில் பிளஸ் 2, இடைநிலை ஆசிரியர் படிப்பு மதிப்பெண்) கணக்கில் எடுக்கப்பட்டு மெரிட் பட்டியல் தயாரிக்கப்படுகிறது. .டெட் தேர்வு தேர்ச்சி 7 ஆண்டுகள் செல்லத்தக்கது ஆகும். எனினும் தேர் வில் தேர்ச்சி பெற்ற ஒருவர் தங்கள் மதிப் பெண்ணை அதிகப்படுத்திக் கொள்ள விரும்பினால் எத்தனை முறை வேண்டு மானாலும் டெட் தேர்வு எழுதலாம்.

அங்கீகரிக்கப்படாத வீட்டு மனைகளை வகைப்படுத்த தமிழக அரசுக்கு கால அவகாசம் வழங்கிய சென்னை உயர் நீதிமன்றம், வழக்கை பிப்ரவரி 27ம் தேதிக்கு ஒத்திவைத்துள்ளது.

அங்கீகரிக்கப்படாத வீட்டு மனைகளை வகைப்படுத்த தமிழக அரசுக்கு கால அவகாசம் வழங்கிய சென்னை உயர் நீதிமன்றம், வழக்கை பிப்ரவரி 27ம் தேதிக்கு ஒத்திவைத்துள்ளது.

அங்கீகரிக்கப்படாத வீட்டு மனைகளை வகைப்படுத்த தமிழக அரசுக்கு சென்னை உயர் நீதிமன்றம்  கால அவகாசம் அளித்துள்ளது.

விளை நிலங்களை வீட்டு மனைகளாக மாற்றி பத்திரப்பதிவு செய்வதை எதிர்த்து வழக்குரைஞர் யானை ராஜேந்திரன் வழக்குத் தொடர்ந்தார்.

இந்த வழக்கு இன்று விசாரணைக்கு வந்த போது, தமிழக அரசு சார்பில் மேலும் கால அவகாசம் கோரப்பட்டது. இதையடுத்து அங்கீகரிக்கப்படாத வீட்டு மனைகளை வகைப்படுத்த தமிழக அரசுக்கு கால அவகாசம் வழங்கிய சென்னை உயர் நீதிமன்றம், வழக்கை பிப்ரவரி 27ம் தேதிக்கு ஒத்திவைத்துள்ளது.

அதுவரை விவசாய நிலங்களை வீட்டு மனைகளாகப் பத்திரப் பதிவு செய்ய தடை நீடிக்கிறது என்றும் உத்தரவில் குறிப்பிட்டுள்ளது.

மேலும், இந்த தடை உத்தரவால் மக்கள் பாதிக்கப்படுவதை அறிந்து அரசுதான் விரைவாக முடிவெடுக்க வேண்டும் என்றும் உத்தரவில் குறிப்பிட்டனர்.

ஜல்லிக்கட்டு அனுமதி சட்டத்துக்கு குடியரசுத் தலைவர் ஒப்புதல்.

ஜல்லிக்கட்டு அனுமதி சட்டத்துக்கு குடியரசுத் தலைவர் ஒப்புதல்.

ஜல்லிக்கட்டுப் போட்டிக்கு அனுமதி அளிக்க வகை செய்ய தமிழக அரசால் கொண்டு வரப்பட்ட சட்டத்துக்கு குடியரசுத் தலைவர் பிரணாப் முகர்ஜி ஒப்புதல் அளித்தார்.

தமிழகத்தில் பொங்கல் பண்டிகையைத் தொடர்ந்து இளைஞர்கள் மற்றும் பொதுமக்கள் நடத்திய தொடர் போராட்டத்தின் காரணமாக, தமிழக முதல்வர் பன்னீர்செல்வம் தலைமையிலான அரசு, ஜல்லிக்கட்டை நடத்த அனுமதி அளிக்க வகை செய்யும் அவசரச்சட்டத்தைக் கொண்டு வந்தது.

இந்த அவசரச் சட்டத்துக்கு மத்திய அரசும் ஒப்புதல் அளித்து குடியரசுத் தலைவரின் அனுமதியையும் பெற்றது. இதையடுத்து, தமிழக சட்டப்பேரவையின் சிறப்புக் கூட்டம் கூட்டப்பட்டு, உடனடியாக அவசரச் சட்டம் சட்டமாக ஒப்புதல் பெறப்பட்டது.

தமிழக சட்டப்பேரவையில் நிறைவேற்றப்பட்ட சட்டம் குடியரசுத் தலைவரின் ஒப்புதலுக்காக அனுப்பி வைக்கப்பட்டிருந்த நிலையில், இன்று அந்த சட்டத்தில் பிரணாப் முகர்ஜி கையெழுத்திட்டு, தமிழக மக்களின் போராட்டத்துக்கு முழு வெற்றியைத் தேடித்தந்துள்ளார்.

குடியரசுத் தலைவரின் கையெழுத்துப் பெறப்பட்டதை அடுத்து, இந்த சட்டம், இன்று மாலை அரசிதழில் வெளியிடப்படும் என்று எதிர்பார்க்கப்படுகிறது.

முன்னதாக, ஜல்லிக்கட்டு விவகாரம் உச்ச நீதிமன்றத்தில் நிலுவையில் இருக்கும் நிலையில், அரசியல் சாசனத்தில் காட்சிப்படுத்தும் விலங்குகள் பட்டியலில் இருந்து காளைகளுக்கு விலக்கு அளித்து மத்திய அரசு வெளியிட்ட அறிவிப்பாணையையும் உச்ச நீதிமன்றம் ரத்து செய்தது.

இதையடுத்து, ஜல்லிக்கட்டு தொடர்பாக விரைவாக தீர்ப்பளிக்குமாறு மத்திய, மாநில அரசுகள் வைத்த கோரிக்கையை நிராகரித்த உச்ச நீதிமன்றம், தீர்ப்பு எழுதப்பட்டுவருவதாகக் கூறியிருந்தது.

இந்த நிலையில் தமிழகத்தில் போராட்டம் வெடித்ததை அடுத்து, ஒரு வார காலத்துக்கு ஜல்லிக்கட்டுத் தொடர்பாக தீர்ப்பளிக்கக் கூடாது என்று தடை பெற்றது மத்திய அரசு என்பது குறிப்பிடத்தக்கது.

உள்ளாட்சித் தேர்தலை ஏப்ரலுக்குள் நடத்த முடியாது - தேர்தல் ஆணையம்

உள்ளாட்சித் தேர்தலை ஏப்ரலுக்குள் நடத்த முடியாது - தேர்தல் ஆணையம்

உள்ளாட்சித் தேர்தலை ஏப்ரல் 30ம் தேதிக்குப் பிறகே நடத்த முடியும் என்று தேர்தல் ஆணையம் தெரிவித்திருப்பதாக பேரவையில் தாக்கல் செய்யப்பட்ட சட்ட முன்வடிவில் தெரிவிக்கப்பட்டுள்ளது.

தமிழக அமைச்சர் எஸ்பி வேலுமணி சட்டப்பேரவையில் இன்று தாக்கல் செய்த அவசர சட்ட முன்வடிவில் உள்ளாட்சி அமைப்புகளுக்கான தனி அதிகாரிகளின் பதவிக் காலம் ஜூன் 30 வரை நீட்டிக்கப்பட்டுள்ளது.

இதில், உள்ளாட்சித் தேர்தலை ஏப்ரலுக்குள் நடத்த முடியாது என்று தேர்தல் ஆணையம் தெரிவித்திருப்பதாகவும், வாக்குப்பதிவு அலுவலர்கள் ஏப்ரல் மாதம் பள்ளி தேர்வுப் பணியில் ஈடுபடுவதால் ஏப்ரலுக்குள் தேர்தலை நடத்த சாத்தியமில்லை என்றும் தெரிவித்துள்ளதாகக் கூறப்படுகிறது.

மேலும், மார்ச் 2ம் தேதி முதல் ஏப்ரல் மாதம் வரை 10ம் வகுப்பு மற்றும் +2 தேர்வுகள் நடைபெற உள்ளன. எனவே, பல அரசுப் பள்ளிகளையும் உள்ளாட்சித் தேர்தலுக்கு பயன்படுத்த முடியாத நிலை ஏற்படும் என்றும் தெரிவிக்கப்பட்டுள்ளது.

TNPSC: அடுத்த வாரம் முதல் பல தேர்வுகளுக்கு தொடர்ந்து அறிவிப்பு வெளியாகும்

TNPSC: அடுத்த வாரம் முதல் பல தேர்வுகளுக்கு தொடர்ந்து அறிவிப்பு வெளியாகும்

இந்து சமய அறநிலைய ஆட்சித்துறை உதவி ஆணையர், உடற்கல்வி பயிற்சியாளர்,

ஜியாலஜிஸ்ட் பணிகளுக்கு விரைவில் தேர்வு: அடுத்த வாரம் முதல் தொடர்ந்து அறிவிப்பு வெளியாகும் | இந்து சமய அறநிலைய ஆட்சித்துறை உதவி ஆணையர், விடுதி கண்காணிப்பாளர் மற்றும் உடற்கல்வி பயிற்சியாளர், உதவி ஜியாலஜிஸ்ட் ஆகிய பதவிகளில் உள்ள காலியிடங்களை நிரப்ப டிஎன்பிஎஸ்சி விரைவில் தேர்வு நடத்தவுள்ளது. இதற்கான அறிவிப்புகள் அடுத்த வாரம் முதல் வெளியிடப்படும். தமிழக அரசின் பல்வேறு துறைகளுக்கு தேவைப்படும் ஊழியர்களும், அதிகாரிகளும் தமிழ்நாடு அரசு பணியாளர் தேர்வாணையம் (டிஎன்பிஎஸ்சி) மூலமாக தேர்வுசெய்யப்படுகிறார்கள். தேர்வுக்கு தயாராவோரின் வசதியைக் கருத்தில்கொண்டு டிஎன்பிஎஸ்சி ஆண்டுதோறும் கால அட்டவணையை வெளியிட்டு வருகிறது. அந்த அடிப்படையில், கடந்த 2016-17 தேர்வு கால அட்டவணையில் இடம்பெற்றுள்ள குரூப்-2, குரூப்-2ஏ, கிராம நிர்வாக அலுவலர் உள்ளிட்ட பல்வேறு தேர்வுகளுக்கு இன்னும் அறிவிப்பு வெளியிடப்படவில்லை. இதற்கு நிர்ணயிக்கப்பட்டிருந்த காலக்கெடு முடிவடைந்து பல மாதங்கள் ஆகிவிட்டன. இந்த நிலையில், கால அட்டவணையில் இடம்பெற்றுள்ள 3 தேர்வுகளுக்கான அறிவிப்புகளை அடுத்த வாரம் முதல் வெளியிட டிஎன்பிஎஸ்சி முடிவுசெய்துள்ளது. அவற்றின் மூலமாக உதவி ஜியாலஜிஸ்ட் பதவியில் 55 காலியிடங்களும், விடுதி கண்காணிப்பாளர் மற்றும் உடற்கல்வி பயிற்சியாளர் பதவி யில் 25 காலியிடங்களும், இந்து சமய அறநிலைய ஆட்சித்துறை உதவி ஆணையர் பதவியில் 3 இடங்களும் நிரப்பப்படும். முன்பு அறிவிக்கப்பட்டிருந்த காலியிடங்களைக் காட்டிலும் காலியிடங்களின் எண்ணிக்கை தற்போது கணிசமாக அதிகரித்துள்ளது. உதவி ஜியாலஜிஸ்ட் தேர்வுக்கு எம்.எஸ்சி. (ஜியாலஜி) படித்தவர்களும், விடுதி கண்காணிப்பாளர் மற்றும் உடற்கல்வி பயிற்சியாளர் பதவிக்கு உடற்கல்வியில் டிப்ளமோ முடித்தவர்களும், உதவி ஆணையர் பதவிக்கு பி.எல். பட்டதாரிகளும் விண்ணப்பிக்கலாம். முதலில் உடற்கல்வி பயிற்சியாளர் தேர்வு அறிவிப்பும் அதைத் தொடர்ந்து, எஞ்சிய 2 தேர்வுகளுக்கான அறிவிப்பும் வெளியிடப்படும் என்று டிஎன்பிஎஸ்சி அதிகாரி ஒருவர் 'தி இந்து'விடம் தெரிவித்தார். இதற்கிடையே நடப்பு ஆண்டுக்கான (2017-18) தேர்வு கால அட்டவணை தயாரிக்கும் பணியும் மும்முரமாக நடைபெற்று வருகிறது. கடந்த ஆண்டு அறிவிக்கப்பட்டு நிரப்பப்படாமல் இருக்கும் குரூப்-2, குரூப்-2-ஏ காலிப் பணியிடங்கள் புதிய தேர்வு கால அட்டவணையுடன் சேர்க்கப்பட இருப்பதால் அந்த பணிகளுக்கான காலியிடங்கள் மேலும் அதிகரிக்கும்.

TNTET - 2017 :இது குறித்த முதன்மைக் கல்வி அலுவலர்களுக்கான கூட்டம் சென்னை-6, ஆசிரியர் தேர்வு வாரியத்தில் 03.02.2017 (வெள்ளிக் கிழமை) அன்று காலை 11.00 மணியளவில் நடைபெற உள்ளது.

TNTET - 2017 :இது குறித்த முதன்மைக் கல்வி அலுவலர்களுக்கான கூட்டம் சென்னை-6, ஆசிரியர் தேர்வு வாரியத்தில் 03.02.2017 (வெள்ளிக் கிழமை) அன்று காலை 11.00 மணியளவில் நடைபெற உள்ளது.

TNTET-2017-ஆசிரியர் தகுதித் தேர்வு–2017 | போட்டி எழுத்துத்தேர்வு 2017 ஏப்ரல் மாத இறுதியில் நடைபெறவுள்ளது. இதற்கான அறிவிக்கை விரைவில் வெளியிடப்படவுள்ளது. இது குறித்த முதன்மைக் கல்வி அலுவலர்களுக்கான கூட்டம் சென்னை-6, ஆசிரியர் தேர்வு வாரியத்தில் 03.02.2017 (வெள்ளிக் கிழமை) அன்று காலை 11.00 மணியளவில் நடைபெற உள்ளது.

TNTET – 2017 குறித்த உண்மையான தகவல்கள் 

> TNTET – 2017 Tamil Nadu Teacher Eligibility Test – 2017 is going to be conducted in the last week of April. 

 > Separate Application Forms are designed for TNTET Paper I and Paper II. 

> Application Forms allocated to each Revenue District will be delivered to the Chief Educational Officers on or before 10.02.2017. 

> CEO has to allot to each DEO and then to each school. 

> Chief Educational Officers should handover theApplication Forms to the District Educational Officers in their jurisdiction and coordinate with the sale of Application Forms. 

> This time also like the previous TNTET, it is decided to sell the TNTET Application forms through selected Hr. Sec. Schools. 

> Application Forms should be shared between schools as and when there is necessity.

> A Coordinator can be appointed for 10 schools each with the officers like the District Elementary Education Officers, Personal Assistants and Deputy Inspectors with the work of sending the Application Forms to needy schools from the Chief Educational Offices. 

> TNTET Application Forms should be sold in theselected Hr. Sec. Schools from 9.00 AM to 6.00 PM from mid February'2017 to end of February'2017 tentatively 27.02.2017. 

> Selected Hr. Sec. School should sell the Application Forms from 09.00 AM to 06.00 PM onall working days (including Saturdays) with at least two staff members on duty. 

> It is strictly instructed that only ONE Application Form should be sold to each candidate. 

> Announcements may be made on the notice boards of Hr. Sec. Schools about the separate application forms for Paper I and Paper II and about the submission of filled-in Application Forms only in the District Educational Offices. 

> Chief Educational Officers should take personal care on the sale and receipt of Application Forms. II. Receipt of Filled-in Application Forms in the District Educational Offices. 1. At least 13 Teams (6+7 Teams for Paper I and Paper II) or more as per need may be formed for the receipt of Filled-in Application Forms in the District Educational Offices. 

> These Teams should check the filled-in Application Forms to ensure whether all the particulars are filled-in and the Challan for the payment of examination fee is attached. 

> The Teams should issue an acknowledgement on the xerox copy of the Application Form as prescribed by the TRB (in Annexure III) and it should be duly signed by the head of the Team without fail. 

> Last date for Sale of Application Forms tentatively 27-02- 2017 and receipt of Filled-in Application forms in the District Educational Offices on 28.02.2017 should be closed at 05.00 PM without fail.

'எய்ம்ஸ்' நுழைவு தேர்வுக்கு விண்ணப்பிக்க பிப்., 23 கடைசி

'எய்ம்ஸ்' நுழைவு தேர்வுக்கு விண்ணப்பிக்க பிப்., 23 கடைசி

அகில இந்திய மருத்துவ கல்வி நிறுவனமான, எய்ம்ஸ் கல்லுாரிகளில் சேருவதற்கான நுழைவு தேர்வுக்கு, பிப்., 23 வரை விண்ணப்பிக்கலாம் என, அறிவிக்கப்பட்டுள்ளது.

மத்திய அரசு கட்டுப்பாட்டில், டில்லி உட்பட, நாடு முழுவதும் ஏழு இடங்களில், எய்ம்ஸ் மருத்துவ கல்லுாரிகள் உள்ளன. இவற்றில், எம்.பி.பி.எஸ்., படிப்பில் சேர, எய்ம்ஸ் மருத்துவ நுழைவு தேர்வில் தேர்ச்சி பெற வேண்டும்.

வரும் கல்வி ஆண்டிற்கு, மே, 28ல், 'ஆன்லைன்' வழியில் நுழைவு தேர்வு நடக்கும் என, எய்ம்ஸ் அறிவித்து உள்ளது. இதற்கான, ஆன்லைன் விண்ணப்பப் பதிவு, ஜன., 24ல் துவங்கியது. பிப்., 23 மாலை, 5:00 மணிக்குள் விண்ணப்பிக்கலாம் என, அறிவிக்கப்பட்டுள்ளது. இது குறித்த கூடுதல் தகவல்களை, http://www.aiimsexams.org/ என்ற இணையதள முகவரியில் தெரிந்து கொள்ளலாம்.

'நீட்' தேர்வு வந்தாலும் மாநில மாணவர்களுக்கே முன்னுரிமை

'நீட்' தேர்வு வந்தாலும் மாநில மாணவர்களுக்கே முன்னுரிமை

''எம்.பி.பி.எஸ்., - பி.டி.எஸ்., படிப்புக்கு, 'நீட்' தேர்வு வந்தாலும், 85 சதவீத, அரசு இடங்கள் மாநில அரசால் நிரப்பப்படும்,'' என, சி.பி.எஸ்.இ., நிர்வாக குழு உறுப்பினர்தெரிவித்தார்.

சென்னையில், 'தினமலர்' நடத்திய, 'நீட்' தேர்வு வழிகாட்டி நிகழ்ச்சியில், சி.பி.எஸ்.இ., நிர்வாக குழு உறுப்பினர், அஜீத் பிரசாத் ஜெயின் பேசியதாவது: 'நீட்' தேர்வில், கடந்த ஆண்டு விதிமுறைகளில், இந்த ஆண்டு மாற்றம் வர வாய்ப்புள்ளது. 15 ஆண்டு களாக, 'நீட்' தேர்வு நடத்தப்படுகிறது. இளநிலை படிப்பு மட்டுமின்றி, முதுநிலை படிப்புக்கும், 'நீட்' தேர்வு உண்டு. கடந்த ஆண்டு முதல், இந்த நுழைவுத் தேர்வை கட்டாயமாக்கி, உச்ச நீதிமன்றம் உத்தரவிட்டுள்ளது.

இந்த ஆண்டு, அனைத்து மாநிலங்களிலும், 'நீட்' தேர்வு கட்டாயமாகும் என, தெரிகிறது. ஆனாலும், மாநில அரசின் இட ஒதுக்கீடுகளில் பெரிய அளவில் மாற்றம் வராது. மத்திய அரசின், 15 சதவீத இடங்களுக்கு, 'நீட்' மதிப்பெண்ணின் படி, அகில இந்திய அளவில் தரவரிசை பட்டியல் வெளியிடப்படும்.

மற்ற, 85 சதவீத மாநில இடங்களில், 'நீட்' தேர்வு மதிப்பெண் படி, அந்தந்த மாநில அரசுகளே, மாநில மாணவர்களுக்கு, 'அட்மிஷன்' வழங்கும். வெளிநாட்டு மாணவர் கள், வெளிநாடு வாழ் இந்தியர்களுக்கு, 'நீட்' தேர்வு கிடையாது; மாணவர் சேர்க்கையும் கிடையாது. அதேபோல், வெளிநாடுகளில், 'நீட்' தேர்வு மையமும் கிடையாது.

'எய்ம்ஸ்' எனப்படும், அகில இந்திய மருத்துவ அறிவியல் நிறுவனம், ஜிப்மர் எனப்படும், ஜவஹர்லால் நேரு மருத்துவ உயர்கல்வி நிறுவனத்தில் சேர, 'நீட்' மதிப்பெண் கணக்கில் எடுக்கப்படாது. அவற்றுக்கென தனியாக தேர்வு நடத்தப்படுகிறது. ஜிப்மர் தேர்வில், புதுச்சேரி மாணவர்களுக்கு மட்டும், மதிப்பெண்ணில் சலுகை அளிக்கப்படுகிறது.இவ்வாறு அவர் பேசினார்.

விதிமுறைகள் மாற வாய்ப்பு

வரும் ஆண்டில், 'நீட்' விதிமுறைகளில், மாற்றங்கள் வரலாம். பிப்., முதல் வாரத்தில், அதிகாரபூர்வமாக, 'நீட்' தேர்வு தேதி அறிவிக்கப்படும். இந்த தேர்வில், தவறான விடைகளுக்கு, நான்கில் ஒரு பங்கு மதிப்பெண், மைனஸ் மதிப்பெண்ணாக கழிக்கப்படும். அதேபோல், 'நீட்' தேர்வுக்கு விண்ணப்பிக்க ஆதார் எண், கட்டாயம் வேண்டும் என, அறிவிக்கப்பட்டுள்ளது.

தேர்வை, சி.பி.எஸ்.இ., நடத்தினாலும், மத்திய அரசு அங்கீகரித்த, அனைத்து மாநில பாடத்திட்டங்களையும் ஒருங்கிணைத்து தான், வினாத்தாள் அமைக்கப்படும். தேர்வு எழுத செல்லும் மாணவர்கள், ஆடைகள், ஆபரணங்கள் அணிவதில் கட்டுப்பாடுகள் விதிக்கப்பட்டுள்ளன. அவற்றை மீறினால், தேர்வு மையத்திற்குள் அனுமதி கிடைக்காது.

NEET EXAM:விரைவில் மாதிரி நுழைவு தேர்வு

NEET EXAM:விரைவில் மாதிரி நுழைவு தேர்வு

தமிழக மாணவர்கள், மருத்துவ படிப்புக்கான, 'நீட்' தேர்வில் வெற்றி பெறும் வகையில், விரைவில், 'தினமலர்' சார்பில், மாதிரி தேர்வு நடத்தப்பட உள்ளது.
'தினமலர்' சார்பில், எம்.பி.பி.எஸ்., - பி.டி.எஸ்., மருத்துவ படிப்புக்கான, 'நீட்' தேர்வுக்கான வழிகாட்டி கருத்தரங்கம், சென்னையில் நேற்று நடந்தது. இதில், ஏராளமான மாணவ, மாணவியர் மற்றும் பெற்றோர்

ஆர்வத்துடன் பங்கேற்றனர்.

இந்நிலையில், மாணவர்களின் அச்சத்தை போக்கும் வகையிலும், அவர்களுக்கு வழிகாட்டும் வகையிலும், 'நீட்' தேர்வு குறித்த மாதிரி நுழைவு தேர்வை, 'தினமலர்' நடத்த உள்ளது. இந்த தேர்வு, எங்கே, எப்போது நடத்தப்படும் என்ற விபரங்கள், 'தினமலர்' நாளிதழில், விரைவில் அறிவிக்கப்படும்.

தேர்வுகளை விழாவாக பாருங்கள்: மாணவர்களுக்கு மோடி அறிவுரை

தேர்வுகளை விழாவாக பாருங்கள்: மாணவர்களுக்கு மோடி அறிவுரை

'தேர்வுகளை, விழாவாக கருத வேண்டும்; மன அழுத்தம் ஏற்படுத்தும் விஷய மாக பார்க்கக் கூடாது. தேர்வில் அதிக மதிப்பெண் பெற, மாணவர்கள், அதிகமாக புன்னகைக்க வேண்டும்,'' என, பிரதமர், நரேந்திர மோடி கூறியுள்ளார்.

'மன் கீ பாத்' எனப்படும், 'மனதின் குரல்' ரேடியோ நிகழ்ச்சியில், நேற்று, பிரதமர் நரேந்திர மோடி ஆற்றிய உரை:

தேர்வு என்பதை, வாழ்க்கைக்கான சோதனை யாக மாணவர்கள் கருதக்கூடாது. தேர்வை, மன அழுத்தம் ஏற்படுத்தும் விஷயமாக பார்க்காமல், மாணவர்களும், பெற்றோரும்,
விழாவாக நோக்க வேண்டும். தேர்வில் அதிக மதிப்பெண் பெற, அதிகமாக புன்னகையுங்கள்.

மாணவர்கள், தேர்வுக்காக படிக்கையில், அவ்வப் போது ஓய்வு எடுக்க வேண்டும். ஓய்வு பெற்ற மனம், அதிகளவில் நினைவில்கொள்ளும் திறனை பெறுகிறது. பிறருடன் போட்டி போடுவதை காட்டி லும், தன்னுடன் போட்டி போடும் மனப்பாங்கை மாணவர்கள் வளர்த்துக் கொள்ள வேண்டும். பிரபல கிரிக்கெட் வீரர் சச்சின் டெண்டுல்கர், பிறர் சாதனை களுடன் போட்டியிடாமல், தன் சாதனைகளை முறியடிக்கும் நோக்கில் போட்டி போடுவதை வழக்கமாக வைத்திருந்தார்.

கடந்த ஓர் ஆண்டில், படித்த விஷயங்களை வெளிப் படுத்தும் அரிய வாய்ப்பு, தேர்வு; அதை எதிர் கொள் வதில் பேரார்வத்தை மாணவர்கள் வைத்திருக்க வேண்டும். தேர்வை சந்தோஷமாக எதிர் கொள்வோர், அதிக மதிப்பெண்களை பெறுவது நிச்சயம். மதிப்பெண் பெறுவதற்காக மட்டுமே மாணவர்கள் படித்தால், குறுக்கு வழிகளை தேடும் எண்ணம் உதிக்கும். மாறாக, அறிவை பெருக்கும் நோக்கில், படிக்க வேண்டும்.

மதிப்பெண்களும், மதிப்பெண் பட்டியலும், குறைந்தளவு பயனையே அளிக்கும். அறிவு, திறன், தன்னம்பிக்கை,அர்ப்பணிப்பு போன்றவை, வாழ்க்கையில் என்றும் உபயோகமாக இருக்கும்.

மறைந்த முன்னாள் ஜனாதிபதி அப்துல் கலாம், விமானப்படை தேர்வில் தோல்வி அடைந்தார். அந்த தோல்வியை அவர் ஏற்றுக் கொள்ளாமல் இருந்திருந்தால், மாபெரும் விஞ்ஞானியை, ஜனாதிபதியை இந்தியா பெற்றிருக்க முடியாது. இவ்வாறு அவர் பேசினார். 

விண்வெளி பயணத்தால் மரபணு மாற்றம் நிகழும்! - நாசா !!

விண்வெளி பயணத்தால் மரபணு மாற்றம் நிகழும்! - நாசா !!

விண்வெளி ஆராய்ச்சிக்காக மனிதர்கள் சென்று ஆராய்ச்சி மேற்கொண்டு பூமிக்கு திரும்புவது வழக்கம். இதனால், மனிதர்களின் உடலில் ஏதேனும் மாற்றங்கள் நிகழ்கிறதா என்ற கேள்வி பல ஆண்டுகளாக வைக்கப்படுகின்றது. ஒரு தரப்பு இருக்கின்றது என்றும், மற்றொரு தரப்பு இல்லை என்றும் இரண்டு வித பதில்கள் உலாவி வருகின்றன.

இந்நிலையில் விண்வெளிப் பயணங்களால் மனிதர்களின் மரபணு அளவில் மாறுபாடு ஏற்பட வாய்ப்பிருப்பதாக அமெரிக்க விண்வெளி ஆய்வு மையமான நாசா தெரிவித்துள்ளது. விண்வெளியில் ஒருவருடத்துக்கு மேல் செலவிட்ட அமெரிக்க விண்வெளி வீரர் ஸ்காட் கெல்லி மற்றும் அவருடன் பிறந்த இரட்டையரான மார்க் கெல்லி ஆகியோரிடம் நடத்திய ஆய்வின் முடிவில் நாசா இவ்வாறு தெரிவித்துள்ளது. ஸ்காட் கெல்லி, கடந்த 2015-16ம் ஆண்டுகளில் சுமர் 340 நாட்களை விண்வெளியில் ஆராய்ச்சியின் காரணமாக பயணித்துள்ளார். இது பூமியில் அவரது வாழ்நாளில் 520 நாட்களுக்கு சமமானதாகும்.

இதுகுறித்து பேசிய நியூயார்க்கின் வீல் கார்னர் பல்கலைக்கழக மரபணு ஆய்வுத்துறை தலைவர் கிறிஸ்டோபர் மேசன், விண்வெளிப் பயணத்தால் ஸ்காட் மற்றும் அவரது சகோதரர் இடையிலான குரோசோம் அளவில் மாற்றங்கள் நிகழ்ந்துள்ளது. அதில் ஏற்பட்டிருக்கும் மாற்றங்களை கண்டறியப்பட்டுவிட்டதாகவும் தெரிவித்துள்ளார். அதேபோல டிஎன்ஏ செயல்பாட்டிலும் மாறுபட்டு காணப்படுவதாகவும் அவர் கூறினார். இதற்கான துல்லியமான காரணம் இதுவரை கண்டறியப்படவில்லை என்று மேரிலேண்ட்டில் உள்ள ஜான்ஸ் ஹோப்கின்ஸ் பல்கலைக்கழக ஆய்வாளர் ஆண்ட்ரூ பீன்பெர்க் கூறியுள்ளார்.

அங்கீகாரம் இல்லாத பள்ளிகளை முறைப்படுத்த அரசாணை: அமைச்சர் மாஃபா பாண்டியராஜன்

அங்கீகாரம் இல்லாத பள்ளிகளை முறைப்படுத்த அரசாணை: அமைச்சர் மாஃபா பாண்டியராஜன்

தமிழகத்தில் உரிய அங்கீகாரம் இல்லாமல் செயல்பட்டு வரும் பள்ளிகளை முறைப்படுத்த விரைவில் அரசாணை

வெளியிடப்படும் என பள்ளிக் கல்வித் துறை அமைச்சர் மாஃபா பாண்டியராஜன் தெரிவித்துள்ளார்.

கோவை மாநகராட்சி நேரு விளையாட்டு அரங்கம் அருகே புதிய உள்விளையாட்டு அரங்கம் அமைக்கப்படும் இடத்தை பள்ளிக் கல்வி, இளைஞர் நலன், விளையாட்டுத் துறை அமைச்சர் மாஃபா பாண்டியராஜன், நகராட்சி நிர்வாகத் துறை அமைச்சர் எஸ்.பி.வேலுமணி ஆகியோர் ஞாயிற்றுக்கிழமை பார்வையிட்டனர்.

இதுகுறித்து மாஃபா பாண்டியராஜன் செய்தியாளர்களுக்கு அளித்த பேட்டி:
விளையாட்டுத் துறையை மேம்படுத்த தமிழக அரசு தனிக் கவனம் செலுத்தி வருகிறது. அனைத்துப் பகுதிகளிலும் விளையாட்டு மைதானங்கள் அமைக்க நடவடிக்கை மேற்கொள்ளப்பட்டு வருகிறது. தமிழகத்தில் அனைத்து உள்கட்டமைப்பு வசதிகளுடன் கூடிய விளையாட்டு மைதானங்கள், உள்விளையாட்டு அரங்குகள் அமைக்கப்பட்டு வருகின்றன.

அதனடிப்படையில், கோவை மாவட்டத்தில் சர்வதேசத் தரத்துடன் கூடிய உள்விளையாட்டு அரங்கம் ரூ. 3.85 கோடி மதிப்பில் அமைக்கப்படவுள்ளது. இதற்காக நகரின் மையப் பகுதியில் 5.63 ஏக்கர் பரப்பிலான மாநகராட்சி இடம் தேர்வு செய்யப்பட்டுள்ளது. இதில், நீச்சல் குளம், கைப்பந்து, டென்னிஸ், தடகளத் தளங்களுடன் பல்வேறு உள்அரங்குகளும், விடுதி வசதியும் அமைக்கப்படவுள்ளன என்றார்.

பின்னர், தமிழகத்தில் உரிய அங்கீகாரம் இல்லாத பள்ளிகளை முறைப்படுத்த விரைவில் அரசாணை வெளியிடப்படும் என செய்தியாளர்களின் கேள்விக்கு அவர் பதிலளித்தார்.

இதைத் தொடர்ந்து, மாவட்ட மைய நூலகத்துக்குச் சென்று அரசு அருங்காட்சியகத்தை அமைச்சர்கள் பார்வையிட்டனர்.
அப்போது, அவர்கள் கூறியதாவது: கொங்கு நாட்டு வரலாறு அனைத்துப் பகுதிகளுக்கும் சென்றடையும் விதமாக ரூ. 2 கோடி மதிப்பில் புதிய அருங்காட்சியகம் அமைக்க உத்தரவிடப்பட்டுள்ளது. அதற்கான இடம் தேர்வு செய்யப்பட்டு பணிகள் விரைவில் துவங்கும். தவிர ஒரே இடத்தில் எல்லோரும் காணும் விதமாக அகழாய்வு அருங்காட்சியகமும் அமைக்க நடவடிக்கை மேற்கொள்ளப்பட்டுள்ளது என்றனர்.

ஆய்வின்போது, மாவட்ட ஆட்சியர் த.ந.ஹரிஹரன், சட்டப் பேரவை உறுப்பினர்கள் பி.ஆர்.ஜி.அருண்குமார், வி.சி.ஆறுக்குட்டி, அம்மன் அர்ச்சுணன், மாநகராட்சி துணை ஆணையர் ப.காந்திமதி, விளையாட்டுத் துறை மண்டல முதுநிலை மேலாளர் ராஜமகேந்திரன், மாவட்ட விளையாட்டு அலுவலர் ஸ்டான்லி மேத்யூ உள்ளிட்ட பலர் கலந்து கொண்டனர்.

டிரம்ப் முடிவிற்கு அமெரிக்க ஐ.டி., நிறுவனங்கள் கடும் எதிர்ப்பு !!

டிரம்ப் முடிவிற்கு அமெரிக்க ஐ.டி., நிறுவனங்கள் கடும் எதிர்ப்பு !!

7 நாடுகளை சேர்ந்தவர்களை அமெரிக்காவில் அனுமதிக்க தடை விதிக்கும் அதிபர் டிரம்ப் முடிவிற்கு

மைக்ரோசாப்ட், கூகுள், ஆப்பிள் உள்ளிட்ட நிறுவனங்கள் எதிர்ப்பு தெரிவித்துள்ளன.

சிரியா நாட்டு அகதிகள், அமெரிக்காவில் நுழைய, அதிபர் டொனால்டு டிரம்ப் தடை விதித்துள்ளார். ஈராக், ஈரான் உள்ளிட்ட ஆறு நாடுகளை சேர்ந்தவர்களை,
அடுத்த, 90 நாட்களுக்கு, அமெரிக்காவில் அனுமதிக்க தடை விதிக்கும் நிர்வாக உத்தரவிலும், டிரம்ப் கையெழுத்திட்டு உள்ளார்.

*இது தொடர்பாக மைக்ரோசாப்ட் நிறுவன சி.இ.ஓ., நாதெல்லா கூறியதாவது:*
நானும் குடியேறி வந்தவன் தான். சி.இ.ஓ., என்ற அனுபவத்தில், குடியேற்றத்தினால் ஏற்பட்டுள்ள நல்ல பலன்களை நான் உணர்ந்துள்ளேன். இந்த பலன்கள் நமது நிறுவனம், அமெரிக்கா மற்றும் உலகிற்கு நல்லது. இந்த முக்கியமான விஷயத்தில் நாம் தொடர்ந்து போராடுவோம் எனக்கூறினார்.

*மைக்ரோசாப்ட் நிறுவனத்தின் பிராட் ஸ்மித் கூறியதாவது:*
 புதிய உத்தரவால் ஊழியர்கள் பாதிக்கப்பட்டுள்ளனர். குடியேற்ற பிரச்னை, மைக்ரோசாப்ட் நிறுவனத்தின் பல ஊழியர்களுக்கு முக்கியமான விஷயம். இந்த விவகாரத்தை பல முறை நாதெல்லா பேசியுள்ளார். நிறுவனம் என்ற அடிப்படையில், வலிமையான அதிக கற்றறிந்த மக்கள் குடியேறுவதில் தவறில்லை என்பதில் உறுதியாக உள்ளோம் எனக்கூறியுள்ளார்.

*கூகுள் நிறுவனத்தின் சுந்தர் பிச்சை கூறியதாவது:*
 இந்த உத்தரவு, திறமையானவர்களை அமெரிக்கா கொண்டு வருவதில் பல பிரச்னைகளை ஏற்படுத்தும் எனக்கூறியுள்ள அவர், வெளிநாடு சென்ற தனது ஊழியர்களை திரும்பி வருமாறு இமெயில் அனுப்பியுள்ளார்.

*டிரம்ப் முடிவிற்கு எதிர்ப்பு தெரிவித்துள்ள பேஸ்புக் நிறுவனத்தின் சி.இ.ஓ., மார்க் ஜூக்கர்பெர்க் கூறியதாவது,*
நாட்டை பாதுகாக்க வேண்டியது முக்கியமானது. அதேநேரத்தில், அச்சுறுத்தல் உள்ள நபர்களை மட்டும் தடுக்க வேண்டும். உதவி தேவைப்படுபவர்களுக்கும், அகதிகளுக்கும் கதவுகளை திறுந்து வைக்க வேண்டும் எனக்கூறியுள்ளார்.

விரைவில் வங்கி சேவையை தொடங்குகிறது தபால் துறை.

விரைவில் வங்கி சேவையை தொடங்குகிறது தபால் துறை.

இந்திய தபால் துறை வர்த்தக ரீதியாகப் பேமென்ட்ஸ் வங்கி சேவையை தொடங்கவுள்ளது.

 இன்னும் ஒரு வார காலத்தில் ராஞ்சி மற்றும் ராய்ப்பூரில் சோதனை அடிப்படையில் இந்திய தபால் வங்கி சேவை (India Post Payments Bank) தொடங்குவதாக தபால் துறை வட்டாரங்கள் தெரிவித்துள்ளன.

 வங்கி சேவை தொடங்க கடந்த 2015ம் ஆண்டு ஆகஸ்ட் மாதம் இந்திய ரிசர்வ் வங்கியிடம் உரிமம் பெற்றது குறிப்பிடத்தக்கது.

NMMS QUESTION PAPERS - 2017 DOWNLOAD

NMMS QUESTION PAPERS - 2017 DOWNLOAD

CLICK HERE TO DOWNLOAD SAT QUESTIONS - 2017

CLICK HERE TO DOWNLOAD MAT QUESTIONS - 2017

பணிபுரிந்து கொண்டே போட்டி தேர்விற்கு படிப்பது எப்படி?

பணிபுரிந்து கொண்டே போட்டி தேர்விற்கு படிப்பது எப்படி?

பணிபுரிந்து கொண்டே போட்டி தேர்விற்கு படிப்பது எப்படி?

How to prepare for competitive exams while doing a job

தனியார் துறையில் வேலை, ஓய்வில்லாத உழைப்பு, சனி- ஞாயிறு அன்று கூட விடுமுறை இல்லை, தினமும் கூடுதல் நேர வேலை, என்னதான் உழைத்தாலும் அதேற்கேற்ற அங்கீகாரம் இல்லை, ஐம்பதாயிரம் சம்பளம் வாங்கினால் கூட எப்போது வீட்டுக்கு அனுப்புவார்களோ என்ற கவலை, பணி நிரந்தரம் இன்மையால் மன அமைதியில் குழப்பம், அலுவலக அரசியல். இவற்றை எல்லாம் மனதில் வைத்து ஒரு அரசு வேலையை வாங்கிவிட வேண்டும் என்ற கனவுடனும், அதே நேரம் தற்போது பார்த்துக் கொண்டு இருக்கிற வேலையை விட முடியாமலும் பல்வேறு சகோதர/சகோதரிகள் தவித்து வருகின்றனர். அவர்களுக்கானது என்னுடைய இந்தப் பதிவு.

1. முதலில் வேலைபார்த்துக் கொன்டே போட்டி தேர்வுகளுக்கு படிப்பவர்களுக்கு இருக்கும் மிகப் பெரிய சவால், படிப்பதற்கு போதுமான நேரம் இல்லாமை. வீட்டில் இருந்து முழு நேரம் இத் தேர்வுகளுக்கு படிப்பவர்களுடன் போட்டி போட வேண்டிய நிலைமை. அவர்கள் ஒரு நாளில் படிக்கும் பாடத்தை படிக்க நமக்கு 2 அல்லது 3 நாட்கள் ஆகலாம்.

எனவே, நீங்கள் எந்த எந்த வழிகளில் உங்கள் பொன்னான நேரம் செலவாகிறது என்பதனை கண்டறிந்து குறைக்க வேண்டும். டிவி பார்ப்பது, அடிக்கடி அவசியம் இன்றி வெளியே போவது, பொழுது போக்கில் அதிக நேரம் போன்ற அனாவசிய நேர செலவுகளை குறைத்துக் கொண்டு அந்த நேரங்களில் படிக்கலாம். குறைந்த பட்சம் உங்களால் நாள் ஒன்றிற்கு 4 மணி வரை படிக்க முடியும்.

2. சனி, ஞாயிறு மற்றும் பண்டிகை போன்ற விடுமுறை நாட்களை முழுவதுமாக பயன்படுத்தி நீண்ட நேரம் படிக்கலாம்.

3. உங்களுக்கு CL, PL போன்ற விடுமுறை வாய்ப்புகள் இருந்தால் தேவை இல்லாமல் பயன்படுத்த வேண்டாம். தேர்வு நேரங்களில் அந்த வாய்ப்புகளைப் பயன்படுத்திக் கொண்டு படிக்கலாம்.

4. அலுவலகத்தில் வேலை ஏதும் இன்றி, சும்மா இருப்பதாக நீங்கள் கருதினால், கைக்கு அடக்கமான பேப்பர்களில் (பிட்டு பேப்பர் போன்று) பாடக் குறிப்புகளை உங்களுக்கு புரியுமாறு எழுதி வைத்துக் கொண்டு நினைவு படுத்தலாம். ஆனால் இதனை அலுவலகத்தில் வேறு யாரிடமும் சொல்லக் கூடாது.

5. கூடுமான வரை அடிக்கடி நீண்ட தூர பயணங்களை தவிருங்கள், அவ்வாறு தவிர்க்க இயலாது செல்ல வேண்டி இருப்பின் அந்த பயண நேரங்களை படிப்பதற்குப் பயன்படுத்திக் கொள்ளலாம்.

6. உங்களது சிறு சிறு வேலைகளை பகிர்ந்து கொள்ள நல்ல நண்பர்கள், குடும்ப உறுப்பினர்கள் இருப்பின் அவர்களிடம் ஒப்படைத்து விட்டு படிக்கலாம்.

7. கல்யாணம் ஆகாமல் தனியாக அறையில் தங்கி இருப்பவர் என்றால், சமைக்க, துணி துவைக்க என்று நேரம் செலவிடாமல் மாற்று ஏற்படுகளை செய்து விட்டு அந்த நேரத்தில் படிக்கலாம்.

8. எக் காரணத்தைக் கொண்டும் நீங்கள் அரசு வேலைக்கு முயன்று கொண்டு இருப்பதை அலுவலகத்தில் யாரிடமும் தெரிவிக்க வேண்டாம். நீங்கள் தற்செயலாக விடுப்பு எடுத்தாலும் படிப்பதற்கு லீவு போட்டு விட்டார் என்று கதையை கிளப்புவார்கள்.

9. உங்கள் மேலாளர், உங்கள் அணி தலைவர் என்று எவரிடமும் நீங்கள் படிப்பதனை சொல்லக் கூடாது. அவர்களுக்கு தெரிந்தால் காழ்ப்புணர்ச்சியின் காரணமாக உங்களை வேறு விதமாக நடத்த வாய்ப்புகள் அதிகம் உள்ளது. வேண்டும் என்றே விடுமுறை தர மறுப்பது, நீண்ட நேரம் அலுவலகத்தில் இருக்க வைப்பது, நீங்கள் வேலையில் ஏதேனும் தவறு செய்து விட்டால் நீங்கள் படிப்பதனை காரணம் காட்டி, உங்கள் கவனம் அலுவலகத்தில் இல்லை இன்று கூறுவது இப்படி உங்களை மறைமுகமாக தாக்கலாம்.

10. ஆயிரம் பொய் என்பது திருமணத்திற்க்காக மட்டும் அல்ல, அரசு வேலைக்காகவும் சொல்லலாம். தேர்வு நேரங்களில் விபத்து, டைபாய்டு காய்ச்சல் என்று எதையாவது கூறி குறைந்தது ஒரு 10 நாட்கள் விடுமுறை எடுத்து விடுங்கள். ஏனென்றால், படிப்பதற்கு - பரீட்சைக்கு என்று நீங்கள் விடுமுறை கேட்டால் எந்த அலுவலகத்திலும் தர மாட்டார்கள். சம்பளம் குறைக்கப்பட்டாலும் பரவாயில்லை. நிம்மதியாக இறுதிக் கட்டத்தில் படிக்கலாம்.

11. ஒரு அலுவலகத்தில் இருந்து நீங்கள் வேறு ஒரு அலுவலகத்திற்கு மாற வேண்டிய சூழ்நிலை இருப்பின், உடனடியாக புதிய அலுவலகத்தில் சேர்ந்து விடாதீர்கள். அதிகமாக ஒரு 20 முதல் 30 நாட்கள் வரை கழித்து புதிய அலுவலக பணியில் சேருங்கள். இந்த பொன்னான நாட்களை நன்கு படிக்க பயன்படுத்தலாம்.

12. அலுவலக ரீதியாக வெளி ஊர்களுக்குச் செல்ல வேண்டி இருப்பின், அல்லது அங்கு தங்க வேண்டி இருப்பின் பாடப் புத்தகங்களை படிப்பதற்கு உடன் எடுத்துச் செல்லலாம்.

13. TNPSC யைப் பொறுத்த வரை, நீங்கள் வேலைபார்த்துக் கொண்டே உங்களது மொழி பாடத்தில் 90+ வாங்க முடிகிறது என்றால், உங்கள் வருமானத்தை நம்பி உங்கள் குடும்பம் இல்லை என்றால், உங்களுக்கு பொருளாதார ரீதியாக உதவிகள் செய்ய மனிதர்கள் இருப்பின் முக்கியமான தேர்வு அறிவிப்பிற்கு முன்பு குறைந்த பட்சம் ஒரு 6 மாதத்திற்கு முன்பு வேலையை விட்டு விட்டு தன் நம்பிக்கையுடன் படிக்கலாம். வெற்றி நிச்சயம்.

14. உங்களது சம்பளத்தில் கொஞ்சம் சேமித்து வைத்துக் கொண்டு ராஜினாமா செய்து விட்டு படிக்கும் கால கட்டத்தில் பயன்படுத்திக் கொள்ளலாம்.

15. வேலையை எந்த தேர்விற்க்காக விட போகிறோம் என்பதில் கவனமாக இருக்க வேண்டும்.

தீண்டாமை ஒழிப்பு உறுதிமொழியை அனைத்து கல்வி நிறுவனங்களும், பள்ளிகளும் 30.01.2017 காலை 11.00 மணிக்கு மேற்கொள்ள, தொடக்க கல்வி இயக்குநர் அவர்களின் செயல்முறைகள்

தீண்டாமை ஒழிப்பு உறுதிமொழியை அனைத்து கல்வி நிறுவனங்களும், பள்ளிகளும் 30.01.2017 காலை 11.00 மணிக்கு மேற்கொள்ள, தொடக்க கல்வி இயக்குநர் அவர்களின் செயல்முறைகள்

CLICK HERE-DEE - UNTOUCHABLE DAY - 30.01.2017 - ANTI-UNTOUCHABILITY DAY                                                 OBSERVANCE REG PROC & PLEDGE

ஆதார் எண் அடிப்படையில் பணபரிவர்த்தனைகளை விரைவில் செயல்படுத்த மத்திய அரசு முடிவு - மத்திய அமைச்சர் ரவிசங்கர் பிரசாத் தகவல்.

ஆதார் எண் அடிப்படையில் பணபரிவர்த்தனைகளை விரைவில் செயல்படுத்த மத்திய அரசு முடிவு - மத்திய அமைச்சர் ரவிசங்கர் பிரசாத் தகவல்.

ஆதார் எண் அடிப்படையில் பணபரிவர்த்தனை:

 உயர் மதிப்பிலான ரூபாய்நோட்டு வாபஸ் பெறப்பட்ட பிறகுபணத்தட்டுப்பாடு உருவானதால்மக்கள் வேறு வழியின்றி கார்டு,

ஆன்லைன் போன்ற டிஜிட்டல்பரிவர்த்தனைக்கு மாறினர்.

 இதற்காக சமீபத்தில் கூடஸ்மார்ட் போன்களுக்காக 'பீம்' என்ற புதிய செயலியை மத்தியஅரசு அறிமுகம் செய்தது.

          இந்நிலையில், ஆதார் எண்அடிப்படையில் அனைத்துபரிவர்த்தனைகளையும்செயல்படுத்த மத்திய அரசுஉத்தேசித்துள்ளது.

 இதுகுறித்து மத்திய தகவல்தொழில்நுட்பத்துறை அமைச்சர்ரவிசங்கர் பிரசாத் நேற்றுகூறியதாவது.

 ஆதார் அடிப்படையில் பணம்செலுத்தும் முறை விரைவில்அறிமுகம் செய்யப்படஇருக்கிறது.

 இதன்படி, வணிகர்களிடம்பொருட்கள் வாங்கிவிட்டு பணம்செலுத்த மொபைல் போன் கூடஎடுத்துச்செல்ல வேண்டாம்.

 தங்களது ஆதார் எண்ணைகூறினால் போதும். பயோமெட்ரிக் முறையில் பணத்தைசெலுத்திவிடலாம்.

  தற்போது ஆதார் பேமன்ட்முறையில் 14 வங்கிகள்இணைந்துள்ளன.

  இந்த சேவைகள் விரைவில்வழங்கப்பட இருக்கிறது.

 பிற வங்கிகளிடமும் இந்ததிட்டத்தில் இணைவதுதொடர்பாக பேசி வருகிறோம்.

 பீம் ஆப், யுபிஐ ஆகியவையும்ஆதார் அடிப்படையில்இயங்குவதுதான்.

 நாடு முழுவதும் 111 கோடி பேர்ஆதார் எண் பெற்றுள்ளனர். 49 கோடி வங்கி கணக்குகளுடன்ஆதார் எண்இணைக்கப்பட்டுள்ளது.

 மாதத்துக்கு 2 கோடிகணக்குகளில் ஆதார் எண்சேர்க்கப்பட்டு வருகிறது.

  எனவே, ஆதார்அடிப்படையிலானபரிவர்த்தனை வெகு விரைவில்செயல்படுத்தப்படும்.

இவ்வாறு ரவிசங்கர் பிரசாத்கறினார்

​​TNPSC தேர்வுக்கு தயார் செய்பவர்களுக்கு​...

       ​​TNPSC தேர்வுக்கு தயார் செய்பவர்களுக்கு​...

 ​TNPSC SYLLABUS (அனைத்து  தேர்வுக்கும் )​ 

              https://goo.gl/iOaZae

 ​பழைய பள்ளிப்   புத்தகம் (தமிழ்நாடு  அரசு )​
    6  முதல் 10 வரை
      (தமிழ் ,அறிவியல் ,சமூக அறிவியல் )

             https://goo.gl/Ni6k2k

 ​சமச்சீர் கல்வி   புத்தகம் (தமிழ்நாடு  அரசு )​
          6  முதல் 10 வரை
        (தமிழ் ,அறிவியல் ,சமூக அறிவியல் )

             https://goo.gl/q7UmY6

 ​சமச்சீர் கல்வி   புத்தகம் (தமிழ்நாடு  அரசு )​
    6  முதல் 10 வரை
    (தமிழ் ,அறிவியல் ,சமூக அறிவியல் )
    ​ஆங்கில வழிக்கல்வி​

             https://goo.gl/IYczqz

 ​பள்ளிப்   புத்தகம் (தமிழ்நாடு  அரசு )​
     11  முதல் 12  வரை

            https://goo.gl/X4thfa

 ​பழைய  கேள்வித்தாள்​

           https://goo.gl/PQwWh5

INCOME TAX : வருமானவரிப் படிவம் நிரப்ப, மாத ஊதிய பட்டியல் (Pay slip) நகல் எடுக்க..

INCOME TAX : வருமானவரிப் படிவம் நிரப்ப, மாத ஊதிய பட்டியல் (Pay slip) நகல் எடுக்க..

💶 மாதவாரியான ஊதிய விபரங்களைக் குறித்து வைக்கத் தவறியோர் வருமானவரிப் படிவத்தினை நிரப்பிட ஏதுவாகத் தங்களின்,


🔶 ஊதியப்பட்டியல் (Pay Slip)

🔷 ஆண்டு வருமான அறிக்கை (Annual Income Statement)

உள்ளிட்ட விபரங்களைப் பின்வரும் இணைய முகவரியில் இருந்து தரவிறக்கம் செய்து கொள்ளலாம்.

Click here to Download 👉 

http://epayroll.tn.gov.in/epayslip/

இதற்கான உள்நுழைவுச் சொற்களாகத் தங்களின்
💻 ஓய்வூதியக் கணக்கு எண் & பிறந்த தேதி யைக் குறிப்பிட வேண்டும்.

 கல்வித்துறையில்
💵 பழைய ஓய்வூதியத் திட்டத்தினருக்கு TPF-ம்

💷 தன்பங்கேற்பு ஓய்வூதியத்தினருக்கு EDN-ம் பின்னிணைப்புச் சொல் (SUFFIX) ஆகும்.

💴 மற்ற துறையினருக்கு அவர்கள் துறையின் பெயர் சார்ந்த சுருக்கச் சொற்களை இடவும்.

💶 தொடக்க கல்வி துறை PTPF என இடவும்

   ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆

🔵 ஊதியப்பட்டியல் (Pay Slip)

🍁 தாங்கள் சார்ந்த ஊதிய அலுவலகத்தால் கருவூலகச் செலுத்து எண்ணின் வழியே தரவேற்றம் செய்திருந்தால் மட்டுமே தங்களின் ஊதியப் பட்டியலைத் தரவிறக்க இயலும்.

    ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆

🔵 ஆண்டு வருமான அறிக்கை (Annual Income Statement)

🍁 இதில், கூட்டுறவு & காப்பீட்டுப் பிடித்தங்கள் இருக்காது. ஆனால் ஊதியப் பட்டியலில் முழு விபரங்களும் இருக்கும்.

🍁 ஒரு சில நேரங்களில் ஊதிய / பஞ்சப்படி நிலுவை, ஒப்படைப்பு ஊதியம் உள்ளிட்டவை OFF-LINE மென்பொருளில் ஏற்றப்பட்டிருப்பின் அவ்விபரங்களை மேற்கண்ட இணைப்பில் காண இயலாது.

🍁 எனவே, அதுபோன்ற விடுபட்ட விபரங்களைக் காண பின்வரும் இணைய இணைப்பில் சென்று கேட்கப்படும் தாங்கள் சார்ந்த விபரங்களை உள்ளீடு செய்து, தங்களின் நிகர ஊதியத் தொகையை அறியலாம்.

Click here to Download 👉  ஆண்டு வருமான அறிக்கை (Annual Income Statement)


( http://treasury2.tn.gov.in/Public/gpf.aspx )

🍁 ஊதிய அலுவலகச் செயல்பாட்டைப் பொறுத்து முதலில் உள்ள இணைய இணைப்பிலேயே நமக்குத் தேவையான அனைத்து விபரங்களும் கிடைத்து விடும்.

NMMS Exam - 2017 : MAT - SAT | Tentative Answer Key [New]

NMMS Exam - 2017 : MAT - SAT | Tentative Answer Key [New]

தேசிய மனித உரிமை ஆணையத்தில் காலிப்பணியிடங்கள் !!

தேசிய மனித உரிமை ஆணையத்தில் காலிப்பணியிடங்கள் !!

தேசிய மனித உரிமை ஆணையத்தில் நிரப்பப்பட உள்ள அதிகாரி, உதவி பதிவாளர் மற்றும் முதுகலை ஆராய்ச்சி அதிகாரிகள் உள்ளிட்ட பல்வேறு பணியிடங்களுக்கான அறிவிப்பு வெளியிடப்பட்டுள்ளது.

 இதற்கு தகுதியும் விருப்பமும் உள்ளவர்களிடமிருந்து பிப்.28-ஆம் தேதிக்குள் விண்ணப்பங்கள் வரவேற்கப்படுகின்றன.

மாநில அளவிலான மனித வள கருத்தரங்கு!

மாநில அளவிலான மனித வள கருத்தரங்கு!

சென்னை பல்கலைக்கழகத்தின் கீழ் இயங்கிவரும் மெட்ராஸ் ஸ்கூல் ஆப் சோசியல் வொர்க் ( madras school of social work, MSSW)

மனிதவள படிப்புக்கான மிக பிரபலமான கல்லூரி. இக்கல்லூரி இந்தியாவிலேயே மனித வள படிப்புக்கான பிரபலமான கல்லூரிகளில் மூன்றாவது இடத்தைப் பிடித்து சிறந்து விளங்குகிறது மற்றும் தமிழ்நாட்டின் முதல்நிலை கல்லூரியாகவும் திகழ்கிறது. இது 1952ஆம் ஆண்டு மேரிக்லுப் வாலாஜதாவ்
என்பவரால் தொடங்கப்பட்டது. சென்னை காசாமேஜர் சாலை, எழும்பூரில் அமைந்திருக்கும் இக்கல்லூரியில் எம்.எஸ்.டபிள்யு (MSW), பி.எஸ்.டபிள்யு (BSW), எம்.ஏ.எச்ஆர்எம் (M.A HRM), இளங்கலைஉளவியல் ( B.sc., psychology), முதுகலை உளவியல் (M.sc., psychology), எம்எச்ஆர்எம் (MHRM) & ஓடி (OD), டிஎம் (DM) போன்ற பாடத்துறைகள் உள்ளன. ராஜா சாமுவேல் இக்கல்லூரியின் முதல்வராக இருக்கிறார்.

இங்கு ஒவ்வொரு ஆண்டும் மாநில அளவிலான மனிதவள கருத்தரங்கு நடைபெறும். இதில் மனிதவளத் துறையைச் சேர்ந்த தமிழ்நாட்டு மாணவர்கள் ஆர்வத்துடன் பங்கேற்கிறார்கள். இந்நிகழ்வின் சிறப்பு விருந்தினர்களாக பல முன்னணி கார்ப்பரேட் நிறுவனங்களைச் சார்ந்த மனிதவள ஆர்வலர்கள் பங்கேற்று மாணவர்களுக்கு துறைசார்ந்த பல நுட்பங்களை கற்றுத் தருகிறார்கள். இந்தக் கருத்தரங்கில், மனிதவளத் துறை தலைவி டாக்டர்.ஜெயந்தி பீட்டர் தலைமையில் பல முன்னணி கார்ப்பரேட் நிறுவனங்களின் மனிதவள நிபுணர்களான வினோத் செல்லம் பத்தோடி (founder& chairman – bactrak Pvt ltd), குருபரன் சுவாமிநாதன் (chennai HR head-TCS BPS) சந்திரசேகர் (AVP CUMS), சுரேஷ்பாபு (Head India HR, Bonfiglioli), வீராசுவாமி (IR Head, ITC ltd) விஜய்குமார் (Plant Head HR, Pfizer), சார்லஸ் காட்வின் (Global BP HR, MNC) ஏஞ்சலின் ஜெயசீலன் (Asso. Director HR, CSC) ஜோசப் ஆப்ரகாம் (CEO and founder, Skillingly) சுஜித்குமார் (President, NHRD & HR Business leader, INFOSYS) ஆகியோர் பங்கேற்றனர்.

இந்த நிகழ்ச்சி அண்ணா சாலையில் உள்ள ரெயின்ட்டிரீ ஹோட்டலில், காலை 9.30 மணியளவில் தொடங்கி மாலை 5.30 மணியளவில் நிறைவடைந்தது. இப்படி ஒவ்வொரு ஆண்டும் நடத்தப்படும் இக்கருத்தரங்கில் பயன்பெற்றவர்கள், பல்வேறு முன்னணி நிறுவனங்களில் மனிதவள மேம்பாட்டுத் துறை நிபுணர்களாக உருப்பெறுகின்றனர் என்றால் அது மிகையாகாது

வெளிநாட்டு குளிர்பானங்களை புறக்கணிக்கும் மக்கள்: சமூக ஊடகங்கள் மூலம் பெருகும் விழிப்புணர்வு

வெளிநாட்டு குளிர்பானங்களை புறக்கணிக்கும் மக்கள்: சமூக ஊடகங்கள் மூலம் பெருகும் விழிப்புணர்வு

பொதுமக்களிடையே ஏற்பட்டுள்ள விழிப்புணர்வு காரணமாக வெளிநாட்டு குளிர்பானங்களின் விற்பனையில் கடும் சரிவு ஏற்பட்டுள்ளது.
 தமிழகத்தில் கடந்த சில நாள்களுக்கு முன்பு நடைபெற்ற ஜல்லிக்கட்டு போராட்டத்தில் அமெரிக்காவைச் சேர்ந்த விலங்குகள் நல வாரிய அமைப்பான பீட்டாவுக்கு பொதுமக்கள் கடும் எதிர்ப்பைத் தெரிவித்தனர். வெளிநாட்டைச் சேர்ந்த ஒரு தன்னார்வ அமைப்பு தமிழகத்தின் பாரம்பரியம், கலாசாரம் சார்ந்த விளையாட்டு நடைபெறுவதற்கு பெரும் சவாலாகவும், தடையாகவும் இருந்து வருகிறது. எனவே அமெரிக்கா உள்பட வெளிநாட்டு நிறுவனங்களின் குளிர்பானங்களை வாங்கக் கூடாது போன்ற வாசகங்கள் சமூக வலைதளங்களில் இளைஞர்களால் அதிகம் பகிரப்பட்டது. இதே வாசகங்களை ஜல்லிக்கட்டு போராட்ட பாதாகைகளிலும் பரவலாக காண முடிந்தது.
 வெளிநாட்டு குளிர்பானங்களாக பெப்சி, கோக் ஆகியவற்றின் விற்பனையை தமிழகத்தில் தடை செய்ய வேண்டும் என கோரிக்கை வலுப்பெற்றது. இதைத் தொடர்ந்து இளைஞர்கள், பொதுமக்களின் உணர்வுக்கு மதிப்பளிக்கும் வகையில் ஜனவரி 26 முதல் அவற்றை விற்க மாட்டோம் என தமிழ்நாடு வணிகர் சங்க பேரவை தலைவர் த.வெள்ளையனும், மார்ச் 1-ஆம் தேதி முதல் விற்க மாட்டோம் என வணிகர் சங்க பேரமைப்பின் தலைவர் ஏ.விக்கிரமாராஜாவும் கடந்த 23-ஆம் தேதி தெரிவித்தனர்.
 5 நாள்களில் ஏற்பட்ட விழிப்புணர்வு: இந்தநிலையில் சென்னையில் திருவல்லிக்கேணி, கே.கே.நகர், அடையாறு, ஆவடி உள்பட நகரில் முக்கியப் பகுதிகளில் உள்ள குளிர்பான விற்பனைக் கடைகள், வணிக வளாகங்கள், திரையரங்குகளில் கடந்த 5 நாள்களாக பெப்சி, கோக் உள்ளிட்ட வெளிநாட்டு குளிர்பானங்களின் விற்பனை வெகுவாக குறைந்துள்ளது.
 இது குறித்து சென்னை திருவல்லிக்கேணியைச் சேர்ந்த குளிர்பான மொத்த வியாபாரி வி.பி.மணி, ஆவடி பேருந்து நிலையத்தில் குளிர்பான கடை வைத்திருக்கும் வி.அய்யாதுரை ஆகியோர் உள்பட சென்னையைச் சேர்ந்த மொத்த வியாபாரிகள் கூறியது:
 வழக்கமாக எங்களது கடைகளில் தினமும் 15 முதல் 25 பெட்டிகள் அதாவது 250 முதல் 500 பாட்டில்கள் வரை பெப்சி, கோக் உள்ளிட்ட வெளிநாட்டு குளிர்பானங்கள் விற்பனையாகும்.
 ஆனால் கடந்த சில நாள்களாக நாளொன்றுக்கு இரண்டு பெட்டிகள் (48 பாட்டில்கள்) விற்பதே அரிதாக உள்ளது. 200 மி.லி. கொண்ட சிறிய பாட்டில்கள், டின் முதல் 2 லிட்டர் பாட்டில் வரை உள்ள வெளிநாட்டு குளிர்பானங்கள் அதிகளவில் தேக்கமடைந்து விட்டன.
 வாங்க மறுத்த மாணவர்கள்...: குறிப்பாக மாணவர்கள் பெப்சி, கோக் வாங்குவதை அடியோடு நிறுத்தி விட்டனர். அவர்களிடம் கேட்டால் அந்த குளிர்பானங்கள் உடலுக்கு நல்லதல்ல. அவற்றை வாங்க வேண்டாம் என ஆசிரியர்கள் அறிவுறுத்தியுள்ளனர் என்று கூறுகின்றனர். அதேபோன்று எங்கள் குழந்தைகள் இவற்றை விரும்புவதில்லை என்று கூறி பெற்றோரும் வாங்குவதில்லை. மாறாக உள்ளூர் நிறுவனங்களைச் சேர்ந்த சோடா, கலர், குளிர்பானங்களை வாங்கிச் செல்கின்றனர். ஜல்லிக்கட்டு போராட்டம், சமூக ஊடகங்கள் மூலம் அதிவிரைவாக ஏற்பட்டுள்ள விழிப்புணர்வே இந்த மாற்றத்துக்கு வழிவகுத்துள்ளது. உடலுக்கு தீங்கு விளைவிக்கும் வெளிநாட்டு குளிர்பானங்களை குடிக்க மாட்டோம் என்ற இளைஞர்களின் உணர்வுக்கு மதிப்பளித்து எங்களது ஆதரவை தெரிவித்துக் கொள்கிறோம்.
 அந்த குளிர்பானங்கள் மூலம் கிடைக்கும் லாபத்தைப் பற்றி எங்களுக்கு எந்தக் கவலையும் இல்லை. ஏனெனில் உடலுக்கு கேடு விளைவிக்காத உள்ளூரைச் சேர்ந்த தரமான குளிர்பானங்களை விற்றாலும் நல்ல லாபம் கிடைக்கும். மார்ச் 1-ஆம் தேதி வரை எங்களுக்கு அவகாசம் இருந்தாலும் மக்கள் பெரும்பாலும் புறக்கணித்ததால் அடுத்த முறை பெப்சி, கோக் குளிர்பானம் எங்களுக்கு வேண்டாம் என விநியோகஸ்தர்களிடம் உறுதிபடத் தெரிவித்து விட்டோம்.
 அரசின் ஆதரவு அவசியம்: வெளிநாட்டு குளிர்பானங்களை வாங்கக் கூடாது என்பதில் மக்கள் மிகுந்த உறுதியுடன் உள்ளனர். அவர்களுக்கு ஆதரவளிக்கும் வகையில் வெளிநாட்டு குளிர்பான நிறுவனங்களுக்கு வழங்கப்படும் மின்சாரம், நிலம், தண்ணீர் எடுக்கும் அனுமதி ஆகியற்றை அரசு ரத்து செய்வதோடு உள்ளூர் குளிர்பான உற்பத்தியாளர்களை ஊக்குவிக்கும் நடவடிக்கைகளை மேற்கொள்ள வேண்டும் என்றனர்.
 இது குறித்து குளிர்பான விநியோகஸ்தர்கள் ராஜா, சதீஷ் ஆகியோர் கூறுகையில், சென்னையின் பல்வேறு கடைகளில் எஞ்சியுள்ள வெளிநாட்டு குளிர்பானங்களை திரும்ப பெற்றுக் கொள்ளும்படி கடை உரிமையாளர்கள் தொடர்ந்து வலியுறுத்துகின்றனர். உள்ளூரைக் காட்டிலும் வெளிநாட்டு நிறுவனங்களின் குளிர்பானங்களே இங்கு விற்பனையாகும். இதனால் எங்களின் வேலைவாய்ப்பு பாதிக்கப்பட்டுள்ளது என்றாலும், மக்களின் உணர்வை வரவேற்கிறோம் என்றனர்.
"முழுமையாக வெற்றி பெறுவோம்'

வெளிநாட்டு குளிர்பானங்களை விற்க மாட்டோம் என்பதில் உறுதியாக இருப்பதுடன் அதில் முழுமையான வெற்றி காண்போம் என வணிக சங்கங்களின் மாநில தலைவர்கள் தெரிவித்துள்ளனர்.
 தமிழ்நாடு வணிகர் சங்க பேரவையின் தலைவர் த.வெள்ளையன்: வெளிநாட்டு குளிர்பானங்கள் குறித்து பொதுமக்கள் மத்தியில் இவ்வளவு விரைவாக விழிப்புணர்வு ஏற்பட்டுள்ளதைப் பார்க்கும்போது பெருமையாக உள்ளது.
 இது இளைஞர்கள், பொதுமக்கள், வியாபாரிகளின் கூட்டு முயற்சியால் கிடைத்த வெற்றி. முழுமையாக வெற்றி பெறும் வரை விழிப்புணர்வு ஏற்படுத்துவோம்.
 சில்லறை வணிகத்தைப் பாதிக்கும் வெளிநாட்டு குளிர்பானங்களை வாங்க மறுக்கும் மக்களுக்கும், எங்களது கோரிக்கையை ஏற்ற வியாபாரிகளுக்கும் நன்றி. தமிழ்நாடு வணிகர் சங்க பேரமைப்பின் தலைவர் ஏ.எம்.விக்கிரமராஜா: சென்னையில் மட்டுமல்ல தமிழகம் முழுவதும் வெளிநாட்டு குளிர்பானங்களின் விற்பனை அடியோடு நிறுத்தப்படும். அதற்கான நடவடிக்கைகளில் ஈடுபட்டு வருகிறோம். பொதுமக்களின் மத்தியில் ஏற்பட்டுள்ள இந்த தன்னெழுச்சியால் வெளிநாட்டு பொருள்களின் மீதுள்ள மோகம் குறைந்து உள்நாட்டு பொருள்களின் மீதான மதிப்பு அதிகரிக்கும்.
 உள்ளூர் குளிர்பான வியாபாரிகளின் உற்பத்தி மேம்படுத்துவதற்கான சலுகைகளை அரசு அறிவிக்க வேண்டும் என்றார்.

- தினமணி

7 கோடி குழந்தைகளுக்கு போலியோ சொட்டு மருந்து: திட்டத்தைத் தொடங்கி வைத்தார் குடியரசுத் தலைவர்

7 கோடி குழந்தைகளுக்கு போலியோ சொட்டு மருந்து: திட்டத்தைத் தொடங்கி வைத்தார் குடியரசுத் தலைவர்

இந்தியாவில் 5 வயதுக்குள்பட்ட 17 கோடி குழந்தைகளுக்கு போலியோ சொட்டு மருந்து வழங்குவதற்கான திட்டத்தை, குடியரசுத் தலைவர் பிரணாப் முகர்ஜி சனிக்கிழமை தொடங்கி வைத்தார்.
 போலியோவை முற்றிலுமாக ஒழித்துள்ள இந்தியா, அந்த நிலையைத் தக்க வைத்துக் கொள்ளும் வகையில் குழந்தைகளுக்கு போலியோ சொட்டு மருந்து அளிக்கும் திட்டத்தை ஆண்டுதோறும் செயல்படுத்தி வருகிறது.
 நடப்பு ஆண்டுக்கான இந்தத் திட்டத்தை, குடியரசுத் தலைவர் பிரணாப் முகர்ஜி, தில்லியில் சனிக்கிழமை தொடங்கி வைத்தார்.
 தேசிய நோய் எதிர்ப்பு தினத்தையொட்டி நடைபெற்ற இந்த நிகழ்ச்சியில், குழந்தைகளுக்கு போலியோ சொட்டு மருந்து அளித்து அவர் திட்டத்தைத் தொடங்கி வைத்தார்.
 இந்த நிகழ்ச்சியில், மத்திய சுகாதாரத் துறை அமைச்சர் ஜே.பி. நட்டா, இணையமைச்சர்கள் அனுப்ரியா படேல், ஃபக்கன் சிங் குலஸ்தே ஆகியோர் பங்கேற்றனர்.
 நிகழ்ச்சியில் ஜே.பி. நட்டா பேசியதாவது: பாகிஸ்தான், ஆப்கானிஸ்தான், நைஜீரியா ஆகிய நாடுகளில் போலியோ நோய் ஒழிக்கப்படாமல், அந்த வைரஸ் இன்னமும் வலம் வந்துகொண்டிருக்கிறது.
 இந்தச் சூழலில், முற்றிலும் போலியோ ஒழிக்கப்பட்ட இந்தியாவுக்குள் அந்த நோய் மீண்டும் நுழைவதைத் தடுக்கும் வகையில், வரும் முன் காக்கும் தடுப்பு மருந்துத் திட்டத்தை முனைப்புடன் செயல்படுத்த வேண்டியது அவசியமாகிறது. தேசிய அளவிலும், மாநிலங்கள் அளவிலும் போலியோ நோய் கண்காணிப்பு தீவிரமாக செயல்படுத்தப்படுகிறது. குழந்தைகள் இறப்பு விகிதத்தைக் குறைப்பதில் நோய்த் தடுப்பு மருந்துகள் முக்கியப் பங்கு வகிக்கின்றன.
 விரைவில், தட்டம்மை - மணல்வாரியம்மை நோய்களுக்கான தடுப்பு மருந்தும், வயிற்றுப்போக்கு, விஷக் காய்ச்சல் (நிமோனியா), மூளைக் காய்ச்சல் ஆகிய நோய்களுக்கான தடுப்பு மருந்தும் நாடு முழுவதும் குழந்தைகளுக்கு வழங்கும் திட்டம் பல கட்டங்களாகச் செயல்படுத்தப்படும் என்றார் நட்டா

முதல் பரிசு பெற்று பார்வையாளர்களை கவர்ந்த அவ்வூர் தொடக்கப்பள்ளி மாணவர்களின் பறை இசை நடனம்

முதல் பரிசு பெற்று பார்வையாளர்களை கவர்ந்த அவ்வூர் தொடக்கப்பள்ளி மாணவர்களின் பறை இசை நடனம்

கல்வியாளர்கள் சங்கமம்

கல்வியாளர்கள் சங்கமம்

*கல்வியாளர்கள் சங்கமம்*
ஒரு வாட்ஸ் அப் குழுவாகத் தொடங்கப்பட்டு இன்று அங்கீகாரம் பெற்ற ஒரு அமைப்பாக உயர்ந்திருக்கிறது எனச் சொன்னால் அதற்கு முழுக்காரணமும் தன் பணிமீதும் மாணவர்கள் நலன்மீதும் அக்கறை கொண்டு
புதிதாய் கற்கவேண்டும், என்னவெல்லாம் முடியுமோ அது அத்தனையும் செய்யவேண்டும்...
வருங்கால தலைமுறை நலமாய் வாழ நம்மால் இயன்றதைச் செய்வோம் இயன்றவரை என கரம்கோர்த்து ஒன்றுகூடிய ஆசிரியப்பெருமக்களே காரணமாகும்...

ஆசிரியர்கள் என்றால் பணிக்காலத்தில் கூட பணி செய்யமாட்டார்கள், ஒரு ரூபாயை நல்ல நோக்கத்திற்காக செலவு செய்ய மாட்டார்கள் என போலி மாயையினை உடைத்து தமது சொந்தப்பணத்தை செலவு செய்து விடுமுறைக்காலங்களிலும் மாநிலத்தின் பல பகுதிகளில் இருந்தும் ஒன்றுகூடி கல்விமுன்னேற்றத்திற்காக பாடுபடுவார்கள் என்பதற்கு ஆகச்சிறந்த உதாரணம்
*கல்வியாளர்கள் சங்கமம்*

2016 ஜுலை 9, 10 ல் காரைக்குடியில் சங்கமித்தோம்...

2016 அக்டோபர் 1,2 ல்
கரூரில் சங்கமித்தோம்....

இப்பொழுது 2017
பிப்ரவரி 11,12ல் கடலூரில்
சங்கமிக்கபோகிறோம்...

*மாற்றங்களை உருவாக்குவோம்*

மாற்றங்களை உருவாக்கிய
உருவாக்க நினைக்கும்
ஆசிரியர்களின் அனுபவப் பகிர்வு

*வலைப்பூக்கள்*

தனி வலைத்தளம்
இணையதளம் மூலம் அளப்பரிய சேவைகள் செய்துவரும் ஆசிரியர்களின் பங்கேற்பு

*கலைச்சிற்பிகள்*
தனித்திறன்கள் மூலம் தனித்துவத்துடன் திகழும் பல்துறை வித்தகர்களாகத் திகழும் ஆசிரியர்களின் அனுபவப் பகிர்வு

*இவ்வளவுதான் தொழில்நுட்பம்*

*ஆசிர்* சாரின் அசத்தலான தகவல் தொழில்நுட்ப வகுப்பு

*பாரம்பரியம் காப்போம்*

தமிழரின் அடையாளம் காக்கும் விளையாட்டுக்களும், கலைகளும் ஒரு பார்வை

*உள்ளங்கையில் உலகம்*

ஸ்மார்ட் போன்...மூலம் என்னவெல்லாம் செய்ய முடியும்..ஒரு வியப்புப் பார்வை

*நில் கவனி செல்*

அன்றாடச் செயல்பாடுகளில் அசத்தும் அறிவியல் ஒரு புரிதல்

*பளிச் வகுப்பறை*

வண்ணமயமான வகுப்பறையை நம் எண்ணங்களைக் கொண்டு எளிதாக மாற்றும் கலையை வசப்படுத்தும் வகுப்பு

*எல்லோரும் கொண்டாடுவோம்*

சப்தமில்லாமல் சாதித்த நம் சமீபத்திய சாதனையாளர்கள்
உங்கள் பார்வைக்கு...

*பொம்மை பொம்மை பொம்மை பார்*

பொம்மலாட்ட மன்னன் *தாமஸ் ஆண்டனியின்* செய்முறை வகுப்பு

*புத்தம் புதுபூமி வேண்டும்*

தமிழகத்தையே நம்மை திரும்பிப் பார்க்க வைக்கும்
ஓர் உன்னதப் பயணம் கடலூர் சங்கமத்தில் தொடங்கப்போகிறோம்

இவைகளுடன்...

*சன் டிவி* புகழ்
*சொல்லரசி*
அன்னபாரதியின்
*புன்னகை மலர்கள்*

முனைவர். மணிமேகலையின்
*பெண்கல்வியும் பாதுகாப்பும்*

சாகித்ய அகாடமியின் மேனாள் ஆலோசனைக்குழு உறுப்பினர்
கவிஞர் தங்கம் மூர்த்தியின்
*தமிழா தமிழால் தரணி ஆள்வாய்* 

*புதிய தலைமுறை* ஆசிரியர்
எம்.பி.உதயசூரியனின்
*வாழ்வது ஒரு முறை வாழ்த்தட்டும் தலைமுறை*
அர்த்தமுள்ள வாழ்க்கையை வாழ வழிகாட்டும் உரைவீச்சு

அத்துடன் அசத்தலாய் ஒரு பட்டிமன்றம்
*ஈகோ! வரமா!! சாபமா!!!*

வரவேற்கிறேன்....
சி.சதிஷ்குமார்
மாநில ஒருங்கிணைப்பாளர்
9994119002

கடலூர் சங்கமத்தில் பங்கேற்க...
பங்கேற்புக் கட்டணம்
ரூ.1200
கீழ்காணும் ஏதெனும் ஒரு வங்கிக் கணக்கில் செலுத்தவும்...

State Bank of India
villupuram
D.NADANASIGAMANI
SB.  A/C No 11053221835
IFSC Code SBIN0000949

E.Rajalakshmi.
  state bank of india.
  Block 2.Neiveli
A/C NO. 10895182485.
IFSC CODE NO SBINO000958

பங்கேற்க அழைக்கிறேன்.... பிறரும் பங்கேற்க
பகிர்ந்துகொள்ளுங்கள்..

நன்றி

11, 12ம் வகுப்பு மாணவர்களுக்கு அம்மா கிட்ஸ் வழங்கப்படும்.

11, 12ம் வகுப்பு மாணவர்களுக்கு அம்மா கிட்ஸ் வழங்கப்படும்.

தமிழக அரசின் சார்பில் மாணவ - மாணவிகளுக்கு விலையில்லா மிதிவண்டி வழங்கும் நிகழ்ச்சி தண்டையார்பேட்டையில் உள்ள முருகதனுஷ்கோடி பெண்கள் மேல்நிலைப்பள்ளியில் நேற்று நடந்தது. இந்நிகழ்ச்சிக்கு பள்ளி தாளாளர் பிரேம்குமார் தலைமை தாங்கினார்.
தமிழக அரசு பள்ளிக் கல்வித் துறை அமைச்சர் பாண்டியராஜன் கலந்துகொண்டு சுமார் 800 பேருக்கு விலையில்லா மிதிவண்டிகளை வழங்கினர். இதையடுத்து நிருபர்களிடம் அமைச்சர் மாபா பாண்டியராஜன் கூறியதாவது:

‘‘இன்னும் ஒரு சில மாதங்களில் அரசு மற்றும் அரசு உதவிபெறும் பள்ளிகளில் 11, 12ம் வகுப்புகளில் படிக்கும் மாணவ- மாணவிகள் அனைவருக்கும் அம்மா கிட்ஸ் எனப்படும் கணிதம் மற்றும் அறிவியலுக்கான உபகரணங்கள் வழங்கப்படும். காமராஜருக்கு அடுத்து ஜெயலலிதா ஆட்சியில்தான் 99 சதவிகிதம் அரசு உதவி பெறும் பள்ளிகளைஉருவாக்கி இதுபோன்ற உதவிகள் செய்யப்படுகிறது.இவ்வாறு அமைச்சர் பாண்டியராஜன் கூறினார்.

தமிழக உள்ளாட்சித் தேர்தல் பள்ளி கோடை விடுமுறை நேரத்தில் தானா..?

தமிழக உள்ளாட்சித் தேர்தல் பள்ளி கோடை விடுமுறை நேரத்தில் தானா..?

தள்ளி போகும் உள்ளாட்சி தேர்தல் கமிஷனருக்கு பதவி நீட்டிப்பு உண்டா?

தமிழக உள்ளாட்சித் தேர்தல் தள்ளிப்போகும் இத்தருணத்தில், மாநில தேர்தல் கமிஷனர் பதவிக்காலம் நீட்டிக்கப்படுமா என்ற கேள்வி எழுந்துள்ளது.

உள்ளாட்சி தேர்தலை தள்ளிப் போட, ஆளும் தலைமை விரும்புகிறது. மேலும் பள்ளித் தேர்வுகள் நெருங்கி விட்டதால் தேர்தலை நடத்த முடியாத நிலை, மாநில தேர்தல் கமிஷனுக்கு ஏற்பட்டு உள்ளது. பள்ளி கோடை விடுமுறை நேரத்தில் தான்,உள்ளாட்சி தேர்தல் நடக்கும் என கூறப்படுகிறது.
தற்போது, தனி அதிகாரிகளால், உள்ளாட்சி அமைப்புகள் நிர்வகிக்கப்பட்டு வருகின்றன. இதற்கிடையில், மாநில தேர்தல் கமிஷனர் சீதாராமனின் பதவிக்காலம், மார்ச் 21ல் முடிகிறது. அவருக்கு பதவி நீட்டிப்பு வழங்கப்படுமா என்ற கேள்வி எழுந்துள்ளது.
இதுகுறித்து, தேர்தல் கமிஷன் வட்டாரத்தில் கூறப்படுவதாவது:
கடந்த, 2011ல், அ.தி.மு.க., ஆட்சி வந்ததும், சோ.அய்யர், மாநில தேர்தல் கமிஷனராக நியமிக்கப்பட்டார்; அதே ஆண்டு, தேர்தலை நடத்தி முடித்தார். அவரது பதவிக் காலம், 2013ல் முடிந்த பின், இரண்டு ஆண்டுகள் அவருக்கு பதவி நீட்டிப்பு வழங்கப்பட்டது.
இது, 2015 மார்ச்சில் முடிவுக்கு வந்ததால், மறைந்த முதல்வர் ஜெயலலிதாவால், புதிய தேர்தல் கமிஷனராக சீதாராமன் நியமிக்கப்
பட்டார். அவர், இரண்டு ஆண்டு பதவியில் தொடர்வார் என, அறிவிக்கப்பட்டது. அதன்படி, அவரது பதவிக்காலம், வரும் மார்ச் 21ல் முடிகிறது. தேர்தலுக்கான அனைத்து ஏற்பாடுகளையும் அவரே செய்துள்ளார். வழக்கு விவகாரங்களையும் கவனித்து
வருகிறார்.
எனவே, தேர்தல் நடத்தப்படும் வரை அவரே பதவியில் நீடிப்பாார் என, எதிர்பார்க்கப்படுகிறது. இதற்கிடையில், கமிஷனர் பதவியை பிடிக்க, சில ஓய்வுபெற்ற ஐ.ஏ.எஸ்., அதிகாரிகள், போயஸ் தோட்டத்தில் காய் நகர்த்த துவங்கி விட்டனர்.
இவ்வாறு அந்த வட்டாரத்தில் கூறப்படுகிறது.

ஜி.எஸ்.எல்.வி., மார்க்-3 ராக்கெட் இன்ஜின் சோதனை வெற்றி: இஸ்ரோ

ஜி.எஸ்.எல்.வி., மார்க்-3 ராக்கெட் இன்ஜின் சோதனை வெற்றி: இஸ்ரோ

பெங்களூரு: உள்நாட்டிலேயே தயாரிக்கப்பட்ட கிரையோஜெனிக் இன்ஜின் சோதனை வெற்றி பெற்றதாக இஸ்ரோ தெரிவித்துள்ளது. இதுகுறித்து, இஸ்ரோ மையம் வெளியிட்டுள்ள செய்தியில், " கிரையோஜெனிக் இன்ஜின் சோதனை வெற்றி

ஜி.எஸ்.எல்.வி.,-3 ராக்கெட் திட்டத்தில் ஒரு மைல்கல். இந்த ஆண்டு இறுதியில் ஜி.எஸ்.எல்.வி-3 ராக்கெட் விண்ணில் ஏவப்படும்" என தெரிவிக்கப்பட்டுள்ளது.

EMIS UPDATE- IMPORTANT GUIDELINES.....

EMIS UPDATE- IMPORTANT GUIDELINES.....

மாபெரும் முற்றுகை போராட்டம்... நாள்-3.2.17. இடம்-தொடக்கக்கல்வி இயக்குநரகம், சென்னை. அனைவரும் வாரீர். போராட்டம் மட்டுமே நமது உரிமையை மீட்டெடுக்கும்.

மாபெரும் முற்றுகை போராட்டம்... நாள்-3.2.17. இடம்-தொடக்கக்கல்வி இயக்குநரகம், சென்னை. அனைவரும் வாரீர். போராட்டம் மட்டுமே நமது உரிமையை மீட்டெடுக்கும்.