ஈட்டிய விடுப்பு (EL) பற்றிய முழு விளக்கங்கள்:

ஈட்டிய விடுப்பு (EL) பற்றிய முழு விளக்கங்கள்:

Thanks to-Teachers Friend Devarajan

* தகுதிகாண்பருவத்தில் உள்ளவர்கள் ELஎடுத்தால் probation period

தள்ளிப்போகும்.

* பணியில் சேர்ந்து ஒருவருடம் முடிந்ததும்ஈட்டிய விடுப்பினை

ஒப்படைத்துபணமாகப் பெறலாம். ஆண்,பெண் இருவரும்.

* தகுதிகாண் பருவம்முடிக்கும் முன்பு (பணியில்சேர்ந்து 2

வருடங்களுக்குள்)மகப்பேறுவிடுப்பு எடுத்தால் அந்தவருடத்திற்கான 

EL -ஐ ஒப்படைக்க முடியாது. EL நாட்கள் மகப்பேறு விடுப்புடன்

சேர்த்துக்கொள்ளப்படும். (உதாரணமாக - அவரது கணக்கில் 10நாட்கள் EL உள்ளது என்றால்மகப்பேறு விடுப்பில் அந்த 10நாட்களை கழித்துவிட்டு (180-10=170) மீதம் உள்ள 170 நாட்கள்மட்டுமே வழங்கப்படும்.

எனவே மகப்பேறு விடுப்புஎடுக்கும் முன்பே கணக்கில்உள்ள EL-ஐ எடுத்துவிடுவதுபயனளிக்கும்)

* வருடத்திற்கு 17 நாட்கள்EL. அதில் 15 நாட்களைஒப்படைத்து பணமாகப்

பெறலாம் .

* மீதமுள்ள 2நாட்கள் சேர்ந்துகொண்டேவரும் அதை ஓய்வுபெறும்

பொழுது ஒப்படைத்துபணமாகப் பெறலாம்.

* 21 நாட்கள் ML எடுத்தால் ஒருநாள் EL கழிக்கப்படும்.

* வருடத்திற்கு மொத்தம்365 நாட்கள்.இதை 17ஆல்(EL) வகுத்தால் 365/17=21.

* எனவே 21 நாட்கள்ML எடுத்தால் ஒரு நாள் EL என்ற

கணக்கில் கழிக்கப்படுகிறது.

* மகப்பேறு விடுப்பு எடுத்தவருடத்தில் ஈட்டிய விடுப்புஒப்படைக்கும் பொழுது ,மகப்பேறு விடுப்பு எடுத்த 6மாதங்கள் , மற்றும் ML எடுத்ததாட்கள் தவிர்த்து மீதம் வேலைசெய்த நாட்களை 21 ஆல் வகுத்துEL கணக்கிடப்படும். CL, RL, தவிரவேலை செய்த நாட்களுக்குமட்டுமே EL கணக்கிடப்படும்.

* ஒரு நாள் மட்டும்EL தேவைப்படின் எடுத்துக்கொள்ளலாம்.

* அரசு ஊழியர்களுக்குமட்டும் வருடத்திற்கு 30 நாட்கள்EL

(ஆசிரியர்களுக்கு 17நாட்கள் மட்டுமே). அதில்15 நாட்களைஒப்படைக்கலாம். மீதம் உள்ள 15நாட்கள் சேர்ந்துகொண்டேவரும்..அதிகபட்சமாக 240நாட்களைச் சேர்த்து வைத்துஒப்படைக்கலாம்.

அதற்கு மேல் சேருபவைஎந்தவிதத்திலும் பயனில்லை.

*மாறுதல் / பதவி உயர்வு/ பணியிறக்கம் / நிரவல்போன்ற நிகழ்வுகளின் போதுபழைய இடத்திற்கும்புதிய இடத்திற்குமிடையேகுறைந்தது 8

கி.மீ (ரேடியஸ்)இருந்தால் அனுபவிக்காத பணியேற்பிடைக்காலம் EL

கணக்கில்சேர்த்துக் கொள்ளப்படும்.இதற்கு 30 நாட்களுக்குள்விண்ணப்பிக்க வேண்டும். 90நாட்களுக்குள் கணக்கில்சேர்க்கப்பட

வேண்டும். (குறைந்தது5 நாட்கள். 160 கி.மீக்கு மேற்படின்

அட்டவணைப்படிநாட்களின் எண்ணிக்கைஅதிகரிக்கும்)

*ஒருமுறை சரண்டர் செய்த அதேதேதியில் தான் ஆண்டுதோறும்செய்ய

வேண்டும் என்றகட்டாயம் இல்லை. கணக்கீட்டிற்கு வசதியாக

இருக்கவும் Pay Rollல்விவரம் குறிக்கஎளிமையாக அமையவும் ஒரேதேதியில் ஆண்டுதோறும் அல்லது இரண்டாண்டுகளுக்குஒருமுறை சரண் செய்வதுசிறந்தது. எவ்வாறாயினும் ஒருஒப்படைப்பு நாளுக்கும்

அடுத்த ஒப்படைப்புநாளுக்குமிடையே 15 நாட்கள்ஒப்படைப்பெனில்

ஓராண்டு / 30நாட்கள் ஒப்படைப்பெனில் இரண்டாண்டு இடைவெளிஇருக்க வேண்டும்.

* ஒப்படைப்பு நாள்தான் முக்கியமேதவிர விண்ணப்பிக்கும்தேதியோ,

அலுவலர் சேங்க்ஷன்செய்யும் தேதியோ, ECS ஆகும்

தேதியோ அடுத்தமுறைஒப்படைப்பு செய்யும்போதுகுறிக்கப்பட

வேண்டியதில்லை.

* EL ஒப்படைப்பு நாளின் போதுகுறைந்த அளவுஅகவிலைப்படியும்

பின்னர் முன்தேதியிட்டுDA உயர்த்தப்படும் போதுஒப்படைப்பு நாளில்

அதிகஅகவிலைப்படியும் இருந்தால் DAநிலுவையுடன்

சரண்டருக்குரிய நிலுவையையும் சேர்த்துசுதந்தரித்துக் கொள்ளலாம்.ஊக்க ஊதியம் முன்தேதியிட்டுப்பெற்றாலும் நிலுவைக்கணக்கீட்டுக்

காலத்தில் ஒப்படைப்பு தேதிவந்தால் சரண்டர் நிலுவையும்பெறத்

தகுதியுண்டு.

* பணிநிறைவு / இறப்பின் போதுஇருப்பிலுள்ளEL நாட்களுக்குரிய(அதிகபட்சம்240) அப்போதையசம்பளம் மற்றும் அகவிலைப்படிவீதத்தில்

கணக்கிடப்பட்டுதிரள்தொகையாக ஒப்பளிக்கப்படும்.

* அதிகபட்சம் தொடர்ந்து 180நாட்கள் ஈட்டிய விடுப்புஎடுக்கலாம். அதனைத்தொடர்ந்து மருத்துவ விடுப்புஎடுக்கலாம்.

180 நாட்களுக்குமேற்பட்டவிடுப்புக்கு வீட்டுவாடகைப்படிகிடைக்காது

ஆவணங்கள் தொலைந்தால்... எப்படி திரும்பப் பெறுவது? 

எவ்வளவுதான் கவனமாக இருந்தாலும் சில நேரங்களில் 

ரேஷன் கார்டு,

 டிரைவிங் லைசென்ஸ்,

 கிரயப் பத்திரம், 

இன்ஷூரன்ஸ் பாலிசி 

என ஏதாவது ஒரு முக்கியமான ஆவணத்தைத் தொலைத்துவிட்டு பலரும் தவிப்பதை நாம் பார்க்கலாம். அப்படி தொலைந்து போனால் அல்லது மழையில் நனைந்து கிழிந்து அழிந்து போனால் அவற்றை திரும்பப் பெறுவது எப்படி என்பதை இங்கே தெரிந்து கொள்ளலாம். 

1. இன்ஷூரன்ஸ் பாலிசி! யாரை அணுகுவது..? 

பாலிசியை விநியோகம் செய்த கிளையை. என்னென்ன ஆவணங்கள் தர வேண்டும்? முகவரிச் சான்று, புகைப்பட அடையாளச் சான்றின் நகல்களில் நோட்டரி பப்ளிக் சான்றொப்பம் இடப்பட்டவை மற்றும் பிரீமியம் செலுத்தியதற்கான ஏதாவது ஒரு ரசீது நகல். எவ்வளவு கட்டணம்? ஆவணங்கள் தயாரிப்புக் கட்டணமாக ரூ.75 கட்ட வேண்டும். இது தவிர, கவரேஜ் தொகையில் 1,000 ரூபாய்க்கு 20 காசு வீதம் கவரேஜ் தொகைக்கு ஏற்ப கட்டணம் செலுத்த வேண்டும். கால வரையறை: விண்ணப்பம் அளித்த 15 நாட்களுக்குள் நகல் ஆவணம் கிடைக்கக்கூடும். நடைமுறை: நகல் பாலிசி கோரும் விண்ணப்பக் கடிதம் அளித்தால் அதற்குரிய இரண்டு ஆவணங்கள் தருவார்கள். அதில் ஒரு ஆவணத்தை 80 ரூபாய் பத்திரத்தில் டைப் செய்துகொள்ள வேண்டும். இன்னொரு ஆவணத்தில் பாலிசி தொலைந்து போன விவரங்கள் கேள்வி பதில் வடிவில் கேட்கப்பட்டிருக்கும்; அதை பூர்த்தி செய்து நோட்டரி பப்ளிக் ஒப்புதலோடு, ஆவணங்களை இணைத்து தர வேண்டும். 

2. மதிப்பெண் பட்டியல்! யாரை அணுகுவது..? 

பள்ளித் தலைமை ஆசிரியர் மற்றும் மாவட்ட கல்வி அதிகாரி. என்னென்ன ஆவணங்கள் தர வேண்டும்? மதிப்பெண் பட்டியல் நகல், பள்ளி மாற்றுச் சான்றிதழ், கட்டணம் செலுத்திய ரசீது. எவ்வளவு கட்டணம்? உயர்நிலைப் பொதுத்தேர்வு (10-ம் வகுப்பு) ரூ.105. மேல்நிலை பொதுத்தேர்வு ( 2) பட்டியல் ரூ.505. கால வரையறை: விண்ணப்பம் செய்ததிலிருந்து 60 நாட்கள். நடைமுறை: காவல் துறையில் புகார் அளித்து 'கண்டுபிடிக்க முடியவில்லை’ என சான்றிதழ் வாங்கியபிறகு, முன்பு படித்த பள்ளி/நிறுவனத்தின் மூலம் விண்ணப்பம் வாங்கி அதை பூர்த்தி செய்து தாசில்தாரிடம் கையப்பம் வாங்க வேண்டும். அந்த விண்ணப்பத்தோடு ஒரு கடிதம் மற்றும் இணைப்புகள் சேர்த்து மாவட்ட கல்வித்துறை அதிகாரிக்கு அனுப்ப வேண்டும். இந்த விவரங்களை அரசிதழில் வெளியிட்டு அதன் அடிப்படையில் அவர் பள்ளித் தேர்வுத்துறை இயக்குநருக்கு அனுப்புவார். தனித் தேர்வர்கள் நேரடியாக தேர்வுத் துறை இயக்குநர் அலுவலகத்திற்கு அனுப்ப வேண்டும். பட்டம் மற்றும் அதற்கு மேற்பட்ட உயர் கல்விக்கு சம்பந்தப்பட்ட பல்கலைக்கழகங்களை அணுக வேண்டும். 

3. ரேஷன் கார்டு! யாரை அணுகுவது..? 

கிராமப்புறங்களில் வட்டார உணவுப் பொருள் வழங்கு அலுவலர்; நகர்ப்பகுதிகளில் உணவுப் பொருள் வழங்கு துறை மண்டல உதவி ஆணையர். என்னென்ன ஆவணங்கள் தர வேண்டும்? காணாமல் போன குடும்ப அட்டையின் நகல் அல்லது ஏதாவது ஒரு அடையாள அட்டை எவ்வளவு கட்டணம்? புதிய ரேஷன் கார்டு வாங்கும்போது ரூ.10 கட்ட வேண்டும். கால வரையறை: விண்ணப்பம் அளித்த 45 நாட்களுக்குள் கிடைத்துவிடும். நடைமுறை: சம்பந்தப்பட்ட அலுவலரிடத்தில் காணாமல் போன விவரத்தைக் குறிப்பிட்டு கடிதம் தந்து, அவர்கள் வழங்கும் விண்ணப்பத்தைப் பூர்த்தி செய்து தர வேண்டும். அவர்களின் விசாரணைக்குப் பிறகு புது குடும்ப அட்டை அனுப்பி வைக்கப்படும்.  

4. டிரைவிங் லைசென்ஸ்! யாரை அணுகுவது?  

மாவட்டப் போக்குவரத்து அதிகாரி. என்னென்ன ஆவணங்கள் தர வேண்டும்? பழைய லைசென்ஸ் நகல் அல்லது எண். எவ்வளவு கட்டணம்? கட்டணம் ரூ.315 (இலகுரக மற்றும் கனரக வாகனம்). கால வரையறை: விண்ணப்பம் செய்தபிறகு அதிகபட்சமாக ஒரு வாரம். நடைமுறை: காவல் துறையில் புகார் தெரிவித்து, அவர்களிடம் சான்றிதழ் வாங்கியபிறகு மாவட்டப் போக்குவரத்து அதிகாரிக்கு விண்ணப்பம்.  

5. பான் கார்டு! யாரை அணுகுவது? 

 பான் கார்டு பெற்றுத் தரும் அங்கீகரிக்கப்பட்ட ஏஜென்டுகள் அல்லது வருமான வரித்துறை. என்னென்ன ஆவணங்கள் தர வேண்டும்? பாஸ்போர்ட் சைஸ் புகைப்படம் இரண்டு, அடையாளச் சான்று மற்றும் முகவரிச் சான்று நகல்கள். எவ்வளவு கட்டணம்? அரசுக்குச் செலுத்த வேண்டிய ரூ.96 ரூபாய். கால வரையறை: விண்ணப்பித்தப் பிறகு 45 நாட்கள். நடைமுறை: பான் கார்டு கரெக்ஷன் விண்ணப்பம் வாங்கி அதில் தேவையான விவரங் களைக் குறிப்பிட்டு விண்ணப்பிக்க வேண்டும்.  

6. பங்குச் சந்தை ஆவணம்! யாரை அணுகுவது? 

 சம்பந்தப்பட்ட நிறுவனத்தின் பதிவாளர். என்னென்ன ஆவணங்கள் தர வேண்டும்? காவல் துறை சான்றிதழ், பங்கு ஆவணத்தின் நகல் அல்லது ஃபோலியோ எண். எவ்வளவு கட்டணம்? தனியாக கட்டணம் கட்டத் தேவையில்லை; ஆனால், பங்குகளின் சந்தை மதிப்பிற்கு ஏற்ப முத்திரைத்தாள் கட்டணம் செலுத்த வேண்டும். கால வரையறை: விண்ணப்பித்த 45 நாட்களிலிருந்து 90 நாட்களுக்குள். நடைமுறை: முதலில் சம்பந்தப்பட்ட நிறுவனத்திற்கு கடிதம் எழுதவும். இதன் அடிப்படையில் காவல் துறையில் புகார் அளித்து சான்றிதழ் வாங்க வேண்டும். பங்குகள் மதிப்பிற்கு ஏற்ப நிறுவனம் குறிப்பிடும் தொகைக்கு முத்திரைத்தாளில் ஒப்புதல் கடிதம் தர வேண்டும். சில நிறுவனங்கள் செய்தித்தாள்களில் விளம்பரம் வெளியிட வலியுறுத்தும்.  

7. கிரயப் பத்திரம்! யாரை அணுகுவது..?  

பத்திரப்பதிவு துறை துணைப் பதிவாளர். என்னென்ன ஆவணங்கள் தர வேண்டும்? காவல் துறை கடிதம், பத்திரிகையில் வெளியிடப்பட்ட விளம்பரம், யாரிடமும் இருந்து ஆட்சேபனை வரவில்லை என்பதற்கான நோட்டரி பப்ளிக் ஒருவரின் உறுதிமொழி, சர்வே எண் விவரங்கள். எவ்வளவு கட்டணம்? ஆவணக் கட்டணம் 100 ரூபாய். இது தவிர, கூடுதலாக ஒவ்வொரு பக்கத்திற்கும் 20 ரூபாய். கால வரையறை: ஒரு சில நாட்களில் கிடைக்கக்கூடும். நடைமுறை: கிரயப் பத்திரம் தொலைந்த பகுதியில் உள்ள காவல் நிலையத்தில் புகார் அளித்து அவர்களிடமிருந்து சான்றிதழ் வாங்க வேண்டும். தொலைந்த விவரம் குறிப்பிட்டு பத்திரிகையில் விளம்பரம் செய்ய வேண்டும். இதற்குபிறகு சார்பு பதிவாளர் அலுவலம் செல்ல வேண்டும்.  

8. டெபிட் கார்டு! யாரை அணுகுவது..?  

சம்பந்தப்பட்ட வங்கியின் கிளை மேலாளர். என்னென்ன ஆவணங்கள் தர வேண்டும்? கணக்குத் தொடர்பான விவரங்கள். எவ்வளவு கட்டணம்? ரூ.100. கால வரையறை: வங்கியைப் பொறுத்து ஓரிரு நாட்கள் அல்லது அதிகபட்சம் 15 நாட்கள். நடைமுறை: டெபிட் கார்டு தொலைந்தவுடன் அந்த வங்கி வாடிக்கையாளர் சேவை மையத்திற்கு தகவல் தெரிவித்து, அதன் மூலம் மோசடியான பரிவர்த்தனைகள் நடக்காதவாறு தடுக்க வேண்டும். அதற்குப் பிறகு சம்பந்தப்பட்ட கிளைக்கு கடிதம் மூலம் தெரியப்படுத்தி புது டெபிட் கார்டு வழங்குமாறு கோர வேண்டும்.  

9. மனைப் பட்டா! யாரை அணுகுவது..? 

வட்டாட்சியர். என்னென்ன ஆவணங்கள் தர வேண்டும்.? நகல் பட்டா கோரும் விண்ணப்பம். எவ்வளவு கட்டணம்? ரூ.20. கால வரையறை: ஒரு சில நாட்களில் கிடைக்கக்கூடும். நடைமுறை: முதலில் தாசில்தாரிடம் மனு தர வேண்டும். அவர் பரிந்துரையின் பேரில் கிராம நிர்வாக அதிகாரி (வி.ஏ.ஓ.), வருவாய் ஆய்வாளரிடம் ஒப்புதல் பெற வேண்டும். இதன் அடிப்படையில் தாசில்தார் அலுவலகத்தில் விண்ணப்பித்தால் நகல் பட்டா கிடைத்துவிடும். 

10. பாஸ்போர்ட்! யாரை அணுகுவது..? 

மண்டல பாஸ்போர்ட் அலுவலகங்கள். என்னென்ன ஆவணங்கள் தர வேண்டும்? காவல் துறை சான்றிதழ், பழைய பாஸ்போர்ட் நகல், 20 ரூபாய் முத்திரைத்தாளில் விண்ணப்பம். எவ்வளவு கட்டணம்? ரூ.4,000. கால வரையறை: இந்தியாவில் தொலைத் திருந்தால் 35-லிருந்து 40 நாட்கள்; வெளிநாட்டில் தொலைத்திருந்தால் அதிக காலம் எடுக்கும். நடைமுறை: பாஸ்போர்ட் தொலைத்த பகுதியில் உள்ள காவல் துறையில் புகார் அளித்து கண்டுபிடிக்கப்படவில்லை என்கிற சான்றிதழ் வாங்க வேண்டும். 20 ரூபாய் முத்திரைத்தாளில் தொலைந்த விவரங்களை பதிவு செய்துகொள்ள வேண்டும். இவற்றில் நோட்டரி பப்ளிக் ஒருவரின் கையெழுத்து பெற்று மண்டல பாஸ்போர்ட் அலுவலகத்தில் விண்ணப்பிக்க வேண்டும். அதன் அடிப்படையில் அவர்கள் விசாரணை மேற்கொண்ட பிறகு நகல் பாஸ்போர்ட் அனுப்பி வைத்துவிடுவார்கள்.  

11. கிரெடிட் கார்டு! யாரை அணுகுவது? 

நிறுவனத்தின் வாடிக்கையாளர் சேவை மையம். என்னென்ன ஆவணங்கள் தர வேண்டும்? தொலைந்துபோன கிரெடிட் கார்டு தொடர்பான விவரங்கள். எவ்வளவு கட்டணம்? ரூ.100 (நிறுவனத்துக்கேற்ப வேறுபடும்). கால வரையறை: 15 வேலை நாட்கள். நடைமுறை : கிரெடிட் கார்டு தொலைந்ததும் உடனடியாக வாடிக்கையாளர் சேவை மையத்துக்கு தகவல் அளித்து பரிவர்த்தனைகளை நிறுத்த வேண்டும். தொலைந்த கார்டுக்கு மாற்றாக வேறு கார்டு அளிக்கக் கோரினால் பதினைந்து வேலை நாட்களுக்குள் உங்களுக்கு அனுப்பி வைத்துவிடுவார்கள். அடையாளச் சான்று காண்பித்து வாங்க வேண்டும். 


12.ஆதார் அட்டை தொலைந்து போனால்?

உங்கள் ஆதார் அட்டை தொலைந்து போனால் பயம் கொள்ளாதீர்கள். அதன் பிரதியை பெற்றுக்கொள்வதற்கு மீண்டும் விண்ணப்பம் செய்ய எளிமையான வழிகள் உள்ளது. இருப்பினும் ஆதார் அட்டையை பத்திரமாக வைத்துக் கொள்ள வேண்டியது அவசியமாகும். அதற்கு காரணம் அதில் உள்ள உங்கள் தகவல்களை கொண்டு உங்கள் நிதி சார்ந்த தரவுகளுக்கு ஆபத்தை ஏற்படுத்தலாம். உங்களுக்கு உங்களுடைய ஆதார் எண் நினைவிருந்தால் மற்றும் / அல்லது பதிந்த போது கொடுக்கப்பட்ட ஆதார் அட்டை ஒப்புகை சீட்டு உங்களிடம் இருந்தால், ஆன்லைன் மூலம் ஆதார் அட்டையின் பிரதியை எடுத்துக் கொள்ளலாம்.

தொலைந்த ஆதார் அட்டை அல்லது அதன் பிரதியை ஆன்லைன் மூலம் எப்படி விண்ணப்பிக்க கீழ்கூறிய வழிமுறைகளை பின்பற்றவும்:

ஈ-ஆதார் ஆன்லைன் முகவாயிலுக்கு செல்லவும்.
ஆதார் ஒப்புகை சீட்டில் உள்ள பதிவீடு விவரங்களை (பதிவு எண் மற்றும் தேதி நேரம், குடியிருப்பவரின் பெயர், மற்றும் பின்கோட்) நிரப்ப வேண்டும்.
மாறாக, உங்களுக்கு உங்கள் ஆதார் அட்டை எண் தெரிந்திருந்தால்,
மேலே உள்ள "I have" தேர்வில் உள்ள "Aadhaar" என்ற ரேடியோ பட்டனை அழுத்தவும்.
நீங்கள் பதிந்துள்ள கைப்பேசி எண்ணில் ஓ.டி.பி. (ஒன் டைம் பின்) கடவுச்சொல் ஒன்றை குறுந்தகவல் மூலம் பெறுவீர்கள்.
கடவுச்சொல்லை உள்ளீடு செய்தவுடன்

ஆதார் அட்டையின் பிரதியை தரவிறக்கம் செய்யும் தேர்வை நீங்கள் காணலாம். இந்த கோப்பு பி.டி.ஃஎப். வடிவத்தில் இருக்கும். மேலும் பாதுகாப்பிற்காக அது கடவுச்சொல் மூலமாக பாதுகாக்கப்பட்டிருக்கும். கடவுச்சொல் தெரியவில்லையே என பயப்பட வேண்டாம். உங்கள் பின் கோடே உங்கள் கடவுச்சொல்லாகும். அசலை போலவே அச்சிடப்பட்ட பிரதியும் அனைத்து இடங்களிலும் செல்லுபடியாகும்.

..........................

வருட பொதுப்பலன் - ரிஷபம் ( முழு விவரம் )

வருட பொதுப்பலன் - ரிஷபம் ( முழு விவரம் )

on November 07, 2019

 

எண்ணுவதை எழுத்தாக்கும் படைப்பாற்றல் கொண்ட நீங்கள், உழைப்பைத் தவிர வேறு எதையும் நம்பாதவர்கள். உள்ளார்ந்த அன்புடன் எல்லோரையும் நேசிக்கும் நீங்கள், தவறு செய்தால் தாயாக இருந்தாலும் தட்டிக் கேட்பீர்கள். உங்கள் ராசிக்கு மூன்றாவது ராசியில் இந்த விகாரி ஆண்டு பிறப்பதால் முடியாததை முடித்துக் காட்டுவீர்கள். பாதியிலேயே  நின்று போன காரியங்கள் உடனே நிறைவேறும். தைரியம் பிறக்கும். புதனும், ராசிநாதன் சுக்கிரனும் சாதகமாக இருக்கும் நேரத்தில் இந்த ஆண்டு பிறப்பதால் எதிர்பாராத பணவரவு உண்டு. சாதாரண நிலையிலிருந்து சாமான்ய நிலைக்கு முன்னேறுவீர்கள். பேச்சிலிருந்த முணு முணுப்பு, சலிப்பு நீங்கும். தன்னம்பிக்கையுடன் பேசுவீர்கள். உங்களின் நிர்வாகத் திறமை அதிகரிக்கும். இனி குழம்பாமல் பெரிய முடிவுகள் எடுப்பீர்கள். சின்னச் சின்னக் கருத்து வேறுபாடுகளால் பிரிந்திருந்தவர்கள் ஒன்று சேருவீர்கள். குடும்பத்தினர் உங்கள் ஆலோசனையை ஏற்பார்கள். குழந்தை இல்லாத தம்பதியருக்கு வாரிசு உண்டாகும். சித்திரை, வைகாசி மாதங்கள் கொஞ்சம் அலைச்சலைத் தந்தாலும் வளர்ச்சியையும் தரும்.

மனைவியையும், மனைவி வழி உறவினர்களையும் அனுசரித்துப் போகவேண்டியது வரும். இந்த ஆண்டு தொடக்கம் முதல் 18.05.2019 வரை குருபகவான் அதிசார வக்ரமாகி உங்கள் ராசிக்கு 8வது வீட்டில் மறைந்திருப்பதால் எவ்வளவு பணம் வந்தாலும் எடுத்து வைக்க முடியாதபடி செலவுகள் துரத்தும் இருந்தாலும் எதிர்பாராத பணவரவு உண்டு. பழைய நண்பர்கள் தேடி வருவார்கள். சொந்தபந்தங்களுக்காக அலைய வேண்டி வரும். கும்பாபிஷேகத்தை முன்னின்று நடத்துவீர்கள். 19.05.2019 முதல் 27.10.2019 வரை குருபகவான் 7வது வீட்டிலேயே தொடர்வதால் அடுத்தடுத்து சுப நிகழ்ச்சிகளாலும், நண்பர்கள், உறவினர்களின் வருகையால் வீடு களை கட்டும். கணவன்-மனைவிக்குள் ஒற்றுமை பலப்படும். அவ்வப்போது வரும் சிறு சிறு வாக்குவாதங்களை பெரிதுபடுத்த வேண்டாம். குழந்தை பாக்கியம் உண்டு. பிள்ளைகளின் பெருமைகளை சொல்லி சொந்த பந்தங்கள் மத்தியில் திருப்தியடைவீர்கள். மகளுக்கு எதிர்பார்த்தபடி நல்ல வரன் அமையும். மகனுக்கு வேலை கிடைக்கும். குலதெய்வப் பிரார்த்தனையை நிறைவேற்றுவீர்கள். பூர்வீக சொத்தை உங்கள் ரசனைக்கேற்ப புதுப்பிப்பீர்கள்.

விலை உயர்ந்த ஆபரணங்கள் வாங்குவீர்கள். ஆனால் 28.10.2019 முதல் 27.03.2020 வரை குரு ராசிக்கு 8ல் சென்று மறைவதால் வீண் அலைச்சல், வதந்திகள், இனம் புரியாத கவலைகள், ஒருவித பய உணர்வுகள் வந்து செல்லும். உங்களை சிலர் விமர்சிப்பார்கள். எதிர்மறை எண்ணங்கள் வரக்கூடும். பிள்ளைகள் கோபப்படுவார்கள். அவர்களிடம் கனிவாக நடந்து கொள்ளுங்கள். கர்ப்பிணிப் பெண்கள் நீண்டதூரப் பயணங்களைத் தவிர்ப்பது நல்லது. பூர்வீகச் சொத்தை சரியாக பராமரிக்க முடியவில்லையே என வருத்தப்படுவீர்கள். மகனுக்கு உயர்கல்வி, உத்தியோகம் சம்பந்தப்பட்ட முயற்சிகள் தாமதமாக முடியும். இந்த ஆண்டு முழுக்க சனியும் 8ல் அமர்ந்து அஷ்டமத்துச் சனியாக தொடர்வதால் ஒருவித படபடப்பு, தூக்கமின்மை, மறைமுக எதிர்ப்புகள் வந்து போகும். கணவன்மனைவிக்குள் விட்டுக் கொடுத்துப் போவது நல்லது. வழக்கில் எதிர்தரப்பால் வாய்தா வாங்கி தீர்ப்பு தள்ளிப் போகும். மனைவி வழி உறவினர்களுடன் கருத்து வேறுபாடுகள் வரக்கூடும். சில உண்மைகளை சில இடங்களில் சொல்லிக் கொண்டிருக்காதீர்கள். அந்தரங்க விஷயங்களை வெளியிடாமல் தேக்கி வைப்பது நல்லது.

திடீர் பயணங்களால் அலைச்சல் அதிகரிக்கும். உங்களைப் பற்றி தவறாக எப்போதோ எங்கேயோ யாரோ சொன்னதெல்லாம் இப்போது நினைவிற்கு வந்து புலம்புவீர்கள். சாப்பாட்டில் உப்பைக் குறையுங்கள். இந்த ஆண்டு முழுக்க ராகு உங்கள் ராசிக்கு 2ல் தொடர்வதாலும், 8ல் கேது நீடிப்பதாலும் அடுத்தவர்களின் அந்தரங்க விஷயங்களில் தலையிட வேண்டாம். எதிலும் நாட்டமின்மை, பிடிப்பற்ற போக்கு வந்து செல்லும். சில நேரங்களில் கறாராகப் பேசி சிலரின் மனதைப் புண்படுத்துவீர்கள். சாதாரணமாகப் பேசப் போய் சண்டையில் முடியும். யாருக்காகவும் சாட்சி கையெழுத்திட வேண்டாம். கண் பார்வையை பரிசோதித்துக் கொள்ளுங்கள். பல் மற்றும் காது வலி வந்து போகும். எவ்வளவு பணம் வந்தாலும் பற்றாக்குறை நீடிக்கும். குடும்பத்திலும், வெளி வட்டாரத்திலும் கொஞ்சம் வளைந்து கொடுத்துப் போவது நல்லது.

வாகனத்திற்கான லைசன்ஸ், இன்ஸ்யூரன்ஸை குறிப்பிட்ட காலத்திற்குள் புதுப்பிக்கத் தவறாதீர்கள். 05.10.2019 முதல் 28.10.2019 வரைக்கும் உங்கள் ராசிநாதன் சுக்கிரன் 6வது வீட்டில் சென்று மறைவதனால் சிறு சிறு விபத்துகள், வாகனம் பழுதாகுதல், வீட்டு பராமரிப்பு செலவுகள், தொண்டைப் புகைச்சல் மற்றும் காய்ச்சல் சளி தொந்தரவு வந்து நீங்கும் 09.02.2020 முதல் 21.03.2020 வரை செவ்வாய் உங்களுடைய ராசிக்கு 8வது வீட்டில் மறைவதனால் வீடு, மனை வாங்குவது விற்பது எதுவாக இருந்தாலும் கவனமாக இருங்கள். அவசர முடிவுகள் எடுக்க வேண்டாம். சகோதரங்களுடன் சின்னச் சின்னக் கருத்து மோதல்கள் வர வாய்ப்பிருக்கிறது. பணம் கொடுக்கல் வாங்கல் விஷயத்திலும் கவனமாக இருங்கள்.

கன்னிப்பெண்களே! தோழிகளுக்கெல்லாம் திருமணம் முடிந்து விட்டதே, நமக்கில்லையே என்று கலங்காதீர்கள். தள்ளிப் போய்க் கொண்டிருந்த கல்யாணம் சிறப்பாக முடியும். விலையுயர்ந்த ஆடை, ஆபரணம் சேரும். மாதவிடாய்க் கோளாறு, வயிற்றுவலி நீங்கும். பெற்றோரின் பாசமழையில் நனைவீர்கள்.

மாணவர்களே! அதிகாலையில் எழுந்து படிக்கும் பழக்கத்தை வழக்கப்படுத்திக் கொள்ளுங்கள். வகுப்பறையில் வீண் அரட்டை வேண்டாம். தேர்வு சமயங்களில் ஆசிரியர்களின் உதவி கிடைக்கும். உங்களின் திறமையை பலரும் பாராட்டுவார்கள். நல்ல நண்பர்கள் அறிமுகமாவார்கள்.

வியாபாரிகளே! வரவேண்டிய பாக்கிகள் வசூலாகும். சித்திரை, வைகாசியில் பெரிய நிறுவனங்களின் தொடர்பு கிடைக்கும். ஆடி, ஆவணி மாதங்களில் புது ஒப்பந்தங்கள் கையெழுத்தாகும். வாடிக்கையாளர்களின் எண்ணிக்கை உயரும். வேலையாட்களிடம் கறாராக இருங்கள். மாசி, பங்குனி மாதங்களில் கடையை விரிவுபடுத்துவீர்கள். ஏற்றுமதி, இறக்குமதி, உணவு, கெமிக்கல், பிளாஸ்டிக் வகைகளால் ஆதாயம் பெருகும். மற்றவர்கள் விஷயத்தில் அநாவசியமாக தலையிடுவதை தவிர்க்கப் பாருங்கள். கூட்டுத் தொழிலில் பங்குதாரர்கள் அவ்வப்போது புரிந்து கொள்ளாமல் சண்டையிட்டாலும் இறுதியில் உங்கள் வார்த்தைக்கு கட்டுப்படுவார்கள்.

உத்தியோகஸ்தர்களே! பெரிய பதவியில் அமர வேண்டிய நீங்கள் சிலரின் மோசடிகளால் நல்ல வாய்ப்புகளை இழந்தீர்களே, இப்போது உயர் பதவி கிட்டும். நெருக்கடிகள் நீங்கும். உங்களைத் தரக்குறைவாக நடத்திய அதிகாரிகளின் மனம் மாறும். சக ஊழியர்களின் சம்பள உயர்விற்காக போராடுவீர்கள். எதிர்பார்த்த இடமாற்றம் கிடைக்கும். சிலநேரங்களில் தன்மானத்தை விட்டுக் கொடுக்க வேண்டியது வரும். ஆவணி, மாசி மாதங்களில் வெளிநாட்டுத் தொடர்புடைய சில நிறுவனங்களிருந்து புது வாய்ப்புகள் தேடி வரும்.

அரசியல்வாதிகளே! கட்சிக்குள் இருந்த மௌனப் போராட்டம் ஓயும். சகாக்களுக்கு மத்தியில் மதிப்பு, மரியாதை கூடும். எதிர்கட்சியினரை தேவையில்லாமல் வசைபாடாதீர்கள்.

கலைஞர்களே! கிடைக்கின்ற வாய்ப்புகளை சரியாக பயன்படுத்திக் கொள்வீர்கள். வீண் வதந்திகள் வரத்தான் செய்யும். மூத்த கலைஞர்களை பகைத்துக் கொள்ள வேண்டாம். சம்பளம் உயரும்.

விவசாயிகளே! பக்கத்து நிலத்துக்காரருடன் பாந்தமாகப் பழகுங்கள். வரப்புச் சண்டைகள் வேண்டாம். அடகிலிருந்த நகைகளை மீட்பீர்கள். இந்த விகாரி புத்தாண்டு சின்னச் சின்ன ஏற்றத்தாழ்வுகளையும், செலவுகளையும் கொடுத்து வந்தாலும் உங்களின் வளர்ச்சிப் பணிகள் தொய்வில்லாமல் தொடர்வதாக அமையும்.

பரிகாரம்:

கடலூர் மாவட்டம், எழுமேடு எனும் ஊரில் அருட்பாலிக்கும் ஸ்ரீபச்சைவாழியம்மனை சென்று வணங்குங்கள். ஆதரவற்ற மாணவியின் கல்விக் கட்டணத்தை செலுத்துங்கள். செல்வம் பெருகும்.

EMIS Time Table எவ்வாறு தயார் செய்வது?

4 Steps

*1.Subject Thought
*2.Create Master Time Table
*3.Copy Time table
*4.Create Weekly Time table

➖➖➖➖➖➖➖➖➖➖➖
Subject Thought
➖➖➖➖➖➖➖➖➖➖➖

EMIS தளத்தில் கால அட்டவணை தயார் செய்வதற்கு முன் staff list யில் Part I யில் subject thought யில் குறிப்பிட்ட அந்த ஆசிரியர் கற்பிக்கும் அனைத்து பாடங்களையும் குறிப்பிட வேண்டும் முதலில்.

Subject thought யில் 1 முதல் 6 வரையுள்ளவற்றை பூர்த்தி செய்ய வேண்டும்.
(எ.கா. தொடக்கநிலை ஆசிரியர்கள் Tamil,English, Mathematics,Science,Social Science and Extra Curricular Activities)

தொடக்கநிலை ஆசிரியர்களுக்கு* Extra Curricular Activities ஆகியவற்றையும் கூடுதலாக தேர்ந்தெடுந்து save செய்ய வேண்டும்.
➖➖➖➖➖➖➖➖➖➖➖
Create Master Time Table
➖➖➖➖➖➖➖➖➖➖➖
அதன்பின்
Dashboard
School
Time table
Create master time table
பகுதிக்கு சென்று ஒவ்வொரு வகுப்பு (I to V/VIII/XII) பிரிவிற்கும் சென்று கால அட்டவணை தயாரிக்க வேண்டும்.
குறிப்பிட்ட நாள், குறிப்பிட்ட பாடவேளையில் ஆசிரியர் பெயர் மற்றும் பாடத்துடன் கூடிய பாட வேளையை தேர்வு செய்ய வேண்டும்.

8 period யில் 1&2,3&4,5&6 and 7&8 combine செய்து time table தயாரிக்க வேண்டும் தொடக்கநிலைக்கு.
ஏனைய வகுப்புகளுக்கு பாடங்களுக்கு ஏற்றவாறு தயாரிக்க வேண்டும்.
இவற்றில் 7&8 Extra curricular Actives ஆகும் தொடக்கநிலைக்கு.*
இவ்வாறு தயாரித்த பின் Save செய்ய வேண்டும்.
➖➖➖➖➖➖➖➖➖➖➖
COPY TIME TABLE
➖➖➖➖➖➖➖➖➖➖➖
அனைத்து வகுப்புகளுக்கும் Master time table create செய்த பின்னர்
School
Copy time table
சென்று
Option I யில்
Assign Master Time Table
 என்பதை கிளிக் செய்ய இப்போது Status பகுதியில் சிவப்பு கலரில் உள்ள not assigned என்பது பச்சை நிறத்தில் Assigned என மாறும்.
இவ்வாறு அனைத்து வகுப்புகளுக்கும் Assign செய்ய வேண்டும்.
➖➖➖➖➖➖➖➖➖➖➖
Create Weekly Time table
➖➖➖➖➖➖➖➖➖➖➖
Time table

Create weekly time table
பகுதிக்கு சென்று வகுப்பு மற்றும் பிரிவை தேர்ந்தெடுக்க இங்கு master time table இங்கே ஒரு சில நொடிகளில் தெரியும்.
இதை Save செய்ய வேண்டும்.
இவ்வாறு அனைத்து வகுப்புகளுக்கும் செய்ய வேண்டும்.

அடுத்தடுத்த வாரங்களுக்கு weekly time table தயார் செய்யும் போது weekly time table பகுதியில் உள்ள COPY LAST WEEK TIME TABLE OPTION யை பயன்படுத்தி தயாரிக்கலாம்

.................................................

Tamil, English, Maths - வாசிப்புத்திறன் பதிவேடு Download -Click Here

19

Tamil, English, Maths - வாசிப்புத்திறன் பதிவேடு Download -Click Hereīn

உடம்பில் உள்ள சளி தொல்லை நீங்க வழி இதோ.!

-November 07, 2019

பொதுவாக சிலருக்கு குளிர் காலங்களில் சளி பிடித்தால் எந்த மருந்தை எடுத்துக்கொண்டாலும் குணமாகாது. மூன்று பழுத்த எலுமிச்சை பழத்தை எடுத்து அதில் 2 பழத்தை பாதியாக வெட்டி ஒரு பாத்திரத்தில் போட்டு அதில் இரண்டு டம்ளர் அளவு தண்ணீர் ஊற்றி அதில் தேவையான அளவு உப்பு போட்டு நன்கு கொதிக்க வையுங்கள்.

கொதிக்க வைத்த இரண்டு டம்ளர் நீர் ஒரு கப் அளவு குறையும் வரை நன்றாக கொதிக்க விடுங்கள். பிறகு மீதியுள்ள 1 எலுமிச்சை பழத்தையும் பிழிந்து அந்த நீரை ஒரு கப்பில் எடுத்து சிறிதளவு சீனி அல்லது கருப்பட்டி சேர்த்துக் கொள்ளுங்கள் பின்னர். ஓரளவு சூட்டுடன் இரவு தூங்க செல்லும் அரை மணி நேரத்துக்கு முன்பு மகிழ்ச்சியாக குடித்து விட்டு நிம்மதியாக தூங்குங்கள். நீங்கள் உறங்கிய பின்னர் உங்களுக்கு வியர்வையாக வியர்த்து உங்கள் உடம்பில் உள்ள சளி முழுவதும் தானாக வெளியேறி விடும்

.................................