10ம் வகுப்பு துணை தேர்வு செப்., 28ல் துவக்கம்

10ம் வகுப்பு துணை தேர்வு செப்., 28ல் துவக்கம்

பத்தாம் வகுப்பு துணைத்தேர்வு, செப்., 28ல், துவங்கும்' என, அரசு தேர்வுத்துறை அறிவித்துள்ளது.

இது குறித்து, தேர்வுத்துறை இயக்குனர் வெளியிட்ட செய்திக்குறிப்பு:செப்., 28ல், தமிழ் முதல் தாள்; 29ல், தமிழ் இரண்டாம் தாள்; 30ல், ஆங்கிலம் முதல் தாள்; அக்., 1ல், ஆங்கிலம் இரண்டாம் தாள்; அக்., 3ல், கணிதம்; அக்., 4ல், அறிவியல்; அக்., 5ல், சமூக அறிவியல் மற்றும் அக்., 6ல், விருப்ப மொழி பாடத் தேர்வுகள் நடக்கும். காலை, 9:15 மணி முதல், 9:25 வரை வினாத்தாள் படிக்க நேரம் வழங்கப்படும். ஐந்து நிமிடங்களில், தேர்வு எழுதுவோரின் விபரங்கள் சரிபார்க்கப்பட்டு, 9:30 மணி முதல், நண்பகல், 12:00 வரை தேர்வு நடக்கும். இவ்வாறு அறிவிக்கப்பட்டுள்ளது.

புத்தகப் பையால் ஆபத்து: சி.பி.எஸ்.இ., எச்சரிக்கை

புத்தகப் பையால் ஆபத்து: சி.பி.எஸ்.இ., எச்சரிக்கை

மாணவர்கள் தோளில் தொங்கும்படி, புத்தகப் பைகளை கொண்டு சென்றால், முதுகு பகுதியில் பாதிப்பு ஏற்படும்' என, ஆசிரியர்கள் மற்றும் பெற்றோருக்கு, மத்திய இடைநிலை கல்வி வாரியமான, சி.பி.எஸ்.இ., எச்சரித்துள்ளது.

இது தொடர்பாக, சி.பி.எஸ்.இ., வெளியிட்டுள்ள அறிவுரை:

அதிக சுமை உள்ள பள்ளி புத்தகப் பைகளை, நீண்டகாலம் மாணவர்கள் சுமப்பது, அவர்களின் உடல் நலனில் எதிர் விளைவை ஏற்படுத்தும். இளம் குழந்தைகள் வளர வேண்டிய நிலையில், அவர்களுக்கு, முதுகு தண்டுவடத்தில் வலி, தசை வலி, தோள் வலி, மயக்கம் உட்பட, பல பிரச்னைகளை ஏற்படுத்தும் முடிந்த அளவுக்கு அன்றைய வகுப்புக்கான, பாடப் புத்தகங்களை மட்டுமே மாணவர்கள் கொண்டு செல்ல வேண்டும்.

பள்ளி பயன்பாட்டு புத்தகம் மற்றும் நோட்டுகளை, பள்ளியிலேயே வைத்துக் கொள்வது நல்லது பெற்றோர், தங்கள் பிள்ளைகளுக்கு எடை குறைந்த, இரு தோள்களிலும் மாட்டக்கூடிய, பெல்ட் உடைய பைகளையே வாங்க வேண்டும்

பள்ளிக் குழந்தைகள், தங்களின் புத்தகப் பைகளில், விளையாட்டு பொருட்கள் மற்றும் தாங்கள் விரும்பும் பல பொருட்களை வைத்துக் கொள்வது வழக்கம். அதனால், எடை கூடும் என்பதால், பெற்றோர், தினமும் சோதிக்க வேண்டும்

குழந்தைகளின் தோளில், பைகள் இறுக்கமாக இருக்க வேண்டும்; அங்கும், இங்கும் தொங்கினால், தோள்களை பாதிக்கும்.இவ்வாறு அறிவுரையில் கூறப்பட்டுள்ளது.

தலைமை ஆசிரியர்களுக்கு அறிவுரை

தலைமை ஆசிரியர்களுக்கு அறிவுரை

பள்ளி மாணவர்களுக்கு, 'டெங்கு, சிக் குன் குனியா' போன்ற காய்ச்சல்கள் வராமல் தடுக்க, முன்னெச்சரிக்கை நடவடிக்கை எடுக்கும்படி, பள்ளி தலைமை ஆசிரியர்களுக்கு அறிவுரை வழங்கப்பட்டுள்ளது.

பள்ளிக்கல்வி இயக்குனர் கண்ணப்பன் அனுப்பிய சுற்றறிக்கை

* மாணவர்கள் உணவு உண்ணும் முன், இரு கைகளையும் சோப்பால் சுத்தம் செய்ய அறிவுறுத்த வேண்டும்.

* வகுப்பறை மற்றும் கழிவறையை சுற்றியோ, பள்ளி வளாகத்திலோ நீர் தேங்காமல் பார்த்து கொள்ள வேண்டும்; குடிநீர் தொட்டிகளை மூடி வைக்க வேண்டும்

* கொசு உற்பத்தியாகும் குப்பை, பொருட்களை சேர்க்காமல், பள்ளி வளாகத்தை சுத்தமாக வைத்திருக்க வேண்டும்

* மாணவர்கள், காய்ச்சி வடிகட்டிய குடிநீரையே பருக அறிவுறுத்த வேண்டும்

* காய்ச்சல் அறிகுறிகள் தெரிந்தாவுடன், ஆரம்ப சுகாதார மையத்தில் சேர்த்து, சிகிச்சைக்கு ஏற்பாடு செய்ய வேண்டும்.இவ்வாறு கூறப்பட்டுள்ளது.

தமிழகத்திற்கு கூடுதலாக 1,000 எம்.பி.பி.எஸ்., இடம்

தமிழகத்திற்கு கூடுதலாக 1,000 எம்.பி.பி.எஸ்., இடம்

தமிழகத்தில், ஏழு சுய நிதி கல்லுாரிகளில், 1,000 எம்.பி.பி.எஸ்., இடங்களுக்கு, இந்திய மருத்துவக் கவுன்சிலான, எம்.சி.ஐ., அனுமதி அளித்துள்ளது. 

தமிழகத்தில், அரசு மற்றும் சுயநிதி கல்லுாரிகளின் மாநில ஒதுக்கீட்டு இடங்களுக்கான, மருத்துவ மாணவர் சேர்க்கை கலந்தாய்வு, ஜூனில் நடந்தது. அரசு கல்லுாரிகளில், 2,379 எம்.பி.பி.எஸ்., இடங்கள்; அரசு பல் மருத்துவக் கல்லுாரிகளில், 85; சுயநிதி கல்லுாரிகளில், 470 எம்.பி.பி.எஸ்., இடங்கள் நிரம்பின.

ஒதுக்கீடு பெற்ற, 143 பேர், இன்ஜினியரிங் உட்பட, பிற படிப்புகளில் சேர்ந்ததால், அந்த இடங்கள் காலி இடங்களாக மாறின. அவற்றுக்கும், சுயநிதி கல்லுாரிகளின், 970 பி.டி.எஸ்., இடங்களுக்கும் சேர்த்து, இரண்டாம் கட்ட கலந்தாய்வு நடந்து வருகிறது. இந்நிலையில், தமிழகத்தில் உள்ள, ஏழு சுயநிதி கல்லுாரிகளில், 1,000 எம்.பி.பி.எஸ்., இடங்களுக்கு, எம்.சி.ஐ., அனுமதி அளித்துள்ளது; இதில், மாநில அரசின் ஒதுக்கீட்டிற்கு, 593 இடங்கள் கிடைத்துள்ளன. மேலும், மூன்று சுயநிதி கல்லுாரிகளில், பி.டி.எஸ்., படிப்புக்கு அனுமதி கிடைத்துள்ளதால், மாநில ஒதுக்கீட்டிற்கு, 275 பி.டி.எஸ்., இடங்களும் கிடைத்துள்ளன. இதையடுத்து, கலந்தாய்வில் கூடுதல் இடங்கள் சேர்க்கப்பட்டுள்ளன; வரும், 24ம் தேதி வரை கலந்தாய்வு நடக்க உள்ளது. கூடுதலாக, எம்.பி.பி.எஸ்., - பி.டி.எஸ்., இடங்கள் கிடைத்துள்ளது, காத்திருந்த மாணவர்களுக்கு மகிழ்ச்சியை அளித்துள்ளது.

புதிய ஓய்வூதிய திட்டம் ரத்தாகிறதா?

புதிய ஓய்வூதிய திட்டம் ரத்தாகிறதா?

ஓய்வூதிய திட்டம் குறித்து முடிவு எடுப்பதற்காக, அரசு அமைத்துள்ள நிபுணர் குழு, மூன்றாவது நாளாக அரசு ஊழியர்கள் மற்றும் ஆசிரியர் சங்கங்களிடம் கருத்து கேட்டது. தமிழக அரசு ஊழியர்களுக்கு, பங்களிப்புடன் கூடிய ஓய்வூதிய திட்டம், 2003 ஏப்., 1ல், அமல்படுத்தப்பட்டது. இதற்கு, அரசு ஊழியர்கள் மற்றும் ஆசிரியர்கள் என, அனைத்து தரப்பினரும் எதிர்ப்பு தெரிவித்ததுடன், பழைய ஓய்வூதிய திட்டத்தையே அமல்படுத்த வேண்டும் என, வலியுறுத்தி வருகின்றனர்.

இது குறித்து ஆய்வு செய்து அறிக்கை தர, ஓய்வு பெற்ற ஐ.ஏ.எஸ்., அதிகாரி சாந்தா ஷீலா நாயர் தலைமையிலான நிபுணர் குழுவை, தமிழக அரசு அமைத்தது. இக்குழு, தலைமைச் செயலகத்தில், இம்மாதம், 15, 16ல், கருத்து கேட்பு கூட்டத்தை நடத்தியது. நேற்று மூன்றாவது நாளாக, கருத்து கேட்பு கூட்டம் தொடர்ந்தது.

தமிழ்நாடு ஆசிரியர் சங்கங்களின் கூட்டு நடவடிக்கை குழுவான, ஜாக்டா, தமிழ்நாடு அரசு கல்லுாரி ஆசிரியர்கள் சங்கம் உட்பட, பல சங்கங்களின் பிரதிநிதிகள் பங்கேற்றனர். பழைய ஓய்வூதிய திட்டத்தை அமல்படுத்தக்கோரி, நிபுணர் குழுவிடம் மனுவும் அளித்தனர்.

இது குறித்து, ஜாக்டா ஒருங்கிணைப்பாளர் இளமாறன் கூறியதாவது:

புதிய பங்களிப்பு ஓய்வூதிய திட்டம் நடைமுறைக்கு வந்த பின், இதுவரை, ஓய்வூதியம் வழங்க விதிமுறைகள் வகுக்கப்படவில்லை. குறைந்தபட்ச ஓய்வூதியம், குடும்ப ஓய்வூதியத்திற்கும் உத்தரவாதம் இல்லை. ஆசிரியர்கள், அரசு ஊழியர்கள் மன உளைச்சல் இன்றி வாழ, பழைய ஓய்வூதிய திட்டத்தை செயல்படுத்த, அரசுக்கு பரிந்துரைக்க வேண்டும் என, மனு கொடுத்துள்ளோம்.

இவ்வாறு அவர் கூறினார்.

இந்திய பணக்காரர் பட்டியலில் மீண்டும் முதலிடம் பிடித்த முகேஷ் அம்பானி

இந்திய பணக்காரர் பட்டியலில் மீண்டும் முதலிடம் பிடித்த முகேஷ் அம்பானி

புதுதில்லி: இந்திய பணக்காரர்கள் பட்டியலில் ரூ.15 லட்சம் கோடி சொத்துக்களுடன் முகேஷ் அம்பானி மீண்டும் முதல் இடம் பிடித்துள்ளார்.

இந்தியாவின் முதல் 10 பணக்காரர்கள் பட்டியலை ‘போர்ப்ஸ்’ பத்திரிகை வெளியிட்டுள்ளது.

அதில், ரிலையன்ஸ் தொழில் நிறுவனங்களின் தலைவர் முகேஷ் அம்பானியின் சொத்து மதிப்பு ரூ.15 லட்சம் கோடி என்றும் அவர் இந்தியாவின் பணக்காரர்கள் பட்டியலில் முதலிடத்தில் இருப்பதாகவும் தெரிவிக்கப்பட்டுள்ளது.

கடந்த ஆண்டு முகேஷ் அம்பானியின் சொத்து ரூ.12 லட்சம் கோடியாக இருந்தது. கடந்த 12 மாதங்களில் அவரது சொத்து 21 சதவீதம் அதிகரித்துள்ளது.

இவரைத்தொடர்ந்து இந்தியாவின் மருந்து பொருட்கள் உற்பத்தி துறையில் சாதனை படைத்து வரும் திலிப் சங்வி 2-வது இடம் பிடித்துள்ளார். இவரது சொத்து ரூ.11 லட்சம் கோடி.

அடுத்தடுத்த இடங்களை பெற்றுள்ளவர்களின் பட்டியல் விவரம்: 

3. இந்துஜா சகோதர்கள் (ரூ.10.1 லட்சம் கோடி)

4. அசிம் பிரேம்ஜி (ரூ.10 லட்சம் கோடி)

5. பல்லோன்ஜி பிஸ்திரி (ரூ.9.31 லட்சம் கோடி)

6. லட்சுமி மிட்டல் (ரூ.8.37 லட்சம் கோடி)

7. கோத்ராஜ் குடும்பம் (ரூ.8.31 லட்சம் கோடி)

8. ஷிவ் நாடார் (ரூ.7.64 லட்சம் கோடி)

9. குமார் பிர்லா (ரூ.5.89 லட்சம் கோடி)

10. சைரஸ் பூனவாலா (ரூ.5.76 லட்சம் கோடி

முதுநிலை டிப்ளமோ, பல் மருத்துவ படிப்புகளுக்கான நுழைவுத் தேர்வுகளை நடத்துகிறது என்பிஇ

முதுநிலை டிப்ளமோ, பல் மருத்துவ படிப்புகளுக்கான நுழைவுத் தேர்வுகளை நடத்துகிறது என்பிஇ

முதுநிலை டிப்ளமோ, முதுநிலை பல் மருத்துவம் (எம்டிஎஸ்) ஆகிய படிப்புகளுக்கான தேசிய தகுதி காண் நுழைவுத் தேர்வினை (நீட்) தேசிய மருத்துவ தேர்வு வாரியம் (என்பிஇ) நடத்தவுள்ளது.

இதுதொடர்பாக, அந்த வாரியம் புதன்கிழமை வெளியிட்ட அறிக்கையில் மேலும் கூறப்பட்டுள்ளதாவது:
2017-ஆம் ஆண்டுக்கான முதுநிலை டிப்ளமோ மருத்துவப் படிப்புகளுக்கான நுழைவுத் தேர்வுகள், நாடு முழுவதும் 41 நகரங்களில் உள்ள 86 தேர்வு மையங்களில், வரும் டிசம்பர் 5-ஆம் தேதி முதல் 13-ஆம் தேதி வரை நடைபெறவுள்ளன.
கணினி வாயிலாக நடைபெறும் இந்தத் தேர்வுகளில் எம்.பி.பி.எஸ். மருத்துவப் பாடத்திட்டத்தில் இருந்து 300 கேள்விகள் இடம்பெறும். இதேபோல், முதுநிலை பல் மருத்துவப் படிப்புக்கான (எம்டிஎஸ்) நுழைவுத் தேர்வுகள், அதே மையங்களில், வரும் நவம்பர் 30-ஆம் தேதி முதல் டிசம்பர் மாதம் 3-ஆம் தேதி வரை நடைபெறவுள்ளன.
முதுநிலை பல் மருத்துவப் படிப்புக்கு நாடு தழுவிய அளவில் ஒரே பொதுநுழைவுத் தேர்வு நடத்தப்படவுள்ளது. இதுதவிர, மாநில அளவிலோ அல்லது கல்லூரி அளவிலோ நடத்தப்படும் நுழைவுத் தேர்வுகள் செல்லாது என அறிவிக்கப்படுகிறது.
முதுநிலை பல் மருத்துவம், முதுநிலை டிப்ளமோ ஆகிய படிப்புகளுக்கான நுழைவுத் தேர்வுகளை எழுத விரும்புவோர், வரும் 26-ஆம் தேதி முதல் அக்டோபர் 31-ஆம் தேதி வரை இணையதளத்தில் விண்ணப்பிக்கலாம்.
எய்ம்ஸ் மருத்துவக் கல்லூரி, சண்டீகரில் உள்ள பிஜிமர் மருத்துவக் கல்லூரி, ஜிப்மர் மருத்துவக் கல்லூரி, தேசிய மனநல கல்வி நிறுவனம் ஆகிய கல்லூரிகள், முதுநிலை டிப்ளமோ படிப்புகளுக்கான நுழைவுத் தேர்வு வரம்பில் வராது.
இதேபோல், எய்ம்ஸ் மருத்துவக் கல்லூரி, தில்லி பல் மருத்துவக் கல்வி நிறுவனம் ஆகியவை முதுநிலை பல் மருத்துவ படிப்புக்கான நுழைவுத் தேர்வு வரம்பில் வராது என்று அந்த அறிக்கையில் தெரிவிக்கப்பட்டுள்ளது.

மத்திய அரசில் மூத்த ஆராய்ச்சி உதவியாளர் பணி

மத்திய அரசில் மூத்த ஆராய்ச்சி உதவியாளர் பணி

மத்திய அரசில் நிரப்பப்பட உள்ள மூத்த ஆராய்ச்சி உதவியாளர் பணிக்கான அறிவிப்பு வெளியிடப்பட்டுள்ளது. இதற்கு சம்மந்தப்பட்ட துறைகளில் பட்டம், முதுகலை பட்டம் பெற்றவர்களிடமிருந்து விண்ணப்பங்கள் வரவேற்கப்படுகின்றன.

பணி: Senior Research Assistant
காலியிடங்கள்: 09
தகுதி: வேதியியல் படிப்பில் தேர்ச்சி பெற்றிருக்க வேண்டும.
வயது வரம்பு: 30 வயதுக்குள் இருக்க வேண்டும்.
சம்பளம்: மாதம் ரூ.9,300-34,800
பணியிடம்: தமிழகம் பணி: Senior Technical Assistant
காலியிடங்கள்: 03
தகுதி: Agronomy, Plant Breedings, Genetics முதுகலை பட்டப்படிப்பில் தேர்ச்சி பெற்றிருக்க வேண்டும்.
வயது வரம்பு: 30 வயதுக்குள் இருக்க வேண்டும்.
சம்பளம்: மாதம் ரூ.9,300-34,800
தேர்வு செய்யப்படும் முறை: எழுத்துத் தேர்வு மற்றும் நேர்முகத் தேர்வின் அடிப்படையில் தகுதியானவர்கள் தேர்வு செய்யப்படுவார்கள்.
விண்ணப்பக் கட்டணம்: பொது மற்றும் ஓபிசி பிரிவினர் ரூ.100 விண்ணப்பக் கட்டணமாக செலுத்த வேண்டும். எஸ்சி,எஸ்டி,மாற்றுத் திறனாளிகள் கட்டணம் செலுத்துவதில் விலக்கு அளிக்கப்பட்டுள்ளது.
விண்ணப்பிக்கும் முறை: http://sscsr.gov.in என்ற இணையதளத்தில் ஆன்லைனில் விண்ணப்பிக்க வேண்டும்.
விண்ணப்பிப்பதற்கான கடைசித் தேதி: 03.10.2016
மேலும் முழுமையான விவரங்கள் அறிய http://sscsr.gov.in என்ற இணையதளத்தை பார்த்து தெரிந்துகொள்ளவும்.

தமிழ்க் கடல் - பகுதி - 1 ஓரெழுத்தொருமொழி

தமிழ்க் கடல் - பகுதி - 1 ஓரெழுத்தொருமொழி

1.    அ - 'அந்த' என்ற பொருள்படும் சுட்டுப்பெயர்.

2.    ஆ - மாடு.

3.    இ - 'இந்த' என்ற பொருள்படும் சுட்டுப்பெயர்.

4.    ஈ - ஒரு வகைப் பூச்சி, அழிவு.

5.    உ - 'உந்த' என்ற பொருள்படும் சுட்டுப்பெயர்.

6.    ஊ - ஊன், இறைச்சி.

7.    எ - 'எந்த' என்ற பொருள்படும் கேள்விப்பெயர்.

8.    ஏ - ஏவுதல், அம்பு.

9.    ஐ - நுட்பம், அழகு.

10.  ஓ - சென்று தங்குதல், மதகு நீர் தங்கும் பலகை.

11.  க - நெருப்பு.

12.  கா - சோலை.

13.  கு - பூமி.

14.  கூ - கூப்பிடு.

15.  கை - கரம்.

16.  கோ - அரசன்.

17.  கௌ - 'கௌவு' என்று ஏவுதல்.

18.  சா - இறத்தல், 'சாவு' என்று ஏவுதல்.

19.  சே - சிவப்பு.

20.  சோ - மதில்.

21.  தா - 'கொடு' என்று ஏவுதல்.

22.  தீ - நெருப்பு.

23.  து - உண் என்னும் ஏவல். துக் கொற்றா

24.  தூ - தூய்மை.

25.  தை - தையல் எனப்படும் பெண், 'தை' என்று ஏவுதல்.

26.  ந - சிறப்பு.

27.  நா - நாக்கு.

28.  நீ - முன்னிலை ஒருமைப் பெயர்

29.  நூ - எள்.

30.  நே - நேசம்.

31.  நை - நைதல்.

32.  நொ - மென்மை.

33.  நோ - வலி.

34.  நௌ - மரக்கலம், கப்பல்.

35.  பா - பாடல்.

36.  பி - அழகு.

37.  பீ - கழிவு.

38.  பூ - மலர்.

39.  பே - அச்சம்.

40.  பை - பசுமை.

41.  போ - 'செல்' என்று ஏவுதல்.

42.  மா - ஒரு வகை மரம்.

43.  மீ - மிகுதியானது.

44.  மூ - மூன்று.

45.  மே - மேன்மை.

46.  மை - மசி (ink).

47.  மோ - மொள்ளுதல்.

48.  யா - 'யாவை' என்ற பொருள்படும் கேள்விப்பெயர்.

49.  வா - 'வா' என்று அழைத்தல்.

50.  வி - விசை.

51.  வீ - பறவை.

52.  வை - 'வை' என்று ஏவுதல்.

பள்ளிகளுக்கு2ம் பருவ பாடப் புத்தகம் அக்.3ல் வழங்க வேண்டும்: கல்வித்துறை உத்தரவு.

பள்ளிகளுக்கு2ம் பருவ பாடப் புத்தகம் அக்.3ல் வழங்க வேண்டும்: கல்வித்துறை உத்தரவு.

கடந்த 5 ஆண்டுகளில் பள்ளிக் கல்வித்துறை அடைந்துள்ள வளர்ச்சி குறித்த ஆய்வுக் கூட்டம் நேற்று நடந்தது.சென்னை கல்லூரிச் சாலையில் உள்ள தமிழ்நாடு பாடநூல் கழக கட்டிடத்தில் நடந்த இந்த ஆய்வுக் கூட்டத்தில் அனைத்து மாவட்ட முதன்மைக் கல்வி அலுவலர்கள் கலந்து கொண்டனர்.
பள்ளிக் கல்வி செயலாளர் சபீதா தலைமை தாங்கினார். பள்ளிக் கல்வி இயக்குநர், தொடக்க கல்வி இயக்குநர், மாநில கல்வி ஆராய்ச்சி மற்றும் பயிற்சி இயக்குநர், தேர்வுத்துறை இயக்குநர் மற்றும் இணை இயக்குநர்கள் கலந்து கொண்டனர்.நடப்பு கல்வி ஆண்டில் பள்ளிக் கல்வித்துறையில் செய்ய வேண்டிய திட்டங்கள் குறித்து செயலாளர் சபிதா விளக்கினார்.

மேலும், தற்போது நடக்கும் காலாண்டுத் தேர்வுகள் முடிந்த பின் அறிவிக்கப்படும் விடுமுறைக்கு பிறகு அக்டோபர் 3ம் தேதி பள்ளிகள் திறக்கப்பட உள்ளது.பள்ளி திறக்கும் நாளில் அனைத்து மாணவ மாணவியருக்கும் இரண்டாம் பருவ பாடப்புத்தகங்களை கண்டிப்பாக வழங்க வேண்டும் என்று உத்தரவிட்டார். அத்துடன் நாபார்டு திட்டத்தின் மூலம் அனைத்து மாவட்டத்திலும் கூடுதல் வகுப்பறைகள், ஆய்வகங்கள் கட்டும் பணியை துரிதப்படுத்தவும் உத்தரவிட்டார்.

3 வயதுக்கு உட்பட்ட காதுகேளாத குழந்தைகளை பேச வைக்கலாம்: சென்னை பாலவித்யாலயா பள்ளியில் இலவச பயிற்சி.

3 வயதுக்கு உட்பட்ட காதுகேளாத குழந்தைகளை பேச வைக்கலாம்: சென்னை பாலவித்யாலயா பள்ளியில் இலவச பயிற்சி.

மூன்று வயதுக்கு உட்பட்ட காதுகேளாத குழந்தைகளைப் பேச வைப்பதற்கான சிறப்புப் பயிற்சி சென்னையில் உள்ள பாலவித்யா லயா காதுகேளாதோர் பள்ளியில் இலவசமாக அளிக்கப்படுகிறது.சென்னை அடையாறு சாஸ்திரி நகரில் இயங்குகிறது பாலவித் யாலயா காது கேளாதோர் பள்ளி. இங்கு, காதுகேளாத குழந்தைகள்சேர்க்கப்பட்டு அவர்களுக்குச் சிறப்புப் பயிற்சி அளிக்கப்படுகிறது.
இதுகுறித்து அப்பள்ளியின் கவுரவ இயக்குநர் சரஸ்வதி நாராயணசாமி, முதல்வர் வள்ளி அண்ணாமலை, துணை முதல்வர் மீரா சுரேஷ் ஆகியோர் கூறிய தாவது:

பெரும்பாலும் குழந்தைகள் 3-வது மாதம் முதல் 4-வது மாதத்தில் குப்புறப் படுக்க ஆரம் பிக்கும். தலையைத் தூக்கி இங்கும் அங்கும் பார்க்கும். எப்போது நாம் அதன் பெயரை அழைக்கிறோமோ அப்போது அது ஆசையுடன் சத்தம் வரும் திசையை நோக்கி எட்டிப் பார்க்கும். முதலில் சத்தத்தை உணர்ந்து கொள்ள முயற்சிக்கும். அதன்பிறகு அந்தச் சத்தம்எங் கிருந்து வருகிறது என்பதைக் கண்டுபிடிக்கும்.பின்னர் சத்தத்தை வேறுபடுத்திப் பார்த்து, அதில் இருந்து ஓர் அர்த்தத்தைப் புரிந்துகொள்ளும். அதைத்தொடர்ந்து தானாக பேசும் கலையை குழந்தையே வளர்த்துக் கொள்ளும்.

ஆனால் இந்த திறமை அனைத்துக் குழந்தைகளுக்கும் கிடைப்பதில்லை. பிறக்கும் ஆயிரம் குழந்தைகளில் ஒரு குழந்தை காதுகேளாக் குறைபாடுடன் பிறக் கிறது. காது கேளாத காரணத் தால் பேசும் திறன் அந்தக் குழந் தைக்கு இருக்காது. இதை நாம் சிறுவயதிலேயே கண்டுபிடிக்க முடியும். குழந்தைப் பிறந்த உடன் பரிசோதித்துப் பார்க்கும்போது காது கேட்கிறதா என்பதை கண்டு பிடிக்கலாம். மேலும், போலியோ சொட்டு மருந்து கொடுக்கும்போதும் தெளிவாக உணர முடியும்.குழந்தைக்குக் காது கேட்கவில்லை என்பதை நாம் உணர்ந்த வுடன் கேட்கும் திறனைப் பரிசோதிக் கும் ஆடியோ வல்லுநர்களிடம் பரிசோதனைக்குக் கொண்டு செல்லவேண்டும்.

குழந்தைப் பிறந்து 3 முதல் 4 மாதங்களில் ஒரு தாய் தனது குழந்தையைக் கூப்பிடும்போது அது சத்தம் வரும் திசையை நோக்கி பார்க்கிறதா? அல்லது பார்க்காமல் இருக்கிறதா? என்பதை எளிதாக கண்டுபிடிக்க முடியும். அப்படி பார்க்கவில்லை என்றால் உடனடியாக குழந்தையை காது மூக்கு தொண்டை மருத்துவர் அல்லது ஆடியோ நிபுணர்களிடம் கொண்டு செல்லவேண்டும். 3 வயதுக்குள் கண்டுபிடித்துவிட்டால் குழந்தை மிக விரைவிலேயே பேசும் திறனையும் கேட்கும் திறனையும் கற்றுக்கொண்டு மற்ற குழந்தை கள் போன்று இயல்புநிலையை அடைந்து இதர குழந்தைகளுடன் சேர்ந்துகொள்ளும்.காதுகேளாத குழந்தைக்கு காது கேட்கும் கருவியை பொருத்துவது மூலமாக அது சத்தத்தை உணர்ந்து கொள்ளும். ஆனால், குழந்தை தானாக பேசுவதற்குக் கற்றுக் கொள்ள தனியாக பயிற்சி அளிக்க வேண்டும்.

இந்தச் சிறப்புப் பயிற்சியால், காதுகேளாத குழந்தை மற்றவர்கள் பேசுவதைப் போல் பேச கற்றுக்கொள்ளும். எங்கள் பள்ளியில் காதுகேளாத குழந்தைகளுக்குத் தேவையான அனைத்துப் பயிற்சிகளையும் இலவசமாக அளிக்கிறோம். பொது வாக, காதுகேளாத குழந்தை களுக்குப் பயிற்சி அளிக்கும் அனைத்துப் பள்ளிகளும் 5 வயதுக்கு மேற்பட்ட குழந்தைகளைத்தான் சேர்த்துக்கொள்கின்றன. ஆனால் எங்கள் பள்ளியில், பிறந்தது முதல் 3 வயதுக்குட்பட்ட குழந்தைகள் வரை சேர்த்துக் கொள்கிறோம். இங்கு சேர குழந்தைகளுக்குக் குறைந்தபட்ச வயது வரம்பு ஏதும் கிடையாது. பிறந்த சில நாட்களே ஆன குழந்தைகள் கூட சேர்த்துக் கொள்கிறோம்.

பெரியவர்கள் பேசுவதைக் கேட்கவும் பின்னர் அதற்கு ஏற்ப பதில் அளிக்கவும் இளம் பரு வத்தில் இருந்தே இந்தக் குழந்தை களுக்குப் பயிற்சி அளிக்க ‘தவானி’ என்ற முறையைப்பின் பற்றுகிறோம். இங்கு 3 முதல் 4 ஆண்டுகள் அளிக்கப்படும் சிறப்புப் பயிற்சிகள் மூலம் குழந் தைகள் வாசிக்கவும் எழுதவும் எண்கள் அடங்கிய கணக்குகளைப் போடவும் கற்றுக் கொள்கிறார்கள். இதனால் அவர்கள் 5 முதல்6 வயதுக்குள் இந்தப் பள்ளியில் இருந்து வெளியே வந்து பொது வான பள்ளிகளில் சேர்ந்துவிடலாம்.இவ்வாறு அவர்கள் கூறினர்.

வாக்குச்சாவடி அலுவலர் நியமனம் : ஒரே துறை பணியாளர்களுக்கு தடை

வாக்குச்சாவடி அலுவலர் நியமனம் : ஒரே துறை பணியாளர்களுக்கு தடை

ஒரே வாக்குச்சாவடியில், ஒரே துறையைச் சேர்ந்த பணியாளர்களை வாக்குச்சாவடி அலுவலர்களாக நியமிக்ககூடாது என, மாநில தேர்தல் ஆணையம் தெரிவித்துள்ளது. கடந்த உள்ளாட்சித் தேர்தலில் வாக்குச்சாவடி அலுவலர்கள் நியமனத்தில் குழப்பம் ஏற்பட்டது. இதனை தவிர்க்கும் வகையில் சில விதிமுறைகளை கடைபிடிக்க மாநில தேர்தல் ஆணையம் உத்தரவிட்டது. அதன்படி வாக்குச்சாவடி தலைமை அலுவலர், வாக்குப்பதிவு அலுவலர் நிலை 1 ல் மாநில அரசு பணியில் உதவியாளர் தகுதி அல்லது அவர்கள் சம்பள விகிதத்திற்கு குறையாத பணியாளர்களை நியமிக்க
வேண்டும்.வாக்குப்பதிவு அலுவலர் நிலை 2,6ல் அலுவலக உதவியாளர் தகுதி அல்லது அவர்கள் சம்பள விகிதத்திற்கு குறையாத பணியாளர்கள், வாக்குப்பதிவு அலுவலர் நிலை 3,4,5ல் இளநிலை உதவியாளர் தகுதி அல்லது அவர்கள் சம்பள விகிதத்திற்கு குறையாத பணியாளர்களை நியமிக்க வேண்டும். போலீஸ், மருத்துவம், மின்சாரம், குடிநீர் வழங்கல், பால்பண்ணை போன்ற துறை பணியாளர்களை நியமிக்க கூடாது. அரசியல் சார்புடையவர் என அறியப்பட்டவர், முந்தைய தேர்தல்களில் ஒழுங்கு நடவடிக்கைக்கு உட்பட்டவர், வேட்பாளரின் உறவினர் ஆகியோரை பணியமர்த்த கூடாது. அதிக வாக்காளர்கள் அல்லது பர்தா அணிந்த இஸ்லாமிய பெண்கள் நிறைந்த பெண் வாக்குச்சாவடிகளில், அடையாளம் காண்பதற்காக ஒன்று அல்லது 2 பெண் வாக்குப்பதிவு அலுவலர்களை நியமிக்க வேண்டும். மேலும் ஒரே வாக்குச்சாவடியில் ஒரே துறைச் சேர்ந்த பணியாளர்கள் நியமித்தால் கூட்டுச் சேர வாய்ப்புள்ளது. இதனால் வெவ்வேறு துறை பணியாளர்களை மட்டுமே நியமிக்க வேண்டும். இவ்வாறு மாநில தேர்தல் ஆணையம் தெரிவித்துள்ளது.

TNPSC:அரசுப் பணி தேர்வுகளுக்கான மாதிரி வினா-விடை

TNPSC:அரசுப் பணி தேர்வுகளுக்கான மாதிரி வினா-விடை 

1. காப்பி, தேநீரில் உள்ள ஊக்கம் தரும் பொருள் - காபின்
2. இதயத்திலிருந்து ரத்தத்தை வெளியே கொண்டு செல்லும் ரத்தக்குழாய்கள் - தமனிகள்
3. இரத்தத்தில் ஹீமோகுளோபின் உருவாக தேவைப்படுவது - இரும்பு
4. மாலுமிகளின் திசைக்காட்டியில் பயன்படுவது - காந்தமாக்கப்பட்ட இரும்பு

5. மிகப் பிரகாசமான கிரகம் - சுக்கிரன் (Venus)
6. நிக்கோடின் என்ற விஷப்பொருள் எதில் உள்ளது - புகையிலை
7. ஹீலியம் - உலோகமற்றப் பொருள்
8. கிட்டப்பார்வையை நிவர்த்தி செய்ய - குழி ஆடி பயன்படுத்தப்படுகிறது.
9. கண்ணுக்குள் செல்லும் ஒளி அளவை ஒழுங்குப்படுத்துவது - ஐரிஸ்
10. இடம் பெயர்தலை (Law of Motion) எத்தனை விதிகளில் நியூட்டன் தந்திருக்கிறார் - மூன்று விதிகளில்
11. ஸ்ட்ரெப்டோமைசினைக் கண்டுபிடித்தவர் - வாக்ஸ்மான்
12. திட கார்பன்-டை-ஆக்சைடு என்பது - உலர்ந்த ஐஸ்
13. பைசென்டினெரி என்பது - 200 ஆண்டு
14. பாம்பிற்கு காணப்படாதது - புற உறுப்புகள்
15. ஒரு குரோஸ் என்பது - 144 எண்ணிக்கை
16. திமிங்கலம் ஒரு - பாலூட்டி
17. டாலமைட் - மக்னீசியத்தின்  தாதுப்பொருள்
18. ஒலியைப் பரப்ப டேப்ரிகார்டரில் பயன்படுவது - மாக்னெடிக் நாடா
19. இரும்பு ஆணி எதில் மிதக்கிறது - பாதரசம்
20. கொய்னா எந்த மரத்திலிருந்து எடுக்கப்படுகிறது - சின்கோனா
21. காற்றில் தீப்பற்றக் கூடிய மூலகப் பொருள் - வெண்பாஸ்பரம்
22. எந்தச் செடி உணவை தண்டில் சேமிக்கிறது - இஞ்சி
23. வண்ணப்படுத்த பயன்படும் அமிலம் - அசிடிக் அமிலம்
24. பட்டுத் துணி எதிலிருந்து தயாரிக்கப்படுகிறது - ககூன்
25. இரு ஐஸ் கட்டிகள் ஒன்றோடொன்று அழுத்தப்படும் போது ஐஸில் - ஐஸின் உருகுநிலை அழுத்தம் மாறும்போது குறைகிறது.
26. வீட்டில் பயன்படுத்தப்படும் எலக்ட்ரிக் சக்தியை எப்படி கண்க்கிடப்படுதல் வேண்டும் - கிலோவாட் மணிக்கு
27. வெங்காயத்தில் உண்ணக்கூடிய பகுதி - வேர்
28. வைட்டமின் கண்டுபிடித்தவர் - பங்ஸ் (Funks)
29. உடலில் உஷ்ணம் காண கிளினிகல் தர்மா மீட்டரில் கண்க்கிடுவது - சென்டிகிரேட்
30. காயம் நீல நிறமாக இருக்க காரணம் - காற்றின் மூலக்கூறுகள் சூரிய ஒளியைப் பரப்புகின்றன.
31. நம் கண்கள் - நிறங்களுக்கு மிகவும் நுட்பமாக உணவூட்டத் தக்கது. - சிகப்பு
32. ஒலியின் வேகம் மிக நீளமுடையது - காற்றில்
33. ஒரு லிட்டர் என்பது - 1000 மி.லி
34. ஹார்டுவேர் என்பது - கம்ப்யூட்டருடன் தொடர்புடையது
35. B.C.G எதனைத் தடுக்க உதவுகிறது - காசநோய்
36. மணலின் ரசாயனப் பெயர் - சிலிகன்-டை-ஆக்ஸைட்
37. சோனார் - நீர்மூழ்கிக் கப்பலைக் கண்டறிய பயன்படுகிறது.
38. உடல் வளர்ச்சிக்கு அதிக சக்தியை தருவது - புரதம்
39. பூச்சிகளைத் தின்னும் தாவரம் - ட்ரோசரா
40. பாலூட்டும் பிராணி எது - வெளவால்
41. இசைகள் பசுமையாக இருக்க காரணம் - பச்சையம்
42. வயிற்றில் சுரக்கும் இரப்பை நீரில் அடங்கியது - அமிலம்
43. வளிமண்டல தோற்றத்தைப் பற்றி அறிந்துகொள்ள உதவும் அறிவியலின் பிரிவு - வானிலை ஆராய்ச்சி
44. நரம்பியலைப் பற்றி அறிந்துகொள்ள உதவும் அறிவியல் பிரிவு - நியூராலஜி
45. மிக எளிதில் பற்றாத வாயு - நைட்ரஜன்
46. நிக்ரோமிலும் ஜெர்மன் வெள்ளியிலும் பொதுவாக உள்ள மூலப்பொருள் - குரோமியம்
47. மந்த வாயுக்களை கண்டுபிடித்தவர் - ராம்சே
48. மனித உடலின் சராசரி வெப்பநிலை - 36.9 சி
49. உடல் வெப்பநிலை எதனால் சரி செய்யப்படுகிறது - மூளையின் ஒரு பகுதி.
50. வெடி மருந்தைக் கண்டுபிடித்தவர் - நோபல்

TNPSC: அரசுப் பணி தேர்வுகளுக்கான மாதிரி வினா-விடை

TNPSC: அரசுப் பணி தேர்வுகளுக்கான மாதிரி வினா-விடை 

1. நாளமில்லா சுரப்பிகளின் தலைவன் - பிட்டியூட்டரி
2. சிறுநீரகத்தின் செயல் அலகு - நெப்ரான்
3. இனப்பெருக்க செல் - ஜீன்
4. மூளையில்லுள்ள சவ்வுகளின் இடையில் காணப்படும் திரவம் - மூளை தண்டுவட திரவம்

5. போட்டோ மீட்டர் கருவிகளால் அறியபவை - வெவ்வேறு ஒளி மூலங்களை ஒப்பிட
6. ஒரு லென்சின் திறன் (Power of a Lens)  அலகு -  டயாப்டர்
7. மென் ஏடு வண்ணமாகத் தோன்றுவதன் காரணம் - ஒளிவிலகல்
8. நிறையும் திசைவேகமும் இரு மடங்காகும்போது இயக்க ஆற்றல் - 8 மடங்கு ஆகும்
9. செரித்தலுக்கு உதவுபவை - நொதித்தல்
10. நரம்பு மண்டலம் - நியூரான் செல்களால் ஆக்கப்பட்டிருக்கிறது.
11. எலக்ட்ரோ-கார்டியோகிராம் என்ற கருவி - இருதயத்தின் வேலைத்திறனை பதிவு செய்ய பயன்படுகிறது.
12. பிட்யூட்டரி சுரக்கும் ஹோர்மோன் - வளர்ச்சி ஹார்மோன்
13. ஒரு மைக்ரான் என்பது - 1/1000 செ.மீ
14. ஒளிச்சேர்க்கையின் முதல் நிலையான விளைபொருள் - சர்க்கரை
15. சவ்வூடுபரவல் என்பது - விரவிப்பரவுதலை ஒத்துள்ளது.
16. தாவரங்களின் வளர்ச்சிக்கு தேவையான மூன்று முக்கிய ஊட்டப்பொருள்கள் - ஆக்ஸிஜன், ஹைட்ரஜன், கார்பன்
17. தாவரங்கள் நீரை கிரகிப்பது நிகழும் காலம் - சூரியன் ஒளி விடும்போது
18. தாவரங்களின் சாறேற்றம் பற்றிய தங்களின் கொள்கையை டிக்ஸன் மற்றும் ஜாலி எந்த கொள்கையின் அடிப்படையில் விளக்கினார் - நீர் மூலக்கூறுகளின் பிணைப்பு சக்தி
19. ப்ளோயம் திசுக்களில் - சல்லடை தட்டுகள் உள்ளன.
20. தாவரங்களினால் உறிஞ்சப்படும் நீர் எதன் வழியாக நகர்கிறது - ஸைலம் தொகுப்பு
21. தாவரங்களிலிருந்து வெளியேற்றும் தண்ணீரின் அளவை அளக்க உதவுவது - கானங்கின் போட்டோ மீட்டர்
22. புறத்தோல் அடுக்கிலிருந்து - பிலபெரஸ் அடுக்கு உண்டாகிறது
23. சொர்கம் செடியின் தண்டில் - பேசிக்குலார் கேம்பியம் உள்ளது.
24. வறண்ட நிலத்தாவரம் அல்லாத ஒரு தாவரம் - யூபோர்பியா டிருக்கள்ளி
25. இரத்தம் உறைய தேவையான தாது - கால்சியம்
26. திசுக்களுக்கு ஆக்ஸிஜன் எடுத்துச் செல்வது - இரத்த சிவப்பணுக்கள்
27. ஒசோன் போர்வையை உண்டாக்குவது - வாகனங்களிலிருந்து வெளியேறும் வாயுக்கள்
28. உலோகங்களை இணைக்க உபயோகப்படும் வாயு - அசிட்டிலின்
29. மார்ஷ் வாயு என்பது - மீத்தேன்
30. உலர்ந்த தலவை செய்ய உபயோகப்படுவது - நாப்தா
31. மனித மார்பில்லுள்ள விலா எலும்புகளின் எண்ணிக்கை - 24
32. இரும்புத் துண்டு எதில் மிதப்பவை - பாதரசத்தில்
33. விவசாயிகளின் நண்பன் - மண்புழு
34. சாதாரணக் கண்ணாடி எதில் செய்யப்படுகிறது - சோடியம் சிலிகேட்
35. சலவைத்தூளில் அடங்கியுள்ளது - குளோரின்
36. ஹார்மோன்கள் சேகரிக்கப்படுவது - நாளமில்லாச் சுரப்பிகள்.
37. ராக்கெட்டுகள் எந்த விதியைச் சார்ந்தது - நியூட்டனின் மூன்றாம் விதி
38. முட்டை பொரிக்க பயன்படுத்தப்படும் சாதனம் - இன்குபேட்டர்.
39. சாரயமும் தண்ணீரும் கலந்த கலவையை பிரிக்கும் முறை - சுத்தப்படுத்துதல்
40. கப்பல் மிதப்பதின் அடிப்படை - ஆர்கிமிடிஸ் தத்துவம்
41. மின்காந்தம் உபயோகப்படுத்துவது - மின்மாற்றியில்
42. தாவரங்கள் கார்போஹைட்ரேட்டை உற்பத்தி செய்வது - கரியமில வாயு நீர்
43. எகாலஜிலினைப்பற்றிய ஆராய்ச்சி - வாழும் உயிரினங்கள்
44. மகரந்தப் பையில் அடங்கியது - மகரந்தத் தூள்கள்
45. பாலின் அடர்த்தியை காண பயன்படுவது - வாக்டா மீட்டர்
46. "வின்னி பெங்" ஏரி எங்குள்ளது - கனடா
47. பிராணிகள் செயலற்றிருத்தல் எந்த காலத்தில் நடைபெறும் - குளிர் காலம்
48. கைத்துப்பாக்கியைக் கண்டுபிடித்தவர் - கோல்
49. நீரின் மேல் சேகரிக்கப்படும் வாயு - ஹைட்ரஜன்
50. இலவங்கம் (கிராம்பு) ஒரு - பூ மொட்டு
                                                                                                                   

நீங்களும் வங்கி அதிகாரி ஆகலாம், கிராம வங்கிகளில் 16,615 காலிப் பணியிடங்கள்

நீங்களும் வங்கி அதிகாரி ஆகலாம், கிராம வங்கிகளில் 16,615 காலிப் பணியிடங்கள்

தற்போது அரசு வங்கிகள், எழுத்தர், அதிகாரி பணியிடங்களுக்குத் தேவைப்படும் பணியாளர்களைப் போட்டிபோட்டுக்கொண்டு தேர்வுசெய்து வருகின்றன. நாட்டின் மிகப் பெரிய பொதுத்துறை வங்கியான பாரத ஸ்டேட் வங்கி நீங்கலாக மற்ற அனைத்துப் பொதுத்துறை வங்கிகளுக்கும் தேவைப்படும் பணியாளர்களும் அலுவலர்களும் வங்கிப் பணியாளர் தேர்வு நிறுவனம் (Institute of Banking Personnel Selection-IBPS) என்ற தேர்வாணையம் நடத்துகின்ற போட்டித் தேர்வு மூலமாகவே தேர்வு செய்யப்படுகிறார்கள்.
அதேபோல், நாடு முழுவதும் இயங்கி வரும் மண்டலக் கிராம வங்கிகளுக்கான (Regional Rural Banks) பணியாளர்களும் ஐ.பி.பி.எஸ். தேர்வு மூலமாகத் தேர்ந்தெடுக்கப்படுகிறார்கள். தமிழகத்தில் பாண்டியன் கிராம வங்கி, பல்லவன் கிராம வங்கி, புதுச்சேரியில் புதுவை பாரதியார் கிராம வங்கி ஆகியவைகிராம வங்கிகளாகச் செயல்படுகின்றன. கிராமப்புற மக்களின் மேம்பாட்டுக்காக தொடங்கப்பட்டவை இவை. இந்த நிலையில், தற்போது நாடு முழுவதும் உள்ள கிராம வங்கிகளில் அலுவலக உதவியாளர், அதிகாரி, சிறப்பு அதிகாரி நிலைகளில் 16,615 காலிப்பணியிடங்கள் போட்டித்தேர்வு மூலம் நிரப்பப்பட உள்ளன.

தேவையான தகுதி

இதற்காக நடத்தப்படும் போட்டித்தேர்வில் முதல்நிலைத்தேர்வு, மெயின் தேர்வு (அதிகாரி பணிக்கு மட்டும் கூடுதலாக நேர்முகத்தேர்வு) என இரு தேர்வுகள்இடம்பெற்றிருக்கும். அலுவலக உதவியாளர் பணிக்கு ஏதேனும் ஒரு பாடத்தில் பட்டம் பெற்றிருந்தால் போதும். அடிப்படைக் கணினி அறிவு இருப்பது விரும்பத்தக்க தகுதி ஆகும். வயது 18 முதல் 28-க்குள்இருக்க வேண்டும். அதிகாரி நிலையிலான பணிகளில் பொதுவான பதவிகளைப் பொருத்தவரையில், பட்டப் படிப்புதான் கல்வித் தகுதி என்ற போதிலும் குறைந்தபட்சம் 50 சதவீத மதிப்பெண் அவசியம்.தொழில்நுட்பப் பதவிகளான சிறப்பு அதிகாரி பணிகளுக்குப் பணியின் தன்மைக்கேற்பக் கல்வித் தகுதி மாறுபடும். வயது 21 முதல் 40-க்குள் இருக்க வேண்டும். ஒரு சில பணிகளுக்கு வயது வரம்பு 30 ஆகவும் நிர்ணயிக்கப்பட்டுள்ளது. மத்திய அரசின் இடஒதுக்கீட்டு விதிமுறைகளின்படி, வயது வரம்பில் எஸ்.சி., எஸ்.டி. வகுப்பினருக்கு 5 ஆண்டுகளும், ஓ.பி.சி. பிரிவினருக்கு 3 ஆண்டுகளும், மாற்றுத் திறனாளிகளுக்கு 10 ஆண்டுகளும் தளர்வு அளிக்கப்படும்.

என்ன செய்யலாம்?

உரிய கல்வித்தகுதியும் வயது வரம்புத் தகுதியும் கொண்ட பட்டதாரிகள் ஐ.பி.பி.எஸ். இணையதளத்தைப் (www.ibps.in) பயன்படுத்தி செப்டம்பர் 30-க்குள் ஆன்லைனில் விண்ணப்பிக்க வேண்டும். ஆன்லைன் வழியிலான முதல்நிலைத் தேர்வு நவம்பர் மாதத்தில் நடைபெறவுள்ளது. இதற்கான ஹால் டிக்கெட்டை அதிகாரி நிலையிலான தேர்வுக்கு அக்டோபர் மாதத்திலும், அலுவலக உதவியாளர் தேர்வுக்கு நவம்பர் மாதத்திலும் ஐ.பி.பி.எஸ். இணையதளத்தில் இருந்து பதிவிறக்கம் செய்துகொள்ள வேண்டும். தேர்வு முறை, பாடத்திட்டம், எந்தெந்த கிராம வங்கிகளில் எவ்வளவு காலியிடங்கள் என்ற விவரம் போன்றவற்றை ஐ.பி.பி.எஸ். இணையதளத்தில் விளக்கமாகத் தெரிந்துகொள்ளலாம்.

DA from 1st July 2016 will be 3% if DA not merged taken in to account

DA from 1st July 2016 will be 3% if DA not merged taken in to account

DA from 1st July 2016 will be 3% if DA not merged taken in to account – DA merger on 7th Pay Commission implementation was 125% against the actual DA entitlement of 125.75 as on 1st January 2016 – Staff Side JCM writes to Govt
Secretary, NCJ writes to Secretary, Ministry of Finance on computing DA from July 2016
Also Read the article on present DA entitlement : 7th Pay Commission DA from July 2016 will be 2% based on CPI from Jul 2015 to Jun 2016
No.NC/JCM/2016
Dated: September 6, 2016
The Secretary(Expenditure),
Ministry of Finance,
(Government of India),
North Block, New Delhi-110 001
Dear Sir,
Sub: Future computation of Dearness Allowance and adoption base index figure to Revised Minimum Wage – Regarding
The revised pay structure, as recommended by the 7th CPC, was given effect as on 01.01.2016 as per the Government’s Notification. The Dearness Allowance, which was computed at 125% ( i.e 125.75 fraction of 0.75 being ignored), got merged with Pay as on that date. The 7th CPC has not indicated as to what base figure of AICPI(IW) the Revised Wages will relate to hereafter wards. As you are aware, the actual DA that was due as on 01.01.2016 was 125.75. It is only due to the practice of ignoring fraction; the DA was determined at 125%. No doubt, the said practice had not been impacting very much except for the postponement of the benefit by six months. It is, therefore, necessary that, Revised Wages are related to a base index figure equivalent to actual Dearness Allowance percentage of 125 that stands merged as on 01.01.2016. This is more so due to the fact that there is no possibility of the ignored fraction of 0.75 being reckoned for any computation in future.
We, therefore, request that, 12 monthly average, which stood at 261.33 as on 31.12.2015, may be taken at 260.46, which would provide the exact percentage of DA at 125. The future percentage increase in DA in other words may be computed with the base figure of 260.46. The next instalment of DA, which has become due as on 1.07.2016 if computed on the above basis of 260.46, shall work out to 3.28%. On ignoring the faction, the DA with effect from 01.07.2016 shall be 3%. We, request you to kindly take the above into account and issue orders for grant of 3% DA w.e.f. 01.07.2016.
Sincerely yours
(Shiva Gopal Mishra)
Secretary (Staff Side)
National Council (JCM)

பழங்குடியினர் மொழிக்கான அகராதி தயாரித்த ஆசிரியைகள்: அரசு அங்கீகரிக்க சமூக ஆர்வலர்கள் கோரிக்கை

பழங்குடியினர் மொழிக்கான அகராதி தயாரித்த ஆசிரியைகள்: அரசு அங்கீகரிக்க சமூக ஆர்வலர்கள் கோரிக்கை

பழங்குடியினர் மொழிக்கான அக ராதியைத் தயாரித்து, கோத்தகிரி பள்ளி ஆசிரியைகள் சாதனை படைத்துள்ளனர்.

நீலகிரி மாவட்டத்தில் கோத்தர், தோடர், இருளர், குரும்பர், பனியர் மற்றும் காட்டு நாயக்கர் என 6 பண் டைய பழங்குடியினர் வசிக்கின்ற னர். இவர்களின் மொழி, பேச்சு வழக்கில் மட்டுமே உள்ளன. எழுத்து வடிவில் இல்லாததால், இவர்களின் மொழியை பழங்குடியினர் அல்லா தோர் கற்பது கடினமாக உள்ளது. அவர்களுடன் தொடர்பில் இருந்து வரும் சிலர் மட்டுமே கற்றுள்ளனர்.

நீலகிரி மாவட்ட ஆதிவாசிகள் நலச்சங்கம் சார்பில், கோத்தகிரியில் விக்டோரியா ஆம்ஸ்டிராங் நினைவு தொடக்கப் பள்ளி செயல்படுகிறது. இங்கு, பழங்குடியின மாணவர்கள் படிக்கின்றனர்.

இங்கு பணிபுரியும் ஆசிரியைகள் ஏ.காயத்ரி, பி.தேன்மலர் ஆகியோர், கோத்தர், தோடர், இருளர் மற்றும் குரும்பர் மொழிகளில் தலா 300 சொற்களை ஆங்கிலம் மற்றும் தமிழில் மொழி பெயர்த்து அகராதி தயாரித்துள்ளனர். இதனால், பழங் குடியினர் அல்லாதோர் அவர்களின் மொழியை அரிய வாய்ப்பு கிடைத் துள்ளது.

இது தொடர்பாக ஆசிரியைகள் கூறியதாவது: கோத்தகிரி, குன்னூர், உதகை பகுதிகளில் கோத்தர், தோடர், இருளர், குரும்பர் ஆகிய பழங்குடியினரின் மொழியை அறிந்து கொள்வது பெரும் சிரம மாக உள்ளது. பள்ளி நிர்வாகி ரோஸ்லின் மில்ஜி, முதல்வர் சண் முகம், துணை முதல்வர் பூவிழி, நீலகிரி மாவட்ட ஆதிவாசிகள் நலச் சங்கச் (நாவா) செயலாளர் ஆல்வாஸ் ஆகியோர் பழங்குடி யினரின் மொழிச் சொற்களைக் கொண்டு அகராதி தயாரிக்கலாம் என ஆலோசனை வழங்கினர்.

அவர்கள் அளித்த ஊக்கத்தால் ஆய்வைத் தொடங்கினோம். முத லில் அன்றாடம் பயன்படுத்தும் 50 சொற்களைக் கொண்டு, அகராதி தயாரிக்க முடிவு செய்தோம். பள்ளியில் உள்ள ஆசிரியைகளுக்கு பூக்கள், பழங்கள், காய்கள், உடல் பாகங்கள், செயல்பாடு ஆகிய தலைப்புகளில் சொற்களை ஆங்கிலம், தமிழில் மொழி பெயர்க்க வலியுறுத்தினோம். இதற்கு பலன் கிடைத்தது.

தற்போது 300 சொற்களுக்கான அகராதி தயாரித்துள்ளோம். பழங் குடியினர் மொழி மிகவும் கடின மானது. ஒவ்வொரு சொற்களும், ஒலி அமைப்பில் வேறுபடுகின்றன. மொழி கலப்பால், தற்போதைய தலைமுறையினருக்குப் பல சொற் கள் தெரியவில்லை. இதனால், அவர்களின் மூதாதையர்களைச் சந்தித்து சொற்களைச் சரி பார்த்துக் கொண்டோம். 2 மாதங்களில் அக ராதி தயாரிக்க முடிந்தது. இதனை, மேலும் விரிவுபடுத்த உள்ளோம் என்று அவர்கள் கூறினர்.

பேச்சு வழக்கிலேயே பழங்குடி யினர் மொழி உள்ளதால், அவர் களது வாழ்வியலை ஆவணப் படுத்துவதில் சிக்கல் நிலவி வந் தது. இந்நிலையில், இந்த ஆசிரியைகளின் முயற்சியால் பழங்குடியினரின் மொழியை அறிய வாய்ப்பு ஏற்படுத்தப்பட்டுள்ளது.

ஆசிரியைகளின் இந்த மகத்தான பணியை அரசு அங்கீகரிக்க வேண் டும் என சமூக ஆர்வலர்கள் வலியுறுத்தினர்.

தில்லி காவல் துறையில் 4669 கான்ஸ்டபிள் பணி: இருபாலர்களும் விண்ணப்பிக்க அழைப்பு

தில்லி காவல் துறையில் 4669 கான்ஸ்டபிள் பணி: இருபாலர்களும் விண்ணப்பிக்க அழைப்பு

தில்லி காவல் துறையில் நிரப்பப்பட உள்ள 4669 கான்ஸ்டபிள் பணிக்கான அறிவிப்பை ஸ்டாப் செலக்சன் கமிஷன், தில்லி மத்திய போலீஸ் படை வெளியிட்டுள்ளது.

மொத்த காலியிடங்கள்: 4,669
ஆண்கள்: 3,115
பெண்கள்: 1,554
வயது வரம்பு: 1.7.2016 தேதியின்படி ஆண் விண்ணப்பதாரர்கள் 18 - 21க்குள்ளும், பெண் விண்ணப்பதாரர்கள் 18 - 25க்குள்ளும் இருக்க வேண்டும். அரசு விதிகளின்படி எஸ்சி, எஸ்டி. பிரிவினருக்கு 5 ஆண்டுகளும், ஓபிசி பிரிவினருக்கு 3 ஆண்டுகளும் வயது வரம்பில் தளர்வு அளிக்கப்படும்.
கல்வித்தகுதி: +2 டித்தவர்கள் விண்ணப்பிக்க தகுதியானவர்கள்.
தேர்வு செய்யப்படும் முறை: எழுத்து தேர்வு, உடல் அளவுத் தேர்வு, உடல்திறன் தேர்வு, மருத்துவ பரிசோதனை மற்றும் குற்றப் பின்னணி விசாரணை ஆகியவற்றின் அடிப்படையில் தகுதியானவர்கள் தேர்வு செய்யப்படுவார்கள்.
விண்ணப்பக் கட்டணம்: பொது மற்றும் ஓபிசி பிரிவினருக்கு ரூ.100. எஸ்சி, எஸ்.டி பிரிவினர், முன்னாள் படைவீரர்கள் மற்றும் பெண்களுக்கு கட்டணம் செலுத்துவதில் விலக்கு அளிக்கப்பட்டுள்ளது.
ஆன்லைனில் விண்ணப்பிப்பதற்கான கடைசி தேதி: 10.10.2016
கட்டணம் செலுத்துவதற்கான கடைசி தேதி: 13.10.2016
எழுத்து தேர்வு நடை பெறும் தேதி: 04.03.2017

மேலும் முழுமையான விவரங்கள் அறிய www.ssconline.nic.in என்ற இணையதளத்தை பார்த்து தெரிந்துகொள்ளவும்.

வெந்தயம் பயன்கள்

உடல் வனப்பைக் கூட்டும் வெந்தயம்

உணவில் அன்றாடம் நாம் பயன்படுத்தும் பொருட்களில் ஒன்று வெந்தயம். உணவுக்கு ருசியைக் கொடுப்பதோடு, அதில் உள்ள பல்வேறு மருத்துவக் குணங்கள் நம்மை நோய்களில் இருந்தும் பாதுகாக்கிறது.

எண்ணற்ற மருத்துவ குணங்களைக் கொண்டுள்ள வெந்தயத்தின் சிறப்புகளையும், வெந்தயத்தால் குணமாகும் நோய்களையும் பார்ப்போம்.

செயல்திறன் மிக்க வேதிப்பொருட்கள்

விதைகளின் கருவில் காலக்டோமன்னை காணப்படுகிறது. இளம் விதைகளில் கார்போஹைட்ரேட், சர்க்கரையும் முதிர்ந்த விதைகளில் அமினோ அமிலங்கள், கொழுப்பு அமிலங்கள் கரோட்டீன் வைட்டமின்கள், ஜெட்ரோஜெனின், ட்ரைகோனெல்லோசைட், ட்ரைகோனெல்லின், ஆகிய வேதிப்பொருட்கள் உள்ளன.

வெந்தயத்தின் இலைகளும், விதைகளும் மருத்துவப்பயன் உடையவை

வெந்தயக்கீரை

வெந்தயக்கீரையில் வைட்டமின் ஏ மற்றும் சுண்ணாம்புச் சத்து இருப்பதால் மாரடைப்பு, கண்பார்வைக் கோளாறு, வாதம், நாள்பட்ட சொறி, சிரங்கு உள்ளிட்ட அனைத்து நோய்களுக்கும்.

இக்கீரையை பச்சையாக அரைத்து தீக்காயங்களுக்கு புற்றுப் போட்டு வைப்பதால் காயம் குணமாவதோடு குளிர்ச்சியாகவும் இருக்கும்.
நாம் உண்ணும் நூறு கிராம் அளவு கிரையில் 86.1 சதவீதம் ஈரச்சத்தும், 4.4சதவீதம் புரதச்சத்தும், 1.1சதவீதம் நார்ச்சத்தும், 1.5சதவீதம் தாதுச்சத்துக்களும், 0.9சதவீதம் கொழுப்புச் சத்தும் அடங்கியுள்ளது.

மருத்துவப் பயன்

விதைகள் மியூசிலேஜ் கொண்டவை. நோயை தீர்க்கும். சிறுநீர்க்கழிவை அதிகரிக்கும். அஜீரணத்தைப் போக்கும். மாதவிடாய் போக்கை அதிகரிக்கும். துவர்ப்புள்ளது. தோலை மிருதுவாக்கும்.

வயிற்றுப்போக்கு, வயிற்று வலி, வாயுக்கோளாறு, சீதபேதி, பசியின்மை, இருமல், நீர்க்கோவை, ஈரல், மண்ணீரல் வீக்கம், வாதநோய், ரிக்கெட்ஸ், ரத்தசோகை, நீரிழிவு நோய் ஆகியவற்றை குணப்படுத்தும்.

உடல் மினுமினுக்கும்

உடலை வனப்புடன் வைப்பதில் வெந்தயத்தின் பங்கு அலாதியானது எனலாம். ஒரு தேக்கரண்டியளவு வெந்தயத்தை எடுத்துக் கொண்டு, வாணலியில் போட்டு வறுத்து, ஆற வைத்த பின் மிக்ஸியில் பொடி செய்து கொள்ளுங்கள். வெந்தயப் பொடியை ஆறிய பின் பாட்டிலில் போட்டு தேவைப்படும் போது தண்ணீரிலோ/மோரிலோ கலந்து பயன்படுத்தலாம்.

தினமும் காலையில் வெறும் வயிற்றில் வெந்தயத்துடன் கொழுந்தாக இருக்கும் கறிவேப்பிலையை தயிரில் துளி கல் உப்பு கலந்து ஊற வைத்து சாப்பிட தோலில் மினுமினுப்பு வரும்.

இரவில் தூங்குவதற்கு முன் ஒரு சிட்டிகை அளவு சுத்தமான வெந்தயத்தை எடுத்து, 200 மி.லி. அளவு தண்ணீரில் போட்டு மூடி வைத்து விடவும். காலையில் எழுந்ததும் வாய் கொப்பளித்த பின் தண்ணீரில் ஊறிய வெந்தயத்தை சாப்பிடுங்கள். பின் வெந்தயத் தண்ணீரை குடியுங்கள். தேவைப்பட்டால் கூடுதலாக குளிர்ந்த நீரினையும் குடிக்கலாம்.

வாரம் ஒருமுறை இதுபோன்ற வெந்தயத் தண்ணீர் குடித்து வர, உடல் சூடு, மலச்சிக்கல் என எந்த நோயும் உங்களை அண்டவே அண்டாது.

மூட்டுவலியை குணமாக்கும்

மூட்டுவலிக்கு வெந்தயத் தண்ணீர் மிகவும் அருமருந்தாகும். சர்க்கரை நோய் இல்லாதவர்கள் மூட்டு வலி ஏற்பட்டால், வெந்தயப் பொடியை சிறிய வெல்ல கட்டியுடன் கலந்து சிறு உருண்டையாக்கி தினமும் 3 முறை சாப்பிட மூட்டு வலி குறையும். வயிற்றுப்போக்கு ஏற்படும் பட்சத்தில், வெந்தயம் - பெருங்காயப் பொடியை ஒருமணி நேரத்திற்கு ஒருமுறை என 3 முறை குடிக்க வயிற்றுப்போக்கு கட்டுப்படுத்தப்படும்.

நீரிழிவை தடுக்கும் வெந்தயம்

வெந்தயத்தில் பாஸ்பேட்டுகளும், லிஸிதின், நியூக்லியோ, அல்புமின் நிறைந்து இருப்பதால் உடல் வளர்ப்பதோடு பசியின்மையைப் போக்குகிறது. அனிமியா என்னும் இரத்தசோகை அண்டாது. ரிக்கெட்ஸ் நோய்க்கு பரிகாரமும், இதுவே நீரிழிவுக் காரர்களுக்கும் நல்லது.

தினமும் இரு தேக்கரண்டியளவு வெந்தயத்தை பொடித்தோ, முழுசாகவோ கொடுத்து வந்தால் ரத்தத்திலுள்ள கூடுதல் சர்க்கரை கட்டுப்படும். அல்லது வெந்தயத்தை ஒரு டம்ளர் தண்ணீரில் ஊறவைத்து தண்ணீரை ம்ட்டும் வடிகட்டிக் குடிக்கலாம்.

பிரசவித்த பெண்களுக்கு அருமருந்து

பாலூட்டும் தாய்மார்களுக்கு பால் நன்றாக சுரக்க வெந்தயத்தை வறுத்து இடித்துக் கொடுக்கலாம். மாதவிடாய் சமயத்தில் அதிக அளவு ரத்தப் போக்குடையவர்களுக்கும் பிரசவித்த பெண்களுக்கும் வெந்தயத்தை வறுத்து இடித்து நெய், சீனி சேர்த்து ஹல்வா செய்து கொடுப்பது இழக்கும் தெம்பை மீட்க உதவும்.

வெந்தயக் களி உடலுக்கு குளிர்ச்சி தரக்கூடியது. கோடை காலத்தில் உடல் சூட்டில் இருந்து தப்பிக்க வாரம் ஒருமுறை வெந்தயக் களி செய்து சாப்பிடலாம். ரத்த ஓட்டத்தை அதிகரிக்கச் செய்யவும் வெந்தயம் பயன்படுகிறது. பிரசவமான பெண்களுக்கு கஞ்சியில் வெந்தயத்தைச் சேர்த்து காய்ச்சிக் கொடுக்க பால் சுரக்கும்.

இயற்கை கருத்தடை

கணையம், கல்லீரல் வீக்கம், வயிற்றுப் போக்கு, அஜீரணம், நெஞ்சு எரிச்சல்... போன்ற பல்வேறு உடல் உபாதைகளுக்கும் வெந்தயம் ஒரு மாமருந்து. வயிற்றுக் கோளாறுக்கு மட்டுமல்லாது, வெந்தயநீர் காய்ச்சலையும் கட்டுப்படுத்தும். சிறுநீர்ப்போக்கை சீராக்கும். இயற்கை முறையில் குடும்பக் கட்டுப்பாட்டுக்கு வெந்தயம் உதவுவதாக சமீபத்தில் கண்டுபிடித்துள்ளனர். தொடர்ந்து வெந்தயம் சாப்பிட்டு வருபவர்களுக்கு சுலபத்தில் கருத்தரிக்காதாம்.

முடி கொட்டுவதை தடுக்கிறது

அளவுக்கு மிஞ்சி நிறைய முடி உதிர்ந்து என்ன செய்வது என்று கவலைப் படுபவர்களுக்கு உதவுவதும் வெந்தயம்தான். முடி கொட்டாமல் செழித்து வளரவும், தலைக்கு குளுமையளிக்கவும் வெந்தயத்தை சீயாக்காயோடு சேர்த்து அரைத்து வைத்துக் கொண்டு தலைக்குக் குளித்து வருவது கைமேல் பலந்தரும்.

வெந்தயத்தைத் தண்ணீரில் ஊற வைத்து வெண்ணெய் போன்று அரைத்து தலையில் தேய்த்து வைத்து அரைமணிநேரம் ஊறியதும் குளிக்க வேண்டும். ஓரிரு முறையிலேயே உடனடி பலனை எதிர்பாராமல் தொடர்ந்து சில மாதங்களுக்கு வாரம் ஓரிரு முறை வீதம் பின்பற்றவேண்டும்.

செய்தி துளிகள்

🌍📡காலை  செய்திகள் 📡🌍

            🌍📡19\09\2016.


🌍கரூர் அருகே தனியார் பள்ளி வேன் மோதி இருசக்கர வாகனத்தில் சென்ற 5-ம் வகுப்பு மனைவி பலி

கரூர்: கரூர் அருகே தனியார் பள்ளி வேன் மோதி இருசக்கர வாகனத்தில் சென்ற 5-ம் வகுப்பு மனைவி உயிரிழந்துள்ளார். தான்தோன்றிமலையில் நடந்த விபத்தில் தந்தையுடன் சென்ற மாணவி லத்திகா உயிரிழந்துள்ளார்.




🌍மழைநீர் கால்வாய் பணியால் மக்கள் தவிப்பு

சென்னை: வியாசர்பாடி சாலமா நகர் இ.எச். நெடுஞ்சாலையில் மழைநீர் கால்வாய் அமைக்கும் பணி நீண்ட நாட்களாக கிடப்பில் போடப்பட்டுள்ளதால் பள்ளத்தில் மழைநீர் தேங்கி நிற்கிறது. அப்பகுதி குடியிருப்புவாசிகள் மரக்கம்புகளால் பாதை அமைத்து செல்கின்றன




🌍பயங்கர
வாதத்துக்கு ஒரு நாடே காரணம்: ஹமீத் அன்சாரி

போர்லாமர் : இந்தியாவில் நடைபெறும் பயங்கரவாத நடவடிக்கைகளுக்கு ஒரு குறிப்பிட்ட நாடுதான் காரணம் என துணை ஜனாதிபதி ஹமீத் அன்சாரி பாகிஸ்தானை மறைமுகமாக குற்றம்சாட்டினார்.




🌍உரி ராணுவ முகாம் தாக்குதல்; பலி எண்ணிக்கை 20 ஆக உயர்வு

ஸ்ரீநகர் : ஜம்மு - காஷ்மீரில், உரி நகரில் பயங்கரவாதிகள் நடத்திய தாக்குதலில் பலியான ராணுவ வீரர்களின் எண்ணிக்கை 20ஆக அதிகரித்தது.ஜம்மு - காஷ்மீரில், உரி நகரில் உள்ள, ராணுவப் படைப்பிரிவு முகாமிலுள்ள கூடாரத்தில், டோக்ரா ரெஜிமென்டை சேர்ந்த வீரர்கள் உறங்கிக் கொண்டிருந்தனர். பயங்கரவாதிகள் அத்துமீறி ஊடுருவி நடத்திய கொலைவெறி தாக்குதலில், அந்த கூடாரம் தீப்பற்றி எரிந்தது; அருகில் இருந்த ராணுவ குடியிருப்புகளுக்கும், மளமளவென தீ பரவியது. இத்தாக்குதலில், 17 ராணுவ வீரர்கள் உயிழந்தனர். ராணுவ வீரர்கள் நடத்திய பதில் தாக்குதலில், நான்கு பயங்கரவாதிகள் கொல்லப்பட்டனர். அப்பகுதி யில், தீவிர தேடுதல் வேட்டை நடக்கிறது. தாக்குதலில் காயமடைந்த 30 வீரர்கள், ஹெலிகாப்டர்கள் மூலம், மருத்துவமனைகளில் சேர்க்கப்பட்டனர்.

இந்நிலையில் காயமடைந்த வீரர்களில் மேலும் 3 ராணுவ வீரர்கள் இன்று உயிரிழந்தனர். இதனையடுத்து பலியான ராணுவ வீரர்களின் எண்ணிக்கை 20 ஆக அதிகரித்துள்ளது.இந்நிலையில் உரியில் நடந்த பயங்கரவாதிகள் தாக்குதல் குறித்து பாதுகாப்புத்துறை அமைச்சர் மனோகர் பாரீக்கர், பிரதமர் நரேந்திர மோடியை இன்று சந்தித்து விளக்கமளிக்க உள்ளார்.




🌍காஷ்மீருக்குள் ஊடுருவ 200 தீவிரவாதிகள் திட்டம்

ஸ்ரீநகர்: ஜம்மு - காஷ்மீர் எல்லைக்குள் ஊடுருளவதற்கு 200 தீவிரவாதிகள் திட்டமிட்டிருப்பதாக எல்லைப் பாதுகாப்புப் படை ஐஜி விகாஷ் சந்திரா தெரிவித்துள்ளார்.
இதைத்தொடர்ந்து, எல்லையில் பாதுகாப்பு பலப்படுத்தப்பட்டுள்ளதாகளம் அவர் கூறினார்.




🌍துப்பாக்கியை காட்டி எஸ்.ஐ.க்கு மிரட்டல் விடுத்த இளைஞர் கைது

சிதம்பரம்: கடலூர் மாவட்டம், சிதம்பரத்தில் காவல் உதவி ஆய்வாளரை துப்பாக்கியைக் காட்டி மிரட்டியதாக இளைஞரை போலீஸார் சனிக்கிழமை இரவு கைது செய்தனர். இவர் இரட்டைக் கொலை வழக்கில் தேடப்பட்டவர் என்பது விசாரணையில் தெரியவந்தது.




🌍ராம்குமார் மரணம் தொடர்பாக நீதி விசாரணை தொடங்கியது

சென்னை: ராம்குமார் மரணம் தொடர்பாக ராயப்பேட்டை அரசு மருத்துவமனையில் நீதி விசாரணை தொடங்கியது. திருவள்ளூர் குற்றவியல் நீதிமன்றத்தில் நீதிபதி விசாரணையை தொடங்கினார்.




🌍டெங்கு காய்ச்சலால் 7 நோயாளிகள் மருத்துவமனையில் அனுமதி

உத்தர பிரதேசம்: உத்தர பிரதேசம் மாநிலம், ஃபைசாபாத் மாவட்டத்தில் உள்ள அரசு மருத்துவமனையில் 7 நோயாளிகள் டெங்கு காய்ச்சல் காரணமாக சிகிச்சைக்காக அனுமதிக்கப்பட்டனர்.




🌍அரியலூர் அருகே வி.கைகாட்டியில் தனியார் கல்லூரி பேருந்து மரத்தில் மோதிய விபத்து: 30 பேர் காயம்

அரியலூர் : அரியலூர் அருகே வி.கைகாட்டியில் தனியார் கல்லூரி பேருந்து மரத்தில் மோதிய விபத்தில் 30 பேர் காயம் அடைந்துள்ளனர். மேலும் காயமடைந்த மாணவர்கள் 30 பேரும் அரியலூர் அரசு மருத்துவமனையில் சிகிச்சைக்கு அனுமதிக்கப்பட்டுள்ளனர்.




🌍சிபிஐ விசாரணைக்கு உத்தரவிடும் வரை உடலை வாங்க மறுப்பு: ராம்குமார் தந்தை

சென்னை: ராம்குமார் மரணம் குறித்து சிபிஐ விசாரணைக்கு உத்தரவிடும் வரை உடலை வாங்கப் போவதில்லை என்று அவரது தந்தை பரமசிவம் தெரிவித்துள்ளார்.



🌍ஜம்மு-காஷ்மீரில் 73 நாளாக ஊரடங்கு உத்தரவு: மக்களின் இயல்பு வாழ்க்கை பாதிப்பு

ஸ்ரீநகர்: கடந்த மாதம் 8-ம் தேதி ஹிஸ்புல் பயங்கரவாதி பர்ஹான் வானியை பாதுகாப்புப் படையினர் சுட்டுக் கொன்றனர். இதனால் அங்கு வன்முறை வெடித்தது. இதில் பாதுகாப்புப் படையினருக்கும், போராட்டக்காரர்களுக்கும் இடையே ஏற்பட்ட தொடர் மோதல், துப்பாக்கிச் சூடு சம்பவங்களில் 40-க்கும் மேற்பட்டோர் பலியாயினர். இந்நிலையில் ஊரடங்கு உத்தரவு மற்றும் வேலைநிறுத்தப் போராட்டத்தால் காஷ்மீர் மக்களின் இயல்பு வாழ்க்கை 73 நாளாக பாதிக்கப்பட்டுள்ளது.




🌍சென்னையில் சொகுசுக்கார் மோதி காயம் அடைந்த ஆட்டோ ஓட்டுநர்களின் ஒருவர் பலி

சென்னை: சென்னையில் சொகுசுக்கார் மோதி காயம் அடைந்த ஆட்டோ ஓட்டுநர்களின் ஒருவர் உயிரிழந்தார். அரசு மருத்துவமணையில் சிகிச்சை பலனின்றி ஆட்டோ ஓட்டுநர் ஆறுமுகம் உயிரிழந்துவிட்டார்.





🌍ராம்குமார் மரணம் தொடர்பாக சிபிஐ விசாரணை கோரி வழக்கறிஞர் முறையீடு

ராம்குமார் மரணம் தொடர்பாக சிபிஐ விசாரணை கோரி நீதிமன்றத்தில் வழக்கறிஞர் முறையிடுகிறார். உயர்நீதிமன்றத்தில் ராம்குமார் வழக்கறிஞர் ராமராஜ் இன்று காலை 10.30 மணிக்கு முறையீடு செய்கிறார். ராம்குமார் உடல் பிரேத பரிசோதனையை முறையாக வீடியோ பதிவு செய்ய வேண்டும் என்றும் வலியுறுத்துகிறார்.





🌍சென்ட்ரல் -அரக்கோணம் வழித்தடத்தில் இன்று முதல் ரயில்கள் இயக்கம்

சென்னை பேசின்பாலம் - சென்ட்ரல் இடையே புதிதாக 5, 6வது ரயில்பாதைகள் அமைக்கும் பணி நடக்கிறது. இதற்காக, ெசன்ட்ரல் புறநகர் ரயில்நிலையத்தில் இருந்து இயக்கப்படும் அனைத்து மின்சார ரயில்களும் நேற்று முன்தினமும், நேற்றும் முழுமையாக ரத்து செய்யப்பட்டன. புறநகர் ரயில்நிலையம் மூடப்பட்டதால் வெறிச்சோடி காணப்பட்டது. இன்று முதல்  அரக்கோணம் வழித்தடத்தில் இயக்கப்படும் அனைத்து மின்சார ரயில்களும் புறநகர் ரயில்நிலையத்தில் இருந்து வழக்கமான கால அட்டவணைப்படி இயக்கப்படும்.




🌍மதுரை மாவட்டம் திருப்பரங்குன்றம் காவல் ஆய்வாளர் பாலசுப்பிரமணியன் அதிரடி மாற்றம். செய்தியாளர் நீதிராஜனை தாக்கியதாக கொடுத்த புகாரின் அடிப்படையில் மதுரை மண்டல ஆனையாளர் சைலேந்திரபாபு அவர்களிடம் பத்திரிக்கையாளர்கள் சங்கம் சார்பில் கொடுத்த புகாரின் அடிப்படையில் விசாரணை மேற்கொண்டு மாற்றம் செய்த அவர்களுக்கு மதுரை மாவட்டம் மற்றும் தாலுகா செய்தியாளர்கள் சார்பாக நன்றி.




🌍சென்னை வேளச்சேரியில் கடைக்கு சென்று வீடு திரும்பிய ஜெயா(வயது 38)  கழுத்தில் அனிந்திருந்த 5 சவரன் தங்க சங்கலியை இருசக்கர வாகனத்தில் வந்த 2 மர்மநபர்கள் பறித்து சென்றனர்.




🌍ஈரோடு
போக்குவரத்து நகரில் உள்ள ஆறுமுகம் என்பவரது வீட்டின் பூட்டை உடைத்து 80 சவரன் நகை மற்றும் 35 ஆயிரம் ரூபாய் பணத்தை மர்ம நபர்கள் கொள்ளையடித்தது சென்றுள்ளனர்




🌍ராயப்பேட்டை மருத்துவமனையில் ராம்குமார் உடல் இன்று பிரேதபரிசோதனை நடைபெறுகிறது .
இதையொட்டி மருத்துவமனை வளாகத்தை சுற்றி 200 போலீசார் பாதுகாப்பு பணியில் ஈடுபட்டுள்ளனர்



🌍காவிரி விவகாரத்தில் தமிழகத்துக்கு வழங்கப்படும் நீர் தொடர்பாக விவாதிக்க காவிரி மேற்பார்வைக் குழுக் கூட்டம் தில்லியில் இன்று மீண்டும் கூடுகிறது.



🌍என் மகன் சாவுக்கு காவல் துறையே பொறுப்பு என்றார் ராம்குமாரின் தந்தை பரமசிவம்.




🌍சென்ட்ரல் -அரக்கோணம் வழித்தடத்தில் இன்று முதல் ரயில்கள் இயக்கம்



🌍பெங்களூருவில் காவிரி போராட்டத்தின் போது வன்முறையில் ஈடுபட்ட 270 பேர் கைது




🌍ஜம்மு காஷ்மீரில் புதிதாக கலவரத்தை உருவாக்குவதற்காகவும், பிராந்தியத்தில் போர் போன்ற சூழலை ஏற்படுத்தவும் திட்டமிட்டே உரி தாக்குதல் சம்பவம் அரங்கேற்றப்பட்டுள்ளது --காஷ்மீர் முதல்வர் மெகபூபா முப்தி




🌍ராணுவ முகாம் மீது தீவிரவாதிகள் நடத்திய தாக்குதல் சம்பவத்தை அடுத்து முன்னெச்சரிக்கை நடவடிக்கையாக காஷ்மீரின் சில பகுதிகளில் ஊரடங்கு உத்தரவு அமல்படுத்தப்பட்டுள்ளது.




🌍தீவிரவாதி சக்திகளுக்கு உதவுவது மற்றும் உடந்தையாக இருப்பதை பாகிஸ்தான் நிறுத்த வேண்டும்-சீதாராம் யெச்சூரி



🌍வீரர்களை பலி கொண்ட உரி தீவிரவாத தாக்குதல் சம்பவத்துக்கு அமெரிக்கா தனது கடுமையான கண்டனத்தை தெரிவித்துள்ளது.




🌍இந்தியாவில் நடைபெறும் பயங்கரவாத நடவடிக்கைகளுக்கு ஒரு குறிப்பிட்ட நாடுதான் காரணம் என துணை ஜனாதிபதி ஹமீத் அன்சாரி பாகிஸ்தானை மறைமுகமாக குற்றம்சாட்டினார்.




🌍தமிழக மக்களுக்கு காவிரி தண்ணீர் தான் வேண்டுமா? இஸ்ரேல், சவுதி அரேபியா உள்ளிட்ட நாடுகளில் கடல் தண்ணீரில் உப்பை நீக்கி குடிப்பதற்கும், விவசாயத்திற்கும் பயன்படுத்தி வருகின்றனர். கர்நாடகத்துடன் தகராறு செய்து கொண்டிருப்பதற்கு பதிலாக தமிழ்நாடு கடல் நீரை பயன்படுத்தி கொள்ள வேண்டும்-பா.ஜ. மூத்த தலைவர் சுப்பிரமணியசாமி




🌍காவிரி விவகாரத்தில் காங்கிரஸ் அரசியல் நடத்தி வருகிறது-- மத்திய அமைச்சர் அனந்த்குமார்



🌍காவிரி விவகாரத்தில் பிரதமர் மோடி தலையிடுமாறு கோருவது சரியல்ல என்று மத்திய வர்த்தகத் துறை அமைச்சர் நிர்மலா சீத்தாராமன் தெரிவித்தார்.




🌍காவிரி நதிநீர் பிரச்னையில் கர்நாடக அரசின் நிலை வருத்தத்துக்குரியது-- புதுச்சேரி முதல்வர் நாராயணசாமி




🌍ராம்குமார் தற்கொலையில் சந்தேகம்-சிபிஐ விசாரணை வேண்டும்- திருமாவளவன்




🌍தமிழகத்தில் உள்ள 350 பழங்குடியினர் பள்ளிகள், விடுதிகளில் ரூ.1.54 கோடி செலவில் நவீன தொழில்நுட்ப தொட்டுணர் வருகைப் பதிவு முறை அறிமுகப்படுத்த முதல்வர் ஜெயலலிதா உத்தரவிட்டுள்ளார்




🌍அருணாச்சலில் 26 எம்எல்ஏக்களை நாடாளுமன்ற செயலர்களாக முதல்வர் பீமா கண்டு நியமித்துள்ளார்.




🌍உத்தரப் பிரதேசத்தில் ஓடும் ரயிலில் பெண்ணை பலாத்காரம் செய்து, நிர்வாணமாக அவரை கீழே தள்ளிவிட்டுள்ளனர். இதில் அந்த பெண்ணின் கால் துண்டானது.



🌍பாதுகாப்புக் குறைபாடே தாக்குதலுக்கு காரணம்-- ஏ.கே.அந்தோணி



🌍விரிவுரையாளர் பணிக்கான தேர்வில், 'வாட்ஸ் ஆப்'பில் வினாத்தாள் வெளியானதால், தமிழ்நாடு ஆசிரியர் தேர்வு வாரியமான, டி.ஆர்.பி., அதிகாரிகள் அதிர்ச்சி அடைந்துள்ளனர்.



🌍அருணாச்சலில் 26 எம்எல்ஏக்களை நாடாளுமன்ற செயலர்களாக முதல்வர் பீமா கண்டு நியமித்துள்ளார்.




🌍உத்தர பிரதேச மாநிலத்தில், ஒரே குடும்பத்தைச் சேர்ந்த, நான்கு குழந்தைகள் உட்பட ஐந்து பேர், கொடூரமாக கொலை செய்யப்பட்ட சம்பவம் அதிர்ச்சியை ஏற்படுத்தி உள்ளது.



🌍உத்தரப் பிரதேச மாநிலம், மதுரா மாவட்டத்தில் உள்ள பிருந்தாவன் நகரில் சந்திரோதயா மந்திர் (கோயில்) கட்டப்பட்டு வருகிறது. இது உலகின் மிக உயரமான கட்டடம் என்ற சாதனை படைத்த துபையில் உள்ள புர்ஜ் கலிஃபாவைக் காட்டிலும் உயரமாகக் கட்டத் திட்டமிடப்பட்டுள்ளது




🌍இந்திய விமானப்படைக்கு, 'ரபேல்' ரக போர் விமானங்களை வாங்குவதற்காக பிரான்ஸ் நாட்டுடன், 59 ஆயிரம் கோடி ரூபாய் மதிப்புள்ள ஒப்பந்தம், வரும், 23ம் தேதி கையெழுத்தாகும் என, எதிர்பார்க்கப்படுகிறது.



🌍தலாக் விவாகரத்து முறை: உச்ச நீதிமன்றத்தில் எதிர்ப்பு தெரிவிக்க மத்திய அரசு முடி வு




🌍கட்டுமான திட்டங்களை கள ஆய்வு செய்வதை நேரடியாக கண்காணிக்க, புதிய, 'ஆப்' எனப்படும் செயலியை உருவாக்க, சென்னை பெருநகர் வளர்ச்சி குழுமமான சி.எம்.டி.ஏ., நிர்வாகம் முடிவு செய்துள்ளது.




🌍சேலம் சூரமங்கலம் பகுதியில் நகை பறிப்பு, திருட்டு சம்பவங்களை தடுக்க வலியுறுத்தி பெண்கள் ேபாலீஸ் கமிஷனர் அலுவலகத்தை முற்றுகையிட்டனர்.



🌍உள்ளாட்சித் தேர்தலில் திமுக சார்பில் போட்டியிட விரும்புபவர்களிடமிருந்து இன்று முதல் 22-ஆம் தேதி வரை விருப்ப மனு பெறப்படுகிறது




🌍சர்வதேச செலாவணி நிதியம் - உலக வங்கி ஆகியவற்றின் வருடாந்திர கூட்டத்தில் பங்கேற்பதற்காக, மத்திய நிதியமைச்சர் அருண் ஜெட்லி அடுத்த மாதம் அமெரிக்கா செல்லவிருக்கிறார்.




🌍ஜி.எஸ்.டி., அமல்படுத்தப்படவுள்ளதை முன்னிட்டு, நாடு முழுவதிலும் மாநில எல்லைகளில் உள்ள 80 சோதனைச் சாவடிகளை ரூ.4,000 கோடி செலவில் சீரமைக்க மத்திய அரசு திட்டமிட்டுள்ளது.



🌍தாய்லாந்தில் ஆற்றில் சுற்றுலாப் படகு கவிழ்ந்ததில் 13 பேர் உயிரிழந்தனர். 33 பேர் காயம் அடைந்துள்ளதாக தகவல்



🌍டி.என்.பி.எல்., கிரிக்கெட்: தூத்துக்குடி அபார வெற்றி; முதல் கோப்பையை கைப்பற்றி சாதனை.